Dr.Ali Elhaddad - د.علي الحداد

Dr.Ali Elhaddad - د.علي الحداد الصفحة الرسمية لـ د. علي الحداد 🇪🇬- استشاري الحقن المجهري
ومناظير: النسا_البطانة المهاجرة_الأورام الليفية
(2)

ورجعنا تاني للعمل 🙏💪 توأم طازه 😃 عقبال كل المنتظرات
22/07/2025

ورجعنا تاني للعمل 🙏💪 توأم طازه 😃 عقبال كل المنتظرات

لا بأس من أن يُوضع الطبيب مكان المريض وتستبدل الأدوار كل فترة،حتى لا يعتاد على رؤية آلام الناس من خلف صندوق زجاجي،وحتى ل...
22/07/2025

لا بأس من أن يُوضع الطبيب مكان المريض وتستبدل الأدوار كل فترة،
حتى لا يعتاد على رؤية آلام الناس من خلف صندوق زجاجي،
وحتى لا ينسى نعمة الصحة… وأنها ليست أبدًا شيكًا على بياض.

الصورة دي من٤ او٥ سنوات، لأصعب أزمة صحية مررت بها (على الأقل حتى الآن 😀).
كان عمري وقتها تقريبًا ٣٦ عامًا.
وقتها كنت في العيادة، وفجأة شعرت بدوخة وتعرق وثقل في صدري.
اعتقدت وقتها أنها ربما انخفاض بسيط في السكر بسبب الخروج مثلًا بدون إفطار، أو مجهود زائد.

مر اليوم بسلام،
ثم في اليوم التالي بدأت أشعر بنفس الأعراض، لكن بشكل أقوى.
حاولت تجاهل الأعراض، ولكن جسمي لم يتجاهل.
اضطررت للذهاب لطبيب أمراض قلب، لأني اعتقدت أنها مشكلة قلبية.
عملت فحوصات رسم قلب، وإيكو، وتحاليل سكر وغدة… وكلها سليمة.

دكتور القلب، وهو بياخد مني التاريخ المرضي، لفت نظره وفاة والدي المفاجئة في سن ٤٧ سنة،
بدون أي أعراض، لا أي مرض… فجأة رجع من شغله شهق… مات، ببساطة كده.

الدكتور مشكورًا يبدو إن التشخيص ماكانش واضح معاه،
فقرر يديني علاجات احتياطية زي مذيبات جلطات بجرعات عالية، رغم سلامة الفحوصات والتحاليل.
شكرت الطبيب، ثم عدت للمنزل، وتناولت الدواء.

بعد نصف ساعة، جاءتني نوبة رهيبة من الألم، وعدم القدرة على التنفس.
ذهبت للمستشفى، وكان فحص رسم القلب سليم.
وقتها، من الألم، أصريت على الطبيب إني أعمل قسطرة قلبية تشخيصية،
رغم رفضه لعدم اقتناعه بوجود ما يستدعي القسطرة.لكن

(الصورة دي قبل القسطرة بساعة)

كنت في عناية القلب، في أحد المستشفيات اللي بشتغل فيها،
وفعلًا تم عمل القسطرة القلبيه، وأكدت إن القلب سليم تمامًا.
ذهبت إلى المنزل وأنا لا أدري: أين المشكلة؟

بعد بحث عميق، اتضح إن المشكلة هي إني أعاني من ما يُسمى
نوبات هلع (Panic Attacks)
نوبات تحدث نتيجة فرط استجابة من الجسم للقلق، حتى بدون سبب،
أو بسبب زي المجهود والتوتر (القاتل الأول للإنسان) وقلة ساعات النوم.
لسبب ما… يطلق الجسم صافرات إنذار لا تستطيع إيقافها.
لكن تعافيت منها إلى حد كبير، والحمد لله
وهحكيلكم يوما ما عن طريقة تخطيها
⸻

من يومين، بمرّ بأزمة صحية جديدة (مختلفة)
ويبدو إنها خفيفة، الحمد لله،
لكنها اضطرتني أغيب عن العيادة ٣ أيام.
تجربة جديدة، مش سهلة، لكن رغم قسوتها… اتعلمت منها كتير.

