What are the opening hours?

Monday 9am - 5pm Tuesday 9am - 5pm Wednesday 9am - 5pm Thursday 9am - 5pm Friday 9am - 5pm Saturday 8am - 5pm Sunday 8am - 5pm

Mohamed Saleh - الباشنفساني, Madinat ash Shuruq (2025)

26/08/2025

الحقيقه انه مش بس المال السايب إللى بيعلم السرقه .. المشاعر السايبه بتعلم السرقه .. الجدعنه الزياده والاصل و العطاء و أنك موجود فى اى وقت و الحب والاهتمام الزياده ( انك تدي وكمان من غير ما تكون مستنى مقابل ) بيعلِّم قليل الأصل انك مضمون و بيعلِّمه سرقة حقك .. اى حاجه بتتعمل ببلاش بيبقى فى الاخر ملهاش تمن وملهاش قيمه .

كل حاجه عملتها وافتكرت انك بتعمل خير ومحطتش حدود أديت فرصه لنهبك ولظُلمك وإستنزاف مشاعرك ، مش بس فلوس .. ساعات بتبقى طاقه ومشاعر و حلم و تفكير واهتمام .. ولكن أكثرهم إحباطاً ان تكون اتسرقت منك أوقات سنين وشهور من عمرك بحسن نيه و جدعنه منك مش مُقدَّره و فى غير محلها ، اتعلم امتى تدى وامتى تمشى واتعلم فن المسافات و التجاوز.

24/08/2025

كان معايا مبلغ ، نويت أروح اتبرع بيه فى مستشفى أبو الريش للأطفال ، وأول ما وصلت بتاع الأمن بقوله: عاوز أتبرع ، جري جابلي كرسي ، وكان ناقص يشيلني ، قعدت على جنب بالكرسي ..

شفت طفل متكفن ، يجى أربع أو خمس سنين من طوله على إيد باباه ، وواحد مستنيه بموتوسيكل ، ومامته بتجرى وراه ومعاها واحدة ، بيقولوا لو ملقناش ميكروباص هنتصرف ونيجى ، وفضلوا يجروا في الشارع ورا الموتوسيكل ، اللى هو مفيش تاكسى ياخدوا ابنهم فيه ، مش معاهم فلوس ..

وأنا اتسمرت مش فاهم حاجة ، وفهمت بعدها من واحدة كانت واقفة جنبى طفلة يجى ١٢ سنة ..

قالتلى: ده كان داخل على رجله ، واتوفى ، مامته كانت بتقول كدة وهى بتصرخ ..

لهجتها صعيدية ، قالتلى أنا من أسوان ، بس لينا قرايبنا قاعدين عندهم ، جه أخوها يجى تلات سنين ، لقيت فى إيده كانيولا يا حبيبى ، وواقف جنبها الولد حافى ..

أى وقت بالليل تعدى جنب سور المستشفى ، هتلاقوا ناس نايمة في الشارع ؛ دول أهل الأطفال اللى جوه مش معاهم إمكانيات يأجروا مكان يباتوا فيه ؛ فبيناموا في الشارع

وكمان ساعات يندهوا على أهل الطفل ، محتاجين لبن .. محتاجين دواء .. يعنى منتهى الذل ..

دخلونا للمدير الإدارى ، الراجل رحب بينا ، وجاب لنا مدير الخدمة الاجتماعية ، طلعنا مكتبه وجاب ملف فيه حالات محتاجة ..

أطفال محتاجة علب لبن ، ومفيش إمكانية ، يعنى ممكن يموتوا عشان مفيش لبن ..

طفله عندها ٨٠ يوم ، عاوزة أنبوبة أكسجين ،، ومفيش إمكانية ، وأهلها بيلفوا يدورا على حد يسلفهم ..

طفل محتاج دوا بألف جنيه ، وحالته خطيرة ، مش مع المستشفى غير ٢٠٠ جنيه ، وكمان تبرعات ..

وحالات كتيييييير مش قادر أوصفها ، بس دول اللى فاكرهم ..

المستشفى فيها أورام وقلب مفتوح وفشل كلوى ،

فبقوله: يا فندم ليه مش عامليين دعايا ؟!

قال لي: احنا مش معانا نصرف على الدعايا ..

