Dr Farouk Kamel Hassoun

Dr Farouk Kamel Hassoun Contact information, map and directions, contact form, opening hours, services, ratings, photos, videos and announcements from Dr Farouk Kamel Hassoun, Food consultant, Mansoura.

استشاري التغذيه العلاجيه والوظيفية
مدير مراكز ( د.فاروق كامل حسون ) للتغذيه العلاجية والوظيفية بالمنصوره
🚩( علاج اسباب وجذور المرض )

📌واتس ( للحجز والاستفسار )
https://wa.me/201128395833

🔥انضم لأفضل جروب تغذية علاجيه 👇
https://tinyurl.com/bdhf74mn

09/12/2025

🚩 إزاي تشغل جسمك في الشتا وتدخل رمضان وانت في أقوى فورمة .. وكيفيه التغلب علي الجوع الليلي ؟

▪️إحنا دلوقتي عندنا فرصة دهب والله حرفيا..
ليه؟؟
علشان الشتاء بيدي فرصة للجسم يشتغل بهدوء من غير جوع كل شوية
الجوع اللي بييجي بالليل ده مش جوع أصلا دي إشارات غلط من الجسم بسبب سكر مش ثابت وأكل مش منظم

📌 لو نظمتي ٣ حاجات هتكملي الليل براحة ..
وجبة بروتين مظبوطة
مية كفاية
وأكل آخر النهار ميبقاش سكريات

▪️الهدف إنك تدخلي رمضان هادية ومتعودة على نظام
ساعتها رمضان بدل ما يكون عكننة وجوع هيبقى مكسب

لأن الصيام نفسه بيقلل النهم وبيحسن الحرق
يعني اللي يشتغل قبل رمضان هيرتاح في رمضان

♦️ليه المتابعه والبداية دلوقتي مهمه جدا ؟
لأن كل أسبوع جسمك بيتغير
الشتا ساعات يخليكي تنامي بدري أو تأكلي أقل أو أكتر
ولازم النظام يتعدل حسب ده
عشان كده المتابعة الأسبوعية مهمة

لو آخر وجبة فيها بروتين كويس ودهون صحية بسيطة ومفيهاش نشويات كتير
الجسم بيثبت طول الليل
ومفيش رغبة تفتح التلاجة

📌إحنا هنستغل الشهرين اللي قبل رمضان
إننا ننضف الجسم
نظبط سكر الدم
نقلل الانتفاخ
نرتب النوم
ونعلم الجسم ياكل بوعي
وساعتها هتدخلي رمضان وانتي أصلا خسرانة وزن ومحافظة على أكلك

⚠️ صدقوني دي أفضل فتره للحرق في السنه كلها ❤️

♦️ متنساش تعمل لايك و كومنت وشير لو عجبك الفيديو

💥 في فرصة كمان تتابع أونلاين معانا بخصم خاص
لفترة محدودة.. التفاصيل في أول تعليق. 👇👇

------

🔹 د. فاروق كامل حسون
أخصائي التغذية العلاجية والعلاج الطبيعي
رئيس قسم العلاج الطبيعي - مستشفى السماد التخصصي
المدير الطبي لفرق الناشئين - نادي المنصورة

-----
📍 للمتابعة في العيادات وفروعنا بالمنصوره..
📲 و أيضا للمتابعة الأونلاين :
راسلنا على واتساب: 011 28395833

واتساب - 01128395833

06/12/2025

🚩 أنتي مش مكتئبه والله… أنتي جسمك مُنهَك ومش لاقي نفسه! و قبل ما تحكمي على نفسك وتقول "أنا مكتئبه"…اقرأي ال ٧ نقط دول وشوف جسمك بيقولك إيه!

1️⃣ أول علامة: دماغك مش شايف الصورة كاملة
لما تحس إنك:
ملل طول اليوم
عدم رغبة في الكلام أو الاختلاط
فقدان شغف لأي حاجة كنت بتحبها
عصبية غير مبررة على أتفه الأسباب
دماغك واقفة ومش قادرة تفكر صح
أحياناً: زيادة في نبضات القلب أو ضيق تنفس غير مبرر

اعرف إن ده مش "اكتئاب" بالمعنى النفسي الصريح... ده جهازك العصبي بيقولك: "أنا تعبان ومحتاج صيانة!"

2️⃣ الأكل اللي بتاكله بيحدد مزاجك... مش العكس!
السكر الكتير، الفاست فود، القهوة الزيادة، الأكل المتأخر بالليل... كل ده بيعمل في جسمك:
التهاب داخلي
اضطراب في الهرمونات
نقص في المغذيات الأساسية
والمخ بيترجم كل ده إلى: مزاج سيئ – قلق – نرفزة – زعل بدون سبب واضح!
الأكل ده وقود، لو وحش، العربية هتعطل.

3️⃣ فيتاميناتك ومعادنك... هما اللي بيشيلوا مزاجك!
أكتر 5 حاجات لو نقصت، بتعمل أعراض "اكتئاب كاذب" أو ضيق:
فيتامين د (مهم جداً للصحة النفسية)
ب 12 (مفتاح الطاقة والتركيز)
الفيريتين (مخزون الحديد اللي بيغذي المخ)
الماغنسيوم (مهدئ الأعصاب الطبيعي)
أوميجا 3 (غذاء المخ الأول)

نقص أي واحد فيهم كافي يخلي يومك لونه أسود! متعتمدش على التخمين، روح حلل الـ 5 حاجات دول بالذات قبل ما تاخد أي مكملات!

4️⃣ القناة الهضمية = 90% من هرمون السعادة!
لو عندك باستمرار:
قولون عصبي
انتفاخ وغازات
إمساك أو سوء هضم
الأكل بيقعد "على قلبك"
اعرف إن السيروتونين نفسه (هرمون السعادة) مش بيخرج أو امتصاصه ضعيف... فسيبدأ المزاج ينزل تلقائي. المعدة بيت الداء وبيت المزاج!

5️⃣ قلة النوم بتقلب مزاج أي حد!
لما تنام 4 أو 5 ساعات بس... بتحصل الكوارث دي:
هرمون الضغط (الكورتيزول) بيعــــلى ⬆️
هرمون الجوع بيعــــلى
المزاج بينــــزل ⬇️
التفكير بيتخبط والتركيز بيختفي
وتصحى تقول: "أنا مكتئب"... لكن الحقيقة هي: أنت نايم غلط! ريّح جسمك عشان عقلك يعرف يفكر.

6️⃣ الحركة اليومية علاج مش رفاهية!
المشي 20 دقيقة يوميًا بس:
بيقلل التوتر والقلق
بيرفع هرمونات السعادة في المخ
بينشط الدماغ وبيحسن الدورة الدموية
بيفك حالة الخمول اللي بتحبسنا جوانا
لكن لما تقعد طول اليوم بدون حركة... أنت بتخلي جسمك يعيش في مود "إجهاد وانهيار".

7️⃣ التوتر المزمن بيستهلكك... وبيفضي "بطارية" جسمك

الضغوط اليومية (الشغل، الفلوس، العلاقات، السوشيال ميديا طول الوقت):
بتخليك طول الوقت في وضع "طوارئ" (Fight or Flight).
هرمونات التوتر (الكورتيزول) بتفضل عالية.
الهرمونات دي بتسحب طاقة الجسم والفيتامينات اللي المفروض تدعم مزاجك، عشان تواجه الخطر الوهمي ده.

النتيجة: إجهاد كامل في الغدد والمخ والجهاز الهضمي، فتحس إنك "طافي" ومالكش نفس لأي حاجة.
الحل العملي: محاولة تحديد مصادر التوتر وتقليل التعرض ليها، وممارسة تمارين تنفس عميق لمدة 5 دقايق يوميًا لتهدئة الجهاز العصبي.

8️⃣وطبيب التغذية هو الخبير .. اللي هيساعدك صح !