وإن شاء الله بكرة أكون موجود في العيادة،
وأنا كلي عزيمة إني أساعد وأُسعد أي بني آدم يحتاجني، قدر استطاعتي.

⸻

هرجع وأنا:
• مقدّر آلام الناس أكتر
• مقدّر نعمة الصحة أكتر وأكتر
• ومستمتع بالنَفَس اللي داخل وخارج بدون ألم
• بدخول الحمام والخروج منه بدون ألم
• بحبكم أكتر وأكتر علشان بني آدمين زيّي
• مقدّر الضعف الإنساني
• مقدّر نعمة حب الناس
• مقدّر نعمة الأسرة والأهل و الأصدقاء
• عندي طاقة تسامح أعلى
• وعارف إن الدنيا ممكن يتقلب حالها في لحظة
• مقدّر الحديث: “من بات معافى في بدنه…”

هرجع وأنا عارف إن كل قاسي هو غبي غرّ، ساذج، لم يرَ من الدنيا شيئًا.
وكل حنون عطوف… فاهم.

الشغل اللي كنت بشتكي منه؟ نعمة
تخفيف آلام الناس؟ نعمة
خد نفس عميق كده…
الحمد لله

وربنا يخليكم ليا يا أسرتي الكبيرة ❤️
وان شالله بكرا متواجد في العياده 💪

شكرا ليكم❤️
14/07/2025

شكرا ليكم❤️

10/07/2025

من الرحمه والحكمه ان لايستقوي الزوج علي الزوجه عندما يطمئن علي سلامة فحوصاته لأنه ولأسباب إلهيه ،،الزوجه هي الطرف الأضعف في موضوع تأخر الحمل ،لأن دورها في الموضوع دا اكبر واعقد واعظم وهي دايما من نلقي عليها اللوم ،،وسبحان الله حتي الحقن المجهري نفسه في صف الزوج🙂،،

شم رائحة الأطفال حديثي الولاده يحفز مراكز المكافأه في المخ المسؤوله عن السعاده ❤️ودا فعلا كلام حقيقي ومثبت علميا ،هتيجي ...
10/07/2025

شم رائحة الأطفال حديثي الولاده يحفز مراكز المكافأه في المخ المسؤوله عن السعاده ❤️ودا فعلا كلام حقيقي ومثبت علميا ،هتيجي واحده في الكومنتات تقول امال انا ليه بحس اني هتعمي من اللي بشمه،،هنقولها الدراسه يافندم كانت معموله من غير بامبرز

09/07/2025

دي حاله انهارده في العياده ،،حامل في توأم ولد وبنت ياتري ممكن بجد تعرفوا مين الولد ومين البنت من صورة الوش بس ؟؟

حاولت أعمل حاجه صح😄
09/07/2025

حاولت أعمل حاجه صح😄

الملخص : (سمساره بتجيب حالات للدكاتره بفلوس وبترازيني علشان موافقتش) التفاصيل : في بنت يا جماعة من قرية جنب المنصورة عام...
08/07/2025

الملخص : (سمساره بتجيب حالات للدكاتره بفلوس وبترازيني علشان موافقتش)

التفاصيل : في بنت يا جماعة من قرية جنب المنصورة عاملة جروب بتسترزق منه، وده للأسف من البلاوي اللي ابتلينا بيها في الزمن ده إن في جروبات (سماسرة)، يجيبوا حالات للدكتور اللي شغال لحسابه وتاخد فلوس عالراس أو اشتراك شهري، طبعًا هي مبتقولش إنها سمسارة لأنها بتضحك عالبسطاء وتعمل إنها بتقدم نصايح طبية وإنها بتساعدهم لله، الحقيقة إنها بتوجّههم للي بيدفع لها آخر الشهر أكتر. أنا مكتبتش اسم الجروب علشان ما شهروش ويكون سبب إنه يستغل ويضايق أي دكتور تاني، وافتحلها باب رزق أكبر 😀 وانا عمري والله ماكنت هجيب سيرتها بس هي مش سايباني في حالي

