مركز د/محمد عبد الهادي للعلاج الطبيعي والتأهيل

مركز د/محمد عبد الهادي للعلاج الطبيعي والتأهيل Contact information, map and directions, contact form, opening hours, services, ratings, photos, videos and announcements from مركز د/محمد عبد الهادي للعلاج الطبيعي والتأهيل, Medical Center, تقسيم الشرطة/شارع ١٥/أمام سيراميكا رويال بجوار معرض لطفي للسيارات, Kafr el Sheikh.

🥇المركز الوحيد المعتمد دولياً بكفرالشيخ لعلاج مشاكل وتشوهات العمود الفقرى.
● معتمد من ISICO الايطالية و SBP الألمانية لعلاج تشوهات العمود الفقرى
● معتمد للعلاج اليدوى والتحكم الحركى للعمود الفقرى من OMTA & COMERA البريطانية.

🎯 "مش مجرد جلسات ، دى رحلة رجوع حياة طبيعية ، الألم فيها ذكرى من الماضي"❤️أحلى هوووووبة فالدنيا........
23/02/2026

🎯 "مش مجرد جلسات ، دى رحلة رجوع حياة طبيعية ، الألم فيها ذكرى من الماضي"

❤️أحلى هوووووبة فالدنيا........

⛔️ السلسلة الحركية… جسمك مش قطع غيار منفصلة.جسمك مش عبارة عن مفاصل كل واحد شغال لوحده ، جسمك شبكة مترابطة اسمها Kinetic ...
21/02/2026

⛔️ السلسلة الحركية… جسمك مش قطع غيار منفصلة.

جسمك مش عبارة عن مفاصل كل واحد شغال لوحده ، جسمك شبكة مترابطة اسمها Kinetic Chain أو السلسلة الحركية.

⭕️يعني إيه؟
يعني أي مفصل في جسمك بيأثر في اللي فوقه واللي تحته ، لو جزء اختل باقي الجسم هيعوض ، ومع الوقت التعويض ده يتحول لألم أو إصابة.

● الجسم ليه قواعد بتحكمة بدقه ، الجسم ماشي بنمط “ثبات – حركة – ثبات – حركة”
ربنا خلق الجسم بنظام ذكي وقدر دقيق جداً :
• مفصل دوره الأساسي ثبات واللي بعده دوره الأساسي حركة وبالتالي الحركة تبقى سلسة وآمنة.

🔻خلينا نوضح أكتر نمشي من فوق لتحت:
● الرقبة (Cervical Spine) = ثبات + تحكم:
الرقبة المفروض تكون مستقرة وتتحكم في حركة الرأس.
مش مطلوب منها تبقى مرنه أو متيبسة أكتر من اللازم:
⚠️ لما يحصل:
• تيبس في الظهر الصدري
• قعدة كتير مع ميل
• ضعف في عضلات الرقبة العميقة
▪︎ الرقبة تبدأ تتحرك زيادة عن الطبيعي عشان تعوض وتكون النتيجة :
• صداع
• شد عضلي
• ألم مزمن في الرقبة
🎯 الحل مش إطالة ومسكنات : الحل تقوية العضلات العميقة وتحسين وضعية الجسم و إتزان العمود الفقرى.

● الفقرات الصدرية مع الضلوع : الجزء ده معمول للحركة خصوصًا:
• اللف (Rotation)
• الفرد (Extension)
⚠️ لما حركته تقل بسبب القعدة الطويلة والانحناء: الرقبة وأسفل الظهر يشيلوا الحمل اكتر ويبتدى الألم والمشاكل تظهر وده بيزود احتمالية الإصابة للرقبه او أسفل الظهر.

● أسفل الظهر (Lumbar Spine) = ثبات ، منطقة الجزع Core:
• وظيفته ينقل القوة بين الجزء العلوي والسفلي ويحافظ على استقامة الجسم.
• المشكلة إن ناس كتير فاكرة إن ألم أسفل الظهر سببه ضعف عضلات او تيبس.
• الحقيقة في حالات كتير بيكون السبب قلة تحكم وثبات مش قلة حركة.
⚠️ لما الثبات يضعف:
• حركة زيادة.
• ضغط على الغضاريف.
• إجهاد عضلي.
• خشونة مفاصل الفقرات.
• ألم مزمن.
🎯 وهنا الحل بيكون فى منطقة الCORE مع تحسين التحكم العضلى الحركى وكمان إتزان الحوض مع العمود الفقري كوحده كامله غير منفصلة.