مش مجرد أكل صحي... ده "علاج غذائي" متكامل!
فكرة "الأكل الصحي" عامة: لما تقرر تاكل صحي لوحدك، ممكن متظبطش الكميات أو تختار أنواع أكل "صحية"
بس مش مناسبة لحالة جسمك (زي الحساسيات أو مشاكل الهضم المذكورة في النقطة الرابعة).
ممكن تحس إنك مش لاقي نتيجة.

♦️ دور طبيب التغذية المُتخصص واللي فاهم صح :
هو اللي بيقرأ تحاليلك (فيتامين د، فيريتين، إلخ)
وبيصمم لك نظام غذائي شخصي ومُفصّل يعالج النقص ده بالتحديد.
بيعرف يحدد الأكل اللي بيهدي الالتهاب وبيساعد على إصلاح القناة الهضمية (الـ 90% من هرمون السعادة).

بيديك خطة عملية متكاملة عشان تخسر وزن أو تكسب صحة بدون ما ترهق جسمك أو تحرمه، وده بيقلل الضغط النفسي اللي بتسببه الأنظمة القاسية.
هو اللي بيحطلك الخريطة الصح للتعافي الغذائي.

🌟 خطتك للخروج من دوامة الإرهاق (مش الاكتئاب)
خلي الموضوع عملي وابدأ دلوقتي... جسمك يستاهل التغيير ده:

▪️ أول 3 أيام
1. نام بدري جداً (قبل 12 بليل)
2. امشي 20 دقيقة (أي وقت في اليوم)
3. اشرب مية كفاية (على الأقل 2 لتر)
4. امنع سكر وحلويات ومشروبات غازية
5. أكل بسيط ونضيف + بروتين + خضار

▪️بعد أسبوع
هتلاقي: مزاجك اتحسن بشكل ملحوظ، دماغك فاقت، نومك اهدى، قلقك قل، شهيتك اتظبطت!

▪️بعد شهر
جسمك هيبدأ يشيل من عليك الحمل اللي كان عامل لك "اكتئاب كاذب"، وهتشوف الدنيا أوضح وأجمل.

🚩 خلاصه كلامي
مش كل اللي حاسس بضيق أو ملل أو نفسية واقعة... عنده اكتئاب يحتاج علاج نفسي عميق.
فيه ناس كتير "جسمها منهك" وهذا يظهر في شكل نفسي.

القرار قرارك دلوقتي:
إرجع لجسمك، أعمل له صيانة شاملة (أكل، نوم، حركة، معادن). جسمك يستاهل إنك تبدأ معاه حياة جديدة.

⚠️ وأنا هنا عشان اساعدكم ب أمر الله تعالى !
🔸 ف قولي في التعليقات بصراحة: إيه هي "العلامة الجسدية" اللي بتحس بيها أول ما نفسيتك بتتعب؟ وهل بدأت دلوقتي تفكر إن دي "إشارات" من جسمك محتاج صيانة؟

🔹وقولي كمان إيه أصعب خطوة هتبدأ بيها النهاردة؟

♦️ ولو عندك أي سؤال، اكتبه في كومنت وهرد عليك بالتفصيل .. طالما نويت تصلح مشاكلك .. انا في ضهرك !

♦️ متنساش تعمل لايك و كومنت وشير لو عجبك الفيديو

💥 في فرصة كمان تتابع أونلاين معانا بخصم خاص
لفترة محدودة.. التفاصيل في أول تعليق. 👇👇

------

🔹 د. فاروق كامل حسون
أخصائي التغذية العلاجية والعلاج الطبيعي
رئيس قسم العلاج الطبيعي - مستشفى السماد التخصصي
المدير الطبي لفرق الناشئين - نادي المنصورة

-----
📍 للمتابعة في العيادات وفروعنا بالمنصوره..
📲 و أيضا للمتابعة الأونلاين :
راسلنا على واتساب: 011 28395833

واتساب - 01128395833

04/12/2025

🚩خمول غدة… ورم ليفي… نزيف…منشطات للحمل
و برضه مفيش نصيب … وكل ده ف الفاضي ومفيذ نتيجه!
ليه ؟؟؟ لأن المشكلة الحقيقية محدش لسه قرب ليها!

♦️بوست لكل بنت بتجري من دكتور لتحليل، ومن دوا لدوا، وبتسأل: جسمي بيصرّخ كده ليه يا ناس؟

▪️ الخطأ الأكبر اللي بتعمليه: الغدة مش السبب... الغدة ضحية!
لو عندك خمول غدة وبتاخدي تيروكسين...
ده مش معناه إنك خفيتي. ده معناه إن الرقم في ورقة التحليل بس هو اللي اتعدّل.

الغدة الدرقية فيها مستقبلات للهرمون "النكدي" بتاعنا اللي اسمه استروجين...
ولما الاستروجين ده يزيد بجنون – اللي هو "الاستروجين الدومينانس"هيمنه الاستروجين" " –

الغدة بـتـْفصل، وبتشتغل بمزاجها، وتبدأ أعراض الخمول... حتى لو الدكتور قال "تحليلك زي الفل".
يعني الموضوع مش "غدة كسولة"...
الموضوع جسم مليان استروجين ومش عارف يزقّه بره!.

💥 نفس المصيبة اللي خنقت الغدة... هي اللي عملت الورم الليفي والنزيف!
الورم الليفي مش صدفة.
والنزيف الكتير مش صدفة.
ولخبطة الدورة مش صدفة.
وفشل التنشيط مش صدفة.

كل ده فيلم واحد...
سببه: استروجين عالي + كبد مستسلم ومش قادر ينضّف + غدة تحت ضغط + بروجسترون في الأرض (ده هرمون السعادة).

الاستروجين لما يزيد يعمل إيه؟
يكبّر البطانة.
يعمل نزيف.
يعمل ورم ليفي.
يعطّل التبويض خالص.
يبوظ امتصاص دواء الغدة.
ويخليكي 'نكدية' طول الشهر ومحدش طايقك!
والخازوق الأكبر بقه؟
إنك روّحتي تعملّي تنشيط... والتنشيط زوّد الاستروجين أكتر وأكتر... فالورم كبر... والنزيف زاد... والحمل بقى أصعب!

⚡ الخلاصة اللي لازم تتفهم لحد هنا:
أنتي مش بتعاني من ٣ مشاكل لوحدها:
غدة – ورم – تنشيط فاشل
أنتي بتعاني من مشكلة واحدة بس...
وضربت في أهم ٣ أنظمة في جسمك.

💥 طيب... نخش في الجد: يعني إيه هيمنه استروجين ؟
دي حالة جسمك بيكون فيها:
الاستروجين طاير في السما.
البروجسترون في القاع.
الكبد قفل خلاص.
الأمعاء ملخبطة والقولون بيولع.
الالتهابات عالية.
فيتامين D والحديد ناقصين جدًا.
النوم بايظ.
السكر مش ثابت.
والناتج النهائي = جسم تعبان + ورم + دورة منهكة + تبويض ضعيف + فشل تنشيط.

⚠️ طيب... إزاي نعالج ده طبيعيًا من البيت؟ مش كلام نظري... دي خطة "تظبيط جذور الهرمونات".

⭐ 1) نفتح الكبد وننقذه من الاستروجين
الكبد هو اللي بيشيل الاستروجين "القديم". لما يبقى تعبان ⬅️ الإستروجين يعلى ⬅️ الورم يكبر ⬅️ الدورة تنزف.
الحل اليومي البسيط:
معلقة بذور كتان مطحونة (بتمسك في الاستروجين القديم وتطلعه).
أكل قليل دهون بايظة.
خضار ورقي (جرجير، سبانخ) يوميًا.
تقليل القهوة لـ فنجان واحد.
حركة بسيطه ولو مشي 20 دقيقة (مش تمرين قاسي).