التبرع إنك تساهم فى علاج حالة ، أو تتكلف بروشتة ، وهما يبلغوك محتاجين كام ؟؟

أو تعين أسر فقيرة مش لاقية تاكل ، وليها حالات عندهم ..

فيه أسر جاية من أدغال مصر ، وفى أسرة مش معاها موبايل ، متخيليين إنهم قاعدين في الشارع ، عشان لو حصل حاجه محدش هيعرف يوصلهم ..

أى جنيه بتدفعوا بيبعتوا عالواتس صورة بالفاتورة ،

الراجل قال: إحنا هنا بفضل ربنا ، وتبرعاتكم هى اللى ساندانا ..

انا مكنتش ناوي خااااالص أقول لحد ، بس بعد اللى شفته بعينى ، وأد ايه الناس دى محتاجة ومحدش يعرف عنهم حاجة ..

دول أطفال بتموت ، وأطفال فى حضانات ، وأطفال عندها أورام ، واللى عندها أيام وتموت ، وأطفال صمامتها مسدودة ، وعندها أكتر من ثقب ، وأمهات شفتها شايلة عيالها صغيرييييين ، وفى إيديهم الكانيولا ، كنت عاوز أبكي جنبهم ..

حمدت ربنا على كل نعمة مش حاسين بيها ، وإن الحمد لله أولادي كويسين ..

ربنا يجيرهم فى مصائبهم ..

لو كل واحد فينا أقل الايمان ، خد خمسين جنيه وراح هناك ، أقسم بالله ممكن تنقذ طفل ،

احنا بنشترى تفاهات كل يوم ، وكولا وشيبسي وشوكولاته وبناكل بأكتر من كده ، أكننا مش هناكل من بره يوم ..

ممكن كل كام واحد أو واحدة وصحابهم ، يلموا من بعض ويتصدقوا كل شهر هناك ، وخلوا كل مرة نية حلوة للصدقة الجميلة دى ..

مرة تنجح ، مرة تتجوز ، مرة يطول فى عمر أهلك ، مرة لمتوفى، والله والله ربنا اكرم مننا ؟ احنا اللى محتاجين ده مش هما ..

طولت عليكم وياريت تعملوا شير ؛ عشان الكل يشوفوا

إبداء بنفسك وساعد غيرك ..

مستشفى أبو الريش للأطفال ، فيها اطفال بتموت عشان أهلهم مش معاهم ٥٠ جنيه يجيبوا علاج ..

اللي عاوز يتبرع يروح بنفسه، ويجيبلهم علاج أو دم أو يتبرع فى حسابهم فى بنك ناصر الاجتماعي وفيه وسيلة سهلة للتبرع عن طريق خدمة فوري ..

المستشفى معندهاش فلوس ؛ علشان تعمل دعاية زى مستشفى 57 أو مجدي يعقوب ، فخلينا احنا نبقى الدعاية بتاعتها ......

شير فى الخير ..

عايزين نشير علشان الناس تساعد ....

والخير دوار ... شير فى الخير

دعوة للتبرع لمستشفى أبو الريش للأطفال ..

ربنا يتقبل ..

لا تستصغروا فعل الخير .. فربما كانت هي المنجية ..

( علي فكرا احنا نقدر نعمل احسن اعلان للمستشفي دي نحط الكلام دا ف جروبات وع صفحات دا لو مش هتقدر تتبرع ليها غيرك ممكن يشوف الكلام دا وربنا يقدرو ويساعد )
#منقول

19/08/2025

عايز تعرف حقيقة أى إنسان .؟
شوف بيحترم وبيجامل مين .. وبيستضعف مين !
الى ذوقه بيظهر بس قدام الناس " التقيلة " دة مش ذوق
دة مصلحة . الى لسانه بينقط عسل مع فئة معينة ويتحول لجاحد مع فئة اخرى دة عنده مشكلة فى انسانيته والى بيحترمك على قد ما هو محتاجك دة مش محترم اصلآ ' يا جماعة الأصل فى الأدب انه يكون ثابت .. مش حسب المقام ولا الجيب الانسان الحقيقى هو الى ذوقه واحد مع الغفير والباشا الى بيحترم الى تحت زى الى فوق الادب عمره ما كان درجة اجتماعية الأدب تربية يا اخوانا

