https://www.facebook.com/101941702220665/

Doaa khalifa psychologist, Maadi, Maadi El Saraiat El Sharkaia (2025)

06/06/2025

كل سنه و أنتم بخير و صحه و سعاده و راحه بال 😘❤️

06/05/2025

فيديو الولد اللى اتخطف النهارده👇
ده أب كان بيخطف الطفل من أمه عادي... ماخافش على إبنه من الخضة والرعب اللي عاشه... ماخافش لا دراع إبنه يتكسر من الشدة دي.. ماخافش من خوف اخواته عليه وصراخهم وقت ما اتفزعوا من الموقف... ماخافش لا حد منهم يتوه ولا يجراله حاجة وقت ما كانوا بيجروا عشان يلحقوا اخوهم والأم المكلومة مابقتش عارفة تاخد بالها من مين فيهم... والأهم من كل ده ماخافش على مشاعرهم ناحيته ولا خاف من ربنا لأن كان كل همه إزاي يقهر الأم ويحرق قلبها على إبنها...!

05/05/2025

من أصعب المشاعر و أصدقها مع النفس 👇
عندما قال دوستويفسكي في رواية الجريـمة والعقاب :

كل الذين أحبوني وأحببتهم
كنت أنا دائماً الطرف الأكثر حُباً لهم

أقصُد أن ورغم قدرتي الضعيفة على التعبير
لكنني أُقدم أشياء صادقة
ربما لا يعرفون قيمتها إلا بعد نهاية علاقتنا !

هم رائعون في البداية كالجميع
كلهم رائِعون في البدايات :

الونس، الردود الطيبة، والشغف ؛ أما عني فكُنت دائماً أبحث عما هو بعد هذه الخطوة

فقط البدايات رائعة في كل شىء، لكن الوقت يُبرد مشاعرهم

الوقت يكشف أن اقترابهم مني كان بدافع الفضول
أو مجرد نوبات إحتياج
فتعثروا بي لأعوضهم عن الفراغات
التي يشعرون بها !

لم يحدث يوماً ووجدت من تغير لأجلي
ومن حاول، وضَحى ليبقى بجانبي.

02/05/2025

#مصر #مصر #٢٠٢٥

01/05/2025

يا خبر اسود و منيل على اللى احنا فيه هيحصل ايه تانى اكتر من كده كل يوم نصحى على ج،ري،م،ه بالمنظر ده هو ده بقى عادى ده غير اللى منعرفش عنه حاجه و العيال اللى بتدمر و بتترعب تتكلم و غير الاهالى اللى بيضيعوا حق ولادهم بالتستر على الم،ج،ر،م .

نيابة شبين القناطر تقرر
- حبس المتهم ٤ ايام علي ذمة التحقيق
- تحويل مريم للكشف في الطب الشرعي
- طلب تحريات نهائية حول الواقعة

01/05/2025

السفله المتسترين و الميسرين للج،ر،ي،م،ه اللى حصلت دى ماخدوش حكم ليه و ليه اصلا يبقى فى استئناف لسه بعد اصدار الحكم ع الخنزير ده !!!

المتستره القذره اللى الولد استنجد بيها و هى مُدرسه و أم و كمان انكرت اللى تعرفه ادام النيابه و انكرت الحوار اللى دار بينها و بين الولد👇

يا ميس في حاجه عايز احكيلك عليها ...
قول يا ياسين في ايه بسرعه ..
ميس انااا انااااا
قول يا ياسين خلص في ايه ياحبيبي حد ضربك من زمايلك ف الكلاس
لاءءء هو في حاجه عايز احكيلك بس عليها

