الجمعية المصرية للطب الوظيفي - EFMA

24/11/2023

24/11/2023

21/11/2023

رسمياً العلاج المعرفى السلوكى او للتبسيط التعامل النفسى مع المريض اثناء العلاج من السمنة جزء اصيل من خطة العلاج طبقا لاحدث الجايدلاينز ..
طب ايه العمل لو مش متاح لكل مرضى السمنة الكثيرين جداً فرصة تلقى العلاج على يد فريق متكامل وفيه هذا التخصص
الحل يا صديقى انك تكون انت الفريق
تتعلم اساسيات العلاج المعرفى السلوكى CBT وتعمله مع مرضاك
نمرة 1- تحسن نتايجك
نمرة 2 - تتميز بشدة وسط منافسة رهيبةحاليافى المجال
نمرة 3 - تساعد مريضك بجد مش تديله ورقة وخلاص
نمرة 4 - ودى اهم نقطة
ما تؤذيهوش
Do no harm
للاسف لو انت كمعالج مش متدرب على التعامل النفسى الصح مع مريضك
مش بس مش حتعرف تساعده انت للاسف احتمالات انك تضره عالية جداً ودى مأسى بنشوفها كل يوم ولا سبيل لانكارها
فى the road
حبسط قواعد الCBT للسمنة بموجاته الثلاثة
حاربط النظرى بالعملى وخبرة شغل سنين مع الحالات
مع شغف خاص جدا عندى من زمان لهذه المنظقة من ممارسة الطب
انتظرونىً فىً ورشة عمل قوية جداً تاخدنا من النظرى لتعلم مهارات محددة فى التعامل مع العيان

The ROAD
Ressiting Obesity Approach By Doaa
https://www.facebook.com/events/197581696549705/?active_tab=discussion

19/11/2023

بجد بجد شكرا على ثقتكم الغالية ..الاقبال على FATO 23 تاريخى بسم الله ماشاء الله ..للاسف المقاعد محدودة والناس اللى سجلت والشركة بعتتلها تاكيد الحجزميل وواتس اب هم بس اللى حيقدرو ينورونا فى الفندق ..المحاضرات حيتم تسجيلها وحتتبعت لجميع اعضاء الجمعية المصرية للطب الوظيفى مجانا ..وان شاء الله ايام علمية قوية كتير تتكرر ونقدر نتشرف بيكم كلكم

18/11/2023

النوم وثيق الصلة بالسمنة .. الشهية .. التمثيل الغذائى .. السلام النفسى .. كلنا عارفين المعلومة دى .. لكن مين فينا بيسأل مريضه فى عيادة السمنة عن نومه ؟ الحقيقة قليل جدا .. ولو سأل مين فينا عارف يسأل عن ايه بالضبط وازاى يقييم بطريقة علمية كفاءة نوم المريض ؟
ولو لقى مشاكل صغيرة يصلحها ازاى ؟ولو لقى مشاكل كبيرة يبعتها لمين وامتى ؟
كل دى واكتر اسئلة مهمة وفارقة وفعالة فى رحلة علاج السمنة .. حتجاوب عليه باقتدار شديد الاستاذة الدكتورة / جيداء مكى استاذ طب النوم بجامعة الاسكندرية .. باوعدكم بمحاضرة قيمة جداً حنستفيد منها كمعالجين ولينا احنا شخصيا لان مشاكل النوم اصبحت جزء لا يتجزأ من حياتنا العصرية ومرتبطة بكل حاجة مش السمنة بس فحنتعلم معلومات مهمة لينا ولعياننينا ان شاء الله

17/11/2023

العلاقة بين السمنة \ الشهية \ التحكم \ نزول الوزن والحالة النفسية موضوع لا يحتاج المزيد من المحاضرات لمناقشته
ده امر بديهى المريض قبل الطبيب عارفه
السؤال اللى بجد طيب ما كل الناس مضغوطة اتعامل انا ازاى كاخصائى تغذية ؟
احول العيانين على الطبييب النفسى يشتغل الحالات معايا .. حتى لو انا عايز ومقتنع قليل اوى من العيانين اللى حيقدر على ده
اذن لا بديل اننا نتعلم اساسيات نقدمها للمريض بتاعنا .. نعرف ازاى نقيم حالته النفسية نسأل على ايه بالضبط ؟وامتى نتعامل وامتى نحول ؟ وايه الحلول اللى نقدر عليها لوحدنا وايه المنطقة اللى ما نقدرش نعديها ولازم نلجأ لاهل التخصص
باختصار محاضرة تقدم لنا "ما لا يسع اخصائى التغذية جهله فى ملف الطب النفسى " مع الطبيب البارع والمحاضر المتمكن الاستاذ الدكتور / احمد ابو الوفا الرجل المتمكن فى مزج الطب النفسى بالحياة .. محاضرة انا اول من يتطلع بشدة لحضورها والاستمتاع بها بإذن الله

