وحدة جراحة القلب - مستشفى الأطفال - جامعة المنصورة

24/10/2021

بطلة 💪💪انهاردة من السنبلاوين الصغيرة بسمة👧عمرها شهرين مولودة بعيب خلقى بالقلب اسمه الجزع الشريانى Truncus Arteriosis وده من أخطر 😲 امراض القلب لان الشريان الرئوي والشريان الاورطى خارج من نفس الجزع بس الحمد لله 🤗 بسمة👧 عملت إصلاح كلى وحالتها زى الفل😍😍وخرجت كمان من المستشفى انهاردة بالسلامه😄😄

17/10/2021

بطلتنا النهارده💪العسوله فيروز👱‍♀️كانت بتعاني من تبادل ف الشرايين الرئيسيه ف القلب ودي من اخطر العيوب الخلقيه ف القلب😳
بفضل الله🤲🤲تم اجراء عمليه اصلاح كلي للشرايين "مع العلم ان وحدة جراحة القلب بمستشفى الاطفال الجامعي بالمنصورة من اكبر مركزين بيتم فيهم هذا النوع من العمليات على مستوى الجمهورية 💪
فيروز خرجت بالسلامه😍😍

05/10/2021

بفضل الله وبفضل دعواتكم👐👐 تم إجراء عملية إصلاح كلى لرباعى فالوت🫀 للطفلة/مكة👩 بواسطة فريقنا المتميز بوحدة جراحة القلب

18/09/2021

البطلة الجميلة / مكة 👧
- مولودة بعيب خلقى معقد بالقلب (ضمور بالقوس الأورطى)😔 عملت إصلاح كامل للعيب ده خلال أيام من عمرها، ولكن للأسف العيب الخلقى ده ممكن يسبب ضيق فى مخرج البطين الأيسر وضيق شديد فى الصمام الأورطى😲 وبالفعل حصل لمكة ضيق فى البطين الأيسر ودخلت العمليات لتوسيع الضيق ده😓، بعدها خرجت مكة فى أتم صحة وبعد حوالى ٣ سنين حصل ضيق فى الصمام الأورطى🤦‍♀️ واضطرت مكة تدخل للمرة الثالثة العمليات لعمل ( روس Ross) وهو عبارة عن زرع الصمام الرئوية مكان الصمام الاورطى وزرع صمام حيوانى مكان الصمام الرئوى.
- حمدلله على سلامة مكة خرجت إمبارح لبيتها بفضل الله فى أتم صحة.💪🥳
- العمليات دى من أصعب العمليات اللى بتعمل فى مصر وبيتم إجرائها فى مكانين منهم إحنا بفضل الله 💪🫀

30/08/2021

الطفلة /جنى كان عندها ارتجاع شديد فى الصمام الأورطى بتاعها و اللى كان ثنائى الشرفات مش ثلاثى زى الطبيعى و ده كان عاملها دايما ضعف فى القلب و مجهودها قليل و مش عارفة تستمتع بطفولتها زى بقيت الاطفال 😥

وبفضل لله 🙏تم إجراء عملية تصليح للصمام فى وحدة جراحة القلب فى مستشفى الاطفال الجامعى و ده افضل بكتير من استبداله بصمام صناعى و اللى معاه لازما الطفل يمشى على ادويه سيولة للدم طول العمر 😥 .. لكن مع التصليح الطفل مش بيحتاج للادوية دى و بيحافظ على الصمام الطبيعى بتاعه 😀

حمد الله بالسلامة يا جنى 🎉

08/08/2021

03/08/2021

بفضل لله تعالى
تم إجراء إصلاح إختناق فى الشريان الأورطى للطفلة/ منه عمرها شهرين وقد تماثلت للشفاء وبصحة جيدة

06/07/2021

الجميله ايلين اتولدت بعيب خلقي نادر ومعقد (ضمور بالبطين الايسر وضمور بالقوس الاورطي وثقب اذيني بطيني كامل) 😥

بفضل الله وبفضل دعواتكم ايلين عملت العمليه ورجعت بيتها مع اهلها بالسلامة 🥰

24/06/2021

الحمد لله على سلامة الطفلة/ هنا من محافظة الغربية والتى ولدت بعيب خلقى معقد بالقلب " جزع شريانى أوحد " و بغضل الله و دعواتكم تم إجراء إصلاح كلى للقلب و عودتها سالمة مع الأسرة.

27/03/2021

- أنشئت وحدة جراحة القلب بمستشفى الأطفال - جامعة المنصورة منذ أكثر من ١٥ عاما ومنذ إنشائها وهى تقوم على خدمة الأطفال الذين يعانون من عيوب خلقية بالقلب.
- بدأت جراحات القلب المغلق في أوائل العام ٢٠٠٦ و التى تلاها بعام بدأ برنامج القلب المفتوح بالوحدة لإصلاح مختلف العيوب الخلقية بالقلب في الأطفال و حديثي الولادة
- تتميز وحدة جراحة القلب بمستشفى الأطفال جامعة المنصورة بإجراء العمليات النوعية و المعقدة لمختلف الأعمار و الأوزان و منها ما يتم اجراءه حصرياً فى جامعة المنصورة.
- تهدف رسالة الوحدة إلى تقديم الرعاية الطبية الكاملة لكل مرضى عيوب القلب الخلقية وأمراض القلب في الأطفال من جميع محافظات مصر و دول الشرق الأوسط
- يقوم بتقديم الخدمة الطبية فريق متكامل من أطباء جراحة قلب الأطفال الحاصلين على تدريب عالى المستوى فى أكبر المراكز الطبية بالولايات المتحدة الأمريكية مع مجموعة متميزة من أطباء التخدير و العناية المركزة و يحيط الأطفال بالرعاية الفائقة فريق من التمريض عالى الكفاءة بمساعدة السكرتارية الطبية و الإدارية و العاملين بالوحدة.