Dr/Hossam Hassan clinic

Dr/Hossam Hassan clinic اخصائي طب الاطفال وحديثى الولاده
عضو الزمالة المصرية لطب الأطفال القاهرة
زمالة رعاية مركزه اطفال بالقاهرة

(ليه بنشدد على أهمية غسيل الأنف بصورة صحيحة في أدوار البرد 🤧🤧والكحة)مهم جدآ إن كل أم تعرف إن غسيل الأنف بمحلول الملح أ...
18/10/2025

(ليه بنشدد على أهمية غسيل الأنف بصورة صحيحة في أدوار البرد 🤧🤧والكحة)

مهم جدآ إن كل أم تعرف إن غسيل الأنف بمحلول الملح أو بمحلول ماء البحر ( بالصورة الصحيحة) من أكبر أسباب الشفاء السريع 💪💪. مش بس كده ...

في أبحاث علمية بتقول إن غسيل الأنف👃👃 بصورة صحيحة بيكون معادل في قوته لبخاخات الكورتيزون في مرضى حساسية الأنف.

وعلشان كده إحنا بنفهم الأمهات في العيادة إن رشح الأنف لو متغسلش بصورة دورية ممكن يعمل إلتهاب في الأذن الوسطى👂🤒🤒 وممكن يعمل إلتهاب في الشعب الهوائية أو الرئة 🫁🫁 لا قدر الله. مش بس كده...

مهم جدآ إن كل أم تبقى عارفة إن من أكبر أسباب الكحة عند الأطفال هو الرشح الداخلي إلي بيعالجه بصورة كبيرة غسيل الأنف بمحلول ماء البحر أو بالمحلول المحلي....

طيب يا دكتور الولد بيعيط وبيضايق لما اغسل انفه🤔🤔؟

يا مدام وجع ساعة ولا كل ساعة حيضايق دقيقة أو دقيقتين لكن حيقعد مرتاح بعديها ٤ أو ٥ ساعات بإذن الله..

طيب هي الطريقة ديه أمان ؟
أمان من عمر يوم واحد في عمر الطفل

بما ان الشتا علي الابواب حبيبت اتكلم عن 🌬️ خرافات منتشرة عن جهاز النيبولايزر للأطفالكثير من الأمهات بتسمع آراء متضاربة ع...
01/10/2025

بما ان الشتا علي الابواب حبيبت اتكلم عن
🌬️ خرافات منتشرة عن جهاز النيبولايزر للأطفال

كثير من الأمهات بتسمع آراء متضاربة عن النيبولايزر (جهاز جلسات البخار)، وده بيخليهم يقلقوا على أولادهم. الحقيقة إنه جهاز آمن جدًا لو استُخدم بالطريقة الصحيحة وتحت إشراف الطبيب.

✨ تعالوا نصحح بعض المفاهيم:

1️⃣ "النيبولايزر يسبب إدمان" ❌
الحقيقة: لا يسبب أي إدمان، لكنه قد يُستخدم لفترات طويلة حسب الحالة المرضية (زي الربو).

2️⃣ "بيضعف المناعة" ❌
الحقيقة: لا يوجد أي دليل علمي على إنه يضعف المناعة. بل يساعد الطفل يتنفس أفضل ويقلل الأزمات المتكررة.

3️⃣ "يأثر على العين" ❌
الحقيقة: لا يؤثر على العين نهائيًا. الرذاذ يدخل للرئة عن طريق الفم/الأنف فقط. ممكن يسبب تهيج بسيط لو الكمامة مش محكمة ووصل البخار للعين، وده مؤقت وبسيط.

4️⃣ "ممنوع قبل سن معين" ❌
الحقيقة: آمن من أول أيام الحياة، بل هو الأنسب للأطفال الرضع اللي ما يعرفوش يستخدموا البخاخ.

5️⃣ "له أضرار خطيرة" ❌
الحقيقة: الأعراض الجانبية بسيطة وغالبًا من الدواء نفسه وليس من الجهاز

الخرافة السادسة:❌ النيبولايزر لا يجب استخدامه إلا في الحالات الخطيرة

الحقيقة: أحيانًا يُستخدم في الحالات البسيطة لتوصيل الدواء مباشرة للرئة بسرعة وفعالية، وليس شرطًا أن يكون الطفل في حالة خطيرة.