03/08/2025

ايه اقرب دعاء لقلبك؟

25/07/2025

إقفلوا الباب الموارب .. علموهم يحترموا الفرص

19/07/2025

واحد بيسأل مراته ...
حبيبتي هو انتي ليه لما بتقلي السمك بتقصي الديل بتاعة ؟؟؟؟
عايزني اقلي السمكة بديلها ؟؟؟؟؟!!!! 😳
ايه المشكلة ؟
لا طبعاً مينفعش ... من زمان بنعملها كدة .. حتي ماما كانت بتعملها كدة

راح لحماته ..
طنط هو انتوا ليه بتقطعوا ديل السمكة و انتوا بتقلوها ؟؟
👀 يا حبيبي لازم ... عايزنا نقلي السمكة بديلها ؟
ايوه يا طنط ليه ؟؟!!!
اكيد غلط تقليها بديلها ... حتي امي كانت معلماني كدة

راح لطنط الكبيرة بقي ...
هو حضرتك يا تيتة ليه كنتي بتقصي ديل السمكة و انتي بتقليها ؟
حبيبي احنا زمان كنا ناس علي اد حالنا
الطاسة كانت صغيرة
فكان لازم نقص الديل علشان الطاسة تكفي

كتير من افكارنا واخدينها مسلمات و هي ليس لها اي اساس من الصحة
و في بعض الاحيان بندافع باستماتة عن الافكار دي و احنا اصلاً مش عارفين مصدرها ايه
قبل ما تتبني فكرة ... فكر فيها ... شوف مرجعيتها
علشان افكارك دي بتشكل جزء كبير من تكوينك العقلي و النفسي

12/07/2025

الامراض النفسية بتبان خلال من ٦ شهور لسنة، ف اوعوا تقللوا مدة التعارف عن كدة ولازم وضروري تختبروا مروءة وشهامة واصالة اللي معاكم فى اى علاقة
وبطلوا ترضوا بالاقل منكم، لازم يبقى فيه توازن مش حد فوق اوى فى كل حاجة، وحد واقع اوى فى كل حاجة ..

أي شيء هتطلبوه.. هيمثلوه، وحتى لو هما صدقوا تمثيلهم، اصبروا، لان الطبع بيغلب التطبع ومع الوقت كله هيبان. اختلفوا معاهم بقصد. عصبوهم مرة ولا اتنين. اقعوا ف مشكلة بتعمد وشوفوا رد فعلهم.
المزيف مع الوقت كل الجديد فى حياته من ساعة وجودكم مع بعض هيختفى، المشكلة انه لما بيختفى بتكونوا اصلا حبيتوا بعض، وهنا المشكلة، الفرق بين ال like وال love , نأجل بس ال love لبعد ال٦ شهور علشان بيعمى.

متسمحوش لحد يسرح بيكوا ويبيعلكوا الوهم، متسمحوش لحد يسمعكوا كلام ووعود ليها مفعول السحر و يغمي عنيكوا عن شوفة حقيقة عجزهم عن تحقيق ابسط الحقوق مش تحقيق احلام وطموحات.

فرقوا بين اللي بيتقال وهما نفسهم يعملوه ودي طموحات وأماني و أحلام، و بين اللي يقدروا فعلا يعملوه.
- اللي مش نافع نفسه مش هينفعك
- اللي مبيصونش اهله مش هيصونك
- اللي مبيرحمش الحيوان مش هيرحمك
- اللي ملوش صاحب مش هيصاحبك.
- اللي ملوش كبير ميتعاشرش
- اللي بيكدب ويحور ويلف ويدور مبيجيش وراه خير
-

مسائكم قهوة مظبوطة♥️☕️

09/07/2025

مفيش حاجه اسمها ان الواحد ما بيحسش بقيمة الحاجه اللي معاه الا لما تروح منه ..

في حاجه اسمها أنه بيبقى عارف قيمة اللي معاه بس مش عارف انها ممكن تروح منه ..

