Dr Mohammed wagdy

24/09/2025

معلومة مهمة للأهالي
الباراسيتامول (زي البنادول مثلاً) آمن للأطفال والسيدات الحوامل لو اتاخد بالجرعة المظبوطة:
• بيساعد على خفض الحرارة وتسكين الألم.
• مفيش أي دليل إنه بيزود احتمالية التوحّد.
• أهم حاجة تستشيروا دكتور الأطفال عشان يحدد الجرعة الصح.

Acetaminophen is an over-the-counter medicine used to reduce fevers and relieve pain. It is sold under many brand names, including Tylenol.

Decades of research have found that acetaminophen is safe for children when administered as recommended. Misleading claims link the medicine to autism. These false claims send a confusing, dangerous message to parents and expectant parents and does a disservice to autistic individuals. Read more at the link below.
https://bit.ly/42G47Y9

23/09/2025

👏👏👏👏👏👏

✅ انتظرونا باذن الله في مؤتمرنا الاول للصدر والتنفس الصناعي والنسخة الاولي بكفر الشيخ @متابعين

01/09/2025

👏👏👏👏

30/06/2025

“🚫 وقفت دوا الضغط علشان حسيت إنه بيتعبك؟ استنى قبل ما تغلط!”

ناس كتير بتبدأ علاج الضغط،
وبعد أيام يوقفوه بسبب أعراض جانبية…
لكن القرار ده ممكن يكلفك كتير 💥

📌 شوف أشهر الأعراض الجانبية وحلولها 👇

⸻

🌀 دوخة؟
ده طبيعي في البداية، خاصة مع أدوية زي كونكور – أتينولول
✅ الحل: راجع الجرعة مع الدكتور

⸻

🦵 تورم في الرجلين؟
شائع مع أملور – نورفاسك
✅ الحل: فيه بدائل تانية كتير

⸻

😤 كحة ناشفة؟
بتحصل مع رينيتك – إبيريل
✅ الحل: تغيير المجموعة بالكامل لحاجة تريحك

⸻

🚽 تبول كتير؟
ده طبيعي مع لازيكس – إيزيدريكس
✅ معناها إن الدوا بيشتغل!

⸻

⚠️ الأعراض دي ليها حلول…
لكن لما توقف العلاج من نفسك؟
ممكن تفتح على نفسك باب لجلطة 🧠، نزيف 🩸، أو أزمة قلبية ❤️

⸻

✅ لو أي عرض ضايقك… كلم دكتورك
بس ما توقفش لوحدك! 🛑

23/06/2025

"تورم الرجلين.. ممكن يكون بسيط وممكن يكون خطر!"

10/06/2025

10/04/2025

المعلومة دي ممكن تنقذ حياة و من اكتر الحاجات اللي بنتعرضلها بشكل يومي

لو مريض سكر حصله غيبوبة بسبب انخفاض السكر في الدك،
إياك تفكر تحط له عصير او عسل او سكر عن طريق الفم !

ناس كتير بتعمل كده بنيّة المساعدة، بس للأسف ده ممكن يجيبله التهاب رئوي ويدخل في مشاكل أكبر بكتير! و للاسف ممكن كمان يتحط علي جهاز تنفس صناعي بدل ما كان الموضوع ممكن يعدي بمحاليل بسيطة

ليه؟
لأن المريض في الغيبوبة مش بيبلع، وأي حاجة تدخل عن طريق الفك ممكن تنزل على الرئة بدل المعدة، وساعتها الوضع بيبقى خطر جداً.

التصرف الصح؟
اطلب إسعاف فوراً او اتحرك لأقرب مستشفى

21/02/2025

❌ لو بتاخد أدوية الغدة الدرقية، خلي بالك من الاحتياطات دي! ❌

📌 الأدوية الشائعة لعلاج الغدة:
• ليفوثيروكسين (Levothyroxine): لعلاج كسل الغدة الدرقية.
• الأسماء التجارية: إثيروكس (Euthyrox)، ثايروكسين (Thyroxin)، ليفوكسين (Levoxin).

• خد الدواء على معدة فاضية، قبل الفطار بنص ساعة.
• تجنب الأكل أو المشروبات الغنية بالكالسيوم والحديد لمدة ساعتين بعد الجرعة (زي الألبان أو المكملات الغذائية).
• ما تغيرش الجرعة من نفسك، لأن الجرعة الدقيقة مهمة لضبط الهرمونات.
• تابع تحاليل TSH بانتظام للتأكد من الجرعة المناسبة.

📌 الخلاصة: أدوية الغدة حساسة جدًا، ولازم الالتزام بالتعليمات ومتابعة التحاليل بانتظام عشان تتفادى أي مضاعفات أو مشاكل صحية!