البنت دي مكنتش أعرفها ولا أي حاجة،أول معرفتي بيها لقيت واحده باعتالي عالفيس بوك الشخصي عندي وانا اصلا بقبل أي طلب صداقه حاولت بكذا طريقة زي ما انتوا شايفين في الاسكرينات إنها تتودد ليا كذا مرة، على أساس يبقى في شغل من أي نوع، وأنا اعتذرت بدبلوماسية اتقاءً لشرها ولأني مش فاضي للقرف ده، الكلام ده ٢٠٢٢وحاولت تاني، ٢٠٢٤ والاسكرينات عليها التواريخ وأنا برضه مش في دماغي ومش محتاج الدعاية القذرة دي لا منها ولا من غيرها.

وطبعًا بقى في ٢٠٢٥ بقى الجروب كله شغال عليّا، تعليقات سلبية وأكونتات فيك وأسماء مخفية، ونفس الجمل ونفس الكلام، ونزلت “معيطه” من عنده واستلفت فلوس وشاللي الأمبوبه 😀 (قصدها الأنبوبة)

اللي عاملة الجروب ده واحدة مش طبيبة، ولا ليها أي علاقة بالمجال الطبي، يعني أنا كدكتور مصلحتي معروفة، بشتغل وبعمل دعاية لشغلي باحترام، وده أكل عيشي. إنتي بقى عاملة الجروب ده ومشغلاه للدكاترة بالاسم لوجه الله؟ وهبتي نفسك لمساعدة متضرري الحقن المجهري؟ طيب ما تساعدي مرضى الحروق مثلًا، ولا علشان الحقن المجهري بيكسب 😀 الناس عقلها فين؟ ؟ وسايبة بيتها وحياتها وعماله تساعد البسطاء 😀

أنا مردّتش بقالي فترة، مش لأن مفيش كلام يتقال، لكن فعلاً مش فاضي. وده أول رد، ولسه في ردود كتير جاية تباعًا. أنا كان قدامي طريقين: يا إما أدفع لها اشتراك شهري ٥٠٠ جنيه، وهتطلع تقول فيا أشعار، زي ما بتعمل مع اللي بيدفعولها. يا إما أوعي الناس، وأوقف الابتزاز ده. وأي حد منكم يدخل يكتب عندها كومنت إيجابي، ياخده سكرين، لأنها هتمسحه.

طيب ليه انت يا دكتور علي؟ لأن مش أنا المستهدف… المستهدف هو “يهب”، اللي بيكبر وبيتوسع،وبقي براند قوي جدا في تأخر الحمل وبقي فيه بدل الدكتور ٧ أطباء وهي بتحاول تثبت للي بيدفعولها إنها مؤثرة… والدليل؟ “شوفوا أنا بعمل إيه في اللي ما بيدفعليش!” أنا سايبلكم سكرينات بالمحادثة الوحيدة بينّا، ومحاولتها إنها تشبك معايا في أي شغل بأي طريقة… وردي الدبلوماسي، اللي كان اتقاءً لشرها.

وعلشان علي الحداد ناجح ومحبوب وقادر يوصل جودة شغله للناس بدون وسطاء وعلي فكره في جروبات كتير زيها، بس على الأقل ناس في حالها، بتعمل دعاية للأطباء بمقابل، بس بدون ما تشهر بأي حد. دول محترمين، رغم إن عندي تحفظ برضه، المفروض يعرفوا الناس إنهم بياخدوا مقابل زي أي إعلان.

