23/07/2025
لما يدخل علي عيان الحروق وماسك البخاخه دي في ايديه قلبي بيتخطف من اللي هشوفه في الحرق واقول ربنا يستر
اسوء اختراع لعلاج الحروق ، بالرغم من ان حبيبنا الصيادلة والعطارين والحلاقين والفتايين و كل واحد ماشي في الشارع بيوصفها وبشده لعلاج الحروق.
طب ليه احنا كدكاتره تجميل بنكرهها ومش طبعا السبب المشهور عننا اننا بنكرهها عشان بتخفف بسرعه واحنا مش هنشتغل لو العيانين استخدموها ، ابسلولتلي ! دي اصلا كونك بتستخدمها ده اللي بيأكلنا عيش عشان لازم هتيجي بعد ما تستخدمها
امال ايه السبب
اولا استخدمها غلط لانه لازم تستخدمها من مسافه بعيده جدا بحيث متسبش اي اثر علي الحرق وعندنا هنا لازم يردمها ابيض عشان يتأكد انها اشتغلت
تاني سبب ان الحرق ليه درجات ولازم نعرفها قبل ما نبداء علاجها مش كل الحروق شبه بعضيها ومش شرط حرق ابن خالتك يبقي شبه الحرق بتاعك فهو خف ع البخاخه فانت هتخف عليها .
كميه الكوارث اللي بنشوفها من ورا البخاخه دي مهولة لدرجه حروق عادية جدا كانت ممكن تخف عادي بتوصل لعملية ترقيع جلدي بسب حبيبتنا البخاخه.
طب بعد طول الكلام ده نعمل ايه للحروق يعني يا دكتور محمود؟
هقولك تيجي حضرتك تكشف عندي وانا هقولك متقلقش
يعني مش هروح للصيدلي ... لا متروحش ، ولا لطنط نوال اللي ابن خالتها خف ع المرهم الفلاني .. تؤ تؤ متروحش ... امال اعمل ايه طيب
قولتلك يا بني روح لدكتور تجميل وهو هيعرف يعالجك
