نايل جيم

26/02/2026

نايل جيم
يتمني لكم يوم رائع

25/02/2026

**عايز تغير حياتك؟
ابدأ من الجيم** (طبعًا بعد ربنا والصلاة).

**ليه بقى الجيم بالذات؟**

لما تغير شكل جسمك، ده بيعمل حاجة في دماغك... بيقولك "أنا قدرت أعمل ده، يبقى أقدر أعمل أي حاجة تانية". الموضوع كله ثقة.

لما تلتزم بالتمرين والأكل الصحي، بتحس إنك **تقدر تلتزم بأي خطة**، وإن المشكلة كانت بس في الثقة.

**جرب كده:**

اسأل حد كان تخين ونزّل وزنه... أو حد كان رفيع وبنى عضلات... أو بنت خسّت.

**أول كلمة هيقولوها:** "حاسس إن عندي ثقة في نفسي."

وبعدين لاحظ حياتهم... هتلاقي إنجازاتهم زادت ورضاهم عن نفسهم بقى أحسن.

**خلاصة الكلام:**

خد إنجاز تغيير جسمك واعتبره **أول طوبة** في بناء مستقبلك ..

#نايل ، #جيم

24/02/2026

اختياراتك على الفطار مش بس وجبة… دي قرار يا إمّا يقربك لهدفك 👌 يا إمّا يرجعك لنقطة البداية 💥
اختاري صح 🌙نايل جيم

كابتن معتز مهدى سرور

23/02/2026

مطلوب مدربه حريمى للعمل فى نايل جيم
تكون متفرغه للعمل طول الاسبوع 🌙💪💪

21/02/2026

لو زهقتي من الدايت اللي بيقف
والتمرين اللي بيوجع
والمدرب اللي مش فاهم جسمك ولا إصابتك
يبقى الإعلان ده ليكي 👇

أنا مدربة جيم 💪🏻

كابتن / تقي احمد
بشتغل برايفت فقط علشان أدي كل بنت حقها كامل
مش شغل نسخ ولزق
ولا ضغط زيادة
ولا تمارين تأذيك
✔️ تدريب برايفت حسب هدفك وجسمك
✔️ برايفت إصابات (تأهيل + تقوية + رجوع آمن للتمرين)
✔️ أخصائية مساج لفك الشد العضلي، تقليل الألم، وتحسين شكل وأداء الجسم
هتتمرني صح
هتحسي بالقوة
وهتشوفي نتيجة من غير وجع ولا تهور
❌ مش لأي حد
✔️ للبنات اللي عايزة نتيجة حقيقية

21/02/2026

عشان خاطر عيونكم عملنا احلي عروض
350بس شهر كامل حديد
450بس شهر كامل حديد وايروبكس
عرض خاص للسيدات
اخر معاد للعروض 10رمضان
كل عام وانتم بخير
كابتن معتز مهدى سرور

19/02/2026

اوعدك ف رمضان لو
فطرتي اي نوع بروتين مشوي او مسلوق أو ف الفرن او مقلي بس ف الاير فراير
مع ٥ معالق أرز او نص رغيف بلدي
وطبق سلطه وخضار
وشوربة لحم او فراخ

واتسحرتي
بيض و ذبادي
او فول و بيض
او جبنه وبيض
مع نص رغيف بلدي او بدون

وخدتي بين الفطار والسحور
ثمره فاكهه
فنجان قهوه ساده او بلبن
عصاير زي كركديه ودوم وخروب بدون سكر أو سكر دايت

وخدتي فيتامين د بعد الفطار
ومغنيسيوم قبل النوم

هتخسي ٥ كيلو علي الاقل
و تنزلي المياه الزياده
ومقاسات بطنك تنزل
و تجيبي لبس عيد اقل نمرتين
وتحسني مقاومه انسولين و كبد دهني وتكيس المبايض
كابتن معتز مهدى سرور

19/02/2026

16/02/2026

مواعيد رمضان كل يوم من الساعة 12ال3حريمي
من 3ال5رجال
بعد الفطار من الساعة 7ال10حريمي
ومن 10ال3رجال
رمضان كريم مبارك عليكو وعلي آلامه الإسلامية
كابتن معتز مهدى سرور

