02/09/2021
بوست للتاريخ لأى طالب عاوز يطور من نفسه يطلع متخصص فى صيانة الأجهزة الطبية و مجهود ممتاز من باشمهندس Karim Ahmed🙏
بسم الله الرحمن الرحيم
دا البوست اللي وعدت بيه اصحابي في القسم
احتراما لوقتك البوست هيبقى مركز اكتر على اللي عاوز يتخصص صيانة وبشكل اقل الكلينكال واقل اكتر عن السوفت وير وهتلاقيهم في اخر البوست
والبوست طويل واتمنى ملاقيش كومنت مستفز يقول انا هقرا كل دا او انا عملتله سيف عامة عشان خدت وقت على ما جمعت المعلومات دي وخدت اكتر من ساعتين بكتب البوست فبراحتك انت بس هتضيع على نفسك ازاي تبقى خريج مهندس طبية متميز
روع جهز كوباية الشاي وتعالى.
مبدايا هقول نبذة قصيرة عن القسم :
هدف القسم هو ازاي تتعامل مع الاجهزة الطبية تعرف فكرة عملها وهدفها وتركيبا ومكوناتها وداويره الكهربية والاعطال المحتملة.
طيب خلينا متفقين ان القسم عندنا مش قوي للاسف وف المنيا والصعيد عامة بنعاني من قلة الكورسات والتدريبات واس كتيرة بتتخرج منه ممكن بتدريبن تلاتة ومش اللي ياهلوه جامد او يتخرج ويتمرمط بقى على ما يوصل لحاجة نضيفة وبيبقى ليك منافسين من حلوان والشروق ومعهد العاشر لان هما كمان تركيزهم ع الهاردوير وبتبقى التدريبات متاحة ليهم بشكل افضل اما بالنسبة للقاهرة فهما بيركزوا على السوفت وير اكتر اما المنصورة فمعرفش الصراحة بس اغلبية خريجينهم بيشتغلو كلينكال.
فانا محبتش اكون كدا وفضلت ادور واسال لحد ما جمعت المعلومات دي عن الكورسات والتدريبات.
طيب عشان تقوي ال Cv بتاعك في اربع حجات (التدريبات-الكورسات_المؤتمرات) والمجموع بيكون اخر حاجة بيتبص فيها الا اذا نت متساوي مع حد في كل حاجة وفي المهارات هنا بقى بيتبدوا يبصوا للمجموع ويستستحن ميقلش عن جيد مرتفع
بالنسبة لسنة اولى:
فالكلام عنها مش كتير اثناء السنة ما شغالة تعمل حاجتين بس تقوي الانجليزي بتاعك بانك تاخد كورس تقرا كتب انجليزي اي حاجة المهم تقويه وتاني حاجة تعمل اكونت على موقع كورسيرا وتشارك في انشطة طلابية الشركات الكبيرة بترفضك لو ال Cv بتاعك مفهوش انشطة طلابية وفي المنيا عندنا عندك ICE و IEEE وطبعا اتحاد الطلبة وفي تاني واحد ف الجامعة بس بصراحة مش متذكر اسمه, ولو في اي ايفنتات كورسات فيديوهات تعليمية خفيفة عن ال soft skills دوس فيها واتدرب عليهم اول سنتين
من اول اجازة سنة اولى لحد نهاية العام الدراسي لسنة تانية طبية:
بتبدا هنا تأسس نفسك الكترونيات بتبدا اول كورس لوليد عيسى اسمه كورس الاكترونيات العملية
https://www.youtube.com/watch?v=U_hw2RzNTI0&list=PLxjvtPyEgX2PdI2OtA_jM0hKu7h9PSQ80
بعد ما تخلص الكورس دا يفضل تنزل مع حد ف بلد بيعمل صيانة اجهزة كومبيوتر تشتغل معاه ببلاش حتى لو مش متعلم هتستفاد حجات كتير جدا لان معظم الاجهزة الطبية فيها نفس المكونات لو ملقتش خلاص
بعد ما تخلص الكورس الاولاني بتبدا بكورس اسمه في المختبر
https://www.youtube.com/watch?v=vooQYTAsntc&list=PLww54WQ2wa5oE2p9IJzItQwpLKtizHO_H
(وليد عيسى يفضل تخلي سرعة الكلام على 1.5 او 2 لانه طئ وتوفر وقت بس الاهم انك تفهم)
في حجات بقى لازم تبنيلها اساس مع الالكترونكس والدواير عن اهم الاجهزة الطبية
1-https://www.youtube.com/watch?v=YELQ5bC5XZA&list=PLCBpeohGG5-8qO-n3TNVqitS0bzhMy5Ba&index=1
