28/08/2025
دخول أبنك مدرسه يادوب مدبر مصاريفها بالعافيه
مش بس بتحمل عليك عبء مادى وأرهاق وديون
... لأ أنت بتحمل على أبنك عبء نفسى كبير هتدرك تبعاته بعدين
مجاراه مستوى مادى وأجتماعى مختلف وأعلى منك ... أكبر من عقل أن طفل أو مراهق يدرك معانيها
ثقافات متعدده ... أحنا كشعب أختلفنا كتير من جوانا وشربنا من ثقافات كتير وطبيعى أولادنا تأثروا
وبيتأثروا ... ولسه هيتأثروا
صعب على طفل يفهم قيمه الرضا وأرضى بالمقسوم وأن هى ده أمكانياتنا فى صغر سنه
أديله مساحه أكتشاف الحياه وسط طبقه مناسبه ليه ... بعدين هو لوحده هيخرج ويكتشف
متصعبوش اللعبه على ولادكم ... عارفه أن النيه خير
بس الجامعه أو المدرسه مش بس دفعه مصاريف أول السنه ونصف التيرم
لأ ... ده جزء من حياه أئمة وبنتك وثقافه هينخرط فيها ومستوى أجتماعى محتاج يجاريه
هاتيجى فالآخر العياده تشكى من أحتراق نفسى وعدم تقدير ولادك ... وأولادك هتشكى من حرمان وعدم تفاهم وأحتواء وأختلاف فكرى
القصه محتاجه بجد مجهود
التربيه محتاجه وصل ودفا فالبيت وعلاقه أبويه مليانه أمان وقبول
وفلوس ...
مش العكس ...
أهتموا بالأبداع ... أهتموا بالأبداع تانى وتالت
والله أعلى وأعلم
ومساء الورد
🩷☕
... أخصائى نفسى أكلينيكى
أخصائى العلاج النفسى بالفنون التعبيريه والإبداع
ورئيس وحده العلاج بالفن مستشفى الصحه النفسيه
الهدوء للصحة النفسية وعلاج الإدمان د. وائل فؤاد
