24/11/2025
احميهم من المتحوّر الجديد من كورونا " Nimbus / Stratus ”
في الأيام الأخيرة بدأ يظهر كلام كتير عن متحوّرات جديدة لفيروس كورونا، وده سبّب قلق عند ناس كتير…
لكن المهم إننا نفهم الصورة بشكل علمي وواضح بعيد عن الشائعات والمبالغات.
⛔️ إيه الأعراض اللي ممكن تظهر؟
معظم الحالات بتكون بسيطة إلى متوسطة، وأهم الأعراض:
🤒ارتفاع تدريجي في الحرارة
🤕صداع شديد
😵💫إرهاق وتعب عام
🫢التهاب شديد بالحلق
🤧رشح وزكام وانسداد أنف
😷سعال جاف
آلام بالعضلات والعظام
🤮وأحيانًا أعراض بالجهاز الهضمي (إسهال/قيء)
ومش لازم كل الأعراض تظهر مرة واحدة .
⛔️ الفئات الأكثر عرضة للمضاعفات
♦️الأطفال وكبار السن
♦️مرضى الأمراض المزمنة (الضغط – السكر – أمراض الصدر)
♦️أصحاب المناعة الضعيفة
⛔️ إرشادات مهمة للتعامل مع أي أعراض تنفسية
1️⃣ الراحة التامة في البيت عند ظهور أعراض.
2️⃣ شرب سوائل دافئة وكثرة السوائل عمومًا.
3️⃣ تجنب تمامًا حقن البرد والخلطات الدوائية العشوائية.
4️⃣ تغذية صحية ونوم كافٍ.
5️⃣ ارتداء كمامة عند التعامل مع الآخرين لو في أعراض.
6️⃣ لو الحرارة أو الأعراض مستمرة أكتر من 48 ساعة — يفضَّل الكشف الطبي.
7️⃣ تجنب الاختلاط بالفئات الضعيفة قدر الإمكان.
⛔️ ملحوظه مهمة
وزارة الصحة حذّرت من خطورة “حقنة البرد” والخلطات العشوائية اللي للأسف سبّبت مشاكل ومضاعفات خطيرة عند ناس…
الأدوية لازم تكون بــ روشتة وبإشراف طبي فقط.
