https://www.facebook.com/106281867415420/

Dr Osama Elsheref, hagras, Mansoura (2025)

17/09/2025

النهاردة كان اخر يوم في التدريب الخاص ببرنامج نظم التغذية بجامعه المنصورة
سعيد جدا بالمستوي الي الطللب وصلوا ليه ❤️

15/09/2025

مبسوط جدا اني كنت جزء من نجاح الموتمر العظيم في قسم الفسيولوجيا الطبية
شاركنا مع القسم بمحاضرة و workshop خلصه بتغذية الرياضيين
و الفترة الجاية ان شاءالله في تعاون كبير بين و بين كلية الطب جامعة المنصورة

12/09/2025

Diabesity 4 What an wonderful day 🤍🤍🤍

10/09/2025

من ١٣ سنه كنت في نفس المكام دا كطالب
قسم الفسيولوجيا الطبية في كليه الطب جامعة المنصورة
شعور جميل رهيب انك ترجعه تاني بس كمحاضر
اتبسطت جدا بمشاركتي workshop advanced sports nutrition

05/09/2025

Wegovy semaglutide 2.4 pre lunching event

28/08/2025

شرف ليا اني اشارك ك speaker في الموتمر الحادي عشر لقسم الفسيولوجي الطبية في بيتي كلية طب جامعه المنصورة وسط نخبة من أساتذتي الافاضل

27/08/2025

رحلتك لبداية المجال الطبي لو ‎أنت طالب طب ولسه بتبدأ مشوارك أو حتى مهتم بمجال الصحة وبتهوى الاكتشافات الجديدة
، إلحق الفرصة دي!‎
فعندنا لك Event جامد اسمه MedXplore، هيبسط لك الدنيا وهيساعدك تتعامل مع ضغط الدراسة.‎

إحنا مجهزين لك حاجات مختلفة :
✅ شرح أهم المصطلحات الطبية بطريقة سهلة وبتشجع الأسئلة
✅ أسرار المذاكرة الصح لتنظيم وقتك وتحقق النجاح مش بس في الامتحانات!
✅ نصائح من قلب الجامعة عشان تتعامل مع ضغط اليوم وتعيش حياتك
✅ هتتعلم خطوة بخطوة المهارات اللي هتحتاجها في أول خطواتك الطبية‎الفعالية دي عاملة زي الصحبة الحلوة والمذاكرة اللي تشجع وتساعد كل واحد فيكم.‎

هتخرج منها فاهم، مبسوط، وعندك شوية أسرار تخليك مميز بين زمايلك!‎
احجز مكانك دلوقتي، وسيب لنا مهمة فتح أبواب عالم الطب ليك…‎ومين عارف؟ يمكن تلاقي شغف جديد أو صحاب جداد أو حتى فكرة تغير حياتك كلها!

21/08/2025

قصة من العيادة: إزاي البروبايوتك غيّر حياة بشمهندس أحمد!

بشمهندس أحمد جالي العيادة وهو محبط جدًا... لف على كل دكاترة الجهاز الهضمي تقريبًا، وعمل أشعة وتحاليل كتير، حتى عمل تحليل Fibroscan علشان يتأكد إن كبده الدهني مش السبب في وجع بطنه المستمر وتحليل CRP دايمًا عالي. جرب أدوية كتير… والبطن لسه بتوجعه.
سألته عن أكله وعاداته اليومية وبدأنا نحلل طريقة أكله، وقررنا نجرب نظام أكل مدعّم بالبروبايوتك (Probiotic-enriched food system).

المفاجأة؟
بعد فترة قصيرة، قابلني وهو مبتسم لأول مرة من سنين وقال:
"أنا أول مرة من 10 سنين أحس إن بطني مرتاحة..!"

# # # إيه هي البروبايوتك، وليه مهمة في الدايت؟

- **البروبايوتك** هي عبارة عن “بكتيريا نافعة” بتعيش بطبيعتها في أمعائك.
- بتساعد على توازن البكتيريا في الجهاز الهضمي، وده بيأثر على الهضم، امتصاص الأكل، صحة المناعة، وحتى في تقليل الالتهاب في الجسم.
- البروبايوتك موجودة في أكلات زي الزبادي، اللبن الرايب، المخللات الطبيعية، أو ممكن تتاخد كمكملات.

# # # ليه البروبايوتك ممكن تفرق مع ناس زي أحمد؟

- بتقلل من الالتهابات المزمنة اللي ممكن ترفع تحليل CRP.
- بتحسن الهضم وتقلل من مشاكل الانتفاخ وآلام البطن.
- بتساعد في تنظيم حركة الأمعاء وتحسين امتصاص العناصر الغذائية.
- ليها دور في دعم صحة الكبد خاصة مع مرض الكبد الدهني.

لو عندك مشاكل في الجهاز الهضمي أو بتحس دايمًا إن مناعتك ضعيفة أو فيه التهابات مزمنة، جرب تدخل أكل غني بالبروبايوتك في نظامك. وساعتها هتعرف يعني إيه تحس براحة في بطنك حتى لو حاجات كتير جربتها قبل كده وماجابتش نتيجة!

