Doctorak دكتورك

Home
Egypt
Cairo
Doctorak دكتورك

مستعجل عايز تحجز معاد عند الدكتور؟ ماتدورش كتير
سهلها على نفسك وادخل على موقع دكتورك
(1)

21/07/2025

🍈 التين الشوكي.. صديق مريض السكر والقولون والقلب! غني بالألياف، مضادات أكسدة، بوتاسيوم، وماغنيسيوم.. بيقوي المناعة وفيه فيتامين C 💪
وبيساعد على تقليل الكوليسترول والالتهابات..

14/07/2025

الجو حر أوي… ومش بس لازم نشرب مياه لترطيب الجسم..
الخضروات والسلطات دلوقتي مهمة جدًا! 🥗ألياف بتساعد انها ترطّب جسمك وتحميه، خاصة في الحر بعض الناس بتحس بتعب أو دوخة
تابعنا الفترة الجاية هنتكلم عن أنواع الخضروات وفوايدها، عشان نشجعكم تحبوا تعملوا سلطة وخضروات أكتر 💚
#دكتورك

13/07/2025

الدكتور مش بس بيعالج، دا شخص قرر يكرّس جزء كبير من حياته عشان يساعد غيره!
كل يوم بيشيل مسؤولية انه يسمع شكوى، يفكر، يقرر بحذر عشان يشخّص صح.. كل دا محتاج طاقة وتركيز ودعم مننا
لأن التقدير البسيط بيفرق… دي تحية مننا لكل طبيب بيشتغل بضمير، وبيحاول يقدّم أفضل ما عنده
ابعت الكلام دا لأي دكتور تعرفه محتاج دعم! 🙏🩺👨‍⚕️👩‍⚕️
#دكتورك

28/06/2025

بتعاني من انتفاخ أو مغص قولون عصبي؟😓 جرّب مغلي الكمون! معلقة صغيرة كمون حب على مياه مغلية وتغطيه دقايق، مرة أو مرتين في اليوم، يقلل الانتفاخ والغازات، يساعد على الهضم ويهدّي التقلصات

27/06/2025

تعرف إن التكييف اللي شغال طول اليوم + الموبايل اللي في إيدك ليهم دور كبير في زيادة جفاف العين للأسف!
حرارة جو الصيف والتكييفات عوامل مهمة لازم تاخد بالك منها لو بتعاني من الأعراض دي: حرقة أو حكة في العين، احمرار، مخاط حول العين، ضبابية في الرؤية ، الشعور بوجود شئ ما في العين يثيرها، الصداع

دي نصائح بيسطة تقلل بيها الضرر على عينيك👇
حافظ دايمًا على مسافة مناسبة بينك وبين الشاشة، تجنّب رفع إضاءة الموبايل وكل ٢٠ دقيقة ريّح عينيك، استخدم قطرات مرطبة للعين، قلل التعرض المباشر لهواء التكييف، استخدم نظارات شمسية عند التعرض للشمس والأتربة، وحاول أن تستمر على نظام غذائي صحي يحتوي على أوميجا 3 وفيتامين أ (كبدة، سبانخ، جزر)
#دكتورك

21/06/2025

نصيحة على السريع علشان تحافظ على بشرتك وجلدك من شمس الصيف والحر الشديد🔥
استخدم واقي الشمس قبل النزول بـ ٣٠ دقيقة/ اختار ملابس قطنية تكون فاتحة وخفيفة
الطاقية أو الكاب 🧢مهمة للأطفال في الشمس، اهتم بالفواكه والخضروات الغنية بفيتامين A و C
(زي الجزر، الطماطم، الليمون، والمانجو) واشرب مياه كفاية…صحة الجسم بتبدأ من الداخل!

#دكتورك

20/06/2025

لو بتعاني من دوالي الساقين ومع إرتفاع درجات الحرارة 🌡️ المشكلة بتزيد بسبب تمدد الأوردة!، جرّب الطرق دي لتخفيف الأعراض:
ارفع قدمك وقلل الوقوف أو الجلوس الطويل، حافظ على وزن صحي واشرب مياه كفاية، استخدم شراب ضاغط مطاطي، مارس الرياضة ✅
#دكتورك #دوالي

19/06/2025

تعرف إن التسمم الغذائي شائع جدًا في الحر؟!

لو الأعراض خفيفة زي إسهال، قيء يبقى تسمم بسيط وبيتحسن مع الراحة والسوائل زي المياه
لو الإسهال استمر أكتر من يومين أو فيه دم في البراز، مغص شديد في البطن، حرارة عالية يبقى محتاج زيارة طبيب

نصيحة: دايمًا اختار أماكن نظيفة لو هتاكل من برا وبلاش سلطات من مكان مش موثوق جودته!
#دكتورك

12/06/2025

حاسس بدوخة؟ صداع؟ جلدك جاف؟
ممكن تكون دي ضربة شمس، ومش هزار!

ضربة الشمس حالة طبية طارئة معناها إن الجسم فشل في تنظيم حرارته❗
بتحصل نتيجة التعرض الطويل للشمس مع ممارسة مجهود بدني + قلة شرب المية

أول تصرف الدخول بمكان فيه ظل مع ترطيب الجسم بمياه باردة

احمي نفسك دايمًا، الحر شديد الأيام الجاية.. شُرب المياه + ملابس لونها فاتح، وتجنّب التعرض المباشر للشمس وقت الظهر!

#دكتورك

11/06/2025

🩸 هل لازم أعمل تحليل دم مرة كل سنة؟
الإجابة: أيوا لو عايز تعمل كشف دوري للإطمئنان
ولكن الحقيقة إن دي مش قاعدة ثابتة لكل الناس وفيه عوامل بتغيّرها👇

لو بتعاني من أمراض مزمنة (زي السكر أو الغدة) التحاليل ممكن تتكرر كل ٣-٦ شهور، بتاخد أدوية بتأثر على الكبد أو الكلى؟ لازم متابعة دورية!.... عندك تاريخ عائلي لمرض مزمن؟ الأفضل تفحص أكتر من مرة بالسنة، نمط حياتك غير صحي (تدخين، أكل غير متوازن، قلة نشاط)، ظهرت عليك أعراض مقلقة زي فقدان وزن مفاجئ، تعب مستمر؟؟ التحاليل هنا ضرورية 👌

#فحوصات

05/06/2025

عيد أضحى سعيد عليكم، وكل عام وأنتم بخير وصحة ✨

دكتورك بيقولك ماتنساش تشرب مياه كتير، الأيام الجاية درجات الحرارة هتزيد + الأكل كمان 🤭

#دكتورك

30/05/2025

معلقة صغيرة من العسل ..يعني كمية فوايد كبيرة جدًا !🥄🍯👇

✅ طاقة ونشاط أحسن خلال اليوم، هضم أفضل وارتجاع أقل، يخفف الإمساك وكمان الإسهال، مضاد حيوي طبيعي، علاج للفطريات وقرح الفم، مقوّي للمناعة ومهدئ للكحة
كل دا في معلقة واحدة بس!
بشرط إنه يكون عسل نقي وطبيعي 💯

#دكتورك

Address

Cairo

Website

https://doctorak.com/

Alerts

Be the first to know and let us send you an email when Doctorak دكتورك posts news and promotions. Your email address will not be used for any other purpose, and you can unsubscribe at any time.