14/02/2026

🙋🏼انا شايف أن الجيم مهم للست اكتر من الراجل وسيبك من موضوع التخن والتخسيس دلوقتي 🤷‍♀️لان الموضوع اكبر من كده كتير 🫵
من الناحيه الصحيه الجيم هيزود وهيحافظ علي الكتله العضليه 💪اللي بتقل اتوماتيك مع تقدم العمر (وبتقل اكتر عند الست نظرا لعوامل كتيره أهمهم الحمل وعمليات الولاده و الرضاعه 🤷‍♀️
الجيم مهم هيظبط اكلك هيظبط عناصر جسمك ومش هيبقي عندك نقص في عنصر معين يسببلك مشاكل أخري 💪

👈أما من الناحيه النفسيه بقي ف الست يومها ممل وشاق
فلو مبتشتغلش فهيا زهقانه ومهدوده من الروتين والبيت ونفسها تغير جو
ولو شغاله فهيا مهدوده وزهقانه اكتر 😃🌝 فمحتاجه تجدد طاقه وتغير جو اكتر

فانتي لو مبتروحيش جيم روحي قريب واشتري صحتك ونفسيتك♥️🏋️
كابتن معتز سرور

14/02/2026

رمضان كريم مبارك عليكو
وكل رمضان وانتم معانا والجيم منور بيكم
عرض رمضان هيبدأ من بكره لحد 5رمضان إن شاء الله
العرض للسيدات ب400شامل حديد وايروبكس
ومشايا 12سيشن
وكل عام وانتم بخير
عيد حب سعيد ♥️♥️♥️
كابتن معتز مهدى سرور

29/01/2026

💥العضلات دي اتعملت وقتها ببار ودمبل مصديين...لدرجه كانت امي بتعرف انا اتمرنت عضله ايه من بقع الصدأ ال علي تيشرت التمرين مكان العضله ال اتمرنتها... يعني مثلا وانا بلعب صدر والبار ينزل يلمس صدري بيسيب بقع صدا عليه...

💥اتمرنت في اقل جيم بلدي...من غير كوتش ولا مدرب... كنت بقرأ كتير واعلم نفسي واحاول اطبق ال قريته واشوف ايه ال يناسبني علي قد ظروفي وامكنياتي وظروف وامكنيات الجيم ال بتمرن فيه...

💥مكنتش محتاج وقتها غير اتمرن الاساسيات واتعلم امسك بار ودمبل واتمرن بيهم صح لان إمكانيات الجيم مفيش اجهزه اصلا...وأحاول اعلي البروتين شويه في الاكل بتاعي لان قريت وقتها ان البروتين هو اساس بناء العضلات و أحاول انام كويس ...وكنت بحلم وانا نايم بالتمرينه بتاعه اليوم التالي...عشق للتمرين والعضلات...
حتي محسنات الأداء او الاسترويد او مواد التحضير كانت في اقل الجرعات واقل المواد ثمنا واستخدمتها فقط عشان انافس في البطولات...لكن كنت عامل مستوي كويس جدا من قبل ما استخدمها...

💥لا ادخل نفسي في حوارات واسئله كتيره ملهاش لازمه ولا اشغل دماغي بفلان وعلان... ولا ادخل نفسي في متاهات كتيره مش هتفيدني...
💥عدت السنين وعملت مستوي اعلي من ده كتير ... واتعلمت كتير عشان اكون مدرب واكتسبت خبرات اكتر ولعبت بطولات وعلمت ناس كتير يتمرنوا اذاي وياكلو ايه وغيرت حياه ناس كتير للاحسن ... واساعد لاعبين انهم يحضروا بطولات اذاي... وفرحت اوي لما اشوف ناس كنت بعلمهم وبدربهم حاليا ابطال ومدربين كبار ليهم اسمهم...

💥لكن يبقي الاساس ال عملت بيه عضلات البساطه والتواضع...في كل شيء....عمرنا ما اتكبرنا علي حد ولا اتعوجنا علي حد لان كل ما تتعلم اكتر كل ما هتعرف ان كان ناقصك علم كتير وهتتواضع اكتر...

💥 السر كان...شخصيه بسيطه جيم بسيط امكانيات بسيطه تمرين قوي بالاساسيات فقط وشويه تظبيط للتغذيه علي قد امكانياتي...
بلاش تعقدوا الامور عشان ربنا ميعقدهاش في وشكم ...