https://www.facebook.com/109850032203498/

Dr.Yasmin mohamed-Physiotherapist, العريض مركز بلقاس الدقهليه, Mansoura (2025)

09/09/2023

🔴موضوع النهارده عن ال carpal tunnel syndrome او اختناق عصب اليد

💥 هنعرفو الاول :-

⬅️خلينا نعرف انو منطقه الساعد بيمر فيها 3 اعصاب ال
1️⃣Median nerve

2️⃣Ulnar nerve

3️⃣Radial nerve

ومعظم المشاكل الي بتحصل هنا بتبقي نتيجه انضغاط او اختناق ال median nerve ف بيبدا يحصل تورم في المنطقه دي وكميه السوائل بتبدأ تذيد ف بالتالي المساحه الي بيعدي منها العصب بتبدأ تقل ف بيختنق في المنطقه الموضحه في الصوره الي تحت وميعرفش يوصل للصوابع اللي بيغذيها اللي هما ال
1️⃣Thumb

2️⃣Index

3️⃣Middle
4️⃣ونص ال ring

ف الشخص دا هيبتدي يحس بتنميل وخدلان
ومع مرور الوقت هيبتدي يحصل وهن وweakness في المنطقه دي وخاصه لما يجي يمسك معلقه او يسخدم ايدو عاما هيلاقيها ضعيفه مش هيقدر يحركها بشكل مناسب والقوه البدنيه بتاعه ايدو بتبدأ تقل بمرور الوقت ومع ذياده اختناق العصب دا هيبدا يحصل wasting في ال muscles يعني ضعف الكتله العضليه في منطقه ال thenar area ال هي بين الابهام والصابع الي جمبو والقوه فيها بتقل.

⬅️ودا لينك يوضح اكتر

https://youtu.be/z-SeJh5-nOo?feature=shared

________________________________________________________________________

💥هنشخص عن طريق اي ؟

اول حاجه
1️⃣E.M.G

الي هو رسم العصب والعضلات. وهو اللي بيعرفني اذا كان فيه مشكله في المكان دا ولا لا هل العصب شغال كويس ولا في اختلال في النشاط العصبي

⬅️وفيه test تقدر تعملو لنفسك في البيت زي ال
2️⃣Phalen's test
ودا لينك ال test
https://youtu.be/rQJNrkq7tIs?feature=shared

وبنثبت عل الوضع دا لمده دقيقه كامله لو بدات تحس بتنميل وتخدير في الصوابع الي قولنا عليها فوق اذا يبقي عندك مشكله ولو محستش ب اي اعراض يبقي انت سليم معندكش اي مشكله

________________________________________________________________________

💥طب هنتكلم الوقتي عن الاسباب؟؟

1️⃣ الوراثه ودا عامل مهم في الموضوع ودا عن طريق انو فيه بعض الناس النفق نفسو عندهم بيكون ضيق شويه عن الطبيعي ف بالتالي الضيق دا هيزنق عل العصب لوحده اصلا

2️⃣ استخدام الايد كتير عل فترات زمنيه طويله
repetitive use of the hand
ف العضلات عندي هتشتغل ولما تستغل كتير هيحصل ورم في الاوتار بتاعتي فيبتدي يزنق العصب
3️⃣ الRhomatoid arthritis

4️⃣ال DM

________________________________________________________________________

💥 بالنسبه للعلاج:-

🔴 ف لازم ناخود بالنا من نقطه مهمه جدا ان المرض من طبعو اصلا بيسوء وبيذيد عل مدار الوقت ف لازم اول م تحس انو في مشكله تروح للدكتور عشان يبدأ يقيمك هل هتحتاج جراحه ولا مش هتحتاج هنشوف هنتحرك في انهي اتجاه

________________________________________________________________________

💥هنتكلم عن ال non - surgical treatment :-

1️⃣هيلبس جبيره وهو نايم عل مدار اليوم عشان تمنع الحركه الموجوده في معصم ايدك ف بكده انت بتحمي المفصل من الحركه ف بالتالي بتقلل الحركه في العضلات وبالتالي لو فيه ورم هيقل

2️⃣الادويه المضاده للالتهاب وممكن نحقن كورتيزون بس دا طبعا بيكون فتره مؤقته

3️⃣ ودا الاهم ال exercises 🥰

________________________________________________________________________

💥ال exercises :-

⬅️ اول حاجه بنعنل تمارين تحريك للعصب اللي هو Nerve Glide اني بحرك العصب ذات نفسو وهحط لينك هنا للطريقه
https://youtu.be/P2l9ojIX-Io?feature=shared

⬅️ تمارين الاستطاله وهحط صوره لبعض ال تمارين تحت ودا بعملو ٣٠ ثانيه يعني بثبت المده دي وبعدين اريح دقيقه وارجع اعملو تاني عل مدار من ٣ ل٤ مرات

وطبعا الغرض من التمارين دي اني اقلل الورم وابدا احرك العصب نفسه وبس كده

21/08/2023

🔴تعالو أكلمكو شويه عن ال leg length discrepancy
ودي بتتقسم لنوعين :-

1⃣ النوع الأول بيكون المشكلة في الbones يعني هنلاقي عضمه اصغر من التانيه وليها طبعا قياسات بنحدد بناءا عليها الdefect وكمان ال site فين بالظبط انهي bone

2⃣ النوع الثاني هو بيكون سببه muscle imbalance واكتر مثال مشهور عل النوع دا هو ال shortening of quadratus lumborum

