Dr. Mohamed Samy Clinics

28/11/2023

سكر الحمل
أنا خايفه يا دكتور هو أنا كده جالي سكر؟
سؤال شهير بيدور في بال اي مريضه جالها سكر حمل
في الحقيقه بطمنها وبقولها أن ٩٠ في المئه من حالات السكر الي اتشخصت لاول مره اثناء فتره الحمل خصوصا في النص التاني من الحمل ، الحالات ده مبيكنش في عندها اي اثر للسكر بعد الولاده
وده محتاج قياس ومتابعه للسكر بعد ٦ اسابيع من الولاده
بس ناخد بالنا من وزننا ونظام اكلنا علاشان منزودش احتمالات الاصابه بالسكر فيما بعد
ونبقي عارفين اهميه متابعه السكر في كل حمل بعد كده للاطمئنان أن محصلش تكرار اصابه بالسكر.

27/11/2023

وزن الجنين
عوامل كتير بتتحكم في وزن الجنين اثناء فتره الحمل
لو وزن طفلك اكتر من المعدل المقبول او اقل لازم ندور علي اسباب زي مثلا اصابه الام بمرض السكر مع عدم انضباط نسب السكر ده بيزود حجم الجنين والمياه حول البيبي
وعلي النقيض
لو الام عندها ضغط مزمن غير منضبط ده ممكن يخلي المشيمه متقومش بوظيفتها في توصيل الدم والغذاء للجنين بشكل طبيعي وبالتالي حيكون وزنه صغير
الخلاصه المتابعه المنتظمه حتساعدك علي تجنب وجود مشاكل باذن الله.

26/11/2023

سكر الحمل بيصيب ٥_١٠ في المئه من الحوامل
علاشان تقللي من فرص إصابتك بسكر الحمل حافظي علي وزنك من بدايه الحمل وقللي من تناول النشويات والحلويات وتناولي وجباتك في صوره كميات صغيره مع وجبات متكرره
لازم نعرف أن سكر الحمل لا يتم تشخيصه عن طريق السكر العشوائي ولا قياس السكر التراكمي وبيحتاج تحاليل معينه مع متابعه حجم الجنين وكمية السائل الامنيوسي حوالين الجنين.

25/11/2023

صباح الخير

لو انتي مريضه انيميا مزمنه ومتعوده علي الاعراض ده من قبل الحمل ....
لازم تعرفي أن :
مش كل انيميا بتكون بسبب نقص الحديد
مش كل انيميا بتتعالج بحديد سواء أقراص أو علي المحلول
في انواع من الانيميا التكسيريه زي الثلاثيميا ممنوع فيها الحديد علي المحلول مثلا ....!!!
لازم نبقي عارفين أن الهيموجلوبين بيقل اثناء فتره الحمل علاشان كده نشخص صح ...فنعالج صح.

24/11/2023

صباح الخير
يوم حلو وسعيد عليكم
معلومة النهارده
علاشان تقللي متاعب الجهاز الهضمي خاصة في أول ٣ شهور حمل ، ابعدي عن الاكلات الحاره والأكل المسبك والمقلي واللحوم المصنعه و كتري من شرب المياه والسوائل مع الاهتمام بالالياف الي موجوده كتير في الخضار والفاكهة والسلاطه مع تناول الوجبات في صوره كميات صغيره و وجبات كتيره .

23/11/2023

صباح الخير والامل والتفاؤل
حتبتدي كل يوم معلومه تهمك ، تفيدك وتساعدك أن تعدي مرحله الحمل والمتابعة في احسن صحه وحال وحنسميها


سلامه حملك تبتدئ بالتحضير الصح والسليم من قبل الحمل
ينصح بزياره الطبيب لما يكون في نيه لحدوث حمل وده حيساعد علي تظبيط اي مشاكل زي الغده الدرقيه والسكر وتصليح معدلات الانيميا لو موجوده وبننصح انك تبتدي حمض الفوليك بالتركيز الصح علي الاقل ٣ شهور قبل الحمل

20/10/2023

20/04/2023

عيادات الدكتور محمد سامي تتمنى لكم عيد فطر مبارك وكل عام وانتم بخير.

16/04/2023

الفسيخ مضر للحامل سواء كان في الشهور الاولى او الاخيره ،فبالاضافه لخطوره التسمم الغذائي التي قد تكون مميته لا قدر الله فإنه ممكن أن يعرضها لعدد من المشكلات الصحيه الأخري مثل:

1. ارتفاع ضغط الدم
2. التهابات الكلي ومجري البول
3. ارتجاع المريئ والتهابات جدار المعده

لا ينصح بتناول الفسيخ والأسماك الغير مطهيه جيدا طوال شهور الحمل
#سيدات #مصر #حمل #صحة

22/03/2023

عيادات دكتور محمد سامي تهنئكم بحلول شهر رمضان الكريم وكل عام وانتم بخير 🌙❤

21/03/2023

انا مش عارفة اروح لاي دكتور؟
اختيارك للدكتور المناسب للولادة بيكون سبب في ان الرحلة تكون أسهل وأريح ولازم لما تختاري الدكتور دوري واسالي علي دكتور ذو خبره في مجاله ، دكتور ذو خلفيه علميه وأكاديمية ، متكتفيش بالترشيحات الي بتشوفيها أو تسمعيها دوري واسالي وشوفي بنفسك علاشان لما تقرري يكون دكتورك امين عليكي وعلي جنينك، دكتورك اللى بيفكر فى كل حاجه تهمك فى الحمل. إختيارك دكتورك المناسب هيخليكي تعرفي:
1. كل أعراض الحمل الطبيعية و متتخضيش منها.
2. أهم أسباب اكتئاب الحمل و ازاي تتفاديه.
3. تاكلي ايه و تشربي ايه وانت حامل و ايه الممنوعات و ليه.
4. تعملي تمارين ازاي تجهز جسمك للولادة و تساعدي العضلات تفضل قوية.
5. التغيرات الطبيعية في كل اجهزه الجسم خاصه الجهاز الهضمي
6. علامات الولادة المبكرة
7. التشجيع علي الولادة الطبيعية وإزاي هى الافضل ليكي على المدى القريب والبعيد.

إختيارك السليم للطبيب المناسب حيخلي رحلة الحمل والولادة رحلة سعيدة باذن الله.

للحجز و الاستفسارات:
01001947488 - 01111410041
أماكن العيادات:
مصر الجديدة - مدينة نصر - التجمع الخامس