ساعة لقلبك د/مريم عبد القادر

27/04/2026

4

ناس كتير بتخاف من الثقة بالنفس لَتقلب ب تكبر وتدخل فى زمرة المتكبرين

حبى نفسك واحميها واكرميها لانك مُكرمة من قِبل الله سبحانه وتعالى

لو بتحبيها فعلااااا هتتكلمى عنها بإيجابية مع نفسك ومع الناس

اخذنا الجزء بتاع مدحك من الناس ..

لكن من نفسك هناخده الوقتى
وهو انك في عموم الحال تبقي بينك وبين نفسك بتقولي ..
انا ما استاهلش اي حاجه كويسه ..
انا ما استاهلش ان حد يراضيني ..
انا استاهل الل بيحصل ليا ده ايا كان نوع الاذى ..
انا اقل منهم ..
انا مش مهم حد يهتم بيا ..
انا مش بعرف اعمل حاجه ..
انا فاشله ..
انا مش فالحه في حاجه .. وغيرها وغيرها من الكلمات السامه الل بتقوليها لنفسك تدمري بيها شخصيتك

ومع تكرارها على مدار وقت طويل بتصدقيها وعقلك بينتهجها وبتتصرفي بناءا عليها مع ان معندكيش دليل واحد على كل الاتهامات دي .. غير ان حد مريض وصفك بوصف من الصفات دي وانتى صدقتيني

ف متلوميش الل يوصفك وصف سلبي وتصدقيه .. لومي نفسك انك صدقتيه .. لان في العموم الناس التوكسيك كتير .. لكن الل عارف قيمه نفسه هو الل مبيحطش في دماغه ولا بيصدق كلام حد

طب اعمل ايه ؟؟
روحي هاتي ورقة وقلم
واكتبي خمس صفات كويسه فيكى وكل يوم اقفي قدام المرايه
وامدحي نفسك بصفه حقيقيه منهم
وكرري التمرين ده خمس مرات بخمس مجموعات بخمس صفات

يعنى 25 يوم
وبعدها تعالى قولي بقيتي شايفه نفسك ازاي ؟

ولو مش قادره تاخدي خطوه وتشوفي نفسك كويسه او تعرفي تمدحيها وتستقبلي مدح الناس ومحتاجه حد يساعدك

متتردديش انك تحجزي سيشن خاصه بيكى تنقلك للخطوه الفارقه في ثقتك بنفسك

يتبع

بحبكم في الله



#الثقة



https://whatsapp.com/channel/0029Vb7aLHVGehEG6ehsIH2A

26/04/2026

23/04/2026

واقفلى عليهم .. بكفاية هُمّا

22/04/2026

3

ناس كتير بتخاف من الثقة بالنفس لَتقلب ب تكبر وتدخل فى زمرة المتكبرين

حبى نفسك واحميها واكرميها لانك مُكرمة من قِبل الله سبحانه وتعالى

لو بتحبيها فعلااااا هتتكلمى عنها بإيجابية مع نفسك ومع الناس

تقولى للواحدة تتكلم عن نفسها تقولك .. لا لا .. معرفش اقول كده ..
انا مش متكبرة عشان اتكلم بالطريقه دي ..
انا مش شايفه اني اقدر اوضح نفسي بالطريقه دي ..
اتحرج .. انا مش بحب اظهر
انا مش بحب الناس تركز معايا .في حين ان هيا ممكن تبقى حد مميز جدا .. بس مش حاسه بنفسها .. مش واثقه في نفسها واول ما حد يمدحها .. يا حرام متقدرش تقبل المدح
وتبدا تعلق تعلق على نفسها وتظهر ديفوهاتها مقابل المدح

حد يقولها الله الله ايه الفستان ده جميل .. تقول لا دا ضيق لانه انا تخنت

حد يقولها لها الله الميك اب بتاعك حلو او وشك رايق .. تقول اه عشان انا حاطة خافى عيوب .. عشان عندي حرق في وشي

حد يقولها الله انتى عملتى دي ازاي .. تقول هي كويسه فعلا بس انا عملتها كده بالقدر

المهم ان هيا تطلع عيب .. وتطلع تقليل نفسها في المدح

متعرفش تقول عن نفسها حاجه كويسه

لو انتى عندك دي

اتقي الله .. متبخسيش حق نفسك .. لان الكلام الل بيتقال عنك رزق .. طالما كويس وجاي من ناس كويسه وانتى مسعتيش ان انتى تخلي الناس تقوله بالاجبار او بالالزام

يتبع..