⭐ 2) نرفع هرمون السعادة (البروجسترون)
البروجسترون هو الهرمون اللي يوقف نزيف، يثبّت حمل، ويهدي الأعصاب.
طريقته:
نوم ثابت ومحترم (قبل 11 بالليل).
تقليل السكر تمامًا.
أكل بروتين (بيض، لحمة، فراخ) ثابت.
توقفي التوتر (التوتر بياكل البروجسترون حرفيًا).

⭐ 3) نروّق على الأمعاء ونطفي الالتهابات
الأمعاء لو فيها التهابات ونار... مش هتعرف تتخلّص من الاستروجين، وهيرجع يلف في الجسم تاني.
اعملي كده:
زبادي + معلاقة عسل قبل النوم.
تقليل العيش الأبيض.
شُربة خضار ٣ مرات أسبوعيًا.
ألياف بسيطة يوميًا.

⭐ 4) نشحن الجسم بالنواقص الأساسية
وظيفة المبايض والغدة تستحيل تتظبط لو العناصر دي ناقصة.
أهم 4 لازم تركزّي عليهم:
فيتامين D.
الحديد.
المغنيسيوم.
و B12.
نقصهم = استروجين يعلى وغدة تهبط. معادلة بسيطة.

⭐ 5) نتحكم في سكر الدم... مفتاح اللعبة!
تمسكي في النقطة دي بإيدك وسنانك... لأن سكر الدم هو اللي بيحرك هرموناتك كلها (كأنه المايسترو).
اعمليها كده:
بروتين في أول اليوم (مفيش فطار عيش وجبنة بس).
نشويات تدريجية مش وجبة واحدة.
توقفي أكل بعد 8 مساءً إن أمكن (أو قبل النوم بـ 3 ساعات).

⭐ 6) إعادة تشغيل الغدة بشكل طبيعي
دوا الغدة مش كفاية لوحده.
اللي يعالج الغدة فعلًا هو:
انتظام النوم.
شرب ميه كتير.
تقليل الاستروجين.
تظبيط الحديد والمغنسيوم.
الغدة لما البيئة حوالينها تتصلّح ⏪ هي نفسها بتردّ وتشتغل وتقوم بالواجب(شوفنا مئات الحالات كده بالفعل)

🚩 خلاصه كل كلامي :
إنتي مش "غدة تعبانة" ولا "مبايض ضعيفة"
ولا "ورم ملوش حل".

إنتي جسم بيقولك بكل وضوح:
“لو سمحتي... صلّحي جذوري... هصلّحلك كل حاجة.”
الغدة، الورم الليفي، النزيف، فشل التنشيط...
مش مشاكل منفصلة.
دي فاتورة سنّين من استروجين زائد وكبد مجهد ونواقص غذائية.
ولما الأساس يتصلّح...
كل حاجة بعده بترجع طبيعي جدًا!

💡و عشان تعرفي بالظبط جسمك محتاج إيه...
📌 أكتبي تحت في الكومنتات 'إنك تعبانة' وهبعتلك الـ Checklist اللي هتفهمك إنتي فين من خطة الـ 7 خطوات دي بالظبط.
أو...
📌 اعملي Tag لأكتر واحدة صحبتك بتحلل كل شهر ومش لاقية حل. هي دي بالظبط البوست اللي مستنياه!

💥 في فرصة كمان تتابع أونلاين معانا بخصم خاص
لفترة محدودة.. التفاصيل في أول تعليق. 👇👇

------

🔹 د. فاروق كامل حسون
أخصائي التغذية العلاجية والعلاج الطبيعي
رئيس قسم العلاج الطبيعي - مستشفى السماد التخصصي
المدير الطبي لفرق الناشئين - نادي المنصورة

-----
📍 للمتابعة في العيادات وفروعنا بالمنصوره..
📲 و أيضا للمتابعة الأونلاين :
راسلنا على واتساب: 011 28395833

واتساب - 01128395833

30/11/2025

🚩 الفايبروميالجيا
الحكاية اللي ناس كتير سمعوا عنها… بس قليل اللي فاهمينها
والحقيقة؟
اللي بيعيشها هو الوحيد اللي يعرف يعني إيه الجسم يبقى كل يوم في حالة حرب.

ناس كتير بتصحى من النوم وتتمنى المعجزة.
تتمنى يقوموا الصبح على خبر بيقول… لقوا العلاج.
قرص واحد يختفي بعدها الألم… وتختفي المعاناة… ونرجع نعيش زي زمان.

لكن اللي بيعيش الفايبرو يعرف إن الموضوع أكبر من كده.
مش وجع عضلة… ولا مفصل… ولا التهابات.
ده شيء تاني خالص… شيء محدش بيشوفه غير اللي جوه جسمه.

ف الفيديو ده .. هشرحلك كل حاجه ب أمر الله

♦️ متنساش تعمل لايك و كومنت وشير لو عجبك الفيديو

💥 في فرصة كمان تتابع أونلاين معانا بخصم خاص
لفترة محدودة.. التفاصيل في أول تعليق. 👇👇

------

🔹 د. فاروق كامل حسون
أخصائي التغذية العلاجية والعلاج الطبيعي
رئيس قسم العلاج الطبيعي - مستشفى السماد التخصصي
المدير الطبي لفرق الناشئين - نادي المنصورة

-----
📍 للمتابعة في العيادات وفروعنا بالمنصوره..
📲 و أيضا للمتابعة الأونلاين :
راسلنا على واتساب: 011 28395833

واتساب - 01128395833

28/11/2025

🚩 إنذار سن الأربعين: 12 علامة هتقولك إن جسمك بيبعتلك استغاثة! .. بوست مهم جدا

"يا دكتور، أنا حياتي كانت متظبطة، إيه اللي حصلي فجأة بعد الأربعين؟!"
السؤال ده سمعته آلاف المرات. والحقيقة إن بعد الأربعين… جسمك مبقاش بيتعامل بنفس القواعد اللي كنت عايش بيها سنين...المرحلة دي مش محتاجة كشف بطن وصدر… محتاجة حد يفهمك اللي بيحصل جواك بوضوح وبمنتهى الصراحة.

لأن هي دي اللحظة اللي جسمك فيها بيقولك: أنا تعبان من السنين اللي فاتت… ومش هسكت تاني...

ف سن الأربعين مش رقم… ده نقطة التحوّل اللي يا إما تفهمها وتمشي صح… يا إمّا جسمك يبدأ يعلن العصيان.

——————————————————————

ليه المشاكل بتظهر فجأة بعد الأربعين؟

لأن الجسم بيغيّر برمجة شغله.
اللي كنت تستحمله زمان… مبقاش ينفع دلوقتي.

كنت تسهر وتقوم ناشط؟
دلوقتي تنام بدري وتصحى مرهق.

كنت تاكل صينية محشي وترجع تجري؟
دلوقتي نفس الأكلة تخليك نايم جنب الحيطة.

كنت تنسى الدوا؟
دلوقتي حافظ جرعاتك أكتر من مواعيد شغلك.

ده مش ضعف…
ده جسمك بيقولك: إمّا تعدل أسلوبك… أو انا اللي هقرر بالنيابة عنك.

——————————————————————

تعالى نفكّ شفرة اللي بيحصل جواك:

1. العضلات بتقل… والدهون بتمسك فيك
من بعد الأربعين معدل فقدان العضلات بيزيد مع أي قعدة طويلة.
الوزن ممكن يفضل ثابت… بس شكل الجسم يتغير.
العظم يقل، الكرش يزيد، والمجهود يبقى صعب.

الحل:
بروتين كفاية يوميا
تمارين مقاومة بسيطة
نوم محترم لأن العضلات بتتبني وإنت نايم

——————————————————————

2. المناعة بتكبر في السن
أي دور برد يبقى أسبوعين
أي جرح يلتئم ببطء
أي ضغط نفسي يكسر مناعتك

الحل:
خضار وفاكهة وألياف
زبادي طبيعي
شمس وفيتامين د فوق الخمسين
وتقليل توتر… لأن المناعة بتتأثر بيه قبل أي حاجة

——————————————————————

3. الهضم مبقاش زي زمان
حمض المعدة بيقل…
فالوجبة تقعد تتخمر بدل ما تتقسم
وده يجيب انتفاخ، قلق، وتعب من أقل أكل.