ِّش

20/08/2025

قصة من العيادة: ليه التوعية الذاتية في السكر فرقت مع مريضتي؟

يوم عادي من ايام العياده دخلت لي ام في اوائل التلاتينات و بنتها نفس اسمها فانا مكنتش عارف مين الي جاي يكشف المهم
الحاله مكتوب قدامي انها مريضه سكر فا ابتسمت ليها كالعاده و قولت للصغنونه ازيك عامله أي ، البنت كانت خايفه جدا و سبب الخوف دا ان دكتور غدد كبير هي بتتابع معاه من يوم ما اتشخصت كل وقت الكشف بيهزق فيها هي و مامتها انهم مهملين و كل مره يرفع ليها جرعات الأنسولين اكتر كل شوية يدخل في سكرها هبوط أو ارتفاع من غير سبب واضح! لما قعدت أسمع منها، اكتشفت إنها مش قادرة تفهم أصلاً إمتى تاكل وممكن تاكل إيه، أو لو حسّت بدوخة أو جوع تتصرف ازاي، وكمان كانت مش عارفة الجرعة تتغير إمتى ولماذا.
هنا أنا كدكتور قلب وأخصائي تغذية، فهمت إن المشكلة مش في العلاج نفسه، المشكلة في إن المريضة وأهلها مش متعلمين ازاي يتعاملوا السكر يوميًا، وده بالظبط اللي اسمه التوعية الذاتية لإدارة السكر DSMES.
يعني إيه DSMES؟
"Diabetes Self-Management Education and Support" أو "التوعية والدعم الذاتي لإدارة السكر" عبارة عن برنامج أو مجموعة جلسات بنعملها مع المريض وأسرته، علشان يتعلموا إزاي يسيطروا على السكر في حياتهم العادية. الكلام هنا مش عن الطب أو الأدوية بس، لكن عن:
إمتى تاكل وإيه الأنسب تاكله في كل وجبة.
إزاي وامتى تقيس السكر، وإيه معنى الأرقام.
إمتى تعدل جرعة الإنسولين لو لعبت رياضة أو لو الأكل اختلف.
تعمل إيه لو السكر هبط أو ارتفع فجأة.
نصايح للحياة اليومية عشان تتجنب المضاعفات.
ليه التوعية دي مهمة؟
بتخلي المريض نفسه قائد لإدارته لمرضه، مش بس بياخد دوا وخلاص.
بتقلل المشاكل اللي ممكن تحصل زي الهبوط أو الارتفاع أو حتى دخول المستشفى.
بتحسن نفسية المريض لأنه بيحس إنه فاهم وسيد قراره مش متخبط.
بتخلي التعاون بين الطبيب والمريض أسهل وأكتر فعالية.
حصل إيه بعد ما بدأت أطبق DSMES مع البنت دي؟
سكرها بدأ يبقى منتظم أكتر، والمشاكل قلت بنسبة ملحوظة.
اتعلمت هي ومامتها يتصرفوا في كل موقف، وبدأوا يسألوا أسئلة ذكية بدل ما يبقوا قلقانين وخايفين.
نفسيّتها بقت أحسن، وبدأت تشارك بشكل حقيقي في متابعة نفسها.
رسالتي ليك (سواء مريض أو حد من أهلك عنده سكر نوع أول):
متستسلمش لفكرة "أنا معرفش" أو "السكر ده معقد"، اسأل دكتورك عن برامج التوعية الذاتية وادخل أي جلسة تعليمية تتوفرلك، واعمل حسابك إن أكبر جزء من تحكمك في السكر في إيدك إنت.

20/08/2025

السهل الممتنع في شرح التغذيه مع

19/08/2025

شبهي بنسبه كام في الميه 😂

17/08/2025

الحمد لله النهاردة كان اخر يوم في التدريب الميداني علي التغذية العلاجية بالتعاون مع جامعه المنصورة ، تدريب بشهادة معتمدة من جامعه المنصورة ( قابلة للتوثيق من لخارجية ) و شهادة معتمدة من سيركلز اكاديمي
التدريب شمل
التعامل مع الحالات
* مهارات التاريخ الطبي
* قراءة التحاليل الطبية
* قراءة و التعامل مع انواع الانبادي
* التعامل مع قياسات الجسم
* حساب السعرات بمختلف الطرق
* دراسة قائمة البدايل
* عمل خطط تغذية باكتر من طريق
* عمل داش دايت
* التغذية الوريدية و التدخليه entral and parental nutrition
* تدريب علي تركيب الانبوبة التغوية
* تدريب علي قياس الضغط والسكر
بالمناسبة دي خصم ٢٠ فالميه علي اول ١٠ مشتركين في الدفعه الجديدة من التدريب كومنت بكلمه خصم و هبعت لك الخصم

Dr Osama Elsheref

17/09/2025

15/09/2025

12/09/2025

10/09/2025

05/09/2025

28/08/2025

27/08/2025

21/08/2025

20/08/2025

20/08/2025

19/08/2025

17/08/2025

Address

Website

Alerts

Shortcuts

Share

Category