#الثقة
#المدح


https://whatsapp.com/channel/0029Vb7aLHVGehEG6ehsIH2A

21/04/2026

عميلاتى الجُداد
والقُدام

والغاليين على قلبى

❤️❤️

20/04/2026

2
ناس كتير بتخاف من الثقة بالنفس لَتقلب ب تكبر وتدخل فى زمرة المتكبرين

حبى نفسك واحميها واكرميها لانك مُكرمة من قِبل الله سبحانه وتعالى

لو بتحبيها متقارنيهااااش بأى حد مهما كان وصوله ونجاحه وحياته

لان ابسط شئ محدش عاش ظروف حد ابدا حتى لو كانوا فى اسرة واحدة

يعنى لو اخوات ممكن تلاقى حد نظرته سلبيه وحد نظرته ايجابية .. مش الاتنين واحد
وكمان لو الاتنين نظرتهم زى بعض هتلاقى درجات النظرة والتكيف والتقبل والاتساع مختلفة تماما

يعنى مستحيل تقوليلى أنا واختى زى بعض تماما ونفس القدرات .. مستحيل

كل نفس بشرية ربنا خلقها .. جعل ليها تفاصيل مختلفة تماما عن بعضها وابسط دليل كمان البصمة .. مفيش مرة تلاقى بصمة حد زى التانية ابدا

يبقى بعد الاختلافات دى كلها انتى تيجى تضربى نفسك بخنجر فى قلبك وتقارنى حالك بغيرك .. طيب ليه؟؟

غاوية نكد 😂

مش من المسموح ابدا اقارن نفسى بيكى او حد يقارنى بحد لان محدش عاش ظروف الحد دا غيره واكيد امكانياتك مختلفة عن امكانياته

المقارنة الوحييييدة المسموح انك مقارنة نفسك دلوقتى ب قبل كدة

اتطورتى ولا اتأخرتى

وبناءا عليه تحطى قائمة تطوير


ف امنعى وامتنعى عن المقارنة بغيرك واحمى نفسك وحبيها عشان تعرفى تطلعى احسن نسخة فيها

واعرفى ان الل سبقتك دى عندها امكانياتك والتزامات ومسؤليات خلاف الل عندك خالص

يتبع



#الثقة
#المقارنة


https://whatsapp.com/channel/0029Vb7aLHVGehEG6ehsIH2A

19/04/2026

وحشتونى يا قمراتى الحلوات

منزلتش ريفيوهات من زمان

13/04/2026

بسنت رحمة الله عليها
ماتت على ذنب عظيم .. ولكن
اتمنى ان دعوات الناس الل بتدعيلها تصيبها
ويغفر لها ربنا سبحانه وتعالى

ولكن في سبوتات كتير على موضوعها

اهمها الكتمان لانها قالت انا عندي اكتئاب حاد بقالي كثير
ومش بقول الكتمان ده قاتل يا جماعه قاتل
لو فيكى حاجه اتكلمى ..
متفكريش انها شطاره ومهاره ومش عايزه حد يعرف عني حاجه وكلام من ده وقت الضعف

تانيها .. حته ان هي مضغوطه بين بيت وشغل ولاد ومسؤوليه ولوحدها ومفيش صحاب

متسيبييييش نفسك توصلي لدرجه ان انتى تبقي مقتوله للدرجه دى علشان خاطر اي ظرف انتى فيه

هتقولي اهلي مش عايزيني روحي غلسي عليهم .. روحي .. انتى بنتهم فى الاول والآخر وإلا مكانوش يجيبوكى .. اقعدي عندهم شويه .. روحي اقعدي مش عارفه فين شويه
المهم متسيبيش نفسك واقعه نفسيا لدرجه الفرم والانهاك

محتاجة تتواجدي مع حد صحاب او قرايب حتى لو فئة معينه في القرايب مش كويسه اكيد في فئه كويسه

لو حد رفض اكيد في حد متقبل مش هيكون طول الوقت الانسان مرفوض من كل الجهات مستحيل

المهم نرمي بعض الحمول عشان خاطر منبقاش شايلين الليله لوحدنا

انتى ست في الاول وفي الاخر النبي صلى الله عليه وسلم وصى عليكى وعلى الرفق بيكى قبل ما يتوفى ..رفقا بالقوارير ..

مهما كنتى بلوجر
او بيزنس وومن
او بيزنس اونر

كل واحده ايا ما كانت وصلت لفين هي ست .. هي ست ضعيفه في الحقيقه

لكن احنا بنتقوى بالله .. بنستعين بالله .. بنعافر .. بنجاهد بمحاولاتنا

انما هيا خلاص جابت اخرها فشلت .. تعبت .. اكتئبت

الله اعلم على التفاصيل الل بيتكلموا عنها .. الحيثيات الل بيتكلموا فيها

انا بس جايه اتكلم عن الكتمان وانك تحطي نفسك في الخلاط طول الوقت

طول الوقت مضغوطه .. حاطه نفسك فمسؤوليات .. عامله نفسك سبع رجاله في بعض..

سيبي واتخلى واضعفي وابكي ووقفي مسؤوليات وقفي ضغوط وما تقوليش انا هقدر عليها

وسيبى الدنيا تقف وانتى تهدى لانك مش بقوة الرجال

لكل الل زينا
ساعة لقلبك


يتبع