15/02/2026
أهم نصيحة مريض الغدة هيسمعها قبل رمضان والصيام⚠️
لو عندك خمول في الغدة
أو نشاط في الغدة
أو هاشيموتو
أو حتى مستأصل الغدة بالكامل أو جزء منها
يبقى ركز في الكلام ده كويس جدًا👇🏻
لأن الصيام مش بيأذي الغدة ❌
لكن العشوائية هي اللي بتلخبط جسمك كله في رمضان ⚠️
وحاجه واحدة غلط في مواعيد الدواء أو الأكل ممكن تقلب حالتك وانت مش واخد بالك فكمل للآخر علشان تصوم بأمان 👇
✅ أولًا: قواعد ثابتة لكل مرضى الغدة (دي لازم الكل يمشي عليها)
1️⃣ ثبت مواعيد دوائك…
لأن التوقيت أهم من العلاج ولخبطة المواعيد بتزود أعراض الغدة في رمضان
2️⃣ متغيرش جرعة الدوا لوحدك قبل رمضان
زيادة/نقصان الجرعة من نفسك ممكن يقلب معاك:
من خمول → لضربات قلب سريعة وتوتر
أو من نشاط → لإرهاق شديد
أي تعديل يكون مع الطبيب بعد مراجعة التحاليل.
3️⃣ تابع جسمك أو أي أعراض جديدة تظهر وقت الصيام
لو ظهرت أعراض جديدة أو زادت بشكل ملحوظ، ده مؤشر إن في لخبطة في جرعة أو توقيت الدواء أو أكلات معينة
✅ ثانيًا: قبل رمضان في تحاليل مهمة لازم تعملها
📌 (بشكل عام لمعظم حالات الغدة)
✔️تحليل TSH
✔️تحليل Free T4
✔️وأحيانًا حسب الحالة: Free T3
✔️ولو عندك/مشتبه هاشيموتو: TPO antibodies
التحاليل دي بتحدد أنت داخل رمضان “مستقر” ولا محتاج ضبط في الجرعات أو الدواء
✅ ثالثًا: دلوقتي نخش على “خطة الصيام” حسب نوع الحالة
1) لو عندك خمول الغدة
📌 هدفنا في رمضان: ثبات الطاقة + تقليل الخمول + امتصاص الدواء صح
✅ الأكل اللي يساعدك في الصيام
✔️بروتين كويس على الفطار والسحور (بيض/سمك/فراخ/زبادي/جبن قريش)
✔️خضار + ألياف (تقلل الإمساك الشائع مع الخمول)
✔️شرب مياه موزع بين الفطار والسحور
⚠️ أخطاء بتزود الخمول في رمضان
❌ سحور سكريات/مخبوزات كتير → هبوط وطاقة تقع
❌ نوم بعد الفطار مباشرة يوميًا → خمول أكتر
❌ إهمال الإمساك → يزيد الانتفاخ والتعب
📌 معلومة مهمة:
العطش وجفاف الفم ممكن يزيدوا لو: السكر عالي/أدوية مدرات/قلة شرب المياه/تنفس من الفم أثناء النوم مش الغدة وحدها.
2) لو عندك نشاط الغدة:
📌 هدفنا في رمضان: تقليل الخفقان والعصبية ومنع الجفاف وحماية القلب
✅ نصايح مهمة
✔️خليك حريص على شرب المياه لأن النشاط يزود الإحساس بالحرارة والتعرق
✔️قلل المنبهات (قهوة/شاي/مشروبات طاقة) لأنها ممكن تزود الخفقان والقلق
✔️بلاش مجهود كبير وأنت صايم لو عندك خفقان أو رعشة
⚠️ تاخد بالك من الاعراض دي ضروري وتراجع طبيبك المعالج:
❌خفقان شديد مستمر
❌رعشة قوية + فقدان وزن سريع
❌ضيق نفس/ألم صدر
دي أعراض لازم تهتم بيها علشان ميحلص مضتعفات خطيرة
3) لو مستأصل الغدة (جزئي أو كلي):
📌 دي أهم فئة لازم تمشي بخطة لأن الدواء هنا هو “الغدة”.
✅ مبدأ مهم تمشي عليه
انتظام الدواء = استقرار جسمك في الصيام
✅ نظام الأكل في الصيام مهم جداً
على الفطار:
ابدأ مياه + تمر + شوربة خفيفة
بعد الصلاة: بروتين + خضار + نشويات بكمية معتدلة
قلل المقليات والسكريات التقيلة
على السحور:
بروتين + ألياف + نشويات بطيئة الامتصاص
عشان تمنع الجوع السريع وتقلل الهبوط والطاقة تقع
⚠️ ممنوع نطنش الأعراض دي
لو حصل:
خمول شديد غير معتاد
خفقان/توتر زيادة
فقدان وزن أو زيادة مفاجئة
يبقى محتاج مراجعة تحاليل وضبط الجرعة مع الطبيب
4- لو عندك هاشيموتو (مهم جدًا للنساء)
هاشيموتو مش مجرد خمول
ده مرض مناعي، يعني أي ضغط أو قلة نوم أو سكر زيادة ممكن يزود الالتهاب.
📌في رمضان ركزي على 4 حاجات بس:
✔️ نامي كويس
السهر وقلة النوم بيزودوا نشاط المناعة والالتهاب.
✔️ قللي السكريات والمصنعات
السكر العالي بيغذي الالتهاب ويزوّد التعب وتقلب المزاج.
✔️ خدي دواك في معاده وثبّتي التوقيت
اللخبطة في الجرعة أو المواعيد بتقلب الأعراض بسرعة
✔️ راقبي جسمك
لو زاد:
– الإرهاق
– تساقط الشعر
– تقلب المزاج
– انتفاخ أو ثقل ذهني
يبقى ده مش “تعب صيام” ده نشاط مناعي محتاج ضبط
شاركنا في الكومنتات إنت حالتك إيه؟ واكتر عرض بيتعبك في الصيام ؟🤔
شير للبوست ومتوقفش الخير عندك علشان كل مريض غدة يقدر يصوم رمضان من غير تعب ولا شقاء 💙
