Elshamy Kids Clinic د أحمد الشامى

25/01/2026

📢 تنبيه هام جدًا لكل أسرة عندها رضيع 📢

أي طفل أقل من 6 شهور ❌
🚫 ممنوع خروجه من غرفة النوم
🚫 ممنوع اختلاطه بأي حد تعبان سواء
أخواته – باباه – أي حد في البيت

👩‍🍼 الأم لو تعبانة
✔️ تلبس كمامة
✔️ تغسل إيديها كويس بالصابون قبل ما تمسك الطفل

⚠️ ليه الكلام ده مهم؟
لأن للأسف في الفترة دي
في حالات التهابات رئوية كتير
ومعظمها بيحتاج حجز في الحضانة 😭💔

⏰ سرعة الكشف مهمّة جدًا
والالتزام بالعلاج أهم
والرجوع للطبيب فورًا لو:
❗ الأعراض زادت
❗ أو اتغيرت
حتى لو في نفس اليوم 🏃‍♂️

🏥 ولو الطبيب قال إن الطفل محتاج حجز
👉 مفيش تردد
👉 مفيش خوف

💙 الحجز في الحضانة أو المستشفى
❌ مش كارثة
❌ ومش وصمة عار
✔️ ده إنقاذ لحياة طفلك 💪👶

📍 ربنا يحفظ اطفالنا من كل سوء 🤲❤️

25/01/2026

الأطفال كلها تعبانة و كله ماشى على جلسات

أمبولات البلميكورت (Pulmicort) اللى بنتعملى بيها جلسات التنفس فى جهاز النيوبيلايزر👇👇

👌 الأمبول بيبقي عبارة عن معلق "Suspension" مش سايل ( solution) لازم يترج كويس قبل مايُستخدم.

👌 لو الأمبول اتفتح علشان يتسخدم في أكتر من جلسه ، لازم ميعديش استخدام الجرعة التانيه عن ١٢ ساعة.

👌 نحافظ علي الأمبولات جوا الـكيس بتاعها (envelope) بتاعها لإنها بتتكسر بالضوء، ونحافظ علي وضعها تكون واقفة ( upright position)

👌 آخرك ٣ شهور بس من ساعة فتح الكيس (envelope) إنك تستخدمى فيها الأمبولات.

24/01/2026

اللسان المربوط 👅

لازم يتم فك الالتصاق في أقرب وقت بعد الولادة 👶
ومش بنستنى 6 شهور ولا سنة
زي ما بنسمع أحيانًا ❌

ناس كتير فاكرة إن وظيفة اللسان
هي الكلام وبس…
وده غلط ❌

اللسان ليه وظائف مهمة جدًا
ومن أهمها عند الرضيع:
🍼 المص والرضاعة الطبيعية

تخيّلي مثلًا
إن دراعك مربوط في جنبك
هل هتعرفي تحركيه
وتقومي بوظيفته كويس؟
طبعًا لا…
نفس الفكرة بالظبط عند الطفل 👌

في أطفال كتير جدًا
عندهم التصاق كلي أو جزئي في اللسان
ومش بياخدوا بالهم
ولا أهلهم ينتبهوا للمشكلة

علشان كده
استشارة طبيب الأطفال مهمة جدًا 👨‍⚕️
خصوصًا لو طفلك بيعاني من:
▪ ضعف أو قلة الرضاعة
▪ الشرقة المتكررة
▪ تعب وإرهاق أثناء الرضاعة

وخليكي فاكرة دايمًا يا ماما ❤️
لو إنتى مش عارفة إن فيه حاجة اسمها
لسان مربوط
ممكن متلاحظيهاش أصلًا

📌 فالعين لا ترى إلا ما تدركه

📷 الصورتين لنفس الطفل
قبل وبعد فك الالتصاق

24/01/2026

ياريت كلنا نقدر اكتئاب ما بعد الولادة

فترة صعبة جدا على الأم
و بلااااش تأنيب ليها و ضغط عليها سواء في الأكل أو الرضاعة الطبيعية

