عيادة د.شيماء جبر

30/10/2023

مشاركتي في مؤتمر امراض القلب لقسم القلب في التأمين الصحي لفرع شمال شرق الدلتا

30/10/2023

https://m.facebook.com/story.php?story_fbid=3554458878103571&id=100006184801869&mibextid=Nif5oz

19/08/2023

يعلن المركز الطبي عن وجود ليوم الخميس
الدكتوره شيماء جبر
ماجستير أمراض القلب والأوعية الدموية والزماله المصرية للموجات الصوتية على القلب (اشعه ايكو)
وعلاج قصور الشرايين التاجيه وضعف عضله القلب ومشاكل الصمامات وعدم انتظام ضربات القلب ومتابعة حالات السكر وحساسية الصدر والتهابات المعدة والقولون ومجري البول
ولمن ترغب من النساء الكشف سوف يجري
(الكشف في خصوصيه تامه أو عمل اشعه إيكو)
وذلك ستكون الدكتورة موجوده من الساعة 6.30م
كما يوجد دكتور الاسنان
من الساعه 4-11م
والأشعة والتحليل الطبيه
من الساعه 2ال10

والحجز والاستفسار عن طريق رسائل الصفحة أو عن طريق الارقام التاليه 📱/01010136705
☎️/0502085050

04/07/2023

27/06/2023

عيد اضحى مبارك وربنا يكتبنا جميعا مع الحجاج العام القادم يارب العالمين

عزيزي مريض القلب .. نقدر ناكل لحمة بامان بشرط ان لانتجاوز الاحتياج اليومي الطبيعي

قطعة لحمة حمراء بالكثير وزن ال ١٠٠ جم 👌

نبتعد تماما عن الدهون المشبعة والمقليات .. ممنوع المخللات والحوادق 👍

ننتبه لمواعيد الادوية ما ننساهاش وسط زحمة العيد والزيارات 👍

مادون ذلك .. الف هنا وشفاء وعيدكم مبارك 🎈🎈

04/06/2023

مع استاذنا الكبير ا. د.اسامة عبد الرؤوف عملاق الايكو

وشرح مفصل اكثر من ممتاز لتقنيات الايكو ثلاثي الابعاد كعادة سيادته دائماً

في ضيافة ا.د.جمال شعبان العميد السابق لمعهد القلب
اللهم علمنا ماينفعنا وانفع بنا واشف مرضانا جميعا

24/03/2023

سؤال يادكتورة ؟
مين مريض القلب ال له رخصة انه يفطر ف رمضان ؟ والافضل لصحته انه يعمل بيها ؟

هجاوبك :

1. مريض ضعف عضلة القلب اللى بياخد مدرات بول بجرعات كبيرة.

2. مريض ضعف عضلة القلب اللي معاه قصور في وظائف الكلى.

3. مرضى الأزمات القلبية الحديثة (خلال شهرين أو أقل من تاريخ التعرض للأزمة).. يعني كان لسة محجوز بسببها قريب في العناية

4. مرضى جراحات القلب الحديثة (خلال شهرين أو أقل من تاريخ الجراحة).

5. مرضى دعامات الشرايين التاجية الحديثة (خلال اول 6 شهور من تاريخ تركيب الدعامة).

6. مرضى قصور الشرايين التاجية اللى بيجيلهم وجع فى الصدر بشكل متكرر (أكثر من 3 مرات أسبوعياً).

7. المرضى اللى بتاخد مضادات التجلط زى الماريفان أو مضادات التجلط الحديثة (أياً كان السبب)... والفئة دي ممكن يصوموا بشرط الحفاظ على تروية جيدة جدا وتجنب الخروج في الشمس او التعرض للجفاف

ورمضان كريم 🌷🌷

22/03/2023

رمضان كريم
كل عام وانتم بخير

مبارك عليكم الشهر أعاده الله علينا وعليكم بالخير واليمن والبركات..

وتقبل الله منا ومنكم صالح الأعمال!

