Basma M-Eldesoky

04/09/2023

《الاعاقه》
ازاي نحمي اولادنا من الاعاقه؟
ايه هي مستويات الوقايه من الاعاقه؟

الوقايه من الاعاقه بتتقسم الي ٣ مستويات
-مستوي اول "وقايه اوليه" وهو منع حدوث الاعتلال او الاصابه

نتكلم عليها واحده واحده
الوقايه الاوليه دي اجراءات بتتاخد قبل حدوث المشكله وبتوفر الخدمات و الرعايه المكتمله الصحيه والاجتماعيه والثقافيه في البيئات
والرعايه بالاسر ذات مستوي متدني اجتماعيًا و اقتصاديًا والتحصين ضد الامراض و تحسين مستوي رعاية الام الحامل وتوعيتها بأسباب الاعاقه
كل اللي فات دا ازاي بقي؟
١-تقديم الاستشارات الطبيه الوراثيه وخدمات الارشاد الجيني
٢-تفعيل مستوي الرعايه الصحيه ونشر الوعي الصحي
٣-التلقيح ضد امراض الطفوله الخطيره
٤-توفير النظام الغذائي المناسب
٥-ازاله المخاطر البيئيه
٦-اجراء الولادات في ظروف صحيه
٧-اتخاذ التدبير اللازمه للحفاظ علي سلامة الاطفال وعدم تعرضهم للحوادث
٨-تشجيع الافراد علي اخد التدابير الاحترازيه قبل الزواج والحمل
٩-الكشف المبكر للام الحامل ومعالجتها ف أسرع وقت
١٠-توعية الامهات بمخاطر تناول الادويه اثناء الحمل من غير استشاره الطبيب و توعيتها بمخاطر التدخين والاشعاعات
١١-المتابعه المنتظمه للامهات الحوامل والاطفال الصغار في السن

المستويين الباقيين في البوست الجاي ان شاء الله عشان مطولش عليكوا🥰❤️

29/08/2023

《الاعاقه》
اخر حاجه عن اسباب الاعاقه
١-الاوضاع الاسرية 'الفقر'.
فقراء العالم هما اللي بيتعرضوا للاعاقه بشكل كبير مقارنه باللي افضل من الناحيه الماديه
'معدل الاعاقه ف الدول الفقيره اعلي من الدول المتقدمه'.
لمعالجة دا ف الدول الناميه مش هيتم غير ب دمج ذوي الاحتياجات الخاصه للمجتمع لان ف الدول دي و بالاخص الدول اللي مش موجود فيها معونات وخدمات صحيه وتدريبيه بتكون مسألة ذوي الاحتياجات الخاصه دي المحافظه ع الحياه يا مواجهة الموت وبيكون السبب الرئيسي ل دا "العُزله".
و مع ذلك الفقر مش ضروري لحدوث اعاقه علي الرغم من الدلائل و التخمينات بتشير الي ان نسبة الاعاقه اكتر ف الدول الفقيره
الافراد اللي بيعانوا من فقر مزمن اللي مش بيكون لهم "مأوي،طعام،الوظيفه،التعليم" بالتالي ممكن يحصلهم امراض والاصابات اللي بتؤدي للاعاقه و النساء الحوامل مش بيتوفر لهم رعاية سواء"قبل او اثناء او بعد الولاده".
"العلاقه بين الاعاقه و الفقر بتتفاوت وتتطور من مجتمع للتاني"

٢-اسباب عوامل جينيه مباشره وغير مباشره.
•في عوامل جينيه مباشره دي حالات وراثيه ناتجه عن طريق الجينات الوراثيه السائده بتظهر الاصابه في جميع الاجيال ، تكون الاعاقه ناتجه عن امراض واضطربات بيوكيميائيه تنقل من الوالدين ويحتمل ظهور الحالات دي ف زواج الاقارب.
الامراض الوراثيه عباره عن خلل الجينات والكروموسومات مثل متلازمة دوان.

