DR- Dina Saeed

DR- Dina Saeed healthy food for wealthy mode

31/05/2025

ليه مانجربش نعمل تورتة بطيخ في أعياد الميلاد؟ 🍉🎂

يعني بدل الكيك التقليدي… إيه رأيكم في حاجة منعشة، خفيفة، وشكلها يفتح النفس 😋

شوفوا الألوان قد إيه مبهجة 😍

سهلة جدًا ومش محتاجة فرن ولا تعقيد
وفوق ده كله مثالية لأجواء الصيف والحر ☀️❄️

جربوها وابهِروا ضيوفكم بحاجة جديدة ومختلفه 🍉🍉



30/05/2025

تعالوا اقولكوا على الفاكهه المعجزه
الأفوكادو 🥑

ده مش ترند خالص… دي super food💪
غنيه بدهون مفيدة، ألياف، بوتاسيوم، ومضادات أكسدة يعني بيشتغل على القلب، الهضم، والمناعة والكوليسترول الضار

الأفوكادو ملياااان فوايد
هو غالي شويه
بس يستاهل الواحد يضحي وندخله في نظامنا
مرتين في الأسبوع كافيين جدا 😍

هتكلم عن اول فايده ليه
وهي الشبع

✨ فيه دراسه اتعملت على مجموعه اكلوا نص ثمرة افوكادوا في الغداء ولا مجموعه لأ
تبين ان الذين تناولوا افوكادو سجلوا تراجع نسبته 40% بالرغبه في الاكل خلال 3 ساعات بعد الغداء ، وتراجع نسبه 28% في الرغبه بتناول الطعام خلال فتره 5 ساعات مقارنه بمن لم يأكلوا افوكادو

ولسه ليه فوايد كتييييير


#وصفاتـصحيه

25/05/2025

لو عايزه حاجه fresh ومنعشه في الحر دا
جربي سلطة البطيخ 🍉🥗

🍉 بطيخ
جبنه فيتا
نعناع فريش
عصرة ليمون

بس ليه الأفضل ندخل جبنه مع البطيخ ؟!!

البطيخ ال glycemic index عالي (72 )
لما نعمل ميكس مع بروتين زي الجبنه هيقلل ارتفاع سكر الدم
وفي الحاله دي بيكون مناسب جدا لمرضي السكر ومقاومة الإنسولين

كلوا بطيخ يا جماعه 😋😍

🍉 البطيخ بيحتوي على ماده اسمه ال lycopene
الماده دي مضاد اكسده قوي جدا بيحمي من السرطان وامراض القلب

🍉 البطيخ مليان فيتامينات ومعادن
والأهم انه مليان ميه وبوتاسيوم بيروي الجسم في الحر وبيعوض الأملاح اللي الجسم بيفقدها

#


19/05/2025

مين قال مش هنشرب عصير في الدايت 🤔😍

في الحر دا كل اللي بنفكر فيه هو حاجة باردة ومنعشة 😍

تعالى أقولكوا على عصير بطيخ هيلثي وطبيعي 100%

✨ المكونات

بطيخ متقطع مكعبات 🍉

شرايح ليمون 🍋

شوية نعناع فريش

مكعبات تلج ❄️
ولو حبيت نقطة عسل أو سكر دايت ( اختياري)

وممكن نزود صودا زيرو كالوري



01/05/2025

مينفعش يعدي يومك من غير بيض!
بس لو زهقتي من البيض المسلوق أو الأومليت، جه الوقت نجرب حاجة مختلفة ومشبعة بطعم يفتح النفس!

✨ تعالي نجرب بيتزا البيض
طعمها لذيذ، عالية البروتين، ومليانة خضار يعني فيتامينات ومعادن اللي جسمك محتاجها

✅ وجبة متكاملة للأطفال وتنفع كمان في اللانش بوكس، وكأنك قدمتي بيتزا... بس صحية

✅ لو بدأتي بيها يومك، هتشبعي لفترة طويلة وهتودعي الجوع السريع والنقنقة طول اليوم.

✅ مناسبة جداً لمقاومة الإنسولين وتكيس المبايض لأنها بتوازن السكر في الدم وتشبع من غير نشويات كتير.

جربيها وقوليلي رأيك 😉



18/04/2025

Banana pancakes 🍌🥞
تعالوا نتكلم شويه عن الموز
ليه لازم الموز يكون جزء من نظامنا الغذائي 🤔

▪️الموز بيحتوي على البوتاسيوم اللي بيدعم صحة القلب والعضلات
▪️مليان ألياف اللي بتساعد على الهضم وبتقلل الإمساك
▪️بيدينا طاقه ... وجبه مثاليه لقبل التمرين
▪️مهم جدا للأطفال بيساعد على نمو العظام والعضلات
بيدعم المناعه
طعمه حلو .... بديل صحي ولذيذ للحلويات

بس للأسف فيه اطفال كتير مش بتحب الموز
وهنا بقى ييجي دور super mummy 💪😍

✨ الحل السحري في وصفة بانكيك الموز
هنقطع الموز حلقات
ونغلفه بخليط البانكيك

( ١٥٠ جم دقيق اسمر ، ٢ بيضه ، رشة ملح ، معلقه صغيره بيكنج بودر ، معلقه صغيره عسل نحل ، ٣٠ جم زبده ) ونضيف اللبن بالتدريج حتى الحصول على قوام سميك ( حوالي ١٣٠ مل لبن )