23/01/2026

مفاهيم غلط ياريت نصححها 👇👇

• البيض مش بيزوّد الحساسية
• اللبن مش بيزوّد السخونية
• السمك مش ممنوع وقت الكحة
• الزبادي مش ممنوع أثناء الإسهال
• الجلسات مش بتعوّد الطفل
• الزبادي مش قبل 6 شهور
• الزبادي آمن أثناء الكحة
• الزبادي مسموح في الإسهال
• الزبادي ما بيزوّدش السخونية
• الزبادي مش ممنوع في حساسية الصدر
• زبادي بالفراولة أو السكر مش قبل سنة

ربنا يحفظ اطفالنا من كل سوء 🤲❤️

22/01/2026

عيادة بنى عدى حاليا شغالة كل أيام الأسبوع

22/01/2026

📍 الأدوية الشراب زي كونتافيفر وبروفين و سيتال صلاحيتهم بعد الفتح ف التلاجه ٣ شهور
📍المضاد الحيوي الشراب الي بيكون بودر صلاحيته بعد الفتح ١٠ ايام
📍بخاخات الانف بعد الفتح صلاحيتها ٣ شهور

20/01/2026

🧕 يا دكتور انا طفلى بياكل التراب بكميه كتيره يتعالج ازاي 🤔

🧑‍⚕️ أكل التراب مش سلوك طبيعي وعايز تعامل طبي + سلوكي مع بعض 👌
وده اسمه طبيًا Pica (البيكا).

ليه الطفل ياكل تراب؟

أشهر الأسباب 👇
🩸 أنيميا نقص الحديد (أكتر سبب شائع جدًا)
🧠 نقص بعض المعادن (الزنك أحيانًا)
👶 فضول حسي عند الأطفال الصغيرين
😟 توتر / إهمال / ملل
🌱 أحيانًا تقليد أو عادة اتكونت

📌 الخطر في أكل التراب
⚠️ ديدان وطفيليات
⚠️ ميكروبات
⚠️ تسمم (خصوصًا لو التراب ملوث)
⚠️ انسداد أو مشاكل بالجهاز الهضمي
علشان كده لازم نتحرك.

📌 نعمل إيه بالترتيب الصح؟ 🤔

1️⃣ تحليل دم مهم جدًا
لازم:
▪️صورة دم كاملة CBC
▪️ تحليل Ferritin (مخزون الحديد)
📌 حتى لو الطفل شكله كويس
📌 حتى لو بياكل كويس

2️⃣ لو طلع عنده أنيميا
✅ يبدأ علاج الحديد
وغالبًا:
أكل التراب يقل أو يختفي مع العلاج

3️⃣ خطوات سلوكية مهمة
✔ متسيبهوش في مكان فيه تراب
✔ قصي أظافره باستمرار
✔ اغسلي إيديه كتير
✔ وفري بديل حسي آمن:
▪️لعب سيليكون
▪️عجينة لعب
▪️ألعاب ملمسها مختلف

❌ ما تعمليش
▪️ضرب
▪️زعيق
▪️توبيخ
لأن ده بيزود السلوك مش يقلله

4️⃣ الأكل يساعد
ركزي على:
🥩 كبدة – لحمة
🥚 بيض
🥬 خضار ورقي
🍊 فيتامين C مع الأكل
🚫 قللي اللبن لو بيشرب كتير (بيقلل امتصاص الحديد)

📌 إمتى نحتاج دكتور فورًا؟
🚨 لو:
▪️بياكل التراب بكميات كبيرة يوميًا
▪️عنده إمساك شديد أو مغص
▪️قيء متكرر
▪️تأخر نمو أو كلام

الخلاصة
🔹 أكل التراب غالبًا علامة نقص مش عناد
🔹 التحليل + علاج السبب = تحسن واضح
🔹 السلوك لوحده نادرًا يكون المشكلة

ربنا يحفظ اطفالنا من كل سوء 🤲 ❤️

19/01/2026

التطعيمات الاضافية

♨👶 التطعيمات الاختيارية 👶♨ كلها فى بوست واحد

🔻🔻All in one post 🔻🔻

??💡تطعيم_الروتا .... عن طريق الفم

(Rotarix ... جرعتين ) أو (Rotateq .. جرعات 3)

