Khateeb Kids Clinic

02/08/2025

لما تكون التفاصيل الصغيرة 🤏 هي اللي بتكشف عن الحقيقة الكبيرة 👌

هاحكي لحضراتكم عن سيناريو حاله في منتهي الأهمية من حالات العيادة ✅

من أسبوعين جاتني مدام عندها 37 سنة.. طبيعة شغلها بيتطلب إنها تقف فترات طويلة.. وكمان تطلع سلالم وتنزل كتير..

جاتني العيادة بتشتكي من وجع مستمر في الكعبين.. ووجع في الركبتين أكتر في الناحية الشمال وساعات بتحس إنها وارمه شوية...

الكلام ده من زمان.. يجي أكتر من سنه... وبتقول إنها كشفت كتير وقالوا ان وجع الركبة نتيجة بداية خشونة ووجع الكعبين نتيجه الواقفه فترات كبيرة .. وجابت أحذية طبية ومافيش فايدة... رغم انها مستغربة إن طول ماهي شغاله وبتمشي وبتتحرك الوجع بيكون أقل وإن أكتر فترة بيكون فيها الألم هي الساعه بتاعه الصبح أول ماتصحي.....‼️

أثناء ماهي بتحكيلي التاريخ المرضي... كانت حاطه إيديها علي المكتب 🖐️ ... والمريضة لاحظت إني ركزت مع إيديها لمدة ثواني وهي بتتكلم 👀 ..وفجأة قولتلها

(((خلاص أنا تقريبا وصلت للتشخيص))) ‼️

سألتها عن شكل ضوافيرها كده من إمتي ؟؟
قالتلي من زمان.. بس عادي انا فاكراها نقص فيتامينات.. وباخد مكملات غذائية.. وساعات باحط مانيكير عشان يداري شكلها ... 💅

قولت في سري الحمد لله إنك مش حاطه مانيكير النهاردة..... 😂

قالتلي بتسأل علي ضوافري ليه يادكتور هو في علاقه بينها وبين شكوتي ⁉️

قولتلها خليني أكشف علي حضرتك الأول....

طبعا بالكشف الإكلينيكي لقيت مفصلين الركبة ملتهبين وكمان في وجع في الكعب عند وتر أكيليس في الناحيتين

جه وقت الكشف بالسونار 🔍... لقيت علامات التهاب مزمنه وارتشاح في مفصلين الركبة.. بالإضافه لإلتهاب شديد جدا بالسونار في وتر العضلة الرباعية فوق عضمه الصابونه 🔥
ولما فحصت وتر أكيليس بالسونار لقيت علامات التهاب واضحه جدا جدا في صورة تورم واختلال في شكل الألياف الطبيعية المكونه للوتر.. وتآكل بسيط في عضمه الكعب اللي بيمسك فيها الوتر 🔥

فحصت سريعاً باقي المفاصل والضهر والأوتار... وطلعت سليمه الحمد لله ... وفحصت الجلد والشعر بخصوص أي طفح جلدي وطلع كويس ✔️

سألتها عن أي مشاكل في العين.. أو في القولون.. والحمد لله تمام ✔️

💥 خلصت الكشف وقولتلها التشخيص النهائي هو 👇

.. أو أو 👌✅

شرحتلها أسباب التشخيص... وهي كالآتي

عندها التهاب مزمن في الركبتين Arthritis
والتهابات واضحه جدا في أوتار الركبه والكعبين Enthesitis
وشكل ضوافيرها اللي هي فاكراه نقص فيتامينات ومش مهتمه بيه ده عبارة عن صدفية أظافر Nail psoriasis

ودي كانت التفصيله الصغيرة اللي شخصت بيها الحاله بمجرد ما المريضة حطت إيديها علي المكتب 👌💯

طلبنا تحاليل مؤشرات التهاب وطلعت مرتفعه 🧪.. وأكدنا تشخيص الصدفية عن طريق طبيب أمراض جلدية...
وشرحت ليها طبيعه المرض كويس جدا.. وخطه العلاج والمتابعة... وجاوبتها علي كل أسئلتها بخصوص المرض وعلاجة...

المريضة بفضل الله تعالي أخيرا اتشخصت صح.. وأخيرا بدئت علاج صح..👌✅

والفضل يرجع لربنا سبحانه وتعالي.. ويرجع لإجتهادنا وحرصنا الدائم ان المريض ياخد أفضل خدمة طبية ممكنة... وده من كرم ربنا علينا 😊💟🙏

ربنا يحفظ حضراتكم جميعاً ونشوفكم دايما بصحه وعافيه وسعادة ❤️ 💐

🔶 أستاذ دكتور
🔹دكتوراة أمراض الروماتيزم والمناعة
🔸إستشاري أمراض المفاصل والعظام والعمود الفقري
🔹عضو الرابطة الأوروبية لسونار الجهاز الحركي
🔸زميل الكلية الأمريكية للأمراض الروماتيزمية

📌 مدينة نصر:
🗺️ 26 ش هشام لبيب تقاطع مكرم عبيد مع مصطفي النحاس 📅 الأحد والثلاثاء والخميس 📱للحجز 01011094225 ✅

📌 مدينة الرحاب:
🗺️ بوابة ١٢ - مول جيت واى - مدخل العيادات D1 بجوار سوبر بنده- عيادة DS12 الدور الثاني 📅 يوم الإثنين 📱 للحجز 01123800501 ✅

📌 التجمع الخامس:
🗺️ عيادات نسائم الطبية - ميديكال بارك 2 بجوار المحكمة 📅 يوم السبت 📱للحجز 01011094225 ✅