الحل:
معلقة خل تفاح في مية قبل الأكل
مضغ مظبوط
وجبات خفيفة بالليل
وأكل بسيط سهل الهضم
ولو فيه سجل مشاكل… ممكن تحتاج إنزيمات هضمية فترة مؤقتة

——————————————————————

4. الهرمونات داخلة على فوضى
التستوستيرون عند الرجالة بينزل
الاستروجين عند الستات بيقل
الكورتيزول (هرمون التوتر) بيعلى

النتيجة:
كرش، عصبية، سخونة، اكتئاب، إرهاق، نسيان

الحل:
مشي يومي
سكريات أقل
نوم بدري
زنك وب٦
ومتابعة الغدة الدرقية لأن أي خلل فيها يبوظ الدنيا كلها

——————————————————————

5. مقاومة الإنسولين
ده العدو اللي يخليك تاكل قليل وتفضل وزنك ثابت أو يزيد.

الحل:
تحليل إنسولين صايم
صيام بسيط
مشي بعد الأكل
وتقليل النشويات والسكر

——————————————————————

6. الذاكرة مش بتخونك… الذاكرة محتاجة تغذية
ضعف تركيز
نسيان
تشتت
ده غالبًا من سكر عالي، توتر، ونقص عناصر

الحل:
دهون صحية
أوميجا ٣
تقليل شاشات
قراية بسيطة يوميًا
فيتامين ب١٢ لازم يتظبط

——————————————————————

7. العضم محتاج تحميل
الهشاشة مش نقص كالسيوم
الهشاشة نقص حركة

الحل:
امشي
اطلع سلالم
مغنيسيوم وك٢ مع فيتامين د
علشان الكالسيوم يروح للعضم مش للشرايين

——————————————————————

8. التوتر المزمن
بعد الأربعين الضغوط بتكتر
بس التوتر بيهدم الجسم في صمت

الحل:
تنفس بسيط
رياضة خفيفة
مغنيسيوم
ونوم ثابت لأن النوم علاج داخلي

——————————————————————

9. الكبد
الكبد من بعد الأربعين بينهك من أدوية وأكل غلط

الحل:
مياه
أكل بسيط
صيام
وامنع المقليات بقدر المستطاع

——————————————————————

10. جوع المشاعر
مش جوع…
ده فراغ، ملل، قلق، أو احتياج نفسي.

الحل:
اسأل نفسك: أنا جوعان؟ ولا محتاج أهرب؟
امشي شوية
كل بوعي
راقب مشاعرك قبل شهيتك

——————————————————————

11. الصحة الجنسية
مرآة لصحة الجسم كله
أي خلل فيها يعني: هرمونات، سكر، نوم، توتر

الحل:
نوم
أكل مفيد
زنك
وأوميجا ٣
ومتابعة تحاليل

——————————————————————

12. الأعصاب محتاجة وقود
العين تتعب
التركيز يروح
الصداع يزيد

الحل:
دهون مفيدة
فيتامينات ب
تقليل سكر
وتقليل شاشات

——————————————————————

ده معناه إيه؟
معناه إن جسمك بيقدم فاتورة سنين فاتت.
بس الجميل؟
الفاتورة دي ممكن تتقسّم… وممكن تتشطب.

إزاي؟

——————————————————————
القواعد الذهبية بعد الأربعين

1. الصيام مش حرمان
الصيام بيصلّح الجسم
بيقلل الالتهابات
وبيعيد ضبط الحرق
ابدأ بأي درجة… المهم تبدأ

2. الدواء مش حل دائم
الأدوية ضرورية وقت الحاجة
لكن مش مفروض تعيش عليها
لما نمط حياتك يتظبط… الأرقام بتتحسن
ولما الأرقام تتحسن… جرعاتك تقل لوحدها

3. الهضم هو المفتاح
لو الأكل ماتهضمش…
كل حاجة بتبوظ
ترتيب الوجبات
أكل بسيط
مضغ
ونوم كويس

——————————————————————

طب دور دكتور التغذية هنا إيه؟

ناس كتير فاكرة إن شغلتي أحسب سعرات وأكتب دايت.
ده آخر دوري… مش أوله.

شغلتي إني أفهم جسمك بيبعث إشارات إزاي.
أربط بين تحاليلك، نومك، هضمك، شكواك، تاريخك الصحي، وحالتك النفسية.
أفك شفرة جسمك… وأرجّعه يشتغل زي ما المفروض يشتغل.

أنا مش بكتب ورقة…
أنا بظبط النظام الداخلي لجسمك
عشان تمشي على رجلك
وتاخد أقل كمية دوا
وتحس إنك طبيعي تاني.

هدفي إنك تعيش يومك من غير مجهود زيادة
تنام كويس
تهضم كويس
تفوق الصبح ثابت
وتحس إن جسمك مش ضدك.

——————————————————————

لو وصلت لآخر الكلام
اعرف إنك جاهز تبدأ

ابدأ بخطوة واحدة:
صيام بسيط
سلطة
معلقة خل تفاح
مشي
نوم بدري

مش محتاج تقلب حياتك مرة واحدة
بس لازم تتحرك قبل ما جسمك هو اللي يقرر عنك.

شارك البوست ده مع أقرب حد عندك وصل سن الأربعين، لأنك حرفيًا هتكون بتنقذ صحته!

واسألني في أي مشكله في التعليقات وهرد عليك

💥 في فرصة كمان تتابع أونلاين معانا بخصم خاص
لفترة محدودة.. التفاصيل في أول تعليق. 👇👇

------

🔹 د. فاروق كامل حسون
أخصائي التغذية العلاجية والعلاج الطبيعي
رئيس قسم العلاج الطبيعي - مستشفى السماد التخصصي
المدير الطبي لفرق الناشئين - نادي المنصورة

-----
📍 للمتابعة في العيادات وفروعنا بالمنصوره..
📲 و أيضا للمتابعة الأونلاين :
راسلنا على واتساب: 011 28395833

واتساب - 01128395833

24/11/2025

🚩 ليه ناس كتير بتمشي سنين في دواير مع المرض… وكمان تتعالج غلط ؟ و ليه في ناس بتتعب وتدوّر، وتشتكي… وليه محدش فاهم الصورة كاملة؟
━━━━━━━━━━━━━━━━━━

لازم نفهم أن اللي بيحصل معاكم مش “مرض واحد”…

🔸اللي بيحصل إن جسمك بيتحول لسلسلة كوارث صغيرة…
كل كارثة بتسحب التانية، وكل جهاز بيوقع جهاز.
والمصيبة؟
إن كل تخصص واقف لوحده… بيبص على حتّة وينسى الباقي.

▪️خليني أحكيلك قصة حقيقية لمتابعه معانا …
لكن في الحقيقة هي قصة آلاف غيرها.

━━━━━━━━━━━━━━━━━━
♦️ست عندها 46 سنة… بس قصتها بدأت بدري جدًا♦️
━━━━━━━━━━━━━━━━━━

بنت عندها تكيّسات… هرمونات مش مظبوطة… بطانة مهاجرة…
مفيش حد قال "ليه؟"
مفيش حد قال "ده بيأثر على إيه؟"
كله قال:

> “دي هرمونات… خدي العلاج.”

كبرت… اتجوزت… الحمل جه بعد معاناة…
اتعاملت مع جسم طول عمره بيصرّخ، بس محدش سمع.

وفي النص؟
مرارة ملتهبة… وقالولها “مش شغلنا”.
هضم مدمَّر… قولون مولّع… غازات، نفخة، مغص…
قالولها “قولون عصبي وخدي دواء وقت اللزوم”.