● مفصل الحوض = حركة
الحوض معمول يتحرك في كل الاتجاهات لو حركته قلت:
• الحمل يروح لأسفل الظهر
• الضغط والتحمیل يزيد على الفخذ والركبة.
🎯عشان كده تيبس الحوض مرتبط جدًا بآلام الظهر والركبة.

● الركبة = ثبات
الركبة مش مفصل لفّ كتير هي للثني والفرد أساسًا.
• لو الحوض مش بيتحرك كويس و الكاحل مقفول الركبة تستقبل قوى لف وضغط زيادة.
⚠️ وده يسبب:
• شد أربطة
• ألام الركبة
• مشاكل غضروفية وخشونه.

● الكاحل والقدم = حركة
مرونة و تحكم في نمط الحركة عشان يمتصوا الصدمة أثناء المشي والجري.
⚠️ لو الكاحل فيه مشكله
• الميكانيكا كلها تتغير والحمل يزيد على الركبة والحوض وأسفل الظهر.

🎯 يعنى أهم نقطة في التقييم والعلاج مش بس مكان الألم ، لازم نفحص كفاءة الحركه والتحكم والتوازن للجسم كامل ، مش دايماً مكان الألم بيكون سبب المشكلة.

🎯الجسم بيتحرك بأفضل شكل لما:
• الثبات موجود في الأماكن اللي محتاجة تحكم
• الحركة موجودة في الأماكن اللي محتاجة مرونة
• والتناسق شغال بينهم

🎗يعنى أهم نقطة في التقييم والعلاج مش بس مكان الألم ، لازم نفحص كفاءة الحركه والتحكم والتوازن للجسم كامل ، مش دايماً مكان الألم بيكون سبب المشكلة.

🎖المركز الوحيد المعتمد دولياً بكفرالشيخ لعلاج مشاكل وتشوهات العمود الفقري.

📍كفرالشيخ تقسيم الشرطه شارع ١٥ أمام سيراميكا رويال.
☎️للإستفسار: 01028022972
🟢 واتس اب: 010 28022972

#قتب

وما توفيقي إلا بالله 🤲🥰⛔️ إعوجاج العمود الفقري مجهول السبب.● الإنتقال لنهاية معامل البلوغ Risser 3 ونهاية المرحلة الخطير...
19/02/2026

وما توفيقي إلا بالله 🤲🥰

⛔️ إعوجاج العمود الفقري مجهول السبب.

● الإنتقال لنهاية معامل البلوغ Risser 3 ونهاية المرحلة الخطيرة من طفرة النمو والزيادة الإعوجاج العنيف.
● تحسن الدوران الصدرى من ١٧° إلى ٨°
● تحسن الدوران القطنى من ١٠° إلى ٣:٤°
● تحسن توازن خطوط الجسم.
● تحسن زاوية الانحناء الصدرى والقطنى بمقدار من ١١:١٢° كما هو موضح بعد ٤٨ ساعه من تأثير الحزام.

🎯 تم العلاج عن طريق التمارين المتخصصة لعلاج إعوجاج العمود الفقري PSSE بمتوسط جلستين أسبوعياً ، مع إرتداء حزام مقوم ثلاثي الأبعاد Gensingen Brace بمتوسط من ١٨ : ٢٠ ساعه يومياً.

❤️شكراً قوى بقى لبنوتى بطلتى الشقية ولسه مكملين قوى بقى
❤️ وشكر خاص لأم قويه على مجهودها وصبرها ، مع تمنياتى بدوام الصحه والعافيه اللهم آمين.

🎖المركز الوحيد المعتمد دولياً بكفرالشيخ لعلاج مشاكل وتشوهات العمود الفقري.