01/08/2025

المشكلة إن وجود الإمساك(الظاهر أو المخفي "عدم التفريغ/تخزين البراز")مش شرط يكون سبب وجع البطن.
فعلاجه = ميحلش المشكلة أو يزودها عشان الملينات بتمغص.
الحل= خبرة الطبيب+تباديل وتوافيق

01/08/2025

محتاجين سكرتيرة، من سكان التجمع/مصر الجديدة/مدينة نصر.
مؤهل عالي، خبرة ٣ سنوات على الأقل في العيادات،بمرتب مجزي.إرسال السيرة الذاتية على واتس 01123800501
د.أحمد الخطيب

31/07/2025

30/07/2025

30/07/2025

❤️

30/07/2025

حين فقد الأديب غابرييل ماركيز الذاكرة في آخر حياته، قال لصاحبه وهو يجلس بجانبه:أنا لا أعرفك ،ولكن أعرف أني أحبك .

“ المشاعر لا تُنسى أبدًا ” .

30/07/2025

نداء إنساني عاجل من أجل خديجة

الطفلة خديجة، تعاني منذ ولادتها من مرض نادر جدًا (CHAPLE Syndrome)، تم تشخيصه مؤخرًا بتحليل جيني من أمريكا، بالإضافة إلى نقص مزمن في هرمون الغدة الدرقية واعتلال عضلة القلب الوراثي.

حالياً، حالتها الصحية تتدهور، والكورتيزون يسبّب لها مضاعفات مؤلمة، بانتظار العرض على لجنة المناعة بعد نحو شهر كامل، ثم الدخول في رحلة اختيار العلاج البيولوجي وتوفيره – وهي رحلة قد تطول أكثر مما تحتمله حالتها.

أتوجّه بكل تقدير واحترام للسادة القائمين على لجنة مناعة الأطفال بالتأمين الصحي في مستشفى العباسي – المنصورة بطلب إنساني عاجل للنظر في إمكانية تقديم موعد العرض أو اتخاذ استثناء للحالة حفاظًا على حياتها وتفادي أي مضاعفات خطيرة.

أنا على أتم استعداد للتواصل في أي وقت لتقديم كل التقارير والتفاصيل.

جزاكم الله كل خير، وفضلًا شاركوا هذه الرسالة لعلها تصل سريعًا لمن يستطيع المساعدة.

د. أحمد الخطيب
استشاري طب الأطفال – تخصص دقيق: أمراض الجهاز الهضمي

لسه العلاج ماتاخدش لكن شكر مستحق لمجلس الوزراء لكن لسه الطريق طويل محتاجينكم معانا.

تحديث:

التواصل مع الأم حصل بعد شكوى هيا قدمتها في لجنة صحة المواطنين في مجلس الوزراء الخط الساخن.

وتم التواصل بأسلوب قمة في الذوق والإحترام والرقى و تحديد موعد يوم الإثنين القادم مع أ.وائل الدور الرابع مستشفي العباسي لعرضها على د.رباب ( طبيبة إستشارية حالات المناعة ) لأخذ موعد لعرضها لاحقًا على لجنة المناعة.

المطلوب مع جزيل الشكر:

توصية د.رباب و إخبارها بخطورة الحالة و حاجتها للعرض على لجنة المناعة لحاجتها للعلاج في أسرع وقت ممكن.
——————

——————
خديجة ..
الطفلة اللى كانت بتعاني من ولادتها بانتفاخ وتورم والتحاليل الأولية رجحت مرض مناعى نادر جدًا بيسبب فقد ألبيومين من الجهاز الهضمي مع إسهال وجلطات؛ ( تقدروا تراجعوا حالتها فى اللينك ده : https://www.facebook.com/share/p/16yeD7RSpn/?mibextid=wwXIfr
)
التحليل الچيني إتعمل في أمريكا و طلع إنهارده وأثبت المرض CHAPLE disease بس طلع كمان إبتلاءها بمرضين تانيين؛ نقص هرمون الغدة الدرقية المزمن ( بتتعالج منذ الولادة ) و إعتلال عضلة القلب ( أخوها توفي بالمرض ده بس ملحقش يعمل التحليل الچيني ) وخديجة لسه قلبها سليم بس محتاجه متابعة دورية.

مش دي المشكلة ؛ الفكرة إن الطفلة مع كل الإبتلاءات دي و الأدوية دي لما راحت التأمين الصحى في المنصورة أخدت معاد بعيد للعرض على لجنة المناعة ( شهر كامل إنتظار)…
( طبعًا ده غير الوقت اللى هنتعطل فيه على بال ما نختار البيولوجي اللي غالبًا مش موجود وهنحتاج رفع قضية ووقت تاني قد يصل لشهور )

خديجة الكورتيزون اللى مضطرة تاخده عشان حالاها متتدهورش عمال ياكل في جسمها و أثر عليها للأسف.

فده نداء لأى مسئول عن عيادة المناعة بالتأمين الصحي بمستشفى "العباسي" بالمنصورة.

رجاء التواصل وسرعة الإستجابة و أخذ استثناء لعرض سريع و صرف العلاج البيولوجي لطفلة مريضة بتسابق الزمن قبل ما تحصل جلطة أو فقد لا يمكن إدراكه لا قدر الله.

أنا جاهز أي وقت للتواصل بخصوص الحالة مع أي مسئول لإنقاذها..

شكرًا ويا ريت نشير البوست ده على أوسع نطاق ربنا يجعله في ميزان حسناتنا جميعاً.

د.أحمد الخطيب