21/03/2023

كل سنة وقلوب كل الامهات بخير ❤️

17/03/2023

جمعة مباركة 🌷

02/03/2023

بانتظاركم بداية من اليوم باذن الله

22/01/2023

#رجب

🌙كانَ رسولُ اللهِ إذا رأى الهلالَ قالَ :

اللهُ أكبرُ ، اللَّهمَّ أَهِلَّهُ علينا بالأمنِ والإيمانِ ، والسَّلامةِ والإسلامِ ، والتَّوفيقِ لما تحبُّ، وَترضَى ، ربُّنا وربُّكَ اللهُ.

19/01/2023

العنوان : محلة دمنة اول ش المدرسة التجارية من البحر بجوار صيدلية النهضة
ت : 01203171578

السبت والاثنين والاربعاء والخميس ٦ م

30/12/2022

كل عام وانتم بخير

08/11/2022

احتشاء عضلة القلب بيحصل نتيجة لانسداد الشريان التاجي المغذي للجزء ده من عضلة القلب .. مما ينتج عنه موت الخلايا القلبية ال اتحرمت من تغذيتها الدموية .. ودي بيختلف حجمها ومكانها باختلاف الشريان المغذي ليها واللي حصله جلطة واتقفل وبالتالي كمان بتختلف المضاعفات الناتجة عن موت اي جزء من عضلة القلب من مكان لآخر

محتوى محاضرتي الجميلة دي (ضمن فعاليات اليوم العلمي لقسم امراض القلب والعناية المركزة وسط نخبة عظيمة من اساتذتي الاستشاريين وزملائي الاعزاء بمستشفى التأمين الصحي بسندوب )

عن أحدث مستجدات وطرق تشخيص وعلاج جلطة القلب الحادة واحتشاء عضلة القلب بالتفصيل .. قريبا هنا على الصفحة بإذن الله انتظرونا ⏳

31/10/2022

🤔 حاسس بضربات قلبي يادكتور هو دي كدة مشكلة ؟؟ وليه ؟؟

👩🏻‍⚕️ الحقيقة عشان اجاوبك محتاج تفهم حاجة مهمة

قلبنا بيبدأ يدق من واحنا لسة اجنه عمرنا اسابيع

اثناء الحمل واحنا لسة اجنة مخنا بيتعرف ع الاصوات والحركات الطبيعية لكل جزء ف جسمنا 🧠

ويتعلم يهملها .. مايركزش معاها
((طول ماهي طبيعية))👌🏻

يعني ايه .. يعني يعرف دقات قلبي الطبيعية .. وطول ماهي طبيعية قلبي يدق وانا مش حاسس 🫀

يعرف حركة قولوني وامعائي الطبيعين وطول ماهم شغالين كويس خلاص تمام انا مش حاسس ☃️

اول ما احس بلخبطة فيهم .. هنا ده يقولي ان في مشكلة❌

ضربات قلبي طول ماهي طبيعية انا مش حاسس بحاجة

اول ما تزيد .. او تقل .. او تتلخبط

هنا ابدا احس بضربات قلبي .. وعليها لازم ارجع لدكتور القلب

ال هيعملي فحوصات مهمة يتطمن بيها اذا كان ال حسيت بيه ده مشكلة فعلا ولا لاء

🎙️ايه مشاكل ضربات القلب المختلفة ؟؟

هنتكلم عنهم واحدة واحدة في بوستات جاية ان شاء الله 👍🏻

لكن خلينا النهاردة نتعلم كام معلومة عن ضربات القلب الطبيعية

☘️ ان كلمة طبيعية دي مختلفة من شخص للتاني الطبيعي بتاعك غير بتاع اخوك او مامتك

☘️ وكمان ضرباتك الطبيعية انت نفسك مختلفة بين وقت والتاني وانت طفل غير وانت يافع غير وانت بالغ

☘️ ضرباتك الطبيعية بتتأثر باليقظة والنوم

☘️ضرباتك الطبيعية بتتأثر بارتفاع درجة حرارتك لو سخنت

☘️كمان بتتأثر بحالتك البدنية لو بتلعب رياضة والنفسية لو زعلت او اتعصبت

☘️لو بتشرب شاي وقهوة او منبهات عموما كمان بتكون عرضة لزيادة الضربات

☘️ادوية كتير زي موسعات الشعب بعضها بيزود ضربات القلب .. وادوية تانية من ادوية الضغط ممكن تقللها