•عوامل جينيه غير مباشره تحدث هذه الحاله نتيجة لانتقال الامراض او الخلل او الاضطرابات الجينيه منها ترسب الدهون-الجلاكتوسيميا-العيوب المخيه-اضطرابات التمثل الغذائي مثل PKU - العامل الريزسي BH

26/08/2023

《الاعاقه》
نكمل اسباب الاعاقه
ايه هي اسباب المؤديه للاعاقه قبل الولاده و في فترة الولاده و بعد الولاده؟

في فترة الولاده
١- نقص الاكسجين اثناء عملية الولاده بيسبب موت الجنين او اصابته بإحدي الاعاقات زي الاعاقه العقليه ، ممكن ان يكون نقص الاكسجين دا راجع الي زيادة نسبة الهرمون اللي بينشط عملية الولاده "Oxytocia"
وكمان ممكن يكون نقص الاكسجين راجع لانفصال المشيمه قبل معادها
٢-الصدمات الجسديه ممكن ان "يصاب الجنين اثناء عملية الولاده بالكدمات الجسديه-اصابه بسبب طول عمليه الولاده و استعمال الادوات الخاصه بالولاده" مما يسبب الاصابه في الخلايا الدماغيه او القشره الدماغيه وبالتالي يسبب الاعاقه العقليه
٣-العدوي التي تصيب الجنين تعتبر اصابة الجنين بالالتهابات مثل التهاب السحايا من الاسباب في اصابة وتلف الجهاز العصبي وقد يؤدي ذلك الي وفاة الجنين قبل الولاده و اذا لم يمو.ت الجنين فيصاب بأعاقه
٤- عدم الاهتمام بنضافة الجنين بعد الولاده مباشرةً لان ممكن دا يسبب رمد صديدي ومنها فقدان البصر
و في اسباب تانيه هقولها سريعًا "عسر الولاده - الولاده المبكره - الاجهاض المتكرر"

بعد الولاده
في كتير من الدراسات اثبتت ان مرحلة الطفوله بيحدث فيها حالات الاعاقه بسبب اهمال الاسر برعاية الطفل و دا بيعرضه لحوادث كتيره بالاضافه الي الامراض الخطيره من بينها "التهاب الاذن الوسطي - شلل الاطفال - السعال الديكي - الكساح - الحمي الشوكيه"
الحوادث المنزليه اهمال الام برعاية الطفل وارشاده ممكن يؤدي الي اصابة عقليه ليه؟ عشان ممكن الطفل يقع علي راسه او القسوه عند عقاب الطفل - ارتفاع الشديد لدرجه حرارة الطفل وعدم علاجها - الامراض الخطيره المزمنه - اساءة استخدام العقاقير الطبيه - التسمم البيئي بالسيانيد او بغاز اول اكسيد الكربون او بالرصاص - الظروف الاسرية المضطربه والحرمان الغذائي الشديد.

في بعض الاعاقات عواملها واسبابها غير محدده وفيه اللي فسر الاعاقات العقليه بالعوامل الثقافيه والاجتماعيه و البيئيه لها دور فا في دراسات آكدت ان للمؤثرات البيئه لمحيط الطفل نتائج قد تكون ايجابيه او سلبيه
"حالات الاعاقه تنحدر من بيئات اجتماعيه وكذلك الاسر المفككه".

23/08/2023

لا طبعا بصوا
هو فيه تشابه بين اعراض الحرمان البيئي و التوحد بس
الحرمان البيئي دا يعني الطفل معندوش قدره كافيه لاحتياجاته اللغويه والاجتماعيه والمعرفيه في معرفة الحاجات اللي بتحيط بالطفل دا و ميعرفش مسمياتها ولا ممارسة الاستخدام السليم للتراكيب اللغوية في الحياه اليوميه عشان البيئه اللي بيعيش فيها الطفل الافراد اللي مفروض من خلالهم الطفل يكتسب لغتة غير محفزين بالمره ومش بتشبع احتياج الطفل اللغوي والمعرفي والاجتماعيه بمعرفته لكل ما يدور به من مسميات للاشياء واستخدمها وتجربته لها واللعب بها ف الحياه اليوميه ، دا بيكون نتيجة لانشغال من يعيش معهم عنه ومش بيعطوا له الوقت الكافي لمحاورته ولا المثيرات المحفزه
ودا بيسبب حدوث تأخر في نموه اللغوي
بإختصار يعني "الحرمان البيئي دا غياب التنبيه البيئي اللازم لنمو اللغة بالرغم من توافر العوامل الداخليه للطفل سواء الحسيه والعصبيه الحركية والفكريه والنفسيه نتيجة لدا بيأخر النمو اللغوي للطفل"
و دا مش ضروري ان الحرمان او القصور البيئي يكون للاطفال اللي بيعشوا في بيئات محرومه اجتماعيًا ، ثقافيًا ، اقتصاديًا وعاطفيًا ف استعداد الطفل يختلف رغم وجود الظروف المهيئه.
انما التوحد
اضطراب نمائي سلوكي بيأثر علي تواصل الطفل الاجتماعي واللغوي مع الاخرين وممكن يصاحبه اختلال حسي
-التوحد بيشابه الحرمان البيئي لحدًا ما الا ان
الحرمان البيئي مكتسب الاطفال دول بيتولدوا ليهم استعداد للعزله والانطواء وعدم التواصل هنا بقي البيئه بتلعب دور مهم وفعال في تنمية دا او بيحد منه ويكون بسيط.
و بالرغم من اختلاف خطورة واعراض التوحد من حالة للتانيه الا ان اهم علاماته هي ضعف التواصل وحركات الطفل التكراريه وقصور في اللغه.