أنا ما بعملش صفقات مع أي مندوب دوا، ولا شركة، ولا معمل، ولا مركز أشعة. من ساعة ما اشتغلت، ما قابلتش مندوبين أدوية، ودي حاجة معروفة عني. مع انهم يتمنوا مع احترامي لمندوبين الأدوية، بس بالبلدي كده، المندوب بييجي يقولك: “الشركة هتسفرك ماليزيا 😀 لو كتبتلنا الدوا ده!” فيه دكاترة بتقبل، على أساس إنهم كده كده هيكتبوا دوا… بس إنت كإنسان، هل تقبل ده؟ هل تقبل الدكتور يكتبلك دوا علشان عايز يصيف😂

كشفي غالي فعلًا لبعض الناس، لأني بقدم أفضل خدمة. فرع المنصورة لوحده فيه: ٤ أجهزة سونار من أحدث الأجهزة، شغال فيه أكتر من ١٠ موظفين بين سكرتارية وتمريض، دكتور بيرد على استفسارات حضرتك، والمكان دايمًا نضيف، وأفضل حاجه في كل حاجه. ودكاترة “يهب” أقل دكتور فيهم معاه زمالة مصرية، ومنهم معاه الزمالة البريطانية، أقوى شهادة في العالم. جودة رائعة للي يلزمه الجودة دي.

… وطبعًا مش كل عمليات الحقن المجهري ناجحة معايا، ومش كل الناس هتبقي راضيه عن تجربتها معايا لكن اتحدي أي حد يقول عملتله اي اجراء بدون داعي عالملأ اهو انما النجاح والفشل دا من ربنا لأن ربنا خلق الحقن المجهري كده، وإلا أنا ابقي مش بشر. لكن عمري ما عملت لحالة أي عملية، ولا حتى شكّيتها شكّة، بدون داعي. أنا بكتب أقل دوا، وروشتتي دايمًا فاضية. ما بطلبش تحاليل بـ٧ و٨ آلاف، وابعتها عند معمل حموكشه 😉ولا بدي مكملات وش وظهر بـ٢٠٠٠ جنيه، ولا بحقن بلازما، ولا بعمل منظار رحمي استكشافي بدون داعي… على الفاضي والمليان. وآهو كله على المَلأ. أهو. الكلام المكتوب في البوست بقى مش عايز أرد عليه، بعد ما قريت كلمة “أمبوبه” نفسي اتسدت، وخرمتلها الرحم وأنا بعملها حقن مجهري 😀 وأنا اللي أكلت الجبنة 😂 وبعدين كاتبه أمبوبه والسطر اللي بعدها ثقب ف الرحم باللغه الفصحي و T shape اللي هي رساله متستفه وبالنسبة للماديات، ربنا يعلم عمري ما رديت حد، ومئات التجارب والحالات تشهد وكل يوم عندي ٥ أو ٦ حالات في الكشف بدون دفع مجانًا، و٥ حالات لو ضربتيهم في سعر الكشف هيبقى مرتبكِ اللي بتاخديه من غيري علشان تشتميني

الرد دا احتراما لحالاتي ولسه اللي جاي أحلي وان شالله ربنا يقدرني واقدر اوقفها عن ابتزازها ليا ولأي طبيب وهبعتلكم الجديد❤️

02/07/2025

نجاحات يهب / فرع القاهره ❤️

02/07/2025

مينفعش انزل العياده من غير ماأفطر ،،لأن وجبة الفطار مهمه جدا😃
والناس اللي منتظره في العياده دقايق ان شالله واكون عندكم❤️

30/06/2025

الراجل دا ياجماعه كل يوم بيشيل طفل ومش شكله خالص واخر مره وقفته ارتبك كدا وقالي أنا دكتور نسا وأنا اللي مولد الأطفال دي كلها ،طبعا مصدقتوش ،،،شير ليكون الأطفال دي مخطوفه من أهلها😢

29/06/2025

انهارده جبنا موظف جديد في العياده ،،بس مش عايز يشتغل

Address

Manoura

Opening Hours

Monday 12pm - 8pm
Tuesday 12pm - 8pm
Wednesday 12pm - 8pm
Thursday 12pm - 8pm
Saturday 12pm - 8pm
Sunday 12pm - 8pm

Website

Alerts

Be the first to know and let us send you an email when Dr.Ali Elhaddad - د.علي الحداد posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr.Ali Elhaddad - د.علي الحداد:

Shortcuts

Share

Category