د- محمد حسني - أخصائي الأطفال وحديثي الولادة

21/07/2025

> وصلوا تؤامين صغيرين، كأن الفرحة اتقسمت على اتنين. ملامحهم هادية كأنهم جايين من الجنة، وبراءتهم تسرّب راحة في القلوب. ربنا يحفظهم ويبارك في عمرهم ويخلي ضحكتهم دايمًا منورة الدنيا

لو جبتو تؤام يا ترى هتسموهم ايه ؟؟

16/07/2025

وزارة الصحة والسكان تصدر بيانًا رسميًا حول مرض الالتهاب السحائي
‏‎
أصدرت وزارة الصحة والسكان، بيانًا رسميًا بشأن الإلتهاب السحائي، حرصًا منها على تعزيز الشفافية وإحاطة المواطنين بالمعلومات الدقيقة والموثقة علميًا حول مرض الالتهاب السحائي، وتجنبًا لتداول أي معلومات غير صحيحة أول مضللة.

وأوضحت الوزارة في بيانها، أن الالتهاب السحائي هو مرض ينتج عن التهاب الأغشية المحيطة بالمخ والحبل الشوكي (السحايا)، وقد يكون ناتجًا عن ميكروبات (بكتيريا، وفيروسات، وفطريات، أو طفيليات)، أو لأسباب غير ميكروبية مثل (الأورام، والأدوية، والعمليات الجراحية، أو الحوادث).

ونوهت الوزارة إلى أن النوع البكتيري المعدي نجحت مصر في السيطرة عليه منذ عام 1989، حيث انخفض معدل الإصابة إلى 0.02 حالة لكل 100,000 نسمة، وذلك بفضل جهود الترصد والتطعيمات الوقائية، مؤكدة عدم رصد أي حالات وبائية من النمطين البكتيريين (A&C) بين طلاب المدارس منذ عام 2016، نتيجة استراتيجية التطعيمات الفعالة.

وأشارت الوزارة إلى أن نظام الترصد الصحي المتكامل يعتمد على شقين أولهما الترصد الروتيني، والذي يتم من خلال متابعة البلاغات اليومية من جميع المنشآت الصحية، وتقديم الرعاية الفورية (تشخيص وعلاج) مع تسجيل النتائج إلكترونيًا، وتقديم الوقاية الكيميائية (مثل عقار الريفامبسين) للمخالطين لمدة 10 أيام، بينما يعتمد الشق الثاني وهو الترصد في المواقع المختارة، الذي يتم من خلال فحص عينات السائل النخاعي في 12 مستشفى حميات باستخدام تقنية PCR في المعامل المركزية المعتمدة من منظمة الصحة العالمية.

وأكدت الوزارة توفير 6.5 مليون جرعة سنويًا من التطعيم الثنائي (A&C) لتلاميذ الصف الأول في جميع المراحل التعليمية ، كما توفر الوزارة 600,000 جرعة سنويًا، من التطعيم الرباعي للمسافرين إلى الدول الموبوءة أو لأداء الحج والعمرة، إلى جانب إدراج تطعيم الهيموفيلس إنفلونزا ضمن جدول التطعيمات عند عمر (2، 4، 6 أشهر) منذ فبراير 2014، بجانب تطعيم BCG للوقاية من الالتهاب السحائي الدرني.
‏‎
وأكدت الوزارة أن ما يشاع عن وفاة 4 أشقاء في نفس التوقيت بسبب الالتهاب السحائي -عارٍ عن الصحة وغير موثق علميًا- للأسباب التالية:
* لا يوجد دليل طبي يدعم حدوث الوفيات في توقيت واحد في الأمراض المعدية
* يجب استبعاد الأسباب غير المعدية (مثل التسمم الغذائي أو الكيميائي) قبل تأكيد السبب
* في حالات التفشي الأسري، تكون الوفيات متقاربة زمنيًا (ضمن أيام)، وليست متطابقة
* استجابة الأجسام للعدوى تختلف حسب العمر، المناعة، والعبء الفيروسي، مما يجعل الوفاة في توقيت واحد لـ4 أشقاء غير منطقية طبيًا.
‏‎
وفي نهاية بيانها أوصت الوزارة، بضرورة الاعتماد على المصادر الرسمية للمعلومات وتجنب تداول الشائعات أو الأخبار الطبية غير الموثقة.

12/07/2025

دا حال الماميز الجديدة واعتقادها لما نقولها يلا نبدأ أكل للبيبي .
😂😂
ولو عندك أي سؤال أو استفسار بخصوص الأكل ف الكومنتات و هيرد عليك

09/07/2025

يا صيف يا صيف
في الصيف والحر ده طفلك لازم ياخد شاور ع الاقل مرة يوميا
متخليش يوم يعدي من غير ما ابنك ياخد شاور على الأقل مرة!
الميه مش بس بتنضف، دي كمان بترطب جسمه وبتقلل سخونة الحر 💦
خلي الشاور عادة يومية في الصيف، وخلّي وقتها ممتع ولطيف ليه 🌞🛁
قولولنا بتحمي طفلك كل اد اي ؟؟

02/07/2025

الرسايل الحلوة دي اللي بتخلي الواحد يكمل... هي دي القطايف واللطايف 😍😍
شكرا من القلب ❤️❤️

28/06/2025

#الرضاعة

24/06/2025

البنوتة القمر دي اسمها قمر زيها 😍
على اسم فنانة جميلة مشهورة جدا ... فنانة جيل التمانينات والتسعينات ... وكنا بنستناها مرة ف السنة 😉😉
يا ترى اسمها ايه بقى 🤔🤔

19/06/2025

16/06/2025

فيتامين ( د ) بيتاخد يوميا ف النهار .... بلاش بالليل عشان بيخلي العيل ( مهيبر ) 😂😂
اليوم اللي ننساه ممكن تاني يوم ندي جرعتين مع بعض
اه صحيح ... نفس الجرعة من اول يوم لحد اخر السنة هي هي 😉😉

12/06/2025

السلام عليكم
بعتذر طبعا للناس اللي كنت برد عليها متأخر لأسباب خاصة .... معلش حقكم عليا
وإن شاء الله هكون متواجد في العيادة بداية من يوم الأحد المقبل
وكل عام وحضراتكم بخير

23/05/2025

بنعتذر جدا ان د/محمد حسني (اخصائي الأطفال وحديثي الولادة) في اجازة لظروف خاصة وإن شاء الله هينتظم ف العيادة والرد ع استفساراتكم بعد العودة من اجازة عيد الأضحى
وكل عام وحضراتكم بخير

21/05/2025

العيال الصغيرة لما تقلع اللبس الشتوي وتلبس الصيفي 😂😂