عيادة طب الاطفال - د/شكرى ممدوح

13/04/2026

إذا ظهرت عليك أعراض التسمم الغذائي مثل
- زغللة العين
- ⁠جفاف الحلق والحنجرة ومن ثم صعوبة بالنطق
- ⁠صعوبة البلع
- ⁠الدوار وضعف بالعضلات

توجه لأقرب منشأة صحية أو تواصل على أرقام الطوارىء ١٣٧ / ١٦٤٧٤ لتلقي مصل التسمم الممباري 🙏

#معًا_نطمئن
#عيّد_بصحة

13/04/2026

مهم جدا✨✨✨💪
☀️التسمم الممبارى☀️
👈التعريف
هو تسمم غذائي خطير ناتج عن بكتيريا لاهوائيه تنمو فى الأسماك المملحه مثل الفسيح أو الرنجه عند سوء التخزين وتهاجم الجهازالعصبى

👈الأعراض
✨زغلله بالعين وازدواجية بالرؤيه
✨ضعف وارتخاء الجفون
✨جفاف بالحلق وصعوبة بالبلع
✨ضعف بالعضلات
✨امساك
✨إرهاق شديد
✨شلل عضلات التنفس (يؤدى الى الوفاه)

ظهور الأعراض
✨ من ١٢ إلى ٣٦ ساعه

كيفية التصرف
✨التوجه السريع لأقرب مستشفى او مركز السموم حيث يتوفر مصل (البتيوليزم)

👈تعليمات 👉

👌يجب شراء الفسيخ أو الرنجه من اماكن موثوقه ومعروفه
👌تناول الكثير من الماء قبل تناول الفسيخ أو الرنجه
👌يجب تنظيف الفسيخ والرنجه وعصر الليمون بكثره عليهم
👌الإكثار من تناول البصل والخضروات الورقيه مثل الخس
👌تناول المشروبات الساخنه مثل الشاى والكركاديه والينسون لتطهير المعده

صاحبتكم السلامه

23/03/2026

كل عام وأنتم بخير

25/01/2026

🚨 حرارة طويلة ومش لاقيين سبب؟
❗ ما تستهينش… ممكن تكون الحمّى المالطية
🔴 لو الطفل: ▪️ حرارة رايحة جاية
▪️ تعبان ومش نشيط
▪️ آلام مفاصل أو عضلات
▪️ فقدان شهية وتعرّق
▪️ التحاليل مش مفسّرة الحالة
⚠️ اسأل نفسك سؤال مهم:
هل في احتكاك بحيوانات؟
🐄 أبقار – 🐐 ماعز – 🐑 أغنام
أو شرب لبن غير مغلي / جبنة بلدي؟
🦠 الحمّى المالطية مش نادرة
وممكن تتشخّص غلط لو ما فكّرناش فيها بدري
✅ التشخيص بسيط
✅ العلاج متاح
❌ الإهمال = مضاعفات مزمنة
📌 أي حرارة طويلة غير مفسّرة
➡️ فكّر في الحمّى المالطية
🩺 الكشف المبكر يفرق…
والتشخيص الصح ينقذ تعب شهور

دكتور شكري ممدوح
أخصائي الأطفال وحديثى الولادة
الرياض بجوار المسجد الكبير
ت عيادة ٠١٠٣١٦٣٢٠٠٦
ت طوارئ ٠١٠٦٣٣٤٦٨٣٣

23/01/2026

رائحة الفم الكريهة عند الأطفال
🔸 أهم الأسباب
• سوء نظافة الفم والأسنان
• تسوس الأسنان أو التهاب اللثة
• جفاف الفم وقلة شرب المياه
• التهابات اللوز والجيوب الأنفية
• ارتجاع المريء
• صيام طويل أو تخطي الوجبات
• بعض الأطعمة (ثوم – بصل – سكريات)
• وجود جسم غريب بالأنف (خصوصًا الأطفال الصغار)

🔸 متى نقلق؟
⚠️ إذا كانت الرائحة:
• مستمرة رغم تنظيف الأسنان
• مصحوبة بألم – حرارة – صديد
• مع صعوبة بلع أو تنفس
• أو فقدان وزن / قيء متكرر