بأختصار لا الحرمان البيئي مش بيسبب توحد ولا حاجه🚶🏻‍♀️

السؤال كارثي والاجابات كارثيه اكتر
ياريت زمايلنا يشاركونا الرأي

21/08/2023

《الاعاقه》
ايه نتيجة سوء التغذيه من قِبل الحامل علي الجنين؟

قولنا في البوست اللي فات عن اسباب الاعاقه وكان منها "سوء التغذيه" بس الوقتي هتكلم عنها بتوسع شويه

سوء التغذيه في فترة الحمل بيصيب المواليد بإضطراب نقص التركيز و فرط الحركه (ADHD)
وكمان النظام الغذائي عالي الدهون والسكر في فترة الحمل بيأثر علي الصحه العقليه للطفل
الافراط في اكل الوجبات السريعه واللحوم المصنعه والحلويات من قِبل الام في فترة الحمل بيحصل تغيرات في الجينات المسئوله عن تطور مناطق في الجنين ونتيجة عن دا بيظهر خلال سن الطفوله اضطراب نقص التركيز وفرط الحركه

هقولكوا شوية نتايج عن سوء التغذيه للحامل علي الطفل..
١-الكساح دي حاله بتحصل نتيجة لضعف العظام وبسبب نقص في فيتامين "د"
٢-متلازمة نقص اليود الخلقي دا حاله خلقيه تحدث نتيجة لضعف إفراز هرمون الغده الدرقيه وبتأثر بالسلب في النمو المعرفي لدي الطفل
٣-الشلل النصفي التشنجي بيحصل في الاطراف
٤-القماءه و القزامه
٥- عيوب الانبوب العصبي تصيب الرضيع نتيجة لنقص حمض الفوليك
٦-قصور العقلي - تأخر نمو الجنين - التشوهات الخلقيه.

نشوف بقي تأثير سوء التغذيه علي الطفل في المدي البعيد
(السكر من النوع التاني في تقدم العمر - هشاسه العظام وبيبقي اكتر عرضه للكسور - انخفاض معدل الذكاء - الضعف الادراكي - يظهر الطفل ضعيف في قدرته علي تعلم مهارات جديده واتخاذ قرارات في حياته اليوميه - ضعف نسبة التذكر).

ف عشان كدا
لازم كل واحده حامل تعمل نظام غذائي صحي خلال فترة الحمل عشان تتجنب المشاكل الصحيه اللي ممكن تحصل للطفل نتيجة لسوء التغذيه.

19/08/2023

《الاعاقه》
ايه هي اسباب الاعاقه؟

اسباب الاعاقه (الغير جينيه مش وراثه يعني) هي:
١- تقريبا يعتبر اهم حاجه هو عامل الريزوس (RH) بيكون موجب عند ٨٥٪ من الافراد ، سالب عند ١٥٪ ويعتبر هذا العامل مصدر خطر في فترة الحمل خاصةً اذا كان (-RH) بتتسرب الاجسام عن طريق الحبل السري لدم الام وبيبدأ تكوين الاجسام المضاده بعضها بيتسرب ل ام الطفل و بيهاجم وبيتلف نسبة كبيره من خلايا الدماغيه و الجنين
٢-الشذوذ الكروموسومي دا بيمثل الحاله المعروفه بمتلازمة داون و دا بيكون خلل ف الكروموسومات تحدث خلال الانفسام الخلوي
٣-نقص الاكسجين و دا اثناء فترة الحمل ف لو نقص الاكسجين بيؤدي لتلف اغشية المخ ومن ثمه حدوث تخلف ذهني
٤-اضطربات الايض والتغذيه دي تغيرات كيميائيه بتحصل ف الخلايا الحيه نتيجه للاضطرابات التمثيل الغذائي في الجسم وفي اشكال كتيره زي "تخزين الدهون -الكربوهيدرات-افراز هرمون الغدد الصماء وينتج عنه (القماءه)
٥-سوء التغذيه عند الام الحامل خصوصا في اول شهر الحمل و سوء التغذيه بيسبب سوء التوزان "دي هيكون لها منشور تاني لوحدها"
٦-التعرض للاشعاعات في فترة الحمل منها(اشعة X و الاشعاع النووي) و دا بيختلف تبعًا لنوع ودرجه تعرض الحامل له وبيسبب تلف في خلايا المخ
٧-الحصبه الالمانيه بتصيب الحامل وتؤثر علي الجنين في الاشهر الاولي من الحمل
٨-خلايا تسمم البلازما ويعتبر دا مسئول عن بعض حالات التخلف العقلي وحالات صغر وكبر الجمجمه وحالات الصرع
٩-مرض الزهري سبب في اعاقة الجنين وبيأثر علي الجنين في مراحل نموه متأخر "علي مستوي الاعضاء التناسليه"
١٠-الانجاب المبكر لازم يكون الجهاز التناسلي للمرأه كامل ومستعد للانجاب وتكون الام اكبر من ١٨ سنه واقل من ٣٨ سنه وفي اسباب تانيه في فتره الحمل وهي: قصر او طول فترة الحمل بيسبب اعاقة عقليه "قصر فترة الحمل يكون نمو الجنين غير كامل و وزنه اقل من ٢.٥ كيلو وبيكوت بعض الحالات عندهم ضعف قامه او تخلف عقلي ، اما طول فترة الحمل اللي بتزيد عن ٣٨ اسبوع ممكن يتعرض الطفل في الفترا دي لنقص تغذيه ودا قد يسبب اعاقة عقليه."

