مركز أمان للطب النفسي

07/08/2019

23/02/2019

قناتنا علي اليوتيوب اشترك فالقناه واعمل لايك للفيديو
استفيد وفيد غيرك
#المصحه
كوكب الطب النفسي

#الفصام #شيزوفرينيا ايه هو الفصام ؟؟ وازاى نتعرف عليه بشكل مبداى تابعونا على قناتنا وادعم القناة بالاشتراك ولايك للفيديو هنشرح في الفيديو ايه هو الفصام وهنشر...

12/02/2019

مشاكل الطفل النفسية تابعها معانا على قناتنا على اليوتيوب

مشاكل الاطفال النفسية حاجة بتقلق كل أم وكل أب تعالوا نعرف هو الطفل ممكن يمرض نفسيا هو امتى ابني يكون محتاج يروح لطبيب نفسي متخصص المرض النفسي زى أى مرض عضوي ...

10/02/2019

اهلا بيكم في عالمكم الصغير المصحه

https://www.youtube.com/channel/UC3xxaT7Vf8ZWf5x1l74i-aw

09/02/2019

تابعونا على قناتنا على اليوتيوب
قناة المصحة

اهلا بيكم في كوكب المصحة معاكم اخوكم 👔(( علي يوسف )) اخصائي الطب النفسي 🎓 ماجستير الطب النفسي جامعه اسكندريه🎓 متنسوش لايك 👍والشير📂 والاشتراك فالقناه📌 وكمان🔔...

23/03/2018

الادوية النفسية بتقلق ناس كتير
تعالوا نعرف اكتر عن الادوية النفسية وفايدتها
والمفاهيم الخاطئة عنها

25/12/2017

#الترامادول #التامول

هو ايه الترامادول دا 😒 ؟؟

دا عبارة عن مسكن مركزي للالم الشديد😥😷 من مشتقات المواد الافيونيه ( المورفين )💀

تم اكتشاف الترامادول سنه١٩٦٢ من مجموعه من العلماء الالمان وكان بيتباع عادي كدا لحد ما بدا يتقنن بيعه سنه ١٩٨٩

وطبقا لاخر الاحصائيات لمنظمة الغذاء والادوية سنة ٢٠١٧ ان اكتر الدول تداول للترامادول هيا مصر وليبيا ودول الخليج 😥😔

طيب هو الترامادول دا بيشتغل ازاي فالجسم ؟

بص يا سيدي في مادة اسمها الاندروفين ودي جسمك بيفرزها عشان يقاوم الالم😷 لكن مع تعاطي الترامادول المادة دي جسمك بيوقف افرازها💤 فبعد مدة من التعاطي تيجي توقف تحس بوجع والم جامد فترجع تاني

بس الترامادول دا مش زي البودرة الحمد لله صح ؟

لا غلط 👊 هما الاتنين تقريبا واحد لان الاتنين من نفس المشتقات اساسهم واحد يعني

طيب الترامادول دا بيديني Power💪 كدا وبيخليني اركز👀 وابقي فايق مش مضر اوي

لا هو بيستهلك جسمك 💀من غير ما تحس لكن اضرارة كتير عد معايا كدا :

الارق الشديد😩 رعشة الاطراف ✋ عسر الهضم والامساك 💩 فقدان الشهيه والجفاف 👽 التشنجات وفقدان الوعي 😨 ضيق التنفس 😵 العصبية الزايدة👿 زيادة ضربات القلب ❤ الهلاوس 🙉 ومع الجرعات الزيادة ممكن توصل لا قدر الله للموت 😱

يااااااه كل دا لا انا عاوز ابطل اعمل ايه ؟😁

العلاج بيكون علي ٣ مراحل اساسيه

المرحلة الاولي : دي عبارة عن سحب السموم وتنضيف جسمك 🛀 من الترامادول بدون الم ودي بتستمر من ٥ ل ١٠ ايام👌