في هنا عمو كبير اوي كده تخييين وعجوز واقرع لابس نضاره هو مدير باين او مدرس هو مش بيدينا ف الكلاس هو
اسمه عمو ناصر...
ماله ايوه مستر ناصر ماله يا ياسين......
الناني اخدتتي من ايدي من الكلاس وقالتلي تعالي ادخل التواليت مع اني مكنتش عايز يا ميس بس هي أصرت تاخدني تدخلني التواليت مش عارف ليه ودخلتني التواليت وعمو ناصر كان جوه سلم عليا واخدني جوه وهي طلعت سابتنا لوحدنا وهو راح قلعني البنطلون
وعمل كذا وكذا وكذا ........
وشدلي شعري قطعه ف ايديه....
وضربني جامد عشان مصرخش .....
ضربني جامد اوي اوي لحد ما رجعت من الضرب
وعمل حاجات مش فاهم هي ايه بس كنت بتألم جااامد اوي ومش عارف حتي اعيط من أيديه الي كانت علي بوقي وبعدين طلع وسابني مرمي ودخلت الناني شطفتني ولبستني هدومي وغسلتلي وشي وقالتلي لو حكيت ل بابا وماما الي حصل عمو ناصر هيقتلهم
وانت عملت ايه قولتهم
لا يا ميس مقولتش
وكل يوم الناني تيجي تاخدني مره التواليت مره الجراج الي ورا المدرسه وتفضل واقفه مستنياني عشان تغسلي وشي وتلبسني بنطلوني وترجعني الكلاس
المهم حكيت لماما وبابا
لا ياميس خفت عمو ناصر يقتلهم او يعمل فيهم زي مابيعمل فيا مش عايزهم يتوجعو نفس الوجع الي بتوجعه ده وجع جااااامد اوي ياميس مش بعرف اعمل بيبي خالص بعد الوجع ده وبفضل اعيط كتيير

شاطر يا ياسين انك محاكتش لماما وبابا ...
هخلي الميس المديره تديك عصايا تضربه بيها اه اه وهخليه ميعملش فيك كده تاني
وعد ياميس
وعد يا ياسين
وبعدين ...
سابت ياسين يتعرض لنفس الحادثه مرارا وتكراراااااااا
وعاشت كلت وشربت وضحكت ونامت عادي
متخيلين !

30/04/2025

بس الحكم ده مش مُرضى و لا يشفى صدورنا… نفسي يصدروا قوانين تهين و تعذب الاشكال الن,ج,س,ه دى و يتعمل فيهم زى ما عملوا فى الاطفال انتوا متخيلين ان الخنزير ده عنده ٨٠ سنه و بيعمل كده طب تخيلوا هو بقالوا ما لايقل عن ٦٠ سنه بيعمل كده فى اطفال بيموتهم و هما على وش الدنيا بيدمرهم و ميعرفوش يعيشوا اسوياء و لا يعيشوا اصلا و يا اما بقوا معقدين يا اما مجرمين زيه … الوضع بقى مرعب اكتر من اى وقت فات و لازم الاهالى تصحصح مع عيالها و تتكلم معاهم و تصاحبهم و تحسسهم بالامان و تشبعهم حب و اهتمام عشان لو الطفل اتعرض لاى حاجه يجى يقول على طول و الاهل تعرف تدخل و تحميه .

مش قادره اكتب وسط اللى بنشوفه ده كل يوم

30/04/2025

خلوا بالكم من عيالكم و من اللى بيتفرجوا عليه 👌

الفيديوهات الغريبة المنتشرة الأيام دي
كارثة بمعنى الكلمة

انتشر سلسلة فيديوهات كرتونية غريبة جداً على السوشيال ميديا، لدرجة أنه بقى تريند.

الفيديو بيحكي عن أسد جسمه ضعيف وكل الحيوانات بتتريق عليه، خاصة قطة بيضا جميلة كانت مرتبطة بفهد رياضي ووسيم.

لحد هنا الموضوع يبان أنه قصة أطفال عادية:

المشكلة بقى إن بعد شوية، الأسد يروح الجيم ويظبط جسمه ويأكل أكل صحي، ولما بقى رياضي ووسيم، أول حاجة عملها إنه راح للفهد الذكر وقاله إنه بيحبه، وبعد كده حصل بينهم علاقة مش طبيعية وانتهت إن الفهد حِمل وجاب فهد صغير!