☘️حالات مرضية زي اضراب الغدة الدرقية او الانيميا ممكن جدا تأثر ع ضربات القلب

💞خلينا نتفق ان متوسط الضربات الطبيعية بيبقى بين ٦٠ و ١٠٠ دقة منتظمة ف الدقيقة

وانت مرتاح ومش حاسس بضربات قلبك او ضيق او نهجان او كرشة نفس☝🏻

دامت قلوبكم بصحة وسعادة

مع تحياتي
د.شيماء جبر
أخصائي امراض القلب والاوعية الدموية
ماجيستير امراض القلب والاوعية الدموية
الزمالة المصرية للموجات فوق الصوتية على القلب (الايكو)

العيادة: محلة دمنة ش المدرسة التجارية من البحر بجوار صيدلية النهضة

15/10/2022

🙋🏻‍♂️ هو ايه ضعف عضلة القلب الانبساطي ؟

🎙️خلينا نتفق ان القلب وظيفته يضخ الدم لكل اجزاء الجسم

وعشان يعمل كدة لازم يملأ دم كويس ويفضي الدم ده بقوة كافية لوصوله لكل خلايا الجسم 🫀

ضعف او فشل عضلة القلب الانبساطي عشان يحصل لازم يكون عندنا ٣ حاجات مهمة ✍🏻

☝🏻الاول اعراض ضعف عضلة القلب .. من هبوط او نهجان او تورم بالساقين .. احتقان اجهزة الجسم المختلفة بالدم .

✌🏻وثاني حاجة هو ان تكون كفاءة عضلة القلب ف الانقباض جيدة

👌🏻وثالث حاجة هو وجود دليل مادي حقيقي على ضعف قدرة عضلة القلب على الانبساط واستيعاب الدم القادم ليها من الجسم

💡الدليل ده قد يكون دليل بالايكو او بالتحاليل او حتى بالاشعات المختلفة ال ممكن نستعين بيها كأطباء عشان نقدر نجزم بالتشخيص ده

🙋🏻‍♂️طيب هل له علاج ؟!

🎙️لحد الان العلاج الاصلي ليه هو علاج للاعراض .. مدرات البول مثلا للتخلص من الاحتقان والماء الزائد المتجمع ف الجسم

لكن مدارس الطب الحديثة اقرت انه ممكن طبيب القلب يستعين ببعض الادوية الموصوفة بالأساس لعلاج هبوط عضلة القلب الانقباضي لمساعدة كل مريض حسب حالته ❤‍🩹

وماننساش ابدا ان دائما الوقاية خير من العلاج 💝

🤫نتجنب التدخين .. نعالج السمنة .. نحرص على تظبيط الضغط والسكر ودهون الدم

نعتمد نظام حياة صحي ما امكن بتجنب الملح والسكر والدهون المشبعة في الاكل 🥬🍅

ممارسة الرياضة باعتدال واعتماد نمط حياة حركي بقدر الامكان ⛹🏻‍♂️

دمتم في صحة وعافية مع خالص تمنياتي بحياة سعيدة 🙏🏻🪷

دكتورة شيماء جبر
أخصائي امراض القلب والاوعية الدموية
ماجيستير امراض القلب جامعة المنصورة
الزمالة المصرية للموجات فوق الصوتية على القلب

العيادة : محلة دمنة اول شارع المدرسة التجارية من البحر بجوار صيدلية النهضة

للحجز والاستعلام ت :
+20 120 317 1578

المواعيد السبت والاثنين والاربعاء والخميس بداية من السادسة مساء

29/09/2022

❤️النهاردة في اليوم العالمي للقلب ❤️

احب الفت انظاركم متابعينا الكرام لتخصص مهم جدا من تخصصات امراض القلب 🫀

وهو قسم (طب القلب الوقائي )

☝🏻وده قسم معني بتقليل احتمالية الاصابة بامراض القلب المختلفة زي الازمات القلبية لأول مرة

✌🏻 وتقليل احتمالية تكرار النوبات المرضية للمرضى اللي تعرضوا فعلا لمشاكل سابقة بالقلب

