22/05/2026
مش كل ألم أو شد في عضلات قاع الحوض بيكون سببه العضلات نفسها.
أحيانًا الندبات أو الالتصاقات الداخلية ممكن تلعب دور مهم جدًا.
📌 بعد العمليات الجراحية، الولادة القيصرية، شق العجان، أو أي إصابة بالأنسجة… الجسم بيكوّن نسيج ندبي كجزء طبيعي من الالتئام.
لكن أحيانًا النسيج ده بيفقد المرونة الطبيعية ويعمل “شد” أو تقييد للحركة بين الأنسجة والعضلات المحيطة.
🧠 الدراسات بتوضح إن الندبات والالتصاقات بتأثر على حركة الأنسجة، الأعصاب، ووظيفة العضلات المحيطة.
وده ممكن يؤدي إلى:
▫️ زيادة توتر وتشنج عضلات قاع الحوض
▫️ ألم أثناء العلاقة
▫️ ألم مزمن بالحوض أو أسفل البطن
▫️ إحساس بالشد أو التقل
▫️ صعوبة في التبول أو التبرز عند بعض الحالات
✅ علشان كده تقييم الندبات والأنسجة المحيطة جزء مهم جدًا في تأهيل وعلاج مشاكل قاع الحوض.
✨ الندبة ممكن تكون صغيرة… لكن تأثيرها أحيانًا أكبر مما نتوقع حتي لو بعد فترة طويلة.