بعد عملية المرارة…
الغدة الدرقية وقعت.
تضخم، اضطراب، التهابات…
وراحت للدكتور… وقال لها:

> “مالكيش دعوة بالكبد… دا مش تخصصي.”

ولما راحت لطبيب الكبد؟
قال لها:

> “والله الغدة مش عندي.”
في الثدّيين؟
تليّفات + تكيسات + مناظير + عينات. في المبايض؟
أكياس، اضطراب تبويض، اضطراب دورة. في المزاج؟
اكتئاب خفيف – إرهاق مستمر – نوم ملخبط. في الهضم؟
كسل أمعاء – سوء امتصاص – التهابات مزمنة. في العظام؟
هشاشة مبكرة. في الكبد؟
دهون. في الدم؟
سكر وكوليسترول.

وكل دكتور… بيشوف قطعة…
ويرجع يقول:

> “ده مش من عندي.”
“روّحي لفلان.”
“عندك قولون عصبي.”
“عندك هرمونات.”
“عندك نفسية.”

يا جماعة… ده مش جسم LEGO.
ده جسم واحد…
لما جهاز يقع… الطبيعي إن الباقي يقع معاه.

━━━━━━━━━━━━━━━━━━
⚠️ الحقيقة اللي محدش بيقولها:
مفيش عندنا مرض بيجي لوحده.
━━━━━━━━━━━━━━━━━━

– الغدة بتتأثر بماكينة الهضم.
– الهضم بيتأثر بالكبد.
– الكبد يتأثر بالمناعة.
– المناعة تتأثر بالهرمونات.
– الهرمونات تتأثر بالسكر والمبايض.
– السكر يتأثر بالنوم والضغط العصبي.
– النوم يتأثر بالأكل والساعة البيولوجية.
– التوتر يضرب الغدة والهضم والكبد مع بعض.

وإنتِ؟
الطبيب يشوف “غازات”…
واللي بعده يشوف “خمول”…
واللي بعده يشوف “دورة ملخبطة”…
والنتيجة؟
حدّش بيربط الخطوط ببعض.

━━━━━━━━━━━━━━━━━━
♦️ ليه مهم نفهم القصة دي؟
عشان اللي بيمرّ بيها مش واحدة…
دي ملايين سيدات ورجالة…
بيتم علاجهم “منفصلين”…
كأن جسمك عبارة عن غرفة فيها 7 مفاتيح… وكل دكتور ماسك مفتاح ورافض يفتح الباب كله.

━━━━━━━━━━━━━━━━━━
🌿 الحقيقة العلمية الواضحة:
الجسم منظومة… مش تخصص.
━━━━━━━━━━━━━━━━━━

ومفيش حل حقيقي غير إننا:
✔️ نجمع الأعراض
✔️ نفهم جذورها
✔️ نشوف الترابط
✔️ نعيد تنظيم الهضم
✔️ نعالج الالتهاب
✔️ ننضبط بالنوم
✔️ نزبط الأكل
✔️ نعالج الغدة والكبد والمبايض كـمنظومة واحدة
مش كل واحد لوحده.

━━━━━━━━━━━━━━━━━━
✨ وده السبب إن في ناس بتتعب سنين… ومش بتخف.
مش لأنهم “بيبالغوا”
ولا “ماشيين غلط”
ولا “قولون عصبي”.

السبب الحقيقي؟
إنهم بيعالجوا العَرَض… مش المُشكلة.

━━━━━━━━━━━━━━━━━━
♦️♦️الست دي ما كانتش محتاجة دكتور زيادة…
كانت محتاجة حد يشوفها كإنسان واحد… مش كـ 12 ملف منفصل.

وعشان كده بدأنا علاجها من 4 محاور…
والأربع محاور دول هما اللي بينقذوا أي حد في نفس الدائرة.
━━━━━━━━━━━━━━━━━━

🔵 المحور الأول: إعادة تشغيل ماكينة الهضم

قبل ما نلمس هرمونات أو غدة أو كبد…
كان لازم الجسم يتنضّف من جوا:

✔️ وقفنا المحفزات:
الأكل اللي كان عامِل التهابات—السكر، الدقيق الأبيض، المقليات، اللبن كامل الدسم.

✔️ علّجنا كسل الأمعاء
بنظام ألياف هادي ومقنن + سوائل + زيوت صحية.

✔️ رجّعنا حمض المعدة لمكانه الصح
لأن أغلب “القولون العصبي” سببه هضم ضعيف… مش عصبية.

✔️ شدينا فرامل الانتفاخات
بإعادة تنظيم الأكل، وساعات الوجبات، ونظام مضاد للالتهابات.

لما الهضم يرتاح…
المبايض تهدى…
الغدة تهدى…
السكر يظبط…
والكبد يبدأ يتنفس.

━━━━━━━━━━━━━━━━━━

🔵 المحور الثاني: إنقاذ الهرمونات من الفوضى

الست دي كانت ماشية بهرمونات بتصارع بعضها:

✔️ ظبطنا الإنسولين
لأن مفيش هرمون في الجسم هيثبت لو الإنسولين راكب.

✔️ وقفنا دوامة “التكيّسات – الغدة – الكبد – السكر”
دي حلقة بتشد بعضها…
وفكّها هو اللي بيخلي الدورة تستقر والمبايض تهدى.

✔️ بدأنا خطة توازن هرموني غذائي
مش أدوية…
(نوم – أكل – مواعيد – مغذيات دقيقة).

✔️ اشتغلنا على الالتهابات
لأن الالتهاب هو المايسترو اللي بيلخبط كل الغدد في الجسم.

━━━━━━━━━━━━━━━━━━

🔵 المحور الثالث: إنعاش الكبد والغدة مع بعض

علاجهم عمره ما يكون منفصل:

✔️ وقفنا السموم الغذائية
✔️ زودنا مضادات أكسدة طبيعية
✔️ خفّفنا الحمل على الغدة
✔️ ظبطنا جرعة الهرمون بدل ما تبقى “ثابتة وخلاص”
✔️ دعمنا الكبد بوجبات محسوبة ودهون صحية قليلة

لأن الغدة مش هتظبط لو الكبد تعبان…
والكبد مش هيخف لو الإنسولين عالي…
وكل ده مش هيستقيم لو الهضم واقع.

━━━━━━━━━━━━━━━━━━

🔵 المحور الرابع: بناء الجسم من جديد—هدوء، نوم، أعصاب

مافيش خلية هتتعالج لو الجهاز العصبي مضروب.

✔️ ظبطنا النوم تدريجي
✔️ نظّمنا الميلاتونين الطبيعي
✔️ استبدلنا العادات اللي بتولع الالتهابات
✔️ اشتغلنا على التوتر—لأن التوتر وحده يوقع غدة ومبايض.

━━━━━━━━━━━━━━━━━━

🌟 النتيجة؟

لأول مرة من 20 سنة…
الدورة بدأت تستقر
النفخة خفت
النوم اتحسن
الطاقة رجعت
القولون هدي
التهابات السديين خفت
والسكر والكبد بدأوا ينزلوا لمكانهم الطبيعي

مش لأنها "خدت علاج".
لأنها اتعالِجت كإنسانة كاملة… مش كملفات متفرّقة.

━━━━━━━━━━━━━━━━━━
✨ وده نفس الطريق اللي أي حد تعبان محتاجه:
مش “دواء للقولون”
ولا “هرمون للدورة”
ولا “نظام للغدة”.

اللي محتاجه اسم واحد:
علاج من الجذور.
جسم واحد… رؤية واحدة… خطة واحدة.