🎙️لو سألنا مين الشخص اللي محتاج يتوجه لطبيب القلب ويستشيره عن الطرق اللي يحاول بيها يحافظ على صحة قلبه ؟

💡هو الشخص اللي محتاج اكبر استفادة تحت بند الوقاية خير من العلاج

🫵🏻-اشخاص ليهم تاريخ اسري عنيف في عائلاتهم واقارب الدرجة الاولى لامراض القلب والذبحات الصدرية او السكتات الدماغية او حتى امراض الاوعية الطرفية خاصة في السن الصغير

🫵🏻- اشخاص ليهم تاريخ مرضي هم نفسهم بامراض القلب والاوعية الدموية اللي ليها علاقة بتصلب الشرايين زي قصور الشرايين التاجية وامراض قصور الاوعية الطرفية

🫵🏻-اشخاص عندهم صعوبة في السيطرة عالامراض المزمنة المعروف علاقتها المباشرة بمرض تصلب الشرايين خصوصا المرضى تحت عمر ٦٠ سنة اللي بيعانوا من

👈🏻-ارتفاع شديد مزمن بضغط الدم
👈🏻-ارتفاع مزمن بسكر الدم مع صعوبة السيطرة عليه
👈🏻-مريض يعاني من السمنة عموما والسمنة بمنطقة البطن خصوصا
👈🏻- ارتفاع الدهون بالدم
👈🏻-المدخنين
👈🏻- الاشخاص المعتمدين نمط تغذية غير صحي زي الوجبات السريعة والمقليات
👈🏻-نمط الحياة الروتيني بدون حركة او تمرين

👈🏻مع عوامل اخرى ليها علاقة ببنية الجسم نفسه زي السن والجنس والعرق وتاريخ العائلات المرضي

💡💡خليك فاكر طب القلب الوقائي معني بتقليل فرص الإصابة بامراض القلب القابلة للسيطرة عليها وبالتالي التمتع بصحة جيدة لحياة افضل تستحقها.. ماتهملش صحتك او تضيع فرصتك

👩🏻‍⚕️لو كنت اي حد من الفئات السابق ذكرها وحبيت تستفيد من خدماتنا ناحية الوقاية من امراض القلب والسيطرة على عوامل الخطورة المؤدية ليها من ضغط او سكر او دهون بالدم تقدر تراجع العيادة

مع خالص امنياتي بدوام الصحة والعافية

د. شيماء جبر
-أخصائي امراض القلب والاوعية الدموية
-ماجيستير امراض القلب والاوعية الدموية جامعة المنصورة
-الزمالة المصرية للموجات فوق الصوتية على القلب الايكو

العيادة : محلة دمنة ش المدرسة التجارية من البحر بجوار صيدلية النهضة

المواعيد يوميا من ٤ مساء عدا الثلاثاء والجمعة

للحجز والاستعلام
01203171578

24/09/2022

مشاركتي في مؤتمر قسم أمراض القلب لمستشفى التأمين الصحي ( نقابة الاطباء ومنتجع بورتوسعيد ) عن ضعف عضلة القلب الانبساطي

ايه هو ضعف عضلة القلب الانبساطي ؟ وايه احدث توصيات علاجه؟ ده هيكون موضوعنا في بوست قادم ان شاء الله
انتظرونا ...

21/09/2022

معادنا غدا ان شاء الله الخميس ٢٢ سبتمبر مع فعاليات اليوم الاول لمؤتمر قسم امراض القلب بمستشفى التأمين الصحي بمشاركة وحضور جميع اقسام القلب بالدقهلية

ويشرفني طبعا المشاركة في التجمع العلمي الرائع ده
في تمام الساعة ١١ بنقابة الاطباء وسط اساتذتي وزملائي وموضوعها هيكون ضعف عضلة القلب الانبساطي وعن احدث العلاجات المتاحة لأصحاب هذا التشخيص

ايه هو ضعف عضلة القلب الانبساطي ؟وبيحصل امتى؟ ولمين؟ واحدث طرق علاجه ايه ؟ ده هيكون موضوع بوست تاني هنا عالصفحة ان شاء الله