صيدلية الحكمه منفلوط El Hekma pharmacy manfalut

30/08/2024

الى محتاج رواتنكس بتاع الأملاح
او رواكول ل المرارة
يبعت لأن اتوفر كميه بسيطه خالص

20/05/2024

بما إن 90 ف الميه من أدويه السوق نواقص حاليا تعالى اوضحلك نقطه كمريض كاشف و ف ايدك روشته وارد جدا ان متلاقيش ولا صنف من اللى مكتوب فيها بالاسم فى الصيدليه و هنا الموضوع حله بسيط بس انت مصعبها على نفسك
عشان نطلعوا من الحوار لحد ما أزمه الدواء دى تنحل لازم تتجنب شخصين
أول واحد طبيب رخيص مصر على الصنف اللى مكتوب بالاسم عشان شركه الادويه واعداه بمصيف أو مراوح للعياده أو غيره من الرشاوى و مش فارق معاه دوخه المريض
تانى واحد صيدلى رخيص موقف ناس لاتفقه شيء فى الدواء و غير مؤهله لصرف مثيل أو بديل و كل همه إن الصيدليه تبيع و خلاص
اتجنب الاتنين دول و إكشف عند دكتور محترم و اصرف علاجك من صيدليه محترمه اللى شغالين فيها دكاتره و بس كده كتب الله لكم السلامه و الشفاء العاجل

10/05/2024

واحد داخل الصيدلية ف شافني وانا بدي واحده عندها السكر اوميجا 3 ف بيسأل يا دكتور انا بشوف ناس كتير بتاخد اوميجا 3 هيا ايه فوائدها ؟ بص يا سيدي
🔸 بيمثل حمايه للقلب ويقلل من مشاكل الCVD من الاخر بيخلي صحه القلب احسن وبيقلل الضغط فا يعني مينفعش حد عنده مشكله في القلب متنصحوش بالOmega 3
🔸 بيساعد في تحسن الاعراض بتاعت التهاب المفاصل الروماتويدي Rheumatoid arthritis
🔸 بيقلل الالتهابات في الجسم في دراسه اتعملت جابو 727 women واثبتو من خللها ان الOmega 3 بتقلل ال C - reactive protein وده تحليل الالتهابات فا لو لقيت حد عنده عالي ليه متنصحوش ب Omega 3 ؟
🔸 نسبه عاليه من الدهون الموجوده في مخك والretina بتاعت عنيك والغلاف بتاع الخلايا العصبيه عباره عن omega 3 وخصوصا ال DHA وده شكل من اشكال الOmega 3 زي مقولنا موجود في السمك يعني ايه ؟
يعني حاسس نفسك داخل علي مرحله اكتئاب .. تعرف حد عنده شيزوفرينيا .. عاوز تعلي الIQ لحد خصوصا لو طفل وIQ اختصار ل intelligence quotient بمعني نسبه الذكاء .. طفلك عنيه بدات توجعه من كتر القاعده علي الموبايل وعاوز تحافظ علي صحه عنيه .. كل ده حله ببساطه الOmega 3 وتتأكد ان مكتوب عليها DHA + ياكل سمك وماكولات بحريه .
🔸 لما نكلم عن النسخه التانيه اللي هيا ال EPA احنا بنكلم في صحه قلب وبنكلم في تقويه للجهاز المناعي خد بقا النسبه دي من بحث اتنشر سنه 2012 لقو ان الناس اللي بتاخد EPA مع الstatins اقصد يعني ادويه الكوليسترول مشاكل القلب بتقل عندهم بنسبه 19 % عن الناس اللي بتاخد statins لوحدها .. بينظم الsebum production للناس اللي بشرتها دهنيه وعلاطول بيجلها حب شباب ويروح بالدوا ويرجع تاني مع تقليل اكل الدهون ال EPA يحل المشكله دي..

🔸 عاوز تقلل دهونك الثلاثيه .. عاوز تعلي ال HDL يبقا انتا محتاج omega 3 طيب وال LDL ؟ ملوش تأثير عليه.
🔸 عنده سكر وعاوز يحمي نفسه من التهابات الاعصاب ورعشه اليد ويقلل منها انصحه بال DHA للاعصاب .
🔸 حلو لصحه المفاصل .. لصحه الجلد .. لأي مسبب التهابات

08/05/2024

05/05/2024

الدوا ده هو أفضل دوا لعلاج الكحه الناشفه فى الصيدلية
بناء على الابحاث تم اكتشاف إن الماده الفعاله دى هى الأقوى وفى نفس الوقت هى الأمنة بين أدوية الكحه لأنها بتشتغل prephiral عكس باقى أدوية الكحه بتشتغل central فمش هيكون ليها تأثير على المخ 👌
لو عندك سؤال سيبه فى الكومنتات وهرد عليك 👇