24/02/2016
امناء الشرطه:
تم انشاء معهد امناء الشرطه عام 1967 لمعاونة ضباط الشرطه وخلق فئة من الشرطه وسط بين الضابط والصول، والنتيجه انهم:
يمثلون 80% من قوام الشرطه في مصر، يعني عصب الشرطه !!!!!!
بعد 25 يناير تم الاتي:
- الغاء المحاكمات العسكرية ضد تجاوزات امناء الشرطه (وكانت هي السيف علي رقابهم في حالة اي تجاوز)
- عودة 3000 امين شرطه الي العمل بعد ان تم فصلهم بقضايا اخلاقيه.
الآن يتم الاتي:
- مظاهرات من امناء الشرطه متكرره احتجاجا و لتحسين اوضاعهم!!!
- قام امناء الشرطه بمحاصرة مديريات الامن في اكثر من محافظه في اوقات سابقه.
- مجموعه من الامناء مقبوض عليهم و متهمين بتكوين خلايا داخل وزاره الداخلية لزعزعة استقرار الأوضاع الأمنية.
الواقع:
- ان امناء الشرطه، مش فئة سيئه لابد من التخلص منها .... دول هما اللي مسئولين عن 80% من الامن في البلد ..... واعرف كتييييير جدا منهم ناس فعلا محترمين وجدعان وخدومين ..... وفيهم اكيد ناس مش كويسه، بالضبط زي اي قطاع في البلد وزي الداخلية كلها ..... فيهم الكويس وفيهم الوحش .....
- ان امناء الشرطه بيتحركو علي مستوي الجمهورية كوحده واحده، وبالتالي اي تصرف مش مدروس او ظالم ضدهم هتكون عواقبه وخيمة.
المطلوب:
حد في الداخليه يكون بيفهم يقعد كده يشوف ايه المشاكل اللي في المنظومة الامنيه، وايه الحقوق والواجبات للأفراد العاملين ويطرح قوانين وقواعد لتنفيذها ويطرحها علي مجلس الشعب🐒 ويناقشوها ... ويحطو معاها قواعد وقوانين تحكم علاقة الشرطه بالشعب ..... بحيث تكون مرضيه للجميع وينتهي الظلم الواقع علي الجميع،الشعب و افراد الشرطه.