10/06/2025

للاسف الامهات بتربي العيال على انهم محور الكون وهما فانيلاتهم مقطعه بناء على حب فطري غير مشروط مبيتكررش في اي علاقه تانيه .. المهم مش مين يتمناك لان ده مش مفيد ف حاجه غير في شوية استحقاق مزيف مش مستند على اي حقيقه .. المهم انت تتمنى مين و ليه و هتقدمله ايه

18/05/2025

إبعد عن العلاقات المرهقه العلاقات اللي بتخليك تبذل مجهود مضاعف عشان ترضي أطرافها العلاقات اللي فيها عقول سيئة الظن و نفوس مش صافيه العلاقات اللي بتحبطك ومش بيحبوك من قلبهم العلاقات اللي مش بتستريح معاها العلاقات اللي مابتقدرش تكون فيها على طبيعتك العلاقات اللي فيها عقول سطحيه العلاقات اللي بتستغل أي سوء تفاهم عشان يظهروك سيء إبعد عن كل العلاقات اللي بترهقك نفسيا و مفيهاش أي اضافه إيجابيه ليك و خليك بس مع الناس اللي بتريحك ..

13/05/2025

Always remember that

"إن أرادوا ضرك، وأراد الله منفعتك، سيجعل الله في ضرهم نفعك."

03/05/2025

بمناسبة مواضيع الTحرش ... فيه ولاد كتير في الجلسات بيقولولي جملة دي كأنها طلقة بقالها سنين محبوسة جواهم
"أنا بحس إني مش طبيعي... ميولي مختلفة"

بس قبل ما أقولكم ليه ... بالله ركزوا شوية ...

في بيوت كتير، العلاقة بين الأم والأب بتفشل، بس بدل ما ينفصلوا عن بعض… بيفصلوا الولد عنهم هما الاتنين ... وبيعملوا جريمة نفسية يستحقوا عقوبة عليهم هما الاثنين ..

في طلاق اسمه "الطلاق القانوني"،وفي طلاق تاني اسمه "الطلاق العاطفي الجندري"، بيحصل لما الأم تقرر تاخد الواد وتبعد بيه عن صورة الأب، مش علشان تحميه… بل أحيانًا علشان تنتقم، أو علشان تثبت لنفسها إنها كفاية من غيره،
أو – ودي الأخطر – علشان "تكره الواد في أبوه"

فتبدأ تزرع في ودنه كلام من نوع:
"أبوك ده كان أناني"
"أبوك عمره ما حبك"
"أنا اللي عملت كل حاجة... هو كان ع الهامش"

ويبدأ الطفل يصدق ... مش لأنه فاهم، بس لأنه محتاج يصدّق حد ..وفي اللحظة دي، بيحصل أول زلزال نفسي ليه ..
الطفل بيخسر صورة الأب… قبل ما يكون عنده فرصة يشوفها بنفسه ..

أوقات تانية، الأب هو اللي يختفي بإرادته .. بيسيب البيت ويمشي، مش علشان مشغول… لكن نكاية في الأم .. يقرر يعاقبها… بإنه يعاقب ابنه، يختفي عن الصورة، يبقى ضهر ورق، ويبعت المصاريف من غير كلمة .. وساعات ميبعتش وده الغالب ...تخيّل الولد في اللحظة دي؟
لا بيشوف أبوه، ولا بيصدق أمه، ولا بيلاقي نفسه في المراية

في علم النفس، بنسمي ده:
Paternal Modeling Deficit
يعني: نقص في نموذج الرجولة المرجعي

الولد بيتكوّن من خلال التماهي ومافيش تماهي بيحصل مع غائب، وطبعًا، الأم وقتها مش هتقدر تملأ الفراغ ...حتى لو نيتها كويسة، لكن أحيانًا نيتها بتبقى مشوّشة، مش عايزة ابنها يتعذّب، فـ تعمل له "Over-Parenting"، تحاصر مشاعره بحنان خانق، ما تسيبلهوش نفس، تلبّسه، تاكله، تصاحبه، تتحكم فيه، وهو يبتسم… بس من جواه بيغرق ..

وهنا بيحصل مفهوم تاني خطير:
Enmeshment
يعني: اندماج نفسي خانق، مفيش فيه حدود، الأم تبقى موجودة في كل تفصيلة، لكن مفيش مساحة للولد يبقى "هو"
وده بيؤدي لحالة اسمها: تَشَوّه في الشعور بالذات كذكر ...
هو مش عارف يعني إيه راجل… لأن الرجولة عنده مرتبطة إما بأب اختفى، أو بأم منعته حتى من إنه يتكوّن بعيد عنها ..

