Dr. Kyrillus Atef Oncology

31/01/2025

https://www.facebook.com/share/p/1BR45Zdxev/

يُسعدنا أن نعلن عن إنضمام د.كيرلس عاطف جابر
مدرس علاج الأورام بكلية الطب -جامعة عين شمس -استشارى علاج الأورام بمستشفيات ج عين شمس- دكتوراة فى علاج أمراض الأورام

لمناظرة الحالات التالية :

-علاج الأورام للبالغين
-خدمات العلاج الكيماوي و المناعي و الموجه و الهورمونية
-خدمات العلاج الاشعاعي

----
موعد العيادة :
الأحد الساعة 4:00 م
----
العنوان : 164 شارع التسعين الشمالي - التجمع الخامس - القاهرة الجديدة
الموقع علي جوجل مابس : https://bit.ly/3XyjZZn
للحجز والإستعلام الإتصال على : 15051

26/11/2024

# أكاذيب و حقائق عن الأكل و الأورام.....

*هل السكر يسبب أورام ؟
*هل اللبن و منتجاته يسبب أورام ؟
*طيب الدهون ..اللحوم ....الفاكهة.... الزيوت و السمن....و...و...
*هل فى اكل ممكن يقى من الأورام ؟

*كل دي اسئله اجابتها فى الڤيديو

*لو عندكوا اسئلة سيبوها فى كومنت و شوفوا اجابتها فى الڤيديو القادم ..

*مواعيد العيادة ..
برج كارما..١٤٥ ش منشية التحرير-الف مسكن

السبت من ٧ م إلى ١٠ م
الاتنين من ٤:٣٠ م إلى ٧:٣٠ م
الاربعاء من ٧ م إلى ١٠ م

*للتواصل تليفونيا
01555845945
*للتواصل واتس اب
01098309869

18/11/2024

https://www.youtube.com/watch?v=_fCQzaGkXxQ
محاضرة ل د. كيرلس عن سرطان الثدى وسرطانات المبيض والرحم
نتمنى حضراتكم تشوفوها وتستفيدوا 👨‍⚕️

التوعية بمرض السرطان د. كيرلس عاطفالجمعة ١٥ نوفمبر ٢٠٢٤

15/11/2024

# التدخين و السرطان
هل التدخين يسبب سرطان الرئة فقط ؟!
هل الڤيب تسبب السرطان ؟
ازاي توقف التدخين ؟

30/10/2024

في الفيديوهات الجاية هانتكلم عن مسببات السرطان زي التدخين - الأكل - العوامل الوراثية ..
تابعونا 🌹 ..

21/10/2024

هل التشخيص بالسرطان هو حكم بالإعدام على المريض ؟ ..

مهم نكمل الفيديو للآخر عشان نفهم الإجابة كويس ..

لو عندك أي استفسار سيب لنا كومنت والدكتور هيجاوبك ..

16/10/2024

هل التشخيص بالسرطان هو حكم بالإعدام علي المريض ؟
الإجابة في الفيديو الجاي ..

13/10/2024

ازاي الأورام السرطانية بتتكون ؟
ازاي بتنتشر ؟
ازاي بناءا علي فهمنا لطريقة تكونها بنقدر نعالجها ؟

Dr. Kyrillus Atef Oncology

12/10/2024

مساء الخير
الفترة الجاية هنعمل فيديوهات مفيدة كنوع من التوعية عن الأورام وكيفية نشأتها وأسبابها وأعراضها وطرق التشخيص والعلاج .. هل عند حضراتكم أسئلة معينة تحبوا نجاوب عليها في الفيديوهات أو البوستات علي الصفحة ؟

10/10/2024

العينة النسيجية من الأورام .. أهميتها وأضرارها

كتير في شغلنا كدكاترة أورام بنطلب عينة (خزعة) نسيجية من الورم كجزء مهم من خطوات التشخيص ..

العينة النسيجية ممكن تتعمل بكذا طريقة:

١- عينة بالإبرة تحت الأشعة أو الموجات الصوتية (needle biopsy): ودي بيقوم بيها دكتور الأشعة بطلب من دكتور الأورام وده بيتم تحت بنج موضعي .. دي العينة الشائعة في حالات أورام الثدي مثلا أو الأورام المنتشرة (الثانوية) ...

