What are the opening hours?

Monday 6pm - 9pm Tuesday 6pm - 9pm Wednesday 6pm - 9pm Thursday 6pm - 9pm Saturday 6pm - 9pm Sunday 6pm - 9pm

https://www.facebook.com/101909894647159/

د أحمد عثمان طبيب الاطفال وحديثي الولادة

Home
Egypt
Mansoura
د أحمد عثمان طبيب الاطفال وحديثي الولادة

متابعة طفلك من اليوم الأول في العمر
متابعة حساسية صدر وأنف الاطفال
متابعة سوء التغذية وضعف النمو ��مجانى بالعيادة WiFi��

19/12/2025

انا لله وانا اليه راجعون
ربنا يرحمك ويغفرلك
حقيقي زعلان عليه..كان خارج يبحث عن لقمة العيش ومات غدر

هو و مراته ناس حلوة و ولاد بلد وعندهم طفلين والطفلين متابعين عندنا وزى اولادنا
ابسط حاجه اعملها انى اخلى الناس هنا تدعيله

ربنا يرحمك ويغفرلك ويصبر اهلك ويبارك في اولادك ويحميهم. 🙏

17/12/2025

ركز 🫵
ممنوع خلط الديكسا على كاتفلام
ممنوع خلط الديكسا على كاتفلام على المضاد الحيوى ( حقنة البرد )
ممنوع ان الاطفال يتعلق لهم محلول ويتحط فيه ٥ او ٦ اصناف مرة واحدة زى ما بيتعمل للبالغين

مفيش حاجه اسمها الجلسات الطفل بيتعود عليها.. ارحمونا بقي

أى طفل تحت عمر ٤ سنوات بياخد أى حقنة عضل في الفخذ وليس في مكان اخر.. أى مكان اخر ممكن يسبب شلل دائم للطفل لاقدر الله 🥲

12/12/2025

السادة متابعين العيادة الكرام
اخر معاد لقطع الكشف او الاعادة الساعه ٨.٣٠ م
لان اخر العيادة المفروض ٩ م
شكرا 🙏

11/12/2025

مفيش ✋
مفييييييييش فيروس جديد يا جماعة
ده فيروس الانفلونزا بتاع كل سنة في نفس المعاد.. لكن الغريب انه جاى بأعراض مختلفة السنة دى وبيتحور بسرعة.

الاعراض بتبدأ جهاز هضمى ( ترجيع او اسهال او وجع بطن ) ثم انسداد بالانف واحتقان حلق وتكسير في العضم والجسم.. ثم حرارة شديدة لا تستجيب بسهولة للخوافض ثم في الاخر كدة صعبة جدا وخصوصا في الليل وتستمر اسبوع الى اثنين

وأثناء تعب الطفل اخوه وامه وابوه وتيته وجدو بياخدو الدور منه.. وبعد اسبوعين تلاتة الدور يمسك في البيت كله تانى للأسف 🥲

دى القصة الحزينة الموجودة حاليا في كل بيت في مصر..وفيه اطفال اخدت الدور ٣ و ٤ مرات في خلال شهرين لان الفيروس بيتحور وبيصيب الطفل مرة اخرى للاسف.

ايه الحل :
اولا
الحل ان الاطفال تقعد من المدرسة ونمنع الاختلاط تمام
ثانيا
( ربنا يسهل واجازة نصف السنة تيجى عشان نخلص ).
ثالثا
الطفل التعبان يتعزل بعيد في غرفة لواحده عن اخواته.
رابعا
راحة تامة في السرير وعصائر فريش من البيت
خامسا
اكيد الكشف عند طبيب اطفال والاتزام بالعلاج
سادسا
لو طفل عنده حساسية انف او صدر وبياخد بخاخ انف او صدر يلتزم بيها فورا حتى لو مش تعبان ✋