نسويه في طاسه غير قابله للإلتصاق

التوبينج بقى عشان يغطي على اي طعم للموز
صوص تشوكليت
قطع فراوله او توت
عسل نحل + مكسرات

الريسيبي دي تنفع للانش بوكس الولاد

Bonne Appetite 😍





06/02/2025

حاولتي تسيطري على ش**ة الطعام ومعرفتيش ‼️

الموضوع فعلا صعب
لازم تفهمي الأول اسباب ش**ة الطعام

ال food craving بيكون اشتهاء لنوع معين من الأكل
جسمك بيحاول يكلمك وبيعرفك ايه اللي محتاجه من العناصر الغذائيه او تغيرات هرمونيه او القلق والإكتئاب

ال craving دا مالوش علاقه بإشارات الجوع ❌

تعالي اقولك ايه اسباب ال food craving

1- اشتهاء الحلويات بسبب نقص الكروم
2- اشتهاء الاطعمه المملحه بسبب نقص الصوديوم
3- اشتهاء التلج بسبب نقص الحديد
4- اشتهاء اطعمه معينه اثناء البيريود بسبب لخبطة الهرمونات
5- قله الترطيب وشرب الميه بيخلينا نشتهى المشروبات الغازية والعصاير
6- التوتر والقلق و الإكتئاب بيخلينا نلجأ لأكلات معينه خصوصا الحلويات عشان تزود هرمون السيروتونين

البوست الجاي هنعرف ازاي نتغلب على ش**ة الطعام بخطوات سهله وبسيطه

#ش**ةـالطعام

بتاكلوا كام واحده في المره 😂البلح مسموح طبعا في الدايت من 3-5 وحدات حسب سعراتك الحراريه كحصة فاكههفوايده كتيره جدااااتح...
11/08/2024



بتاكلوا كام واحده في المره 😂

البلح مسموح طبعا في الدايت
من 3-5 وحدات حسب سعراتك الحراريه كحصة فاكهه

فوايده كتيره جداااا
تحسين الهضم
تقويه العظام ( بيحتوي على كالسيوم وفوسفور وبوتاسيوم و ماغنسيوم )
مضاد للإلتهابات
ينظم سكر الدم

السعرات الحرارية
كل 100 جم بيحتوي على حوالي 280 سعر حراري

#سلسلة _سناك_صحي البطاطا الحلوه 🍠🥰فوايدها كتير جدااا وبنعتبرها من ال superfoods1- غنيه بالڤيتامينات والمعادن واثبتت الد...
08/08/2024

#سلسلة _سناك_صحي

البطاطا الحلوه 🍠🥰
فوايدها كتير جدااا وبنعتبرها من ال superfoods

1- غنيه بالڤيتامينات والمعادن واثبتت الدراسات ان مادة الكاروتين اللي في البطاطا بتقلل احتمالية الإصابه بالكانسر

2- مناسبة لمرضى السكري ومقاومة الانسولين لإنها مش بترفع سكر الدم

3- بتقلل من مستويات الكوليسترول في الدم وبتقلل من خطر الإصابه بأمراض القلب

4- بتحتوي على نسبه عاليه من الألياف
ال 100 جم فيه حوالي 13 جم ألياف نصف احتياجتا اليومي من الألياف

5- ال orange food بيحتوي على كاروتين و فيتامين A المهم لصحة البشره والشعر والعين

💥واهم حاجه بالنسبالنا في حالات السمنه
بتقلل من الإلتهابات في الجسم وبتساعد على على نزول الوزن

ال 100 جم فيه حوالي 86 سعر حراري

انا شويتها في الفرن وحطيت مكسرات مصدر للدهون الصحيه مع مشروب دافي بيريح الأعصاب 😍
( الأفضل تكون مكسرات نيه عشان نحافظ على القيمه الغذائيه )

💪

رغم اننا موقفين متابعه من بعد رمضان بس دايما تسأل عليا وتفاجئني برسايلها الحلوه دي 😍😍 ودايما بتفكرني بإنجازنا سوا وأد اي...
29/07/2024

رغم اننا موقفين متابعه من بعد رمضان
بس دايما تسأل عليا وتفاجئني برسايلها الحلوه دي 😍😍
ودايما بتفكرني بإنجازنا سوا وأد ايه هي ممتنه للي وصلناله سوا 🥰

الحمد لله بفضل الله اغلب اللي بيتابعوا معايا علاقتنا بتفضل مستمره بعد المتابعه
ودي نعمه من ربنا انه يفكرني دايما بأهميه اللي بعمله عشان اوقات كتير بضعف وبفكر اوقف شغل 💔

(اللهم انفعني بما علمتني 🤲 )

😂😂 انا كده عرفت ليه بنسى اخد الأوميجا 3
15/07/2024

😂😂 انا كده عرفت ليه بنسى اخد الأوميجا 3

Address

Kom Hamada

Website

Alerts

Be the first to know and let us send you an email when DR- Dina Saeed posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to DR- Dina Saeed:

Shortcuts

Share

Category