2-https://www.youtube.com/playlist?list=PLCBpeohGG5-8ehoA-jgwZYoOAH3YwBeHg
3-https://www.youtube.com/playlist?list=PLCBpeohGG5-8jZKibOjmS9IJvMH7TMEj4
بعد متخلص كل اللي فوق بتبدي في ال power electronics:
دى هتساعدك انك هتعرف كذا شكل من أشكال تحويل الباور و التقطيع فى ال smps و ازاى بغذى دواير ال control الكلام ده هتلاقيه متطبق فى دواير الأجهزة كلها و لو عرفت أشكال الدواير المختلفة هتعرف تتبع الأعطال بسهولة و تقرأ الدواير
https://www.youtube.com/playlist?list=PLqAMlAbd8sIv1shs2ih0Avwq9Pv_CJoS7
دى باشمهندس وليد عيسى بيشرح نفس الكورس فى جامعته و مطبق كذا تطبيق حلو:
https://www.youtube.com/playlist?list=PLa7G9a0g8LGJGPSlsJ-3jR8Icn2ZBpkbO
ده كورس للباشمهندس محمد يوسف بيشرح فيه ازاى تصمم pcb و المعايير اللى لازم تراعيها فى التصميم لو انت بتصمم علشان ميحصلش مثلا انترفيس بين دواير شغالة high power مع دواير كنترول شغالة high frequency:
https://www.youtube.com/playlist?list=PLfgCIULRQavx6TjOhr_7pkx7ne4kI1r2N
بعد كدا بتريح شوية عن الالكترونكس وتبدا تاخد كورس اوردوينو كدا لذيذ للمبتدئين:
https://www.youtube.com/playlist?list=PLa4kqtM7SuFwpY8omRT32RK8kw1hDIGJ3
وبعد متخلصه هتلاقي واحد للمحترفين في نفس القناة الاوردوينو مفيد جدا وهتستخدمه في مشاريع كتير
حاول بعد كدا تبدا في الامبيديد سيستم هتلاقي كتير على اليوتيوب هيقويك جدا لو عاوز
تتخصص صيانة بس متطولش فيه وتنسى حجات قدام هقلك عليها
بعد متخلص كورسين كدا في الامبيديد ترجع تاني للالكترونكس بالكورس دا :
https://www.youtube.com/playlist?list=PLZ42ZUInDWC5hSe0zNn84jiYI7bpQkXqb
ده كورس للباشمهندس محمد الشامى بيشرح فيه تصميم دواير باستخدام برنامج altium
ده يبقا معاك ك tool تطبق بيها اللى فهمته على دواير عملى وممكن تبعت لمصنع يصنعلك
كدا انت اسست نفسك جامد جامد الكترونكس
(قبل ما اكمل الباقي ضروري ضروري اللغة تقويها كل شوية وكمان كل شوية تدور على كورسات فري على كورسرا بيوفورا كورسات كتير مجانا وكمان مفيدة متنساش الاتنين دول)
حاجة اخيرة معلش انا كاتب الكورسات دي من اجازة اولى لحد متخلص سنة تانية ممكن متقدرش تخلص كل دا ودا وارد جدا مش معنى كدا نك غلط لا كمل انت بس الكورسات حتى لو هتخلصها على اخر 3
نرجع نكمل
مع اجازة سنة تانية بقى يفضل اجازة الترم الاول القصيرة ناخد تدريب في المستشفى الجامعي اسبوعيم منفعش خلاص نروح للاجازة الكبيرة اجازة سنة تانية بيبقى التدريب هنا للمسشفيات بتطبع Cv لنفسك بيكون محتواه معلومات عنك بسيطة والانشطة التطوعية ومشاريع الكلية والتدريبات والكورسات حتى لول ملهاش شهداة تكبتها وتكت تحتيها سطرين مد عن محتواها بس خلي بالك هيسالوك عن الكورسات دي عشان يتاكدو انك خدتها طيب هل في مستشفيات بتنزل على صفحاتها ان في تدريبات؟
لا للاسف طب نعمل اي هضطر تروحلهم اول ما تبدا الاجازة عشان تلحق قبل ما يكملو العدد طيب انا هكتب المستشفيات الموصى بقى بالترتيب من الاعلى توصية للاقل
مستشفى دار الفؤاد( المستشفى دي مهندسين كتار نصحوني بيها وبتبقى مدة التدريب 3 شهور)ودا رقم تليفونهم : 01140535000
مستشفى القوات الجوية التخصص في التجمع الخامس ودي بتاتي مناصفه مع دار الفؤاد