💥 في فرصة كمان تتابع أونلاين معانا بخصم خاص
لفترة محدودة.. التفاصيل في أول تعليق. 👇👇

━━━━━━━━━━━━━━━━━━
🔹 د. فاروق كامل حسون
أخصائي التغذية العلاجية والعلاج الطبيعي
رئيس قسم العلاج الطبيعي - مستشفى السماد التخصصي
المدير الطبي لفرق الناشئين - نادي المنصورة

━━━━━━━━━━━━━━━━━━
📍 للمتابعة في العيادات وفروعنا بالمنصوره..
📲 و أيضا للمتابعة الأونلاين :
راسلنا على واتساب: 011 28395833

واتساب - 01128395833

22/11/2025

🛑 ليه أنت "جسمك واجعك" 24 ساعة؟ و سر الإرهاق والإجهاد اللي مفيش دكتور بيعرف يمسكه!

أنا عارف ومتاكد إن أغلبكم بيصحى الصبح حاسس إن جسمه واجعه ، وصاحي كأنه مضروب في خناقة وهو نايم. مفاصله بتوجع، مزاج وحش وسئ ، صداع بيجي ويروح، والبطن فيها "تقلبات وغازات و طبل بلدي" طول الوقت

تروح للدكتور يعملك تحاليل... يلاقي شوية حاجات عالية وشوية حاجات نازلة. يقولك "ده إجهاد" أو "دي أعصاب"، وتفضل تلف في دايرة مفرغة.

والحقيقة اللي لازم تعرفها: إحنا عايشين في موجة "تعب غريب" أصلها مش مرض، هي أصلها "الالتهاب العَرَضي".

تعالى نفهم الحكاية من الأول خالص، عشان دي فرصة تغير بيها حياتك.

الجزء الأول: فيه كام نوع{ إلتهاب} "ولعة" في الجسم؟

لازم نفرق بين نوعين من "الولعة" أو الالتهاب في جسمك:
١. ولعة "طبيعية ومباشرة" (دي اللي كلنا عارفينها):
دي بسيطة ومفهومة، زي لمبة الإنذار اللي بتنور لما فيه مشكلة حقيقية.
السبب: فيه عضو معين باظ أو تعب فجأة.
أمثلة بالبلدي: حصوة في المرارة، زايدة بتلتهب، خُراج، درس ملتهب، أو نزلة برد شديدة.
رد الفعل: الجسم كله بيتحرك عشان يحمي المكان ده.
الأعراض: سخونية، تكسير في العضم، خمول، مغص واضح، قيء.
النتيجة: أول ما بتعالج العضو ده (تشيل الحصوة، تاخد علاج للالتهاب)، الأعراض كلها بتطفي في ساعتها. دي ولعة معروفة أولها من آخرها.

٢. الولعة "الخبيثة" (الالتهاب العَرَضي):
ودي اللي مدمرة حياة أغلبنا حرفيا ومش فاهمينها.
السبب: هنا مفيش عضو "بايظ" لوحده. المشكلة كلها في "المدخلات الغلط" اللي إنت بتدخلها لجسمك يومياً.

يعني إيه مدخلات غلط؟ يعني نوعية أكلك، طريقة أكلك، عاداتك اليومية، والأدوية اللي بتاخدها بدون داعي.
رد الفعل: جسمك بيقولك: "أنا مش قادر أعيش في البيئة السيئه دي!". فيرد عليك بالتهاب "عام وشامل" في كل حتة.
النتيجة: الجسم بيفضل "ملتهب" طول الوقت... وأنت حاسس إنك مكركب، بس مفيش مرض واضح. دي اللي بتسمع فيها الجملة الشهيرة: "دي حاجة نفسية!".

الجزء الثاني: الأسباب اللي بتولّع جسمك... واحدة واحدة!

أربع حاجات بتخلي جسمك شغال على وضع "الحريق" طول اليوم:
١. الأكل السام (ده المحرك الأول والأساسي):
للأسف، أغلب الأكل اللي بناكله دلوقتي بيعامل كـ"سم" بيدخل الجسم. ركز معايا:
المدمّر الأول: زيوت القلي والسمن النباتي: الزيوت المهدرجة والمقليات الرخيصة دي وقود للالتهاب. بتدخل الجسم تشعلل فيه.
المدمّر الثاني: السكر والأبيض (السم الأبيض):
عيش أبيض كتير.
نشويات بيضا بكميات ضخمة.
السكر اللي في الشاي والقهوة والمشروبات الغازية.
دول بيعلّوا سكر الدم بسرعة جنونية، وده أخطر شيء بيولّع الجسم ويبوظ الهرمونات.
المدمّر الثالث: منتجات الألبان البقرية والجاموسي:
75% من الناس عندهم مشكلة في هضم بروتين "الكازين" اللي في الألبان دي.
بيعمل انتفاخ، غازات، قولون عصبي، وكمان بيزود الالتهابات في المفاصل والجلد.
الأكل الرخيص المهرمن: اللحوم والفراخ المتربية في مزارع ضيقة، والمحقونة بهرمونات ومواد حافظة عشان تكبر بسرعة. جسمك بيشوف دي "كيماويات" مش أكل.

٢. طريقة أكلك (مش بس إيه اللي بتاكله):
حتى لو بتاكل أكل صحي، لو طريقة أكلك غلط، الجسم هيولع:
التخمة والسرعة: تاكل لحد ما تتنفخ، أو تاكل بسرعة وأنت متنرفز. ده بيدخل كمية أكل ضخمة على جهاز هضمي مش مستعد.
الخلط العجيب: تاكل دهون (زيوت) مع سكريات مع نشويات في طبق واحد. دي "قنبلة" سكر ودهون بتتطلب من الجسم طاقة خارقة عشان يهضمها، فيزود الالتهاب.
مفيش راحة: تاكل طول اليوم كل ساعتين أو ثلاثة، ومبتديش لجهازك الهضمي فرصة يرتاح أو ينضف نفسه (الصيام).

٣. العادات اليومية القاتلة:
النوم المتقطع والسهر: النوم أهم دواء، لو نمت متأخر أو نومك متقطع، الجسم مابيعرفش يعمل صيانة لنفسه، فيفضل الالتهاب شغال.
القلق والتوتر: الاسترس والقلق الدائم بيطلع هرمون الكورتيزول اللي بيولّع الالتهاب.
الجفاف: مابتشربش مية كفاية طول اليوم. المية هي اللي بتطرد السموم، لو مفيش مية، السموم بتفضل في الجسم وتزود الولعة.
قلة الحركة: الرياضة أو حتى المشي 20 دقيقة بيقلل الالتهاب، قعدة البيت والكسل بتخلي الالتهاب يتراكم.

٤. الأدوية بدون داعي:
مسكنات كتير، مضادات حيوية على الفاضي والمليان، وكورتيزون بدون متابعة: الأدوية دي بتلخبط البكتيريا النافعة في الأمعاء، والأمعاء هي مصنع جهاز المناعة. لو الأمعاء باظت، جسمك كله بيولع بالالتهاب.

الجزء الثالث: إزاي بتعرف إنك "مولع"؟ (الأعراض الكارثية)
الالتهاب العرضي ده بيضرب كل أجزاء الجسم،
وبيظهر في شكل أعراض كتير ملهاش تفسير:
١. أعراض الألم والتعب العام:
وجع في المفاصل وضهرك ملوش سبب واضح.
صداع بيجي ويروح.
إرهاق وخمول فضيع حتى لو نمت 9 ساعات.
نغزات في الصدر أو ضيق نفس بدون سبب.
٢. أعراض الهضم والبطن:
ارتجاع مزمن وحموضة.
القولون العصبي اللي هو عبارة عن التهاب.
انتفاخات وغازات طول الوقت.
البطن دايماً فيها مغص متنقل.
٣. أعراض المظهر والهرمونات:
تساقط شعر مفاجئ وجفاف جلد.
لخبطة في الدورة الشهرية عند السيدات.
كسل في الغدة الدرقية.
زيادة وزن بدون سبب واضح (الجسم بيحبس مية عشان يطفي الولعة).
مناعة ضعيفة، وبتجيلك أدوار برد متكررة.
٤. الأخطر... ارتفاع التحاليل (مش مرض... ده تكيف!):
جسمك لما يلاقيك بتولّع فيه، بيحاول يتكيف معاك، فـ...
الـ سكر بيعلى.
الـ ضغط بيعلى.
الـ كوليسترول والدهون الثلاثية بتعلى.
مؤشرات الالتهاب (CRP و ESR) بتعلى.
إنزيمات الكبد بتتلخبط.