عشان مطولش عليكوا بس في اسباب تانيه بس هقولها علي السريع
زواج الاقراب - الحمل المتكرر - تلوث الهوا والميه - الادمان علي اخد الكحول و المخد رات - مرض الكلوي المزمن - اصابه الام بالسكر - النزيف اثناء الحمل - استعمال العقاقير المختلفه "من غير مشورة الدكتور - فقر الدم - محاوله الاجهاض باستعمال الادويه والطرق الشعبيه - الامراض المعديه زي السل و الSIDA

في البوست دا مش هقول كل الاسباب عشان بس مطولش عليكوا ف هتكلم معاكوا عن الاسباب الجينيه بس.
والبوست الجاي ان شاء الله هكملكوا🥰❤️
#الاعاقه ❤️

18/08/2023

《الاعاقه》
مين ذوي الاعاقه دول؟
و يعني ايه اعاقه اصلا؟

الاشخاص ذوي الاعاقه دول افراد لديهم خلل في بعض اعضائهم او وظائفها عن الطبيعه السويه اللي موجوده بين الاشخاص العاديين وكمان بيعانوا من الاعاقه او الخلل دا لفترا طويل و ممكن تبقي دايمه و بتمنعهم من المشاركه بصوره كامله وفعاله مع المجتمع

الاعاقه دي يعني اصابه بقصور (خلل) كُلي او جزئي في احدي القدرات "الجسديه ، الحسيه ، العقليه ، التواصيليه ، التعليميه ، النفسيه". بشكل دايم او لفتره طويله ف العمر
القصور دا بِتسبب في ان الشخص ذوي الاعاقه مبيعرفش يلبي متطلبات الحياه العاديه و بيعتمد علي غيره في تلبية متطلباته او بيحتاج أداة خاصه تتطلب تدريب او تأهيل خاص عشان يستخدمها بطريقة صح
#الاعاقه ❤️

17/08/2023

《الاطفال ذوي الاحتياجات الخاصه》
هما مين ذوي الاحتياجات الخاصه دول؟
وليه اتسموا ذوي احتياجات خاصه؟

ذوي الاحتياجات الخاصه دول الاطفال اللي يختلفوا اختلاف موجب او سالب بشكل ملحوظ عن العادي
ممكن يكون انحراف (اختلاف) "عقلي ، انفعالي ، اجتماعي ، جسدي"
الانحراف المحلوظ دا بيستدعي نوع من انواع الخدمات اليوميه اللي بتبقي مختلفا تمامُا (شكلاً و مضمونًا) عن اللي بيتقدم للاطفال العاديين

المفهوم دا بيطبق علي المعاقين او الموهبين (المعاقين لو كان الانحراف ب السالب ، الموهبين لو الانحراف بالموجب)

اتسموا ذوي احتياجات خاصه ليه بقي؟
لان المصطلح التاني (اللي هو الاعاقه) يعبر عن الخزي من الاعاقه و اللي لها من اسباب نفسيه سلبيه علي الفرد ، وكمان في دلائل مستمده من علم النفس والاجتماع والتربيه ان المسميات ممكن تكون اثر سلبي علي ذوي الاحتياجات الخاصه عشان كدا لازم ناخد بالنا من المصطلحات اللي بنستخدمها للافرد اللي عايزين نساعدهم.