Dr. Amal Elkholy- د.أمل الخولي أخصائية التغذية العلاجية و السمنة و النحافة

22/03/2025

10/03/2025

✅ حاولوا تلتزموا بالنصائح اللي قولناها الأيام اللي فاتت هتسهل عليكم الصيام و هتلاحظوا فرق في الوزن .


‎

10/03/2025

النوم الكويس بيساعد في الهضم وبيخلي جسمك يستفيد من الأكل اللي بتاكله وبيحسن من امتصاص الفيتامينات والمعادن. ولو بتتمرن النوم بيساعد عضلاتك تتعافى وتكبر بشكل صحي كمان النوم الكفاية بيساعد جسمك إنه يحرق السعرات بطريقة مظبوطة وبيقلل من تخزين الدهون وده معناه إنك لو مش بتنام كويس ممكن وزنك يزيد حتى لو بتاكل نفس الكمية.

يعني ببساطة، لو عايز صحة كويسة وتغذية متوازنة لازم تهتم بنومك زي ما بتهتم بأكلك💤👌🏼

08/03/2025

نوعية الأكل على سفرة السحور هي اللي هتحدد نشاطك و طاقتك في الصيام 💪
ابعد عن المقليات و المخللات و الحلويات في السحور🙅‍♀️
و خد بطاطس أو بطاطا ( مسلوقة أو مشوية ) هتديك احساس بالشبع لفترة طويلة و هتحافظ على مستوى السكر في الدم 👌🏼
كمان الموز غني جدا بالبوتاسيوم و هيقلل الاحساس بالعطش في فترة الصيام و يمنع الجفاف.

07/03/2025

ترتيب الأكل في الوجبة هيحدد لك الكمية اللي هتاكلها 👌 .

ابدأ بشوربة دافية زي شوربة الخضار أو العدس🥣 و بعدها طبق سلطة 🥗و بعدين البروتين 🍗🥩و اخيرا النشويات🍞🥖 و الأفضل تكون نشويات معقدة زي خبز الحبة الكاملة و الأرز البني .

✅ الترتيب ده هيخليك تاكل كمية نشويات قليلة و تحس بالشبع لفترة أطول .

06/03/2025

بلاش ترندات الحلويات❌❌

لو هتاكل حلويات بلاش الاختراعات اللي مليانة دهون و سكر و لا الحلويات المقلية🍧🥧 .

✅ خد قطعة أد نص كف الايد من غير اصابع مرتين في الأسبوع و خليها خلال ساعتين من الفطار .

‎

05/03/2025

‎خد سناك صحي بين الفطار والسحور عشان تحافظ على طاقتك💪
‎زي:
‎حفنة مكسرات مش مملحة مع زبادي و معلقة عسل وحبوب الشيا
‎أو فاكهة و خضار
‎أو بوب كورن محضر من غير دهون 👌🏼


‎

04/03/2025

السحور وجبة مهمة جدا في رمضان بيديك طاقة لليوم كله و بيقلل الإحساس بالجوع والعطش خصوصا لو أكلت حاجات مليانة ألياف وبروتين و بيحافظ على مستوى السكر في الدم كمان بيقلل الصداع والتعب و بيساعدك تركز أكتر سواء كنت بتذاكر او بتشتغل أو حتى بتقضي يومك بشكل طبيعي.

طيب ايه مكونات وجبة السحور الصحية ؟

✅ كل بروتين زي البيض أو الزبادي عشان يشبعك لفترة أطول.
✅ ركّز على النشويات المعقدة زي الشوفان أو العيش البلدي.
✅ اشرب مية كويس عشان تتجنب الجفاف.
❌ ابعد عن الأكل المالح والمقليات عشان ما تحسش بالعطش طول اليوم.


‎

03/03/2025

المشي بعد الإفطار حلو جدا هيساعدك في تحسين الهضم و تقليل الاحساس بالكسل و الخمول و كمان هيحفز عملية الحرق و ده هيساعد في نزول الوزن🚶🏻‍♀️👌🏼
بس خليه بعد الفطار بنص ساعة على الأقل عشان نتجنب الضغط على المعدة و يفضل يكون مشي خفيف و نحافظ على الترطيب بشرب الماء بعد المشي عشان تعويض السوائل المفقودة.


‎

02/03/2025

شرب الميه بين الفطار والسحور بيساعد على تحسين الهضم و تقليل الشعور بالتعب و الصداع بعد الفطار و تحسين وظائف الكلى و كمان بيساعد على التحكم في الشهية 👌🏼
اشرب من 8:10 كوب ماء موزعة بين الفطار و السحور


‎

01/03/2025

اول حاجة هتاكلها بعد فترة الصيام هتأثر على طاقتك بعد كده🔋
افطر على تمر و ميه و قوم صلي عشان تهيأ المعدة للهضم و مترفعش السكر فجأة و بعدها خد وجبة متوازنة فيها بروتين و خضار و كمية نشويات معتدلة👌🏼
لو عايز حلويات خليها بعد وجبة الفطار قطعة صغيرة و مش كل يوم ..


‎

25/01/2025

شوية تنظيم و إرادة هتوصل لهدفك.. خد قرار و ابدأ💪


‎