16/11/2023

الديتوكس ؟ موضة ؟ ترند ؟ بيزنس مكملات ومشروبات ؟ صيام بالايام ؟ماية بس ؟ تفاح وبطيخ ؟الى اخر الدوشة اللى مالية كل مكان وياما عيانين بيمشوا على خطط غريبة مع نفسهم وغالباً ضررها اكتر من نفعها
هو هبد ولا علم ؟ هل هو جزء مفيد من خطة علاج السمنة وممكن يتفعل صح ويفيد ؟ بصراحة موضوع محير جداً ومالوش مسكة واللغط فيه كتير جداً .. لكن مين غير الاستاذة الدكتورة / دعاء جنينة تقدر تجيبلنا قرار الموضوع وترسينا على بره العلمى
ايه الصح ؟ وايه الفنكوش ؟ ويتعمل امتى ومين المريض اللى محتاجه ويتعمل صح ازاى .. انتظروا القول الفصل من القامة العلمية والخبرة الكبيرة استاذتنا دكتورة دعاء جنينة

15/11/2023

السمنة مرض .. جملة بسيطة لكن ثورية غيرت كل شىء فى ملف التعامل مع المشكلة ..
مرض يعنى المريض مش متهم ..المريض شخص فى ازمة ومحتاج مساعدة ..
السمنة مرض يعنى لو فى علاج دوائى يتاخد بشرط يتاخد صح بواسطة الشخص الصح فى الحالة الصح .. عهد اقفل بقك تخس .. مرحلة منقضية اثبتت فشلها عمليا وخطئها علميا
ملف العلاج الدوائى للسمنة ملف خطير لانه فعال جداً ولان انصاف المعلومات فيه خطر جدا نص المعلومة فيه اسوا بكتير من الجهل بيها استاذنا دكتور / احمد نوير بلا منازع هو ملك هذا الملعب .. من زمان وهو عراب الرحلة دى واشهد انه استشرفها قبل ما تكون واقع بنعيشه بكتير بسنوت طويلة .. من زمان اوى سمعته وهو بيقول الروشتة حتكون اهم ورقة بياخدها المريض فى وقت ما .. اهلا بيكم فى "الوقت ما" لانه اصبح نص الان وكل المستقبل .. فى جولة عميقة وشاملة حيلف بينا دكتور نوير الملف كاملا ويجهزنا اكتر للشكل الجديد من ممارسة مجالنا القوى جدا اللى محتاج مذاكرة واجتهاد منا اكتر من اى وقت مضى
محاضرة انا منتظراها جداً جداً لان الملف ده محتاج يترتب لان الممارسة الغلط فيه كارثية ومشاكلها كتير جداً جداً

14/11/2023

انت ما تأكله ..كلام سليم . مين يقدر يختلف على ده .. لكن دى مش كل القصة .. الموضوع اكبر واعقد من كده .. انت ما تأكله وتشربه وتتنفسه وتحطه على جلدك .. انت نتاج تفاعلك مع البيئة اللى للاسف فى اسوأ حالاتها
عشان كده وضع نظام غذائى للمريض عمره ما حيكون كافى ابداً .. انت محتاج تضع نظام بيئى للمريض البائس اللى جه فى اسوأ اوقات الكوكب اللى بقى فيها مليان سموم .. ركبته كل الامراض حرفيا واولها السمنة
يعنى ايه الكلام ده ؟ يعنى لو انت عايز تساعد مريضك فعلا علمه ازاى ينضف بيئته المحيطة على الاقل فى دوايره القريبة عشان يقدر يعيش باقل ضرر على الكوكب الللى باظ ده
جزء من تصليحك لحياة مريضك حيتعلق مش بس بأكله فى التلاجة ؟لا نوع الحلل ..الحاجات الكتير اللى على التسريحة .. البلاستيك الكتير اللى فى حياته .. ادويته ... الاضافات الى فى كل حاجة معجون سنانه وصابونته وشامبوهاته مفاجاة مش كده كل دى حاحات حناخد بالنا ازاى نضبطها للعيان بتاعنا علشان نساعده بجد وبفاعلية
مين حيعلمنا ده اقدر من استاذتنا كلنا ؟ انسيكلوبيدا التغذية فى مصر والعالم العربى كله ..استاذتى اللى علمتنى وخدت ايدى وايد اجيال دخلتهم المجال من الباب الصح بالطريقة الصح طريقة العلم ولا شئ غير العلم اللى ينفع الناس ويرضى الله فى مجال كثرت فيه الاخطاء و الممارسات التجارية
ايقونة علمنا وتخصصنا استاذة الدكتورة / ايمان سلطان ربنا يحفظها ويديمها علينا نعمة ويبارك فى عمرها ويزيدها علم وحكمة
https://www.facebook.com/events/197581696549705/?active_tab=discussion