♻ للوقاية من النزلات المعوية

🔥 غالبا بندي ال Rotarix جرعتين
🔥 لو حندي Rotateq يبقي 3 جرعات

🚫 تنويه

📌 لا يأخذ قبل عمر شهر ونصف
📌 أخر جرعة لا تأخذ بعد عمر سنتين
📌 أقل فترة مسموحه بين الجرعتين هي شهر (4 اسابيع)

💢💢💢????💢💢💢💢💢💢💢??💢💢💢💢💢??💢

💡??تطعيم_المكورات_الرئوية ..... حقنة عضل

( Prevenar_13) أو ( Synflorix)

♻ للوقاية من الالتهابات الرئوية وإلتهابات الاذن الوسطي وإلتهابات المخ

🔥 2،4،6،15 شهر (4 جرعات) ... (يمكن للجرعه الرابعه المنشطة ان تعطي حتي عمر 18 شهر)

🚫 تنويه

🔻 لو نسينا ومخدش اول جرعة عند عمر شهرين >>

📌 لو لسه مكملش 6 شهور ياخد ال 3 جرعات الاولي عادي بين كل جرعة والتانيه شهرين (بمعني لو أخد اول جرعه عند عمر 4 شهور ..ياخدهم 4،6،8 ولو اخدها عند عمر 6 شهور يبقي 6،8،10 ) وياخد الجرعه المنشطه ف ميعادها عادي (15 شهر)
📌 لو عمره مابين 7 ل 11 شهر >> ياخد جرعتين بينهم شهر + الجرعة المنشطة ( 15 شهر )
📌 لو عمره من سنه ل سنتين >> ياخد جرعتين بينهم شهرين فقط
?? لو عمره من سنتين ل 17 سنة >> حياخد جرعة واحدة فقط

💢💢💢💢💢💢💢💢💢💢💢💢💢💢💢💢💢💢💢💢

💡💡تطعيم_الجديري_المائي .... حقنة تحت الجلد

( Varilrix ) أو ( Varivax)

♻ للوقاية من الجدري

❌ لا يأخذ قبل سن سنه

🔥 لو عمره اقل من 13 سنه >> ياخد جرعتين بينهم 3 شهور
🔥 لو عمره فوق 13 سنه >> ياخد جرعتين بينهم شهر

📌 اللي جاله جدري قبل كده مياخدش التطعيم
📌 لازم نفصل شهر بينه وبين اي تطعيم حي زي ال ( الروتا..نقط شلل الاطفال .. MMR )

💢💢💢💢💢💢💢💢💢💢💢💢💢💢💢💢💢💢💢💢

💡💡تطعيم_الالتهاب_الكبدي_الوبائي_A .... حقنة عضل

( Havrix )

♻ للوقاية من الالتهاب الكبدي الوبائي A

❌ لا يأخذ قبل سن سنه

🔥 اي سن فوق سنه >> ياخد جرعتين بينهم 6 شهور او ممكن بينهم حتي 18 شهر لو نسينا

🔻 ف منه تركزين

📌 720 للاطفال .. 0.5 مل
📌 1440 للكبار .. 1 مل (بندي الطفل نص الحقنه لو ال 720 مش متوفر )

💢💢💢💢💢💢💢💢💢💢💢💢💢💢💢💢💢💢💢💢

💡💡تطعيم_الانفلونزا_الموسمية ... حقنه عضل

( VAXIGRRIP ) أو ( INFLUVAC)

♻ للوقاية من نزلات البرد

❌ لا يأخذ قبل 6 شهور

🔥 الحقنة كاملة (0.5 مل) لأى عمر فوق ٦ شهور

📌 تأخذ سنويا ف شهر سبتمبر او اكتوبر وحتى شهر مارس ( جرعة واحده )
📌 ماعدا ف الاطفال من 6 شهور ل 9 سنوات .. في اول مره ياخدوا فيها التطعيم بياخدوا (جرعتين بينهم شهر) وبعدين عادي ياخدو (جرعة واحده سنويا )
💢💢💢💢💢💢💢💢💢💢💢💢💢💢💢💢💢💢💢