الولد يكبر… بس جواه في طفل واقف عند باب البيت، مستني أبوه يرجع ويقوله .. "أنا موجود… أنا شايفك"

ولما الأب مارجعش، الولد بدأ يدور على "راجل تاني
بس الراجل التاني ده…مكنش أب، مكنش سند، مكنش حضن آمن… كان أوقات مدرس مستغل، أو جار غريب، أو صاحب كبير بيدّي له اهتمام!

وفي اللحظة دي، بيحصل أخطر شيء اللي بيسموه
Eroticized Attachment
يعني: الاحتياج العاطفي اللي بيتحوّل إلى رغبة جنسية
الولد مابيقعش في حب الراجل… الولد بيقع في حب الحنان،
بس الحنان جه غلط .. ومع تكرار التجربة، الدماغ بيكوّن مسار جديد ..
الحنان = الراجل
الراجل = الاهتمام
الاهتمام = الإثارة
وده اللي العلماء بيسموه:
Neuro-Affective Conditioning

مسارات عصبية بتربط الاحتواء باللمسة، والحب بالجسد!
هنا الميول مش قرار .. الميول نتاج بيئة مخلخلة نفسيًا ..
الميل هنا مش هوية…الميل هنا ...ده رد فعل نفسي على فقد وجودي ..
وفي الجلسة…
الولد بيقولي:
"أنا مش عارف أنا كده ليه…" أنا ماقدرش أقوله: "لأ، دي غلطة" وخلاص ... أنا لازم أحفر وراه: فين كان أبوك؟
علاقتك بأمك كانت عاملة إزاي؟ أول مرة حسّيت باهتمام حقيقي… كان من مين؟ كان بيطلب منك إيه؟
حاسس إنك كنت طفل محبوب؟ ولا "لازم تنجح علشان تتشاف؟" ولما بنحفر، بنكتشف إن الولد ده مكنش ش*ذ ...
مكنش مريض، مكنش حتى بيجرب ..

الولد ده كان بيفتش عن حضن، بس محدش علّمه إزاي يميّز بين حضن آمن… وحضن مليان بالسموم ...
والأم؟ بقت شايفة إنها عملت كل حاجة، بس الحقيقة؟
هي نسيت تسيبه يتنفس ..

والأب؟ بقى فخور إنه "ما صدّعش نفسه بالمشاكل" بس نسي إنه كان المفروض يبقى موجود… علشان يبقى المراية اللي الولد يشوف نفسه فيها، مش يدوّر على نفسه في أي عين تلمعه ...

يا جماعة… الولد اللي ميوله مختلفة… غالبًا مش محتاج تقويم، هو محتاج احتواء ..محتاج تفكيك للمشهد من أوله ..
محتاج حد يقوله: "أنا فهمت ليه بقيت كده… مش هسيبك تمشي لوحدك"
إحنا مش ضد، ولا مع، إحنا مع الفهم ، الفهم اللي يقول: كل مرة الأب بيغيب… الولد بيدوّر على راجل .. وكل مرة الأم بتخنق… الولد بيهرب لأي حضن، حتى لو كان مؤذي .. وكل مرة بنسكت… بنتحول من شهود، إلى شركاء في الجريمة ..
اخر حاجة ... حضرتك انتصرِتِ على طليقك، وخدتِ الواد لوحدِك بالقانون… بس محدش قالك إنك خسرتِ معاه “مرآته الرجولية، حضرتك كسبتِ القَضية… بس ابنك دلوقتي مش عارف يرفع عينه ف المراية ...

وانت كراجل... قولت "أنا هخلع نفسي من الصورة…"
كبرت دماغك… بس ابنك دلوقتي بيحضن راجل غريب…
علشان كان محتاج يحس إنه ليه ضهر .

يا حضرات الآباء والأمهات...
اللي انتصر في خلافكم، هو الفراغ، و"الولد"...
مطلعش غلطان ... الولد كان “ساحة معركة”…
وانتهى بيه الحال… أسير للي حضنه وهو تايه !

Mohamed Saleh - الباشنفساني

26/08/2025

24/08/2025

19/08/2025

03/08/2025

25/07/2025

19/07/2025

12/07/2025

09/07/2025

10/06/2025

18/05/2025

13/05/2025

03/05/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	9am - 5pm
Tuesday	9am - 5pm
Wednesday	9am - 5pm
Thursday	9am - 5pm
Friday	9am - 5pm
Saturday	8am - 5pm
Sunday	8am - 5pm