وكأن ده شيء طبيعي وعادي يحصل!

🔴 الخطورة مش بس في القصة، لكن كمان في طريقة عرضها:

•الكارتون معمول بشكل جذاب للأطفال.

•الشخصيات لابسة لبس مثير ومش مناسب للأطفال.

•بيزرعوا في عقول الأطفال إن الشكل الحلو والجسم الرياضي مرتبط بسلوكيات شاذة.

•وكارثة أكبر: بيطبعوا فكرة الحمل بين ذكرين وكأنها حاجة طبيعية، بدون أي توضيح أو مناقشة.

إزاي ده بيأثر على أولادنا؟

🔴الأطفال بيتعلموا من اللي بيشوفوه، خصوصاً لو الحاجة دي متقدمة برسوم كيوت وموسيقى حلوة.

🔴المحتوى ده ممكن يخلي الطفل يتلخبط بين الصح والغلط، ويفكر إن السلوكيات دي عادية، وممكن كمان يجربها بنفسه من باب التقليد.

🔴غير كده، العلماء في الجمعية الأمريكية لطب الأطفال قالوا إن التعرض لمحتوى غير مناسب ممكن يأثر على النمو النفسي والجنسي للأطفال.

⚪نعمل إيه كأهالي؟

🔴متسيبش ولادك قدام الكارتون من غير رقابة.

🔴اختار بنفسك الفيديوهات اللي يشوفوها.

🔴اتكلم معاهم ببساطة وفهمهم إن مش كل اللي بيشوفوه صح.

🔴عرفهم قصة قوم لوط بطريقة تناسب سنهم، ووضح لهم إن في حاجات ضد طبيعتنا وديننا.

🔴مش كل الكرتون يتشاف ولا كل ترند مفيد ولا كل الوقت أنت بعيد عن ابنك عشان مطمن انه ادامك في البيت والدنيا تمام

مش كل كارتون آمن، ومش كل حاجة تريند!
ابنك أمانة.. خليك ديماً جنبه وفهمه الصح 👌🏻

28/04/2025

المجرم الخنزير ..صبرى كامل جاب الله
الخنزيرة مديرة المدرسة...وفاء ادوارد
الدادة النجسة اللى كانت بتجيب الأطفال للمجرم يعتدى عليهم ...دول مفروض يتحاكموا قبل الخنزير الاول

طفل اسمه ياسين عمره 6 سنين اتعرض للتحرش الجنسي علي مدار سنة كاملة فى مدرسة الكرمه الخاصه لغات بدمنهور من موظف اداري بالمدرسة عنده 80 سنة ، وبمساعدة الدادة اللي كانت بتطلع الفصل تجيب ياسين بحجة انه يدخل الحمام وكانت بتسلمه للمجرم دا فى الحمام وتقفل الباب عليهم ، او فى عربية فى الجراج ،
ومديرة المدرسة لما عرفت صهينت على الموضوع
بدات القصة لما الام لاحظت ياسين وهو عنده مشكلة فى الحمام وجروح فى فتحة الشرج ،راحت كشفت عليه ،اكتشفت انه تم هتك عرضه بشكل مستمر وان في وسع حوالي 1 سم ،ودا اللي اكده تقرير الطب الشرعي ، راحت رفعت قضية ،،
القضية اتحفظت 3 مرات ومع اصرار المحامي تم تحويلها للجنايات والجلسة يوم30 ابريل
خلال الفترة دي اتعرضوا لتهديدات وابتزاز رهيب مرة بالاغراءات المادية ومرة بتحويل القضية لفتنة طائفية (لان الموظف والدادة ومديرة المدرسة مسيحيين)
الام كملت وتضامن معاها اولياء الامور كلهم لانهم اكتشفوا ان فى حالات تاني بس رافضين يتكلموا
الموضوع صعب والحكاويا للي فيه توجع والكلام اللي قاله الطفل عن المجرم وازاي كان بيضربه ويهدده بقتل ابوه، قاسي اوي
الهاشتاج دا هتلاقوا فيه كل الحكاية

28/04/2025

هو فى إيه هو إحنا رايحين على فين 😧

24/04/2025

#منقول

غرفة العلاج فتنة
سماع أسرار الناس له سكرة، والاطلاع على غيب الصدور شهوة، وقد تكون ممارسة العلاج ككل حيلة نفسية للتشافي أو الاختباء او ممارسة المزيد من الانحراف بمأمن.