المرحلة التانية : دي بنجهزك للتعامل بعد التعافي وازاي تتعامل مع اي افكار او عروض للتعاطي مرة تانيه 👐💪

المرحلة التالته : الاستمرار علي التعافي والتاكد ان جسمك تخلص تماما من كل اثار الترامادول ومن اي عرض للادمان 👦👸✨

#الادمان

21/12/2017

مسائكم تفاؤل وثقه بالله

19/12/2017

المشهد الاول ...😒

طفل في عمر 6 او 7 سنين طالع من غرفة الاشعه بيجري🏃🏃 وفي فالخلفيه صوت واحدة بتصوت ياااااااواااااد😫😱 هات الاشعه يابنلكلب يامغلبني ومعصبني يا وااااا عااااد 😱😱😱😭

المشهد التاني ..

اسرة كندية ابنهم رسم على الحيطة بالالوان تعبيرا عن فرحته بالبيت الجديد 😱
فأمه عملت ايه بقى؟!
جابت برواز و علقته على الرسمة و طبعت ورقة مكتوب فيها اسم الفنان (ابنها) و الاسم اللي اختاره ابنها للوحة الفنية !
و الواد مبسوط و امه مبسوطة و الحيطة مبسوطة و مفيش اي اصابات 😂

الفرق بين المشهدين ان في ام اختارت الصوت العالي كوسيله لان العصبيه عند الام بتتنقل للاطفال بدون شعور وام اخدت الغلط وحولته كوسله دعم وحافز ايجابي احتواء الطفل وتحفيزة ودعمه و لو طلبوا شئ معين وانتوا كاب وام رافضينها لازم افسر سبب الرفض والاهم من كل دا لازم اسمع لهم 😄

02/12/2017

نصايح لكل بنوته بتحاول تعمل دايت:

1- الدايت ممكن يبدأ في أي يوم مش لازم أول الشهر أو أول الأسبوع 😃

2-الدايت مش بيبسي دايت بعد نص صنيه مكرونه بالباشاميل ...!

3-مش معني انك بعد ماكلتي محشي وممبار وحليتي بكنافه بالنوتيلا ...و ضميرك أنبك وندمتي ... ان ربنا هيرفع عنك السعرات الحراريه دي ..لا هتتخني .. وضميرك هيموت

4-مفيش حاجه اسمها اكل بيخسس ... يعني البروكلي والكيوي مبيخسسوش ..هما بس سعراتهم الحراريه قليله ...فمبيتخنوش اوي ...بس لو ضربتي كيلو بروكلي وحليتي ب 30 وحده كيوي هتتخني برضه.

5- الميه في نص الاكل مبتطلعش كرش ولا حاجه ... لأنك اولردي عندك كرش ...والا مكنتيش عملتي دايت ...

6- في الجيم ... متقعديش نص ساعه علي جهاز كريزي اللي بيهز جسمك كله ..ومتخيله انك بكده هتخسي ...انتي جسمك هينمل مش اكتر من الرجرجه ...او تجيبي حزام مش عارف ايه اللي بينزل منطقه الورك والارداف اللي علي قناه تايم سينما ومتخيله انوا هيخسسك وانتي نايمه بتتفرجي علي الشيف شربيني ...عاوزه تخسي يبقي تجري يا ختي.

7 - اليوم الفري ... ممكن اللي خسيتيه في اسبوع تتخنيه واكتر في اليوم ده.

8- قبل ماتعملي دايت ...شوفي خطيبك او جوزك بيحب ايه ... في رجاله بتحب الكلبظه ...ودول بدأوا يبقوا كتير في مجتمعنا ...عشان بيحسبوها المتربي علي الغالي تمنه فيه (ودا طبعا قلة عقل وعلم) .

9- لو حصل نصيب وخسيتي .. ياريت متحطيش صورتك قبل وبعد علي الفيس بوك ...عشان اصحابك المنفسنين ...هيقروا عليكي وهترجعي اسوأ من الاول ... الحاجت دي بتتنظر وخصوصا البنت التخينه لما بتخس بتبقي وايلد.