📍كفرالشيخ تقسيم الشرطه شارع ١٥ أمام سيراميكا رويال.
☎️للإستفسار: 01028022972
🟢 واتس اب: 010 28022972

#قتب

رمضان كريم أعاده الله علينا بالخير واليمن والبركات 🤲🥰
18/02/2026

رمضان كريم أعاده الله علينا بالخير واليمن والبركات 🤲🥰

🔻خطوة جديده فى علاج تشوهات العمود الفقرى 🎯فكر جديد وطريقة جديدة فى علاج تشوهات العمود الفقرى عن طريق مدرسة Rigo الأسباني...
15/02/2026

🔻خطوة جديده فى علاج تشوهات العمود الفقرى

🎯فكر جديد وطريقة جديدة فى علاج تشوهات العمود الفقرى عن طريق مدرسة Rigo الأسبانية🇪🇦 ، إحدى المدارس المتخصصة لعلاج تشوهات العمود الفقري والمطابقة للخطوط الإرشادية والبروتوكولات العلاجية لمؤسسة SOSORT الدولية لعلاج تشوهات ومشاكل العمود الفقري.

🥰 مبروووووووك د. ندى وليد الإعتماد من أكاديمية Rigo كمعالج متخصص لعلاج تشوهات العمود الفقرى.

🤝ولسه رحلتنا مخلصتش

🎖المركز الوحيد المعتمد دولياً بكفرالشيخ لعلاج مشاكل وتشوهات العمود الفقري.

📍كفرالشيخ تقسيم الشرطه شارع ١٥ أمام سيراميكا رويال.
☎️للإستفسار: 01028022972
🟢 واتس اب: 010 28022972

#قتب

14/02/2026

⛔️الحجامه: الحقيقة العلمية بين الخرافة والاستخدام

الحجامة من أقدم أدوات العلاج التقليدي في العالم، وليها آلاف السنين في ثقافات متعددة.
لكن كل ده ما بيخليش الكلام عنها “سحر” ولا كلام فاضي.

⭕️ أولًا: الخرافات الشائعة
• الحجامة تسحب السموم من الدم
• الحجامة تفك الفاشيا أو التصاقات النسيج
• العلامة اللي تسيبها الكاسات تشخيص دقيق
• الحجامة تعيد وضع العظام أو تصلح الشاكرات

❌️أي حد يوعدك بالكلام ده… بيبيع وهم مش علاج.

⭕️ ثانيًا: التأثير الفعلي
• التأثير العصبي:
الشد السلبي على الجلد والأنسجة يغيّر المدخلات الحسية → يقلّل إحساس التهديد للمخ
ده بيخفف الألم مؤقتًا، ويحسّن tolerability للحركة
• التأثير النسيجي
تحسّن انزلاق الطبقات بين الجلد والأنسجة السطحية
مفيدة حوالين الندبات القديمة بعد الجراحة
تأثير مؤقت، لا تعيد تشكيل الفاشيا أو الكولاجين
• التأثير البيولوجي
بنعملmicro-hemorrhage خفيف يحفز إفراز إنزيمHeme Oxygenase-1 اللى له دور مضاد للالتهاب ويقلّل oxidative stress " مش بنعمل إلتهاب " ودى استجابة فسيولوجية حقيقية.

⭕️ ثالثًا: الأدلة العلمية
مراجعات منهجية (PubMed 2019-2025) أظهرت:
تقليل الألم في آلام الرقبة وأسفل الظهر
تحسن محدود في المدى الحركي
جودة الأدلة: منخفضة إلى متوسطة بسبب تصميم التجارب الصغيرة والتباين الكبير
خلاصة: تأثير قصير المدى ومؤقت، ضمن برنامج شامل
المصادر:
PubMed – Systematic Review 2022�
PubMed – Evidence on Pain Relief 2023�
PubMed – Cupping Mechanism 2023�

⭕️ رابعًا: الاستخدامات المثالية
• فى حالات Pain-dominant patients: ألم عالي وخوف من الحركة
• كمان Early rehab: بعد الجراحة أو immobilization
• وبعد الجراحات القديمه Scars قديمة: تسهيل الحركة حول ندبة جراحية
• تهيئة قبل التمرين أو التحميل التدريجي
• كجزء من برنامج شامل: Cup → Move → Load → Control.

⭕️ خامسًا: التحذيرات والنواهي
• لا تستخدم كعلاج وحيد.
• لا تستخدم بدل الحركة أو التمرين
• لا تستخدم لتشخيص أو تفسير العلامات
• مش بعدد الكاسات
• حسب الإستخدام والهدف العلاجى مش "Recovery فى حمام مغربى".

⭕️ سادسًا:
• البلاسيبو مش عيب " تأثير علاجي ناتج عن التوقع + السياق + الثقة" مش عن الطريقة أو الأداة نفسها.
كل تدخل علاجي ناجح فيه عنصر بلاسيبو ،لكن الفرق بين الاحتراف والاستخدام العشوائي: فهم الهدف من الأداة وكيفية دمجها مع الحركة والتحميل والتحكم.

🎗 قال ﷺ: "إن أمثل ما تداويتم به الحجامة"
الحجامة سبب و أداة ليها دلائل علمية خاصة مش عامة ، إستخدام علاجى للتداوى من مشاكل صحية تداوى بيها الرسول ﷺ ، مش بدون سبب ومش بالأيام ، الرسول ﷺ مكنش محافظ عليها ولم يذكر عنه الإحتجام فى أوقات ثابته بإنتظام علشان نتعامل معاها كإحياء سنه ، فقالﷺ : "الشفاء في ثلاث: شربة عسل، وشرطة محجم، وكية نار، وأنا أنهى أمتي عن الكي"، فالسُنن فى غير موضعها وأوقاتها " بدعه".

🎯 الحجامة أداة تفتح الباب لتسهيل الحركه ، الحركة تغيّر المخ ، التحميل يغيّر النسيج

🎖المركز الوحيد المعتمد دولياً بكفرالشيخ لعلاج مشاكل وتشوهات العمود الفقري.

📍كفرالشيخ تقسيم الشرطه شارع ١٥ أمام سيراميكا رويال.
☎️للإستفسار: 01028022972
🟢 واتس اب: 010 28022972

#قتب

⛔️ يعنى إيه تأثير هوثورن.يعني إن الإنسان لما يحس إنه متّابع ومهتم بيه ، سلوكه ووظائف جسمه بتتحسّن مش لأن التكنيك أو التم...
09/02/2026

⛔️ يعنى إيه تأثير هوثورن.

يعني إن الإنسان لما يحس إنه متّابع ومهتم بيه ، سلوكه ووظائف جسمه بتتحسّن مش لأن التكنيك أو التمرين سحري لكن لأن " الوعي " والانتباه اتغيّروا.

🔻 ليه الألم بيقل أول ما الجلسات تنتظم:
ناس كتير بتلاحظ حاجة غريبة ومش بتفهمها كويس ، مريض ييجي أول أسبوعين علاج طبيعي يتحسّن بسرعة الألم يقل الحركة تبقى أسهل وبعدين فجأة التحسّن يثبت أو الألم يرجع شوية فيبدأ السؤال هو التمرين باظ ولا العلاج مش نافع ، الحقيقة إن اللي حصل طبيعي جدًا وليه تفسير علمي واضح اسمه تأثير هوثورن.

⭕️في جلسات العلاج الطبيعي المريض مش بس بياخد تمرين هو بياخد:
• اهتمام.
• شرح.
• طمأنة.
• متابعة.
• وإحساس بالأمان.
👌وده لوحده بيأثر مباشرة على الجهاز العصبي والجهاز العصبي هو المفتاح الحقيقي لألم العمود الفقري.

🔻خلّينا نفهم ده بالحالات :
● آلام أسفل الظهر الميكانيكية:
كتير من حالات آلام أسفل الظهر بيبقى فيها توتر عصبي أكتر من تلف حقيقي أول ما المريض يدخل في برنامج جلسات منتظمة ويحس إن في حد فاهم حالته وبيشرحله الألم يقل بسرعة لأن المخ يقلل إشارات الخطر الحركة ترجع أسهل مش لأن الفقرة اتحرّكت فجأة لكن لأن الجهاز العصبي خرج من وضع الإنذار.

● آلام الرقبة والصداع:
في حالات الرقبة المرتبطة بالشد والتوتر أول ما المتابعة تبدأ والجلوس يتظبط والتنفس يتحسّن الألم يقل حتى قبل ما العضلات تقوى وده تأثير هوثورن واضح الوعي بالجسم زاد فالجسم هدي.

● الديسك بدون ضغط عصبي شديد:
في حالات كتير من الانزلاق الغضروفي البسيط أول تحسّن بيحصل مش بسبب امتصاص الغضروف لكن بسبب تقليل الخوف من الحركة لما المريض يفهم إن الحركة الآمنة مش خطر الألم يقل وده تأثير وعي مش وهم.