ده غير الجديرى والهيربس ومتلازمة الفم واليد والقدم المنتشر حاليا 🥹🥹

اللهم احفظ اولادنا جميعا 🙏🙏
اعمل شير وعرف غيرك 🙏

09/12/2025

اضرار الرضاعة الطبيعى الكتييييييييير بعد عمر سنة ✋
الرضاعة مهمة وخصوصا الطبيعى..لكن كل شئ بمقدار ✋
موضوع مهم وموجود في كل بيت دايما 🤔🤔 اعتقاد خاطئ ان الرضاعة الكتير دى حاجه كويسه 🙄

الفيديو موجه ل ماما و بابا وتيته وخالتو و جدو وجيرانك وسلفتك وبنت خالتك وأى حد بيشوف الطفل بيعيط ويقولك قومى رضعيه.

الكلام عن الرضاعة بعد السنة 🫵

07/12/2025

ندااااااااء عاجل
عارفين ده دواء ايه ?
اللى عمرى ما كتبته وحذرنا منه كتيييير
ده سيليجون selgon
سواء نقط او لبوس او شراب
وكان بيتاخد بسهوله جدا لأى طفل 🤔
عيال كتير حصلها تشنجات منه واطفال ماتت للاسف
فضلا اعمل شير 🙏

04/12/2025

فيه ناس بتشجعك انك تكمل على وضعك وبنفس مستوى اهتمامك بشغلك وانك تراعى ضميرك وتفضل معتبر اولاد العيادة زى اولادك تمام.

اللهم احفظ اولادنا جميعا 🙏🙏

#دأحمدعثمان
د أحمد عثمان طبيب الاطفال وحديثي الولادة

03/12/2025

*📌 إريثيما توكسِكم (Erythema Toxicum) عند حديثي الولادة*

لو فجأة لاحظتي إن بشرة البيبي لسه مولود وبدأ يظهر عليها بقع حمرا صغيرة فيها نقط بيضا أو صفراء في النص، متقلقيش!

ده مش حساسية
ولا التهاب
ولا لدغة حشرة
ولا محتاج علاج أصلاً!

✳️ ده اسمه: *Erythema Toxicum Neonatorum*
اسم كبير… لكن معناه بسيط:
طفح جلدي طبيعي بيظهر عند حوالي 30-70% من الأطفال حديثي الولادة.

*🌟 بيظهر إمتى؟*
من أول يوم لحد أسبوع بعد الولادة.

*🌟 شكله عامل إزاي؟*
- بقع حمرا متفرقة
- فيها رأس بيضا أو صفرا صغيرة
- ممكن تكون في الوجه أو الجسم أو الأطراف
- مش بتسبب حكة ولا ألم للطفل

*🌟 سببه إيه؟*
مافيش سبب خطير، دي استجابة طبيعية من جلد الطفل وهو بيتأقلم مع البيئة خارج الرحم.

*🌟 محتاج علاج؟*
أبداً!
الطفح بيروح لوحده في خلال أيام أو أسبوعين.

*🌟 إمتى أقلق؟*
لو الطفح استمر أكتر من كده، أو صاحبه حرارة، خمول، أو إفرازات… لازم نطمن عند دكتور الأطفال.

🎀 خلاصة الكلام:
لو ظهر الطفح ده على جلد البيبي، اطمئني… ده طبيعي وهيروح لوحده.
بلاش نحط كريمات أو أدوية من نفسنا.