✅ الخلاصة:
النيبولايزر وسيلة آمنة وفعّالة لعلاج مشاكل التنفس للأطفال، بما فيهم الرضع. المهم:

الالتزام بتعليمات الطبيب 👩‍⚕️

تنظيف الجهاز بعد كل استخدام 🧼

د.حسام حسن
اخصائي طب الاطفال وحديثى الولاده

بما اننا داخلين على موسم الشتاء وبما أن أغلبنا عنده حساسية جيوب انفيه فلازم نعرف أن بخاخات الحساسية زى الفلكسونيز قد يم...
29/09/2025

بما اننا داخلين على موسم الشتاء وبما أن أغلبنا عنده حساسية جيوب انفيه فلازم نعرف أن بخاخات الحساسية زى الفلكسونيز قد يمتد استخدامها اكتر من ٣ شهور وقد تصل إلى ٦ شهور على حسب كل حالة
مافيش منها اضرار طالما تستخدم تحت إشراف طبى

معانا هنا دكتور Ismail Adel)
(استاذ الصدر وأمراض الجهاز التنفسي وممكن يفيدنا اكتر
د.حسام حسن
اخصائي طب الاطفال وحديثى الولاده

24/09/2025

أقوى شيء لتقوية مناعة الطفل هو التغذية السليمة ..
لأن الطفل لو واخد كل التطعيمات وتغذيته فيها مشكلة مناعته لازم تتأثر ..
لأن الجهاز المناعي نفسه بيتكون من الغذاء
الخلايا المقاومة ومضادات الميكروبات المصنعة بالجسم هي بروتينات أساسًا .
فالبروتين ضروري جدا ومحوري ..
الفواكه تحتوي على مضادات الأكسدة ودي ضرورية جدا لمقاومة الالتهابات .
والفواكه تحتوي على أغلب الفيتامينات المهمة للمناعة .
بعد كده الأطفال اللي بيعانوا من أمراض مزمنة زي حساسية الصدر وحساسية الأنف..فنديهم تطعيم الإنفلونزا مع العلاج الوقائي الخاص بهم .
بالكلمتين دول نبقى تنبهنا لنقاط محورية في موضوع المناعة في فصل الشتا .
المناعة طبعا أكبر بكثير من تلك الكلمات .
لكن هدفنا توعية الأم بشكل مبسط

د.حسام حسن
اخصائي طب الاطفال وحديثى الولاده

أكلوا الأولاد رمان🤩❤️غني جدا بالحديد ويساعد في علاج أنيميا نقص الحديد.. بيقوي الذاكرة والتركيز.. مليان ألياف تحسن من اله...
17/09/2025

أكلوا الأولاد رمان🤩❤️
غني جدا بالحديد ويساعد في علاج أنيميا نقص الحديد.. بيقوي الذاكرة والتركيز.. مليان ألياف تحسن من الهضم
غني بمضادات الأكسده اللي هتزود مناعة طفلك الفترة دي قبل دخول الشتا🎉
من الاخذ في الاعتبار ناكل باعتدال مش بافراط منه خوفا من الامساك

د.حسام حسن
اخصائي طب الاطفال وحديثى الولاده

ارتجاع المرئ عند الأطفال 👩‍🍼هو حالة بيرجع فيها اللبن 🍼من المعدة للمريء، ومن المريء للفم. وعادةً ما بيحصل ده بعد الرضاعة⚠...
22/08/2025

ارتجاع المرئ عند الأطفال 👩‍🍼
هو حالة بيرجع فيها اللبن 🍼من المعدة للمريء، ومن المريء للفم. وعادةً ما بيحصل ده بعد الرضاعة

⚠️وارتجاع المرئ عند الاطفال حالة شائعة
بتصيب حوالي 50% من الاطفال الرضع في أول سنة من عمرهم
👈 وعادةً ما بينتهي الارتجاع لوحده مع نمو الطفل، ومعظم الأطفال بيكونوا كويسين تمامًا بعد عمر سنة ونص

بس فيه بعض الحالات اللي ممكن يحتاج فيها الطفل للعلاج، زي لو الارتجاع كان شديد أو مصاحب لأعراض تانية، زي 👇
🚨 البكاء المطول أو الصراخ أثناء الرضاعة.😭
🚨صعوبة التنفس أو السعال.😷
🚨القيء المتكرر أو الشديد.🤮
🚨 الوزن المنخفض
و لاحظت أي من الأعراض دي على طفلك، لازم تروح للدكتور عشان يشخص الحالة ويحدد العلاج المناسب

طيب إيه أسباب ارتجاع المرئ ⁉️
💭 عدم اكتمال نمو عضلات المريء
💭 وضعية الرضيع أثناء الرضاعة.
💭 الزيادة في وزن الرضيع.
💭 الحليب الصناعي

👈 وهناك بعض النصائح اللي ممكن تساعد في تقليل أعراض ارتجاع المرئ عند الاطفال الرضع، زي 👇
✅ الرضاعة في وضعية رأسي
✅ عدم الإفراط في الرضاعة
✅ تجشؤ الطفل بعد كل رضعة
✅ رفع رأس السرير بمقدار 15 سم

