Nour Essam Nutritionist - نور عصام

30/09/2023

11/09/2023

NE Team💪💪
Online Program👌
هيساعدوك توصل لهدفك وتعمل فورمه وتغير شكل جسمك سواء انك تخس و تزيد او تعمل shape هتساعدك ببرنامج تمرين مناسب ليك ولهدفك سواء في البيت او في الجيم وكمان برنامج غذائي مرن حسب الاكل اللي بتحبه👌💜
+متابعه من فريق متخصص بشكل يومي للرد على اسئلتك 📩
الحق مكانك واشترك في عروض NE Team

11/09/2023

10/09/2023

فوائد الاشوجاندا

03/04/2023

#سعرات

30/03/2023

ممنوعات السحور

✅️اول حاجه بلاش اى حاجه معلبه لان انسبه الصوديوم والاملاح فيها عاليه جدا ولازم تتاكد من نسبه الصوديوم من المعلبات لان دا هيخليك تعطش وكمان هيعملك fluid retention او احتباس سوايل

✅️كمان بلاش قهوه وشاى على السحور
حاول تخلى اخر حاجه بتشربها فيها كافين قبل السحور ب ٤ ساعات اصلا الكافيين بشكل عام diuretic بيقلل الميه فى الجسم وانت لازم تشرب ميه كفايه فى الفتره بين السحور و الفطار عشان متحسش بصداع وهبوط تانى يوم

✅️المخلل طبعا محتاج اتكلم عنه لان جزء اصيل فى وجباتنا بس الحقيقه الاعتدال مطلوب ف كل حاجه يعنى بلاش كميات كبيره منه

✅️واكبر غلطه هتعملمها فى جسمك
انك تاخد حلويات على السحور زى المربى حلاوه وعسل وحلويات رمضان بقى كنافه كل الكلام دا هيعطشك جدا جدا جدا
طب لو عاوز اكل حاجه حلوه خد تين مجفف او موز طبعا بكميات مقننعه وحسب نظامك وحالتك

✅️كمان الاكل المقلى
بلاش تدخل مقليات ودهون عاليه كل دا اصلا هيعملك قلق فى عمليه الهضم وكمان مش هتكون صاحى مرتاح ولا يومك خفيف حاول دايما تاكل اكل صحى عشان صحتك مش عشان انك عامل دايت

#دايت #سعرات #رياضة

29/03/2023

لو عاوز تخس فى رمضان وتستغله صح
اياك تكسر صيامك على العصير حتى لو فريش او من غير سكر او معنول فى البيت

ليه يا دكتووووووره دا من غير سكر
ايوه حضرتك شيلتلى الالياف الى هى اكتر مصدر هيساعدك على الشبع وبتاخد ميه وبسكر الفاكهه الطبيعى الى بالتالى هيعليلك سكر الدم وحضىتك هتفضل جعان طول فالافضل تبعد عن العصاير ولو هتاخدها وخلاص مضطر ميبقاش طبعا يوميا وبلاش تكون اول حاجه تكسر صيامك بيها
طب اكسر صيامى على ايه شوف البوست بتاع المشروبات الصحيه واختار المناسب ليك
#سعرات

28/03/2023

الصداع فى رمضان

طبيعى جدا انك تحس بالصداع فى رمضان فى اكتر من ٤٠ % من الناس الى بتصوم بيجيلهم صداع وتحديدا صداع نصفى
ودا بيحصل ف اول ايام الصيام وممكن يكمل معاك لاخر الشهر دا لعدة اسباب

اولا قله وعدم انتظام النوم
بيحصل لخبطه ف نومك بسبب مواعيد السحور والفطار وعلى ما تصلى وتخلص وبدل ما كنت مثلا بتنام ٨ ساعات بقى ٦ او ٥ ساعات وبالعافيه
طبعا قله نوم هتعمل خمول ودوخه وصداع

ثانيا الجفااااااااف
لان طبعا مع الصيام بننسى نشرب او ممكن نقول الوقت بين الفطار للسحور بيكون ضيق شويه ومش بتلحق تاخد كفايتك وبلاش الجمله بتاعة اشرب 3 او 4 لتر انت بتعرف جسمك واصله ميه كفايه او لا من لون البول كل ما كان اصفر فاتح مش شفاف انت كده تمام كل ما يغمق محتاج تزود شرب الميه
وبفكرك ان الخيار من اكتر الخضار الغنى بالميه والبوتاسيوم والبطاطس كمان فاعتمد عليهم فى سحور

ثالثا قلة السكر فى الدم

دا بيحصل طبيعى جدا خلال الصيام وبذات لو انت معتمد فى اكلك على refined carbohydrates زى العيش الابيض والمكرونه والمعجنات
ياربت تعتمد فى اكلك على whole grains زى
البقوليا والشوفان او بليله او برغل او فريك
Complex carbohydrates
زى البطاطا البطاطس العيش قمح كامل توست اسمر
بتاخد وقت اطول فى الهضم والامتصاص وهتبشعك جدا جدا جدا

رابعا لو حضرتك مدخن وفجاه مع الصيام
فى عدد ساعات طويله مفيهاش تدخين فبتالى دا هيتاثر عليك فاعراض الانسحاب تقلب مزاج صداع الصداع والقلق

وكمان اهم حاجه الكافيين
طبعا كلنا لو متعودين على معاد للقهوه او شاى وبكميه معينه خلال اليوم وفجاه مع الصيام كل دا اتوقف هيحصل نفس اعرض التدخين
#دايت #رياضة #جيم #تخسيس #ريجيم جيم

#سعرات

27/03/2023

1 -التمر واللبن
اعظم حاجه تكسر عليها صيامك ٣ تمر ناشف عندنا ف التغذيه مساوى لواحده فاكهه زى تفاحه مثلا او برتقاله

وعشان مناخدش فاكهه على معده فاضيه تعلى تلسكر هناخدها معاها حليب انا كنورهان بفضل كامل الدسم
وفى ناس بتفضل تمر وميه او تمر ولبن رايب مفيش مشكله المهم بلاش سكر وعصير

2- الكركديه
دا من اجمد الحاجات سعراته لا تذكر 100 جرام منه 37 سعر حرارى بس وممكن تحلى بستيفيا
كمان مصدر غنى بمضادات الاكسده الى بتحمى من خطر الاصابه بالسرطانات
وغنى فايتمن A C B

3- لمون🍋 نعناع
دا بالنسبالى اجمد ميكس بحبه اوى اوى ممكن تحليه بستيفيا لو حابب مسكر
وسعراته قليله جدا جدا ومنعنش بس يفضل نبدا بالشوربه الاول وبعدها ناخد اللمون نعناع بذات لو ف التهابات ف المعده ومش مناسب لارتجاع المرئ

5- عصير الفراوله🍓 ممكن بحليب او بميه
حسب السعرات المسموحه ليك وممكن تحليه بستيفيا
100 جرام فراوله حوالى 5 جرام سكر
بما يعادل معلقه صغيره زى بتاعت الشاى ممكن تدخله لما تزهق ❤️❤️❤️❤️
#دايت #رياضة #جيم #تخسيس #ريجيم جيم
#سعرات