وتفتكر إنك "مريض سكر" أو "مريض ضغط"، والحقيقة إن جسمك بس بيحاول يعيش في بيئة "مولعة" بالمدخلات الغلط!

الجزء الرابع: الحل فين؟ إزاي نطفي الحريقة دي؟
إنت مش محتاج أدوية غريبة، إنت محتاج تغير المدخلات. دي خطوات بسيطة، بس نتيجتها "بتخوّف" من قوتها.
١. ابدأ "صيام الراحة" (أقوى دواء):
الصيام هو أحسن علاج للالتهاب على وش الأرض. لما بتبطل تأكل، بتبطل تضيف مشاكل، وبتدي فرصة للجسم ينضف.
صوم من 12 لـ 16 ساعة يومياً. يعني لو فطرت ٨ الصبح، تتعشى ٨ بليل، وبعد كده خلاص مفيش غير مية لحد تاني يوم الصبح.
٢. أكل "القيمات" (كميات بسيطة ونضيفة):
بطل تاكل لحد التخمة. الوجبات تبقى صغيرة وبسيطة.
ركز على: طبق بروتين (بيضة/قطعة لحمة/سمك)، خضار (سلطة/خضار مطبوخ)، ومعلقتين بس من النشويات النضيفة (أرز ، بطاطا).
وكل بين وجبة والتانية ٤ لـ ٥ ساعات راحة للمعدة.
٣. الـ 3 حاجات اللي لازم "تمحيها" من حياتك:
الـ 3 حاجات دول هما محركات الالتهاب الأساسية:
الزيوت المهدرجة والمقليات.
السكر والدقيق الأبيض والنشويات البيضاء.
منتجات الألبان البقرية والجاموسية (جرب تمنعها شهر وشوف الفرق في بطنك ومفاصلك).
٤. ابني "قلعة" صحية:
اشرب مية كويس جداً: على مدار اليوم كله.
اظبط نومك: نام قبل 12 بليل، ووقف الشاشات والموبايل قبل النوم بساعة.
تحرك: امش 20 دقيقة يومياً.
قلل التوتر: بأي شكل تعرفه (صلاة، تأمل، مشي في الهوا).
بطل تاخد أدوية بدون ما تكون محتاجها بجد.

♦️طيب ايه اللي هيحصل لو عملت كده "الأخبار الحلوة"
لما تبدأ تطبق الكلام ده، هتلاقي جسمك بيتغير بسرعة مرعبة:

بعد أسبوعين الانتفاخ راح، نومك اتظبط، الطاقة عليت وبطلت تنام بعد الأكل.
بعد شهر أوجاع الجسم خفت، معدتك ارتاحت، تساقط الشعر قل وبشرتك نورت.
بعد 3 شهور هرموناتك انتظمَت، التحاليل بدأت تتراجع، مزاجك بقى أهدى ووزنك أحسن.
بعد 6 شهور إنت حرفياً بقيت بني آدم تاني... نشاط وقوة وتركيز.

♦️ وصدقوني
أغلب التعب اللي إنت فيه مش سببه السن أو الأعصاب... سببه "الالتهاب العرضي بسبب مدخلات غلط". ادي جسمك فرصة ينضف ويرتاح، وشوف الفرق بعينك.

سؤال للكل: لو قررت تبدأ خطوة واحدة بس من دي... هتكون إيه؟ شاركنا عشان الكل يتشجع

💥 في فرصة كمان تتابع أونلاين معانا بخصم خاص
لفترة محدودة.. التفاصيل في أول تعليق. 👇👇

------

🔹 د. فاروق كامل حسون
أخصائي التغذية العلاجية والعلاج الطبيعي
رئيس قسم العلاج الطبيعي - مستشفى السماد التخصصي
المدير الطبي لفرق الناشئين - نادي المنصورة

-----
📍 للمتابعة في العيادات وفروعنا بالمنصوره..
📲 و أيضا للمتابعة الأونلاين :
راسلنا على واتساب: 011 28395833

واتساب - 01128395833

20/11/2025

🚩 نداء لكل سيده بتعاني : الإجهاد المزمن (البيرن آوت) مش هزار… هشرحلك اللي بيحصل لجسمك بالملِّي

رسالة لكل بنت وست بتحاول تبقى "سوبر وومن" بالعافية.

تعالي نفهم الحكاية من أولها…
لما تصحي من النوم تحسي كإنك مضروبة وجسمك كله واجعك ، دماغك تقيلة، ظهرك واجعك، ومش شايلك…
تأكدي إن ده مش كسل ولا دلع. ده إنذار.

لما تكوني بتمْشي يومك بالعافية ومفيش طاقه ، بتدي للي حواليكي كل طاقتك لحد ما بقيتي زي بطارية موبايل "0%".

بتزعلي من أقل كلمة، وبتنفجري من أي موقف… وبتبصي في المراية تلاقي نفسك مش أنتِ: وشّك باهت، شعرك بينزل كتل، ومالكيش نفس لحاجة كنتي بتحبيها.

ده اسمه: الإجهاد المزمن (Chronic Stress) أو "البيرن آوت"

🚩 تعالوا نشرح الحاله دي بالتفصيل

١. ايه اللي بيحصل ف مخك: حالة الطوارئ اللي شغاله و مبتخلصش خالص ٢٤ ساعه

انتي جسمك عنده نظام حماية اسمه "محور الـ HPA". ببساطة: هو خط الاتصال بين مخك والغدد فوق الكلوية (الغدة الكظرية)... وماعلينا من شرح ده مش موضوعكم

لما الضغط يزيد(شغل، مسئوليات بيت، مشاكل مبتخلصش)

المخ بيفتكر إن فيه "أسد بيطاردك" طول الوقت.
بيبعت إشارة للغدة الكظرية: "اطلقي العنان للكورتيزول!"

الكورتيزول (هرمون التوتر): ده بطل الطوارئ. وظيفته يخليكي جاهزة للجري .. فيعمل ايه بقي :
يرفع سكر الدم: عشان العضلات تلاقي طاقة تجري بسرعة.
يرفع ضربات القلب وضغط الدم: عشان الدم يوصل للأطراف بسرعة.
يقفل وظائف الرفاهية: زي الهضم والمناعة والحرق (لأنك مش هتحتاجي تهضمي وأنتِ بتجري من الأسد!).

المشكلة فين؟؟
الأسد (الضغط) مبيختفيش. بيفضل الكورتيزول عالي بشكل مزمن. الجسم بيتخنّق وبيوصل لمرحلة إن الغدة الكظرية بتتعب من (الاستنزاف).
النتيجة الكارثية للكورتيزول العالي/المتذبذب: النوم بيبوظ: تصحي تعبانة حتى لو نمتي ٨ ساعات. (الكورتيزول المفروض يقل بالليل، عندك بيفضل صاحي). السكر بيتجنن: حتى لو عاملة دايت، جسمك بيقاوم الحرق، سكرك بيعلى، وبتبقي معرضة لمقاومة الأنسولين. المناعة بتضعف: بتلقطي أي دور برد أو بتجيلك التهابات متكررة.

٢. مراحل استنزاف الجسم: من القوة للانهيار
الإجهاد ده مش بيجي فجأة، بيمر بثلاث مراحل مدمرة:

أ. مرحلة البداية (الشحن الزيادة):
بتحسي بطاقة زيادة مؤقتة، ممكن تنجزي فيها كتير. بس بتبدأي تتعصبي بسرعة، نومك يتقطع شوية، وبتشربي قهوة زيادة عن اللزوم.