د/حسام حسن
اخصائي طب الاطفال وحديثى الولاده

هل لبن الأم بيكون خفيف في الصيف؟سؤال بيتكرر كتير من الأمهات، والإجابة ببساطة: آه، اللبن ممكن شكله يبقى أخف في الصيف، وده...
23/07/2025

هل لبن الأم بيكون خفيف في الصيف؟

سؤال بيتكرر كتير من الأمهات، والإجابة ببساطة: آه، اللبن ممكن شكله يبقى أخف في الصيف، وده طبيعي جدًا‼️

جسم الأم بيعدل مكونات اللبن حسب احتياجات الطفل. في الجو الحر، اللبن بيبقى فيه مياه أكتر علشان يرطّب الطفل ويعوضه عن السوايل اللي بيخسرها. وده مش معناه إن اللبن "خفيف" أو مش مغذي، بالعكس، هو لسه فيه كل الفوايد اللي الطفل محتاجها.🤱

يعني لو اللبن شكله فاتح أو سايب شوية، ده مش سبب للقلق، ومش معناه إن الطفل محتاج مية أو لبن صناعي. قبل 6 شهور، لبن الأم كافي تمامًا حتى في الحر.

▪️لبن الأم بيتغير حسب الجو، وده طبيعي.
▪️شكله ممكن يبقى أخف، لكن قيمته الغذائية ثابتة.
▪️مفيش داعي نكمل بمية أو صناعي طالما الطفل بيرضع كويس.

د.حسام حسن
اخصائي طب الاطفال وحديثى الولاده
عضو الزمالة المصرية لطب الأطفال بالقاهرة
زمالة رعاية مركزه اطفال

ليه لازم البيبي ياخد ث*ي الأم في الرضعه الواحده من 15 لـ 20 دقيقه؟1️⃣عندك أول 5 دقايق من الرضاعه ده سكر اللبن2️⃣في الـ 1...
17/07/2025

ليه لازم البيبي ياخد ث*ي الأم في الرضعه الواحده من 15 لـ 20 دقيقه؟
1️⃣عندك أول 5 دقايق من الرضاعه ده سكر اللبن
2️⃣في الـ 10 دقايق اللي بعدهم بيبدأ يوصله بروتين اللبن ..
3️⃣ آخر 5 دقايق بيوصله الدهون
وبكده يكون اخد وجبه كامله 👌🏼

عشان كده بقول دايما خلصي ث*ي تماما قبل متبدأي في التاني ...
لما البيبي ياخد 5دقايق من جنب و5 دقايق من جنب تاني
انتي كده بتوصليله سكر اللبن فقط ووجبته مش كامله 🚫

وده بينتج عنه تغيير في لون البراز للون الاخضر ... ونبدأ نقلق ونقول البيبي تعبان لكن ده مش صحيح

د.حسام حسن
اخصائي طب الاطفال وحديثى الولاده
عضو الزمالة المصرية لطب الأطفال بالقاهرة
زمالة رعاية مركزه اطفال بالقاهرة

مكان العياده:-
الحامول -شارع العاشر من رمضان -بجوار صيدليه الشعب

10ممنوعات🤣1️⃣بلاش لبن بقري او جاموسي قبل تمام السنه2️⃣بلاش مكسرات كامله او فشار قبل 3 سنين3️⃣بلاش حقن عضل خلفيه قبل 5 سن...
10/07/2025

10ممنوعات🤣

1️⃣بلاش لبن بقري او جاموسي قبل تمام السنه
2️⃣بلاش مكسرات كامله او فشار قبل 3 سنين
3️⃣بلاش حقن عضل خلفيه قبل 5 سنين .. الصح ف العضله الاماميه
4️⃣بلاش ملح وسكر عالأكل قبل سنه
5️⃣بلاش كالسيوم بدون تحليل
6️⃣بلاش مشايه خالص
7️⃣بلاش تجمعي بين الكتافلاي والدولفين او الدولفين والبروفين او الكتافلاي والبروفين .. ارهاق عالكلي
8️⃣بلاش ميا مقطره ولا لمبه نيون ولا اعشاب للمولود
9️⃣بلاش بوس الرضيع من الفم نهائيا ..
🔟بلاش تشوفي البوست ومتعمليش لايك وشير 😂

د.حسام حسن
اخصائي طب الاطفال وحديثى الولاده

مكان العياده:- الحامول -شارع العاشر من رمضان -بجوار صيدليه الشعب

Address

مركز الحامول/شارع العاشر من رمضان/أعلى مقلة فجر الإسلام/بجوار شارع الورد
Kafr El Sheikh

Website

Alerts

Be the first to know and let us send you an email when Dr/Hossam Hassan clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category