٢- عينة جراحية (excisional biopsy): ودي بنحتاجها في بعض حالات الأورام زي أورام الغدد الليمفاوية وأورام الخصية .. وبيقوم بيها دكتور الجراحة تحت مخدر عام (بنج كلي)

٣- عينة بالمنظار (endoscopic biopsy): ودي بنحتاجها في حالات أورام الجهاز الهضمي زي المعدة والقولون والبنكرياس .. وبيقوم بيها دكتور مناظير الجهاز الهضمي تحت مخدر عام ..

بعد ما بناخد العينة بنبعتها تتحلل باثولوجي (تحليل أنسجة) ..

العينة النسيجية لا غني عنها للتشخيص وده علشان أسباب كتير:

١- تشخيص طبيعة الكتلة الورمية الموجودة (حميد أو خبيث)..
٢- كمان بنعمل تحاليل صبغات مناعية علي الأنسجة (نفس العينة) علشان نشخص خلايا المنشأ (في حالة الأورام الثانوية)..
٣- بنطلب علي العينة بعد كده تحاليل باثولوجي استكمالية زي تحاليل مستقبلات الهورمونات والتحاليل الجينية والمناعية علشان نعرف خلايا الورم بتستجيب لإيه من مختلف العلاجات المتاحة وبكده نحدد خطة العلاج المناسبة للمريض..

ايه الأضرار المحتملة للعينة النسيجية؟

زي أي حاجة في الطب العينة النسيجية ممكن يكون ليها أضرار /مخاطر زي ما ليها فوايد .. الدكتور عشان يطلب أو يوصف أي حاجة في الطب لازم يكون مقتنع بأن فايدة الاجراء الطبي المطلوب اكتر من ضرره .. طول الوقت احنا كاطباء بنحاول نحقق الموازنة دي ..

الأضرار المحتملة للعينات النسيجية بتشمل الآتي:
١- امكانية حدوث اصابة بالعضو اللي اخدنا منه العينة ..
٢- امكانية حدوث نزيف أو عدوي بكتيرية مكان العينة ..
٣- امكانية حدوث آلام ما بعد العينة ..

المخاطر المحتملة دي مابتحصلش في أغلب الحالات واذا حصلت فبتكون محدودة الأثر جدا ومبتحصلش مضاعفات كبيرة وعشان كده احنا بنطلب العينة النسيجية دايما واحنا عارفين ان هامش الفايدة أكبر كتير من الضرر المحتمل...

سؤال أخير .. بنسمع كتير ان العينة النسيجية ممكن تنشر الورم .. هل ده صحيح؟

الإجابة المبدئية لأ أو عشان أكون أكثر دقة (لأ في اغلب أنواع الأورام) .. العينة النسيجية مش بتنشر الورم ولا حاجة ومن غير العينة النسيجية مش هنعرف نشخص ولا نعالج ..

طب ليه قلت أغلب ؟ .. لأن في بعض الأورام (زي أورام المبايض أو الكلي) العينة النسيجية بالإبرة بتخترق الكبسولة المحيطة بالورم وممكن تؤدي لانتشاره بالغشاء البريتوني المبطن لتجويف البطن وبكده مرحلة تشخيص الورم بتعلي (بيبقي مرحلة تالتة أو رابعة بدال ما كان مرحلة أولي قبل العينة) .. في الحالات دي تحديدا بنفضل العينة الجراحية اللي شرحتها في أول البوست لما يكون الورم لسه محدود جوه الكلية أو المبيض .. لكن لو الورم انتشر بالفعل بره المبيض أو الكلية وكان غير قابل للاستئصال ففي الحالة دي عشان نبدأ بالعلاج الكيماوي او المناعي بنحتاج عينة نسيجية بالإبرة عادي جدا عشان نثبت التشخيص قبل ما نبدأ العلاج..

أما في معظم الأورام (غير الكلي والمبايض) فالعينات النسيجية سواء بالإبرة أو الجراحية أو المناظير مش بتنشر الورم ولا حاجة .. دي معلومة خاطئة..

لو عندكم أي استفسارات بخصوص العينات النسيجية ماتجاوبتش بوضوح في البوست ممكن نشرح اكتر في التعليقات ..

09/10/2024

مواعيد العيادة
السبت ٧-١٠ مساءا
الاثنين ٤:٣٠ - ٧:٣٠ مساءا
الأربعاء ٧-١٠ مساءا

العنوان: برج كارما ١٤٥ شارع منشية التحرير - ألف مسكن

Dr. Kyrillus Atef Oncology

د/كيرلس عاطف جابر
مدرس واستشاري علاج الأورام - طب عين شمس