عيادة د. أحمد يوسف بريك للمسالك البولية والتناسلية Borick Clinic Urology

08/05/2025

تنفيذا لتوجيهات وزارة الصحة
وحفاظا على سلامة القلب
واعادة شحن الطاقة لتقديم افضل خدمة لمرضانا الأعزاء
فالعيادة اجازة اليوم

02/05/2025

بمناسبة انتهاء عام ابريل العظيم 🤣🤣
والتوقيت الصيفي
فقد تقرر ان تكون مواعيد العمل بالعيادات
*د/احمد يوسف بريك*
مسالك بولية - ذكورة و عقم
👈عضو الجمعية المصرية لجراحي المسالك البوليه
👈عضو جمعية دول البحر المتوسط لجراحات المسالك البولية الدقيقة

*عيادة ابشواي* :
برج الشاويش أعلى المختبر بجوار البنك الأهلي
السبت والاتنين والأربعاء من ٢م ل ٦م مساءا
الأحد والخميس من ١م ل ٤م
للاستعلام :
01001116130
_____________________

*عيادة الفيوم:*
برج البراء بميدان المسلة
السبت والاتنين والتلات من ٧ م ل ١٠م
الأحد والخميس من ٥م ل ٩ م
للاستعلام :
01091833928

11/04/2025

أثناء متابعة مريضتي الطفلة الجميلة بعد عملية جراحية كبيرة لقيتها جايبالي الهدية دي
كتاب الله الكريم
ومصلية
وسبحة جميلة
وعلبة بخور
و بيرفيوم سوفاج
على اد ما هداياكي جميلة وقيمة يا بُنيتي الرائعة
الا ان اجمل ما فيها احساس التقدير لتعبك ومجهودك معاهم
ربنا يحفظ عليكي دينك ودنياكي وصحتك

06/04/2025

لما تقول الذكاء الصناعي اظبطلي الصورة دي
يغير شكلك ويجيب واحد تاني مكانك
فينا جاكيت من بعض

06/04/2025

متقلقوش لو لقيتم كمية البول بتقل شوية الفترة دي
طبيعي مع ارتفاع درجات الحرارة والعرق

17/03/2025

17/03/2025

لانك تستحق ان تحيا بصحة وعافية
الفحص المبكر والوقاية تحمي من أخطر الأمراض
والاكتشاف المبكر يساعدك على سرعة الشفاء والعودة للحياة الطبيعية
مريضنا هذا أتى بنزيف بولي تم عمل الفحوصات اللازمة وتبين وجود ورم بالمثانة
على الفور اتخذ القرار بالتدخل العاجل واستئصال الورم بالمنظار ثم التحليل الباثولوجي للورم وتبين انه سطحي والحمد لله
استكمل جرعاته العلاجية بالحقن داخل المثانة وفي المتابعة المستمرة لا يوجد اورام حاليا والحمد لله
لو تم إهمال الورم في بدايته تتطور الحالة بالانتشار لعضلات المثانة ويحتاج استئصال جذري للمثانة وتحويل البول
واذا أهمل اكثر يؤدي لانتشار الورم الخبيث في اماكن متفرقة من الجسم
سارع بالكشف عند حدوث اي دم بالبول او استمرار التهاب المثانة
او تكرار الالتهاب

28/02/2025

د. احمد يوسف يهنئكم بحلول شهر رمضان المبارك .. كل عام وأنتم بخير

مواعيد شهر رمضان

عيادة ابشواي : برج الشاويش أعلى المختبر
يوميا من ١ م ل ٤ م ظهرا عدا الثلاثاء والجمعة ٠١٠٠١١١٦١٣٠


عيادة الفيوم: برج البراء بالمسلة
يوميا من ٨ ل ١١ مساءا عدا الخميس والجمعة ٠١٠٩١٨٣٣٩٢٨

21/02/2025

من مشاركة د احمد يوسف بالمؤتمر السنوي لقسم المسالك بجامعة اسوان

31/01/2025

دخلت عليا في غرفة الكشف ومعها طفل لسه مولود امبارح ب
قالتلي يا دكتور الولد ده المية محبوسة فيه وعنده مية راجعة على الكلى ومن ساعة ما اتولد مفيش بول خالص
في لحظات جه في دماغي اد ايه الطفل ده بنسبة كبيرة هيتعمل معاه كام عملية ونسب نجاحها والتعب اللي هيشوفه هو وأهله
قولتلها عرفتي ازاي ؟
عملتي أشعات ايه ؟
قالت دي أشعة اتعملت وهو في بطن أمه
فعلا ارتجاع متوسط على الكلى
دي أشعة لسه عاملها دلوقتي وفعلا أشعة على البطن والحوض عند مركز أشعة من أشهر وأفضل أطباء الاشعة في الفيوم
المثانة مليانة للآخر لكن درجة الارتجاع بسيطة اوي على الكلى واتحسنت عن وقت الحمل
في اي حالة جايالي حتى لو عامل كل الفحوصات لازم اقوم افحصه بنفسي ده مش معناه اني بفهم في الأشعة احسن منه !!
لا طبعا
متأكد اني معرفش واحد على مية من اي دكتور أشعة
بس هو التعود
ببص عليه لقيت المثانة فاضية على الاخر !! 🤔🤔
بسألها معملش حمام بول ؟
قالت لا
قولتلها عمل براز ؟ قالت ايوه
قولتلها لين خالص او زي الإسهال؟
قالت اه لين خالص
قولتلها الولد الحمد لله البول نزل منه خلاص وعشان الحفاضة اتخلط مع البراز ومش باين
والارتجاع على الكلى بقه بسيط
احنا كده محتاجين نتابع درجة الارتجاع على الكلى
بنسبة كبيرة هتروح لوحدها
لكن بالنسبة للمثانة زيادة في الاطمئنان هاتيه بكره ابص عليه تاني
رجعولي تاني يوم قالوا الحمد لله الولد اتبول كذا مرة
بصيت عليه الدنيا تمام الحمد لله
الاكيد ان لحظة الفحص بالسونار في مركز الاشعة الولد كان البول فعلا كتير لكن بعد نهاية الفحص الولد اتبول

بصراحة مبسوط اوي اني قومت فحصته
لاني لو معملتش كده كنا هنعمل تحويل بول من المثانة على البطن وبعد كده عملية اسمها استئصال صمام خلفي بالمنظار ده غير أشعة بالصبغة على مجرى البول
موال كبيييير
الحمد لله

27/01/2025

جالي تليفون حالا من مريضي اللي عملتله عملية دوالي خصية بيقولي :
يا دكتور مراتي حامل الحمد لله الحمد لله
البركة فيك يا دكتور وفي عمليتك بعد ربنا انا كنت مستبشر بيك من اول ما شوفتك
اكمل كورس العلاج ؟؟؟؟
قولتله تكمل مين خلاص 🥰🤣
الف الف مبروك 🥰🥰
ربنا يتم على زوجتك الحمل وتقوم بالف سلامة وربنا يرزقكم الذرية الصالحة
مكالمتك فرحتني جدا جدا فالله الحمد والشكر
فرحة الدكتور بشفاء مريضه تقارب فرحة المريض نفسه
وقلق الدكتور على حالته اكتر من قلق اغلب اهله