20/08/2025
ال ناس كتير ما تعرفهوش ان أكتر حد بيتمنى من كل قلبه ان العيان يخف هو؛ الدكتور 😇،
بالنسبالي أكتر حالات بكون فرحانه بيهم؛
ال خلصت تثبيت و اتطمنت عليها و عملت لها باي باي و بعد فتره تبعتلي انها لسه ماشيه ع الحاجات ال انا علمتهالها و انها لسه محافظه على وزنها 💪،
الحالات ال بتكون جيالي عشان مشكله صحيه سواء ليها علاقه بالوزن او لاء و تبدأ صحتها تتحسن و حياتها تتحول للأفضل بكون في قمة سعادتي و انا بشوفها اخر مره على وعد انها هاتفضل محافظه على ال اتفقنا عليه 🤝؛
أكتر حاله بكون مبسوطه بيها ال بتكون لفت علي كل الطرق من حقن ل ادويه ل جلسات و كانت خلاص بتحضر ورقها تعمل عمليه و لما تجيلي تسمع كلامي و تفهم ان الدنيا ابسط بكتير من الوهم ال كانت بتجري وراه ☺️
كل مره بقول من جوايا اني خلاص تعبت و ان لا سني و لا لياقتي يسمحو لي اكمل في الشغل 🧓، افتكر ان بفضل الله و توفيقه و نعمته عليا كام حاله قدرت اساعدها تغير حياتها و صحتها و نفسيتها تتحسن 😻؛
كل مره بقرر اني هابطل مزاكره و فرهده في المحاضرات و الكورسات و الدراسات، افتكر ان عيانه واحده بس ممكن ربنا يكتب لها الشفا على أيدي بسبب معلومه صغيره سمعتها او دورت عليها 🧐؛
كل مره بقابل فيها سوء خلق و قلة تقدير و إهدار لوقتي و لمجهودي و اقرر ان بلاها ال شغلانه دي و ان الكار ده مش كاري 😤، افتكر ان ناس كتير تستاهل تستفيد بخبرتي و علمي و لعل صبري و احتسابي يبقى في ميزان حسناتي 🥹،
دعواتكم بالتوفيق و التيسير 🫶
بحبكم و ربنا يعيني و يقدرني اتعلم أكتر واكتر عشان افيدكم 💌