🔸 العلاج:
✅ تنظيف الأسنان مرتين يوميًا بمعجون مناسب للعمر
✅ تنظيف اللسان بلطف
✅ الإكثار من شرب المياه
✅ علاج تسوس الأسنان واللثة
✅ علاج التهابات الأنف واللوز
✅ تنظيم الوجبات وعدم ترك الطفل صائمًا فترات طويلة
✅ مراجعة الطبيب عند استمرار المشكلة

عيادة طب الاطفال - د/شكرى ممدوح
الرياض _كفر الشيخ

مع تالا وتالين👇

20/01/2026

✅ يُنصح به للأطفال من عمر سنتين فأكثر
❌ غير آمن أثناء الحمل
🤱 آمن نسبيًا أثناء الرضاعة
🌿 آمن جدًا، غالبًا بدون أعراض جانبية أو موانع
💡 ملاحظة: الالتزام بالجرعة والتعليمات يزيد الفعالية ويمنع العدوى المتكررة.
د. شكرى ممدوح

16/01/2026

13/01/2026

حالات الالتهاب الرئوي كتير جدا ونسبة الحجز في المستشفيات عالية جدا عشان كده لازم نتعلم طرق الوقاية.
🫁 كيف تحمي طفلك من النزلات الشعبية والالتهابات الرئوية؟

1️⃣ الرضاعة الطبيعية
لبن الأم هو أول وأقوى تطعيم طبيعي للطفل
✔ يقلل الإصابة بالالتهاب الرئوي والصفير الشعبي
✔ يقوّي مناعة الطفل بشكل واضح

2️⃣ امنع التدخين تمامًا
🚭 دخان السجائر (حتى لو في بلكونة أو أوضة تانية)
يزود نسبة الإصابة بـ:
-النزلات الشعبية
-الربو
-الكحة المزمنة
التدخين السلبي أخطر من التدخين نفسه على الطفل!

3️⃣ التطعيمات في ميعادها
التطعيمات تحمي طفلك من:
-الالتهاب الرئوي
-السعال الديكي
-الإنفلونزا
والتأخير فيها يعرض الطفل لخطر مضاعف.

4️⃣ تهوية البيت
افتح الشباك يوميًا 🌤
الشمس والهواء المتجدد يقللوا الفيروسات والبكتيريا داخل المنزل.

5️⃣ التغذية الجيدة
قدّم لطفلك:
-خضار وفاكهة يوميًا
-بروتين (بيض – لحوم – بقوليات)
-مناعة قوية = صدر قوي 💪
-فيتامين د يوميا
6️⃣ تجنب الاختلاط وقت العدوى
لو في حد عنده برد أو كحة
🚫 بلاش يبوس الطفل
🚫 بلاش يشيله على الصدر

7️⃣ غسل الأيدي باستمرار
قبل الأكل – بعد اللعب – بعد الخروج
دي أبسط وسيلة لمنع العدوى.

8️⃣ لا تُهمل الكحة
الكحة اللي بتطول أكتر من ٣ أيام
أو يصاحبها:
نهجان
صفير
حرارة عالية
لازم كشف طبي فورًا 🩺

📌 احمي طفلك اليوم… لتجنب معاناة كبيرة بكرة.
مشاركة البوست ممكن تنقذ طفل 🌸
د/شكرى ممدوح
أخصائي الأطفال وحديثه الولادة
الرياض- مجمع الصفا - بجوار المسجد الكبير

09/12/2025

المعلومة الخطأ وتصحيحها
عشان كدة بنقول بلاش الجري ورا معلومات الفيسبوك معظمها مش صح

18/11/2025

💇‍♀️ أسباب تساقط وتقصف شعر الأطفال 💇‍♂️
🔹 1. نقص الفيتامينات والمعادن
✅خصوصًا:
- الحديد بيعمل(أنيميا)
- فيتامين د
- الزنك
- البروتينات
👈النقص في العناصر دي يضعف جذور وبُصيلات الشعر فيقع بسهولة.