---
منقول

02/12/2025

مراحل اكتمال القمر .. اللهم بارك 🥰🥰
الحمد لله 🙏
تقريبا سنتين ونصف من المتابعة واتخاذ سبل العلم واجتهاد الأم والاهل مع الاتزام بالتعليمات 🙏

حساسية ألبان وطعام شديدة مع عدوى متكررة في الجهاز التنفسي والجلد ونزلات معوية متكررة 🥲 ودم متكرر في البراز مع ضعف عام وعدم زيادة في الوزن .. ولف كتير قبل ما تشرفنا في العيادة وكمية علاج وادوية دون جدوى 🥲

حبيبتى أيلا 🥰
هى وغيرها كتييييير من اطفال كانت بتعانى من حساسية ألبان وحساسية انف وصدر عموما تم شفائهم على خير الحمد لله

تخصص طب الأطفال وحديثي الولادة مش مجرد شوية ترجيع واسهال.. ده تخصص واسع وكبير ومحتاج تركيز وخبرة وان الطبيب يكون شاف كتير واتعلم اكتر ✋

عندنا في العيادة بنعالج اى نوع حساسية صح.
أنف..صدر..جهاز هضمى..جيوب انفيه.... وبنحاول نبعد عن أى مضاد حيوى او كورتيزون 🫵

اللهم احفظ اولادنا جميعا ويهدينا للتشخيص والعلاج الصحيح 🙏🙏

30/11/2025

الكبيرة ليليان 🥰
والصغنن وتين 🥰

نظرة الحب والأمان واضحة في عيون وتين 🤣🤣

اطمن.. طفلك هيكون في غاية السعادة معانا باذن الله 🤣

ربنا يبارك فيهم ويحفظهم 🙏

28/11/2025

قصة قصيرة.. لكن المرة دى سعيدة 😁🥰
لكل اب وام و زمايلى دكاترة الاطفال الغاليين 🫵
بفضل الله وحده وكرمه وستره علينا 🙏

الطفل نور
٨ سنوات
والدته كانت جايه العيادة على ايديها مع وجود صعوبة بالمشي وحركة القدم ( تقريبا مش بيمشي) مع ألم بالعضلات شديد.. بعد الفحص وأخذ التاريخ المرضي شكيت في
Viral myositis followin URTI
يعنى التهاب بالعضلات وخصوصا عضلات القدم كمضاعفات ل التهاب جهاز تنفسي علوى او التهاب بالحلق.
الفكرة انها جايباه ومفكرة انه ضعف عادى من الدور او انه الولد بيستعبط 🥲

تخيل 🤔🤔
التهاب في الحلق او نزلة شعبية او غيره ممكن يؤدى الى ضعف بالعضلات وعدم القدرة على المشي وألم شديد.

تم عمل تحاليل لتأكيد التشخيص والحمد لله تم العلاج في البيت مع التعليمات الصارمة للأم واللى التزمت فعلا 👍

إيه التحاليل ( الكلام موجه للدكاترة :
CBC
CRP
CK أهم تحليل
ولو طلع عالى جدا ده هيأكد التشخيص

ESR
Urine analysis
Serum create

لازم الطفل يتفحص والمفروض يتحجز في المستشفي عشان نتأكد انه مش مشكلة في الاعصاب وده اسمه GBS او متلازمة جواليان بارى

لما طفل يشتكى من عدم القدرة على المشي أو الم بالعضلات.. لازم فحص الطفل بطريقة معينة وعمل تحاليل ان لزم الامر ✋

الجميل نور النهاردة جاى ماشي على رجله تماما وبيقولى انا خفيت يا دكتور 🥰

التحاليل هنزلها في التعليقات وركز في تحليل ال CK هتلاقيه كان عالى جدا والحمد لله رجع طبيعى

اللهم احفظ اولادنا جميعا ويرشدنا دايما للطريق الصحيح 🙏.

Address

المنصورة-اخر ش عبدالسلام عارف-أول العبور-برج البشطمير
Mansoura

Opening Hours

Monday	6pm - 9pm
Tuesday	6pm - 9pm
Wednesday	6pm - 9pm
Thursday	6pm - 9pm
Saturday	6pm - 9pm
Sunday	6pm - 9pm

Telephone

+201063784082

Website

facebook.com

Alerts

Be the first to know and let us send you an email when د أحمد عثمان طبيب الاطفال وحديثي الولادة posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Mansoura?