بعد كدا مستشفى الاندلسية بالمعادي
بعد كدا معهد الاورام ودا رقم التليفون : +20 101 953 8264
في مستفشى 57375 لكن هتدفع فلوس كتيرة وهتلاقي التنظيم الكويس لكن مش هتستفاد اوي بيخافو على اجهزتهم وهيبقى كله تبص من بعدي فعشان كدا منصحكش بيها
القصر العيني
المستفيات الجامعي
عشان تقدم على تدريب بتسال على ادارة الاجهزة الطبية وتقدملهم ال Cv بتاعك
في حاجة لازم انوه عليها المؤتمرات مهمة جدا جدا جدا جدا جدا احضرها كلها لو امكن طب اعرفها ازاي عن طريق معارفك ع الفيس او لينكد وفيه موقع كنز حرفيا بعد متسجل فيه وتحدد موقعك هيجبلك كل الكورسات والتدريبات والمؤتمرات والمحاضرات للهندسة الطبية في مصر وهو موقع Media space وكمان ممكن تلاقي عليه شغل
https://medicaspace.com/login
نبدا بقى مع دخول سنة تالتة وبعد مخلصت كل الكورسات اللي قلتلك عليها في سنة تالتة انت بتاخد اجهزة وتدرسها عشان كدا اثناء الدراسة هتبدا تاخد كورسات على قنوات يوتيوب بتتخصص في الاجهزة زي :
1-https://www.youtube.com/playlist?list=PL4gYSVyXE_0UcEVOww16W2gC5Ope4M1Dm
2-https://www.youtube.com/channel/UCmkXmG8RIfq49qHFkU-j9rA
3-https://www.youtube.com/channel/UCCL-E1-BDX_286c2iDRIjJw
4-https://www.youtube.com/channel/UCWnf8ihIxC4Ur0oSbs7QYnw/videos
قبل ما احط موقعين فيهم كورسات مجانيه بشهادات قوية ومهمة جدا لازم تعرف اهم الشركات في الاجهزة الطبية اللي فاتحة في مصر
1-Siemens
2-Philips
3-GE healthcare
4-Alkan(دي واخد توكيل اجهزة الالتراساوند لشركة GE)
5-EGMED(دي واخدة توكيل لعدة اجهزة طبية وشكرة ضخمة)
6-BM Egypt
7-Nile medical
8-Mindray
دول اكبر الشركات اللي فاتحة في مصر واللي لازم ع الاقل تدرب في 5 منهم او 4 والافضل طبعا كلهم وكله بيقدم تدريبات الا اخر واحدة بصراحة مقدرتش اوصل بيدو تدريبات ولا لا
طيب طبعا زي مقلت عشا تقدم على تدريب لازم كورسات وتدريبات ومؤتمرات وانشطة تطوعية المهم نكمل كلامنا موقع سيمنز وموقع فيليبس بيوفروا كورسات مجانية وبشهادات وخصوصا سيمنز فلما يلاقوا في ال Cv بتاعك شهادات من كورساتهم دا هيزود فرص قبولك بشكل كبير ف تدريباتهم ثم الشغل ونكمل بقة المواقع
دا موقع سيمنز اللي هتلاقي عليه الكورسات :
5-https://pep.siemens-info.com/en-us/register
ودا موقع فيليبس وبصراحة معقد التسجيل فيه فلما تسجل ومعرفتش ابعتلي
6-https://www.theonlinelearningcenter.com/
ودا موقع كانون عليه كورسات جميلة جدا
7-https://mytraining.us.medical.canon/useraccount/TAMSNewUserAccount.aspx
كدا عرفت هتعمل اي اثناء دراسة سنة تالتة ومتنساش كل شوية تدور في موقع كورسيرا وتقوي اللغة وتحضر المؤتمرات وتشوف لو فيه مؤتمرات ولا كورسات ولا اي حاجة على موقع Media space
طيب في اجازة سنة تالتة نعمل اي ؟
ال Cv بتاعك المحترم وتقدم على الشركات الكبيرة اللي قلتلك عليها ولاسف هتضطر تنزل القاهرة وتقدملهم مفيش غير شركة سيمنز بتعلن تدريباتها عن طريق الاكونت دا
https://www.facebook.com/Tarek.Elashraf.Siemens/?_rdc=1&_rdr
غير كدا بتنزل ف يوم واحد وتقدم لكله وهتلاقي عناوين المقرات على جوجل عادي
المهم بتشوف انت اتقبلت في اي وتدوس فيه واللي متقبلتش فيه تعرف اسباب الرفض وتحسن نفسك فيها.