ب. مرحلة المقاومة (شدّ الحبل):
الجسم بيحاول يقاوم. بتبدأي تحسي بتعب طول اليوم، مش بتخسي بسهولة مهما عملتي دايت، بطنك بتتعبك (غازات، قولون)، صداع خفيف أو تشنجات بتظهر. هنا جسمك بيقول: "أنا تعبت بس مكمل بالعافية".

ج. مرحلة الانهيار (البيرن آوت الكامل):
هنا بيحصل إطفاء عام للنظام.
ضبابية الدماغ (Brain Fog): مش عارفة تركزي، الذاكرة ضعيفة، نسيان سريع، بتتصعبي تاخدي قرارات تافهة.
فقدان الدافع: مفيش نفس تعملي أي حاجة كنتِ بتحبيها.
الأعراض بتزيد: تساقط شعر رهيب، اضطراب كامل في الدورة الشهرية، بتصحي أسوأ مما نمتي.

٣. العلامات التفصيلية: اللي لازم متستهونيش بيها!
دي العلامات اللي بتقولك إنك وصلتي لمرحلة الخطر ولازم تتوقفي فوراً: (ترجمة صرخة الجسم)

🔸النوم : تصحي من النوم كأنكِ منمتيش خالص. نوم متقطع، أو بتصحي فجأة الساعة ٣ الفجر ومش عارفة تنامي تاني.
🔹الأيض والحرق: جسمك بيقاوم الدايت بشدة. عايزة سكريات وكافيين طول الوقت. الوزن بيزيد في منطقة البطن (دهون الكورتيزول).
🔸الهضم : قولون عصبي مزمن، انتفاخ وغازات مستمرة، إمساك أو إسهال مش بيتعالج بسهولة. سوء امتصاص لـ الفيتامينات.
🔹المزاج والعقل: عصبية مفرطة على أتفه الأسباب. حزن أو قلق مفاجئ. فقدان الأمل في حاجات بسيطة. رغبة في العزلة والهروب.
🔸البشرة والشعر : تساقط شعر غير عادي، بشرة باهتة ومجهدة، ظهور حبوب مفاجئ أو بقع غريبة.
🔹الدورة الشهرية : تأخر، أو آلام عنيفة جدًا، أو نزولها خفيفة جدًا (لأن الجسم بيوقف إنتاج هرمونات "الرفاهية").

٤. خطة التعافي الأسطورية: "خطه الأمان أولاً"

التعافي مش محتاج حبوب ولا أدوية، محتاج تغيير نظام حياة كامل مبني على مبدأ: "جسمك لازم يحس بالأمان عشان يبدأ يرمم نفسه."

▪️الخطوة الأولى: إعادة برمجة المخ (تكسير حلقة التوتر)
النوم العلاجي (أهم خطوة):
لازم تنامي قبل الساعة ١١ أو ١٢ بالليل بكتير. ده الوقت اللي فيه الجسم بيفرز هرمونات الترميم والتنظيف.
اعملي روتين هادي قبل النوم (ممنوع موبايلات وسوشيال ميديا).
تمارين التنفس العميق (مفتاح الهدوء):
خمس دقايق بس في اليوم لتنشيط الجهاز العصبي المهدئ (Parasympathetic). الشهيق والزفير ببطء (٤ ثواني شهيق، ٦ ثواني زفير).

إدارة الحدود الاجتماعية (اللا النافعة):
التعلم الواعي لقول "لأ" للمهام أو الأشخاص اللي بتستنزف طاقتك بدون داعي. حماية وقتك وطاقتك مسئوليتك.

▪️الخطوة الثانية: التغذية كعلاج (الأكل الحقيقي)
بروتين كويس في كل وجبة: (بيض، سمك، لحمة، بقوليات) عشان يبني العضلات والخلايا التالفة.
دهون صحية (أوميجا 3): مهمة جدًا لدعم المخ وتقليل الالتهاب (سمك، مكسرات، زيت زيتون).
خضار ورقي كتير: فيه مغنيسيوم وفيتامينات B اللي بتدعم الغدة الكظرية.
الماء والترطيب: ضروري جدًا، الجفاف بيزود التوتر على الجسم.

▪️الخطوة الثالثة: حركة الشفاء لا الإجهاد
بلاش رياضة عنيفة (HIIT أو جري سريع) في مرحلة الإنهاك. دي بتزود الكورتيزول أكتر.
ركزي على: المشي الهادي في الطبيعة، اليوغا اللطيفة، أو تمارين الإطالة. (الهدف: تحريك الدم بدون إجهاد القلب).

⚠️ تحذير هااام
متشخصيش نفسك بنفسك: الأعراض دي ممكن تكون لأسباب تانية (أنيميا حادة، خمول غدة درقية). لازم تعملي تحاليل بسيطة (فيتامين د، B12، صورة دم كاملة) عشان تكوني في أمان.

التكمله مش الحل:المكملات(زي الماغنيسيوم وفيتامينات ب) بتساعد، بس عمرها ما هتشتغل لو أنتِ مابتناميش كويس أو عايشة تحت ضغط ٢٤ ساعة.

خلاصه كلامي وكلمتين من قلبي:
الراحة مش كسل… الراحة هي شفاء. أنتِ مش محتاجة تبقي سوبر وومن، أنتِ محتاجة تبقي بخير. أدي لجسمك الأمان، وهو هيرجعلك الطاقة والجمال اللي بتدوري عليه.

دورك دلوقتي: تبطلي العند مع جسمك وتسمعي نداءه الصامت.

🚩 مشوار التعافي معانا ممكن ياخد وقت
(من شهرين لستة شهور حسب درجة الانهيار)،
بس النتائج تستاهل وهتغيّر حياتك بالكامل:

الطاقة بترجع تدريجياً: بتصحي مرتاحة، مفيش
"تعب أول الصبح" ده. بتقضي يومك بهدوء وطاقة ثابتة.
التركيز بيعود: ضبابية الدماغ بتختفي، بتقدرى تاخدي قرارات وتنجزي مهامك بكفاءة أعلى.

الجسم بيتجاوب: جسمك بيبطل يقاوم الدايت، الحرق بيرجع لطبيعته، والوزن الزيادة اللي سببه الكورتيزول بيبدأ ينزل.
الجمال بيعود: الشعر بيقل تساقطه، البشرة بتنور، وده نتيجة إن الجسم دلوقتي بيوجه الفيتامينات والدم للترميم والجمال مش للطوارئ.

▪️رسالتي الأخيرة: أنتِ تستاهلي الصحة والراحة.
ابدأي الخطوة الأولى وهي إنك تسمعي صوت جسمك وتديله الأمان اللي محتاجه.

▪️بعد ما قرأتي البوست… إيه أول حاجة هتغيريها في روتينك النهاردة عشان تدّي راحة لجسمك؟؟

💥 في فرصة كمان تتابع أونلاين معانا بخصم خاص
لفترة محدودة.. التفاصيل في أول تعليق. 👇👇

------

🔹 د. فاروق كامل حسون
أخصائي التغذية العلاجية والعلاج الطبيعي
رئيس قسم العلاج الطبيعي - مستشفى السماد التخصصي
المدير الطبي لفرق الناشئين - نادي المنصورة

-----
📍 للمتابعة في العيادات وفروعنا بالمنصوره..
📲 و أيضا للمتابعة الأونلاين :
راسلنا على واتساب: 011 28395833

واتساب - 01128395833

Address

Mansoura

Opening Hours

Tuesday 5pm - 10pm
Thursday 5pm - 10pm
Friday 5pm - 10pm
Sunday 5pm - 10pm

Website

Alerts

Be the first to know and let us send you an email when Dr Farouk Kamel Hassoun posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category