01/08/2025
الواد مش مبطل عياط من المغص يا دكتورة 😥‼️
🤱 المغص فى الرضع هو عبارة عن اضطرابات بتحصل في الجهاز الهضمي للرضيع و بتتسبب في حالة من البكاء و الصراخ الشديد و هي حاجة طبيعية و بتقل جدا مع الشهر الرابع من العمر👶
🤱 بتبتدى وصلة الزن والعياط غالبا في الاسبوع الثاني من العمر لما يبدأ النونو في الرضاعة بشكل كويس يبدأ يعيط بدون سبب واضح عياط شديد و يتلوي من الألم ، برغم كدة المغص في حد ذاته مايعتبرش مرض لكن هي ظاهرة فسيولوجية بتحصل في الاطفال الرضع في الشهور الاربعة الاولي من العمر 🤚
🤱 طيب ايه السبب يا دكتورة 😥 ‼️
🛑 أثناء الرضاعة بيبلع الطفل الهواء و دا بيؤدى الي الانتفاخ و زيادة الغازات في بطنه و يسبب ضغط علي جدار الامعاء و بالتالي يعمل مغص و الطفل يعيط ☹️
🛑 كمان ضعف نمو القناة الهضمية و انزيمات الهضم بيؤدي الي صعوبة هضم الرضعة و بالتالي يعمل مغص😥
🛑 حساسية الجهاز الهضمي من سكر اللاكتوز بيؤدي الي الاسهال و سوء الهضم و المغص 🥺
⭕ طب ايه هى الاعراض اللى افهم منها ان الرضيع بيعانى من مغص ‼
👶 العياط بصوت عالى بدون سبب واضح لمدة ثلاث ساعات أو أكثر، ولمدة ثلاثة أيام فى الأسبوع أو أكثر، ويتكرر دا لمدة ثلاثة أسابيع أو أكثر 😣
👶 يزيد العياط بعد الرضعات وقبل التبرز 😖
👶 الطفل بيتنى رجليه ناحية بطنة ووشه بيحمر و يبقى مكشر وعياط 😭
⭕ طب ايه العلاج ‼
1️⃣ وضع الرضاعة الصحيح ، دا هيقلل كمية الهوا المبلوعة و يكون مستوى رأسه أعلى من مستوى بطنه، فالرضاعة في الوضع دا بتخلى اللبن يستقر أسفل المعدة، والغازات تطلع لفوق، فيسهل خروجها بعد كدة 🤚🧑⚕️
2️⃣ إذا كان الطفل بيرضع صناعي، لازم يرضع فى نفس الوضع زى ما شرحنا، وفى الوقت نفسه لازم نتأكد أن ح**ة «الببرونة» ممتلئة باللبن أثناء الرضاعة، ومفيهاش هواء.. لتقليل الهواء المبتلع بواسطة لرضيع 🧑🍼
3️⃣ التكريع بعد كل رضعة.. لااازم «تكريع» الطفل بعد كل رضعة، عن طريق حمله على الكتف والضرب برفق على ظهره، حتى يتم خروج الغازات اللى بلعها أثناء الرضاعة، ويمكن تكريع الطفل فى وضع آخر، بأن يوضع على بطنه بطول الذراع، و نخبط على ظهره بلطف، عشان يتم خروج الغازات، و«التكريع» دا بيخليه يحس براحة أكثر 🤚🤷
4️⃣ لازم ندى الطفل شوية وقت لو « ماتكرعش » ، وبعد خمس أو عشر دقائق نحاول مرة تانية « تكريعه » ، عشان تكون الغازات انفصلت عن اللبن ، وتقدر تخرج 😅
5️⃣ نخلى الطفل على ظهره ونرفع رجله لفوق مع تحريكها، وكأنه راكب دراجة و التمرين دا بيساعد على خروج الغازات من بطنه 🚴
و نضغط شوية على بطنه
6️⃣ افركى بطن الطفل بحركة دائرية برفق، دا هيساعده على طرد الغازات من بطنه😌
7️⃣ الام تخلي بالها من اكلها و تبعد عن الاكل اللي بيزود الانتفاخات 👌🙋
👀 بس و احنا بنعمل كل ده لازم نخلي بالنا و لو قابلتنا اي مشكلة او مفيش تحسن يبقى لازم الدكتور 👩⚕️يشوفه عشان يستبعد اى مشاكل😌
🔸
🚦للحجز والإستعلام
🟣 عيادة الأقصر
يوميا
⏰ ٨ مساء حتى ١٢ مساء
🔸 يوم الجمعة
⏰ ٧ مساء حتى ١٠ مساء
🔰 شارع التليفزيون أمام كويك بيتزا
و أعلى عيادة د/ فهد فاضل
📲 ٠١٠٩٨٧٨١٤٦٤
📲 ٠١١٠٠٧٧٩٨٤٦
🔵 عيادة الزناقطة
يوميا
⏰ ٤ مساء حتى ٨ مساء
🔹 يوم الجمعة
⏰ ٤ مساء حتى ٧ مساء
🔰 ميدان المطار أعلى صيدلية د. عبدالله محمد على
📲 ٠١٠٣٣٧٠٢٥٢٥
📲 ٠١١٠٠٧٧٨٦٤٦