مع سنة رابعة بقى بتكمل الكورسات اللي مخلصتهاش وبعدين تبتدي تقرا كتب عن الاجهزة وتتعمق اكتر وهحطلك لينك مكتبة حرفيا لكل الاجهزة
https://drive.google.com/drive/u/0/folders/13XA9CHl-pVnQ55Bt7CnqXdUG7LhWPzM4?fbclid=IwAR1J4pMzWyy_W2wkZE7SML2idZT032POThb7DEffKh3HwgP92ODvtE671eA
طيب في اجازة رابعة او اواخرها تعمل اي ؟
تشوف الشركات اللي اترفضت فيها وتحسن اخطائك وتقدملها تاني
تشوف الشركات اللي اتدربت فيها نزلت تدريبات مختلفة ولا هي هي لو مختلفة قدم
وفي بقى مهندسين لازم تتدرب معاهم متخصصين في اجهزة معينة وتستفيد من خبرتهم وهما :
مهندس كريم الشيمي في اجهزة الاشعة ودا الاكونت بتاعه؛:
https://www.facebook.com/kareem.elshemy.1
مهندس سراج الدين في اجهزة الاسنان ودا الاكونت بتاعه:https://www.facebook.com/srag.fathy
د.هاني أحمد في اجهزة التخدير والتنفس ومعايرة المبخرات ودا الاكونت بتاعه:
https://www.facebook.com/hany.ahmed.144734
د.عصام مندور: في اجهزة السونار والبروب (اجهزة ال Ultrasound)ودا الاكونت :
https://www.facebook.com/EngEssamUltrasound/?show_switched_toast=0&show_switched_tooltip=0&show_podcast_settings=0
ومع كل دا متنساش تقوي اللغة وتدور على كل مواقع الكورسات اللي حطيتها وبالذات 5 و6 و 7 وموقع كورسيرا على اجدد الكورسات
معلومات بقى تانية عملية :
كمهندس صيانة انت مش مطالب لما تبدا تشتغل تكون عارف كل صغيرة وكبيرة عن الجهاز انت بس عارف البيزكس وكونسبت العمل بتاعها والشركة هتدربك عن الجهاز وقدام ابقى اتعرف عليه اكتر واكتر
بعد 4 او 5 سنين خبرة في الصيانة ممكن تبقى Technical support
لازم تعرف في 3 انواع من الشركات :
الشركات الكبيرة اللي قلت عليها فوق وفيه شركات Medium ودي بتبقى واخد توكيل جهاز معين من شركة كبيرة او اكتربس عدد قليل من المنتجات
وفي الشركات ال local دي بقى زي التجار ملهاش منتج معين واخدة توكيلات عدة اجهزة وفي كذا مكان.
معلومات تانية علمية:
لما تحب تبحث عن حاجة مش هتلاقي عربي خلي كل بحثك انجليزي دايما انجليزي
يفضل تبحث من خلال اداة Google scholar
هتلاقي كورسات امبيديد سيستم على موقع ال ITI
حاول بين كل حين والاخر تاخد كورس برمجة متهملهاش ابدا على مر الاربع سنين
دي مواقع تشتري منها مكونات عشان مش هتلاقي ف المنيا كل حاجة والاحسن تجيب كوليكشن
https://uge-one.com
http://www.fut-electronics.com/
http://ram-e-shop.com/
حاجة بسيطة للي حابين كلينكال:
الشغل الكلينكال معظمه شبه ورقي وبتحتاج تاخد تاني ورسات اداراة اعمال اخر سنة على بلاننج هتلاقي فيه الباش مهندس احمد السداوي بيدي كورسات كلينكال في شركة MBCS وهتلاقيها برضو على موقع Arab academy وهتلاقي كورسات تاني يوتيوب والشركات والمسشفيات هي اللي بتحدد في تدريبها هيكون كلينكال ولا صيانة وابقى اسال المستشفيات لو متاح كلينكال.
بالنسبة لمحبين البرمجة :
سوفت وير الاجهزة في مصر سوقها ضعيف فالافضل ليك تقوي لغة وتدي كورسات C و C++ وبايثون وتشوف منح برا وتشتغل برا واهم الشركات اللي مختصة بالبرمجة في مجالنا هما
Paxeraو Medstreaming
هكتب تعديل وهحط تحتيه اي معلومات جديدة وهبقى اكتب ف الكومنتات لو حصلت اي تعديلات واول كومنتين مهمين ابقو اقروهم.
تعديل :
أخيرا تم اطلاق الدورة الجديدة دورة التصميم الالكتروني المحترف ... وليد عيسى هي دورة تختلف عن دورة الالكترونيات العمليةهذه الدورة دورة خاصة جدا … ذات محتوى مع...