________________________________________________________________________

💥مثال علي النوع التاني اللي هو سببه muscle imbalance هيكون عضلة ال quadratus lumborum لازم نعرف أن العضلة دي مهمة وليها functions كتير بس اهم حاجه أنها بتحافظ عل أن الحوض ميحصلش فيه drop علي الرجل اللي متعلقة في ال swing phase بينما الرجل التانية لامسه الأرض في ال stance phase

_______________________________________________________________________

🔴طبعا واحنا بنعمل ال ADL بتاعتنا وبالذات الgait أو الwalking بيحصل shift بين الرجل اليمين والشمال يعني واحده تبقي في ال stance phase في نفس اللحظة الرجل التانية في ال swing phase وهكذا يحصل تبادل بين الرجلين أثناء المشي ، فلو عندي مشكلة في ال hip أو حتي ضعف في عضلات الhip فبالتالي دا هيحط load اكتر علي الquadratus lumborum علشان تمنع الpelvis يحصل ليه drop وبالتالي مع الوقت لو معالجتش المشكلة الأصلية سواء كانت ضعف عضلات الحوض او مشكلة في الحوض مع مرور الوقت هيحصل shortening of quadratus lumborum بيحصل hip hiking وبالتالي يحصل faulty leg length discrepancy

15/08/2023

💥هتكلم شويه عن ال frozen shoulder الي بنسميها تيبس او تجمد مفصل الكتف

⬅️⬅️ودي المشكله الي فيها ان المريض مش هيقدر يحط ايدو ورا ضهرو. و لا هيقدر يسرح شعرو ولا يحرك ايدو بصوره طبيعيه ودا مش بسبب الالم بس دا نتيجه انو الكتف تحسوه مكلبش كده مش قادر يحركو فيه تيبسات فيها اتكونت في المسافه ما بين عضمه الدراع اللي هي ال humerus والتجويف الي داخله فيها ف خلت حركه الكتف تبقي صعبه جدا وال range بتاعها قليل جدا

_______________________________________________________________________

💥والموضوع دا بيحصل بسبب انو فضل فتره محركش الكتف بتاعو سواء كان نتيجه

⬅️خبطه فيه

⬅️كان عامل عمليه فيه

⬅️او كان حاطط جبس

يعني اي حاجه خلتو ميحركش الكتف لفتره

________________________________________________________________________

💥وفيه شويه عوامل برضو بيساعدو ان المشكله دي تكون موجوده زي :-

⬅️السكر ودا بيساعد جدا عل وجود المشكله

⬅️ فيه مشكله في الغده الدرقيه

⬅️ سنك يكون فوق ال٤٠ سنه

________________________________________________________________________

💥ال treatment:-

⬅️وأول حاجه هنعملها هي كمادات الميا الدافيه لمده 7ل10 دقايق تفكلي الدنيا وبعدين بقا نبدأ التمارين بتاعتنا

________________________________________________________________________

💥ال Exercises :-

⬅️ ال pendulum exercise

ودا بحرك جسمي كلو مش دراعي بس جسمي كلو بيتحرك حركات دائريه وفي كل الاتجاهات والتمرين دا بعملو لمده 5 دقايق ودا حلو جدا وبيخفف الالم لانو بيحرك ال head بتاع ال humerus في حركات بتكسر من التيبسات دي

⬅️ التمرين التاني بستخدم فيها عصايه والاساس فيها اني بستخدم ايدي السليمه انها تحرك ايديا المصابه تمام يعني هرفع ب ايديا الاتنين الاول لقدام واعدل ضهري كويس وبعدين برفع ايدي الاتنين لحد م احس انو المصابه مش قادره ارفع بيها وبعدين أخلي السليمه هي الي تكمل الرفع وطبعا الرفعه لحد م احس انو الالم محتمل ميكونش شديد ويقف ثانيتين وبكرر الحركه دي 10مرات في 3 مجموعات

⬅️ في تمارين كمان بالعصايه هبعت صوره متجمع فيها كل التمارين عشان شكل التمرين يوضح ليكو اكتر وطبعا زي م قولنا فوق بنقف فوق ثانيتين وبنعمل 10 مرات في 3 مجموعات

⬅️فيه تمرين بالفوطه كمان هبعت لسه صوره توضح طريقه الماسكه وخلينا عارفين اننا بنشد ب أيدينا السليمه عشان نرفع المصابه ولازم نفضل نرفع لحد م الالم يكون محتمل واقف ثانيتين منزلش علطول واعمل التمرين دا 10 مرات في 3 مجموعات

⬅️ المريض هينام prone وفارد ايديه الاتنين ويحاول يرفع كتفيه الاتنين بحيث يقرب ويلزق لوحين كتفيه لبعض ويثبت عل الوضع دا ثانيتين وبعدين يريح ويفضل يكرر تاني

⬅️ اخر تمرين معانا بعد م نخلص كل اللي فوق هنعمل اول تمرين اللي هو ال pendulum exercise وهنعملو لمده 5 دقايق

⬅️و mobilization
ودا لينك ليه
https://youtube.com/shorts/1gHjLc3hcnA?feature=shared

________________________________________________________________________

💥 واخيراا بقا هنقول للمريض دا قبل م يمشي انو يجيب تلج ويحطو في فوطه لو قماشه ويلفو فيها ويحطو عل كتفو لمده 10 دقائق ودا هيساعد انو يقلل من التعب الي حاصل من التمارين الي عملها في الجلسه والالم عموما اللي موجود في الكتف بتