11/11/2024
Khaled Sobhy
على فكرة هنا فى امتحانات المعادلة و البورد الأمريكى
ممكن يجيب سؤال بسيط جدا زى ما تجيب سؤال فى امتحانات الدكتوراه للمحاسبة فى كلية تجارة مثلا
السؤال بيقول لو معاك نصف جنيه وواحد عطاك ربع جنيه يبقى معاك كام
بذكاءنا و من منطق مالونها هنقول امتحان دكتوراه فيه سؤال عمك صلاح البقال بيحسب اللى اكبر منه فى ثوانى يكون امتحان دكتوراه فى المحاسبة و تقعد تخترع اجابات و هو يقصد كذا و الجزر التربيعى واللوغاريتمى و فى الاخر تقول الإجابة خمسة مليون
و تيجى تبص فى الإجابة تلاقيه يقولك السؤال بسيط جدا و الإجابة جنيه الا ربع 🤣🤣
كذلك البراكلامسيا و المعروفة بتسمم الحمل . الموضوع بسيط
وهو
نتيجة لباثولوجى معين الست الحامل فى الشهور الوسطى والأخيرة من الحمل بيحصل انقباض الأوعية الدموية و ده يعمل حاجتين بيرفع ضغط الدم و بيقلل الدم اللى رايح من الحب السرى للجنين
يعمل مشكلتين
للام
يرتفع الضغط بطريقة عالية جدا ممكن يعمل نزيف فى المخ و نزيف بالعين و نزيف بين الكبد و الحجاب الحاجز و نزيف رحمى من المشيمة و خلف المشيمة
و خطر على الجنين ان الدم اللى رايح ممكن يكون قليل لدرجة أن الجنين يموت
طيب ازاى امانج أو نراقب الحالة
هبص لحاجتين
الاولى مدى الخطورة على الأم و الثانية مدى الخطورة على الجنين
و كل واحدة لها حاجتين
الام .. طيب الضغط كام طيب لو اديت ماغنسيوم سلفات و حاجة خافضة للضغط حتحكم فى الخطورة و لا لأ وهنا أقرر أنهى الحمل ولا لأ .بس قبل كدة ابص فى مراية العربية كمان و هى انى ابص على الجنين هل الجنين حلو لو نزل الان حلو نزله وخلص الام منه و ترتاحوا كلكم
طيب وحش لو نزل دلوقت أقيم الام اولا طيب الام كويسة طيب الجنين يتحمل كمان شوية اسابيع و لا لأ يتحمل نسيبه الواد المقرف ده طيب ما يتحملش فيه حاجتين على اعتبار الام مش خطر عليها الجنين ده لو نزل الان صاحى بس اسابيعه بتقول هيموت فى الحضان يبقى اسيبه لانه ممكن يستنى شوية رغم الخطورة عليه اسيبه كام اسبوع لأن فى احتمال أنه يبقى كويس لغاية ما يبقى خلاص لوسيبته للصبح هيموت يبقى ولد
لو اشتغلت بالشكل ده تبقى دكتور ناجح و رزق للعيان