أي مختص بالعلاج النفسي يعرف ذلك، خاصةً أولئك الذين يتعاملون مع الإساءات والصدمات، شيئاً فشيئاً تصبح صدورهم كاتمة الأسرار، تعج بحكايات وقصص لا يتصور من هم خارجها أنها تقع، يحملون عبئ أمانتها، وثقل حفظها معهم أبد الدهر.

مجددًا، قد يكون تقديمك للخدمة النفسية عرضًا بذاته في اضطرابك!

في غرفة العلاج يحتاج المعالج أن يتطهر من بشريته ويلتحف برداء الإنسانية، أن يتلبس بحالة الطهر التي تكفلها لها أخلاقيات المهنة، أن يكون سمع من لا سمع له، وبصر من لا بصر له، ووعاء من لا سر له.!

ولطالما كانت الأمانات فتنة، وقد جاء أبو ذر يطلب الولاية، فقال له النبي ﷺ: ”يا أبا ذر، إنها أمانة، وإنها يوم القيامة خزي وندامة“.

فلا تغترف من أمانات الناس إلا بقدر ما تعلم أنك تقوم له بحقه من الحفظ والمعالجة.

ماذا عن أخذ الإذن بالنشر؟
"أنا أخدت إذن العميل/المريض في النشر/ إني أعرضه كحالة"

الجملة دي قد تكون مقبولة -شيئاً ما- من طبيب جراحة، أو طبيب باطني صرف، أما من معالج نفسي فلا مجال لطرحها بالمرة!.

لماذا؟
لأنه قد يوافق بسيف الحياء، أو لأنه ليس لديه مهارات توكيد الذات وقول لا.

أما في المجال النفسي، فالعميل وتحت أثر ديناميات العلاج ومنها الطرح النفسي يسعى شعورياً -وبلا شعور- لنيل رضا وقبول المعالج، والاستشهاد بكلمة مني أو سياق أو حدث يعني شهادة قبول ورضا، ولن يتردد العميل -غالباً- في اغتنامها.

مش من حقك تنشر قصتي.
مش من حقك تعتبر قصتي عبرة وتعظ بها الناس.

يقول النبي ﷺ: ”إذا حدّث الرجل بالحديث ثم التفت فهي أمانة“.
التفت: يعني توخى الإسرار أو انصرف.

خذها بحقها أو دعها، ويا رب ارزقنا الصدق والمعونة.

الصورة لمنحوتة كاتمة الأسرار، لمحمود مختار

22/04/2025

كل ما تأخرت في حسم قرار في حياتك في الوقت المناسب … أو أتأخرت في تصحيح مسار أنت عارف أنه غلط و فضلت مكمل فيه … كل ما كانت ضريبه ده كبيره و هتكلفك كتير .
أنك تكمل فى علاقه مع شخص مؤذى او تكمل فى شغل بيأذيك و بيضغط عليك … كل ما هتدفع الضريبه دى من عمرك وصحتك ونفسيتك …
متخافش من انك تصحح مسارك و تاخد طريق جديد متخافش من البعد عن شخص وجوده بيصعب عليك حياتك و بيأذيك .
و افتكر ان الضريبة اللى هتتحملها فى تصحيح المسار الغلط أهون بكثير من أنك تكمل فى المتاهه اللى أنت فيها .

Doaa khalifa psychologist

06/06/2025

06/05/2025

05/05/2025

02/05/2025

01/05/2025

01/05/2025

30/04/2025

30/04/2025

28/04/2025

28/04/2025

24/04/2025

22/04/2025

Address

Website

Alerts

Contact The Practice

Shortcuts

Share

Category