21/10/2025
🔥لين العظام وتقوس الساقين عند الأطفال:
🦴لين العظام بيحصل لما تقل نسبة الكالسيوم والفوسفور داخل العظام، وغالبًا سببه نقص في فيتامين (د) لفترات طويلة.
👌فيتامين (د) مسؤول عن امتصاص الكالسيوم والفوسفور وتثبيتهم في العظام، ولما نسبته تقل 🔚العظام بتضعف وبيبدأ يظهر التقوس أو الاعوجاج في الساقين.
✅أسباب لين العظام:
١-قلة التعرض لأشعة الشمس🌞 (وده السبب الأكثر شيوعًا).
٢-أمراض بتأثر على امتصاص الجسم للكالسيوم.
٣-بعض أمراض الكلى أو الكبد الوراثية.
٤-سوء التغذية أو قلة الأطعمة الغنية بفيتامين (د).
✅أعراض لين العظام:
١-تأخر الطفل في الحبو أو المشي.
٢-ضعف عام في العضلات.
٣-زيادة سمك الرسغ أو المفاصل .
٤-ملاحظة تقوس أو اعوجاج في الساقين.
🙏🏻لو لاحظت أي من العلامات دي على طفلك، ضروري جدًا تراجع دكتور الأطفال فورًا 💙
✅💊 العلاج:
🔴أغلب الحالات بتتعالج بسهولة عن طريق فيتامين (د) ومكمّلات الكالسيوم.
🔴الحالات البسيطة أو المتوسطة من التقوس بتتحسن تلقائيًا مع العلاج والمتابعة.
🔴أما الحالات الشديدة فقد تحتاج تدخل جراحي لتصحيح التقوس.
✅👌دا شكلها :
☑️أشهر شكل من أشكال التقوس هو اللي بتكون فيه القدمين قريبين من بعض والرجل مقوسة للخارج بمعنى إن الركبتين بعاد عن بعض Bow-Legs،
☑️يوجد نوع تاني من التقوس بيكون شكله مقلوب، يعني الركبتين قريبين من بعض Knock-Knees والقدمين بعاد.
✅👌نعمل ايه :
🙏🏻خلي طفلك يتعرض للشمس يوميًا من 10 لـ 15 دقيقة ☀️
🙏🏻اهتمي بالغذاء الصحي الغني بمنتجات الألبان والأسماك والبيض.
🙏🏻المتابعة المنتظمة مع دكتور الأطفال هي المفتاح للوقايه. والعلاج المبكر 👩🏻⚕️❤️