🔹 2. ضعف التغذية عمومًا
الأكل القليل أو المعتمد على النشويات والسكريات والمواد المصنعة يؤدي لشعر جاف وضعيف ومتقصف.

🔹 3. فطريات فروة الرأس بتسبب بقع خالية من الشعر مع قشرة وحكة

🔹 4. الثعلبة : مشكلة مناعية تظهر كبقعة دائرية ناعمة تمامًا بدون قشور، ولو فيه قشور يبقي سببها حاجة تانية.

🔹 5. شد الشعر بشكل متكرر

🔹 6. الضفائر المشدودة و ربط الشعر بقوة

🔹 7. بعد دور سخونية أو عدوى شديدة

🔹 8. شامبوهات غير صحية أو مواد فرد الشعر

🔹 9. مشاكل الغدة الدرقية

🔹 10. التوتر النفسي والحالة النفسية السيئة

16/11/2025

☕🚫 الشاي على اللبن للأطفال… ليه غلط ومش بننصح بيه؟
الشاي على اللبن مش مشروب "مفيد" زي ما ناس كتير فاكرة… بالعكس هو من أكتر الحاجات اللي بتضر الطفل من غير ما ناخد بالنا.

❌ أولاً: بيمنع امتصاص الحديد
الشاي فيه مادة اسمها تانين… والمادة دي بتقلل امتصاص الحديد من الأكل واللبن.
ومع الوقت ده ممكن يعمل أنيميا ويخلّي الطفل مجهد وشاحب وما بيركزش.

❌ ثانياً: يقلل استفادة الطفل من الكالسيوم
وجود الشاي مع اللبن يقلل امتصاص الكالسيوم… يعني حتى اللبن اللي الطفل بيشربه مش هيستفيد منه كويس.

❌ ثالثاً: الكافيين
الشاي فيه كافيين وده ممكن يعمل:
أرق
توتر
خفقان بالقلب
قلة نوم
والأطفال مش محتاجين كافيين أصلاً.

✅ وكمان الام اللي بترضع و بتشرب شاي وقهوة كتير ممكن طفلها يجيله ارق وميعرفش ينام كويس

❌ رابعاً: بيقلل الشهية
الشاي بيسد نفس الطفل وده يخليه ياكل أقل… وبالتالي يؤثر على النمو.

14/11/2025

🟦 امتى الكحة تكون خطيرة وتستاهل تجرّي على الدكتور؟

الكحة عرض مهم… ومش دايمًا بسيطة.
في علامات لو ظهرت على طفلك مينفعش نستنى:

🔴 1. كحة مع نهجان أو صعوبة في التنفس
لو النفس سريع، أو الصدر بيرفع وينزل بشكل مش طبيعي، أو فيه صوت نته مع النفس … دي حالة طوارئ.

🔴 2. زرقان في الشفايف أو الوش
ده معناه نقص أكسجين… لازم مستشفى فورًا.

🔴 3. الطفل مش عارف يرضع أو يشرب بسبب الكحة
خصوصًا أقل من 6 شهور.

🔴 4. حرارة عالية مستمرة 3 أيام أو رجعت تاني بعد ما نزلت يبقي حصل مضاعفات وممكن يكون التهاب رئوي.

🔴 5. الكحة بدأت بعد شرقة أو بلع جسم غريب
متستنيش… لازم تقييم فورًا لان كل تأخير بيضاعف حجم المشكلة.

🔴 6. الكحة بتصحي الطفل كل شوية بالليل
خصوصًا لو معاها صوت صفير… احتمال حساسية صدر شديدة.

🔴 7. كحة معاها قيء متكرر أو خمول وفقدان شهية
علامات إن الجسم بيتعب وممكن يوصل لمرحلة خطيرة.

🔴 8. الكحة مستمرة أكتر من 2–3 أسابيع
لازم نعرف السبب… مش طبيعي تستمر كده.

🟢 إمتى الكحة متقلقش؟
✅لو كحة خفيفة بعد دور برد
✅كحة الصبح مع مخاط
✅كحة بدون حرارة ولا نهجان

✨ خلاصة دكتور أطفال:
الكحة مش محتاجة مهدئات… محتاجة نعرف سببها ونعالج الطفل صح.