19/02/2025

مش أي حد قلبه يقف ينفع نستخدم معاه جهاز الصدمات الكهربائية! الأفلام لعبت في دماغنا وخلتنا فاكرين إن أي حد قلبه يقف، يحطوله الجهاز ده يقوم تاني، لكن الحقيقة عكس كده تمامًا.

جهاز الصدمات الكهربائية مش حل سحري، بالعكس في أغلب حالات توقف القلب الجهاز مالوش أي تأثير! اللي بينقذ المريض فعلاً في الحالات دي هو الإنعاش القلبي الرئوي (CPR) والحقن زي الأدرينالين.

فبلاش نصدق اللي بنشوفه في السينما، لأن الطب حاجة، والتمثيل حاجة تانية خالص!

12/02/2025

❌ لو بتاخد الوارفارين (Warfarin)، المتابعة الدورية مش رفاهية! ❌

📌 ليه المتابعة مهمة؟
الوارفارين (Warfarin) دواء حساس، وأي تغيير بسيط في الجرعة أو الأكل ممكن يسبب نزيف أو يزيد خطر الجلطات.

⚠ أسماء تجارية للوارفارين:
• ماريفان (Marevan)

⚠ إيه اللي لازم تتابعه؟
• تحليل INR: تحليل لازم يتعمل بانتظام عشان نعرف مستوى سيولة الدم. المعدل الطبيعي بيكون بين 2-3، بس الدكتور ممكن يحددلك رقم تاني حسب حالتك.
• أي دواء جديد أو تغيير في الأكل لازم تبلغ عنه فورًا.
• تابع أي علامات نزيف زي الكدمات أو نزيف اللثة.

✅ نصايح مهمة:
• التزم بمواعيد التحاليل اللي يحددها الدكتور.
• حافظ على أكلك ثابت من حيث النوع والكمية.
• لو حصل أي حاجة غير طبيعية، اتواصل مع دكتورك فورًا.

📌 الخلاصة: المتابعة المنتظمة مع الدكتور هي مفتاح سلامتك، وبتساعدك تحافظ على توازن سيولة الدم وتجنب أي مشاكل خطيرة!

10/02/2025

📢 كل ما تحتاج معرفته عن دهون الكبد 📢

🛑 إيه هي؟
تراكم الدهون في الكبد بسبب السمنة، السكري، وارتفاع الدهون، ولو اتساب بدون علاج ممكن يؤدي لالتهاب أو تليف.

⚠️ مين الأكثر عُرضة؟
🔹 مرضى السمنة و”الكرش”
🔹 مرضى السكري والضغط العالي
🔹 اللي عندهم دهون ثلاثية عالية أو كوليسترول منخفض
🔹 قلة الحركة والأكل غير الصحي

🩺 إزاي نعرف؟
📌 السونار: بيظهر الكبد أكثر لمعانًا
📌 تحليل الإنزيمات: ALT غالبًا أعلى من AST
📌 فحوصات إضافية: فيبروسكان، تحاليل فيب-4

💡 إيه الحل؟
✅ فقدان 7-10% من الوزن
✅ نظام البحر المتوسط الغذائي
✅ 150 دقيقة مشي أو تمارين أسبوعيًا
✅ ضبط السكر، الضغط، والدهون
✅ بعض الأدوية (GLP-1 agonists) في الحالات المتقدمة

🔴 الخلاصة
دهون الكبد قابلة للعلاج، لكن لازم تبدأ من دلوقتي!

08/02/2025

📢 نقص فيتامين د.. المشكلة اللي ناس كتير مش واخدة بالها منها!

🦴 فيتامين د مش مجرد فيتامين، ده عنصر أساسي لصحة العظام، المناعة، والمزاج. نقصه ممكن يسبب:
⚡ تعب مستمر وإرهاق
🦵 آلام في العظام والعضلات
🛡️ ضعف المناعة والتعرض المتكرر للعدوى
😔 اكتئاب وتقلبات مزاجية

👥 أكتر الناس المعرضين للنقص:
☀️ اللي مش بيتعرضوا للشمس كفاية
⚖️ اللي عندهم سمنة أو مشاكل في الامتصاص
🤰👴🧒 الحوامل، كبار السن، والأطفال

🩺 الحل؟
✅ تحليل بسيط يشوف نسبته في الدم
🥚🐟 أكل غني بفيتامين د
☀️ التعرض للشمس 15-30 دقيقة يوميًا
💊 مكملات بوصفة دكتور

💙 ما تستناش لحد ما التعب يسيطر عليك، لو عندك أعراض أو شك إنك ناقص فيتامين د، راجع دكتورك وتابع صحتك! 💪