● الألم المزمن:
الألم المزمن أكتر حالة بيبان فيها تأثير هوثورن لأن المريض بيبقى عايش سنين في حالة إنذار عصبي أول ما يلاقي متابعة ثابتة وفهم حقيقي يبدأ الألم يهدى حتى قبل التحسّن العضلي وده لأن المخ بدأ يغيّر تقييمه للخطر.

🤔طيب هل كده التحسّن ده خدّاع؟
● لا خالص
• ده تحسّن بيولوجي حقيقي ناتج عن تغيير نشاط الجهاز العصبي والهرمونات ومستوى التوتر بس المشكلة إن تأثير هوثورن غالبًا مؤقت لو ما اتحوّلش لوعي ذاتي.

❌️ليه الألم ساعات يرجع؟
• لأن المتابعة قلت.
• لأن المريض اعتمد على الجلسة مش على فهم جسمه.
• لأن المراقِب كان خارجي ومبقاش داخلي.

🎯العلاج الناجح مش إنه يخلّي المريض يتحسّن تحت إيد المعالج بس لكن إنه يعلّمه يراقب جسمه بنفسه يفهم إشاراته ويمارس الحركة من غير خوف ويشارك فالعلاج " there's no passive treatment "

🎗الخلاصة في آلام العمود الفقري إن العلاج الطبيعي مش تمرين وبس ومش جلسة وبس
• العلاج = تمرين مناسب + متابعة + شرح + أمان عصبي
🥰 ضهرك مش صلاحيه مدى الحياه ، إعملوا تمارينكم وإفهكموا أجسامكم وغيروا حياتكم ، الشغل والولاد وتنظيف البيوت مش هيروح ، اللى هيروح فعلا ضهرك اللى ساندك.

🎖المركز الوحيد المعتمد دولياً بكفرالشيخ لعلاج مشاكل وتشوهات العمود الفقري.

📍كفرالشيخ تقسيم الشرطه شارع ١٥ أمام سيراميكا رويال.
☎️للإستفسار: 01028022972
🟢 واتس اب: 010 28022972

#قتب

🤲🤍 هذا من فضل ربي 🔻 توفيق ربنا وصلنا لنسبة تحسن ٨٠ % وبداية جلسات المتابعة بعد العلاج التحفظى لآلام المفصل الحرقفى المزم...
08/02/2026

🤲🤍 هذا من فضل ربي

🔻 توفيق ربنا وصلنا لنسبة تحسن ٨٠ % وبداية جلسات المتابعة بعد العلاج التحفظى لآلام المفصل الحرقفى المزمن وتيبس عضلات الحوض والفخذ و التخلص من أعراض :
•عدم إتزان مع ميل الحوض.
• عدم إتزان منحنيات العمود الفقرى الجانبي.
• عدم إتزان خطوط الجسم.
• آلام المفصل الحرقفى مع الجلوس وتغيير الأوضاع.
• آلام وشد عضلات الحوض والفخذ.
• آلام وأسفل الظهر.
• ضعف فى عضلات الجزع core.

🎯 تم عمل الجلسات عن طريق العلاج اليدوى وتمارين تقويم العمود الفقرى PSSE والتحكم العضلى الحركي المتخصصة.

✌️القائم على الجلسات المتميزه دائماً
• د / زهراء ماهر
معالج spinal mend لمشاكل العمود الفقري.

⚘️مع تمنياتنا بدوام الصحه والعافيه اللهم آمين.

🎖المركز الوحيد المعتمد دولياً بكفرالشيخ لعلاج مشاكل وتشوهات العمود الفقري.

📍كفرالشيخ تقسيم الشرطه شارع ١٥ أمام سيراميكا رويال.
☎️ للإستفسار: 01028022972
🟢 واتس اب: 010 28022972

#قتب

Address

تقسيم الشرطة/شارع ١٥/أمام سيراميكا رويال بجوار معرض لطفي للسيارات
Kafr El Sheikh

Opening Hours

Monday 10am - 6pm
Tuesday 10am - 6pm
Wednesday 10am - 6pm
Thursday 10am - 6pm
Saturday 10am - 6pm
Sunday 10am - 6pm

Telephone

+201028022972

Website

Alerts

Be the first to know and let us send you an email when مركز د/محمد عبد الهادي للعلاج الطبيعي والتأهيل posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to مركز د/محمد عبد الهادي للعلاج الطبيعي والتأهيل:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category