💡💡تطعيم_الالتهاب_السحائى.....حقنة عضل
(Nimenrix )

♻للوقاية من الالتهاب السحائى (الحمى الشوكية)

🔥يؤخذ من عمر شهر و نصف فيما فوق
🔥لو عمره اقل من ٦ شهور >> يؤخذ ٣ جرعات عند شهر و نصف &و ٣ شهور و نصف & و سنة
🔥لو عمره اكبر من ٦ شهور >> يؤخذ جرعتين فقط
🔥لو عمره اكبر من سنة >> يؤخذ جرعة واحدة فقط

(Menactra )

🔥يؤخذ من عمر ٩ شهور فيما فوق
🔥لو عمره من ٩ شهور الى ٢٣ شهر >> ياخد جرعتين بفاصل ٣ شهور
🔥لو عمره اكبر من ٢٣ شهر >> ياخد جرعة واحدة فقط

👈👈 التطعيمات كلها متوفرة عندنا في المركز

ربنا يحفظ أطفالنا من كل سوء ♥️ 🤲

18/01/2026

18/01/2026

🌬️❄️ في الشتا والبرد… خلي بالك على طفلك يا ماما
في شوية نقاط مهمّة جدًا لازم تبقي عارفاها 👶💙

👈 أي طفل أقل من سنة وعنده برد أو كحة:
لازم كشف دكتور من أول الأعراض
🚫 بلاش أدوية من الصيدلية من غير كشف.

🚨 الطفل أقل من 6 شهور؟
المتابعة ضروري تكون كل يومين–تلاتة
لأن الحالة ممكن تتقلب بسرعة
برد بسيط ممكن يتحول لضيق تنفس ويحتاج أكسجين أو دخول مستشفى 🏥

🚑 روحي لطوارئ فورًا لو لاحظتي إن الطفل:
▪️ مش بيرضع كويس
▪️ نفسه سريع أو بيجهد
▪️ مش عارف ينام من الكحة

🙏 لو مفيش حرارة
والطفل بيرضع وينام كويس
اطمني… الكحة وخروشة الصدر ممكن يقعدوا لحد أسبوعين
بس المتابعة مع الدكتور مهمة لحد ما يتحسّن تمامًا.

👃 أهم خطوة في العلاج: تنظيف الأنف
محلول الملح أساس العلاج
والجلسات آمنة جدًا
❌ مش إدمان ولا بتعود الطفل
✔️ بالعكس… بترحمه وبتساعده يتنفس أحسن 💙

🚨 أطفال حساسية الأنف:
بخاخات الأنف زي فليكسوناز – تيكناز مهمة جدًا

🚨 أطفال حساسية الصدر:
بخاخات الصدر علاج وحماية
والالتزام بيها ممكن ينقذ حياة الطفل ❤️

😷 خلي بالك:
برد الكبار ممكن يسبب مشاكل صدر خطيرة للأطفال
فاللي تعبان… يبعد عن الأطفال شوية لو سمحتوا 🙏

⸻
⭐ ربنا يحفظ اطفالنا من كل سوء 🤲❤️

18/01/2026

دور الانفلونزا الموسميه اللي ماشي اليومين دول معاه سخونيه شديده ووجع في الجسم وكحه
و الطفل بيكون مش قادر يقف على رجله من وجع جسمه.. همدان وفقدان شهيه طبعا
ممكن يجي معاه ترجيع وممكن اسهال..
الدور رخم وبيطول شويه ومعدي جدا... اللي يجيله الدور ده ميخرجش ولا يختلط بأطفال
اوعي تهمليه عشان بيتطور بسرعه وممكن يحصل مضاعفات ،
العلاج حسب الحاله بس أساسي معانا خافض الحرارة والراحة والسوايل الدافيه ..

ربنا يحفظ اطفالنا من كل سوء 🤲❤️