10- لو عاوزه تخسي لازم تقطعي مع امك الفتره دي ...عشان هيبقي اكلها هو هو بس هتقولك ... اوكسيم بالله حاطه نقطه زيت بس مع انها دلقت نص علبه السمنه في الحله !!!
او انتي "اتمقتي" يابنتي هتروحي فين بعد كده ...!!!
و ايه ده ... عضم وشك بان وبقي شكلك وحش !!
او دوقي بس هي قطمه هتخنك!!!

11. احذري قطمه واحده زي شمه واحده ... وانتوا عارفين المخدرات بتعمل ايه :-)

ماتنسوش بقي التاج لكل المكافحين اللي بيحاولوا يعملوا دايت.

22/11/2017

*اولد طبيعي ولا قيصري؟

ركزي معايا يا ست الكل عشان احنا مش نازلين نجيب طرح و بنختار بين البني والنبيتي
وخليكي فاكره ان ولادتك الاولي هتحدد كل ولاداتك الي بعد كده لو قيصري الي جاي هيبقي قيصري لو طبيعي هيبقوا بامر الله طبيعي الا في بعض الحالات القليلة اوي

-الولادة الطبيعية البكرية بتاخد تقريبا من ١٠-١٢ ساعة (من بداية انتظام الطلق) لحد ما البيبي ينزل، اثناء الفترة دي حضرتك بتاخدي حقنة الولادة بدون الم (epidural ) وتقعدي تتفرجي عالاعادة بتاعة مسلسل لا تطفئ الشمس وتكتبي بوستات عالفيسبوك لحد ما الدكتور المسكين الي قاعد جنبك يفحصك يلاقي عنق الرحم فتح تماما فيدخل يولدك وانتي مازلتي تحت تأثير المخدرات و مش حاسة بنص جسمك الي تحت،
بعد الولادة ب٤-٦ ساعات تروحي عالبيت وتبدأي تمارسي نشاطاتك العادية

الولادات الي بعد كده هتبقي طبيعي ان شاء الله و هتاخد نص الوقت و نص المجهود تقريبا بتاع المرة الاولي

-اي واحدة حامل في حملها الاول في بيبي واحد راسه تحت ورجليه فوق في عدم وجود اي سبب يستدعي الولادة القيصرية زي سكر الحمل وارتفاع ضغط الدم بالحمل او اي تشوهات في الرحم او الحوض او الجنين تولد طبيعي

*طولك لو اكتر من ١٥٠ سم تولدي طبيعي
*وزن البيبي لحد ٤ كيلو تولدي طبيعي
*خايفة من الوجع هتاخدي حقنة الولادة بدون الم وتولدي طبيعي
*خلصتي التاسع و مجاش طلق نستني اسبوع في العاشر عشان تولدي طبيعي
*استنينا اسبوع في العاشر ومجاش طلق هتاخدي طلق صناعي و تولدي طبيعي
*بنت خالتك جالها شبكة ب٣٠ الف و ولدت قيصري هتولدي طبيعي
*جسمك من تحت مش هيبوظ و بعد اذنك اولدي طبيعي

الولادة الطبيعية من كتر ما هي سهله ومشاكلها قليلة الغرب بيسندها لاشخاص مدربين عالولادة (Mid wife ) مش دكاترة نسا

الولادة عموما طبيعي او قيصري تجربة شاقه علي الام واحنا بنحاول نسهلها بقدر المستطاع بس لو الاختيار في ايدك بلاش تعرضي نفسك لعملية بتعتبر من العمليات الكبري بكل مضاعفات التخدير وفتح البطن عشان معتقدات غير صحيحة بعضنا طلعها وانتوا ساعدتوا في نشرها

17/11/2017

اضطرابات النوم والارق من اكتر الاضطرابات اللى بنتعرض لها جميعا😩

هنتعرف عليها من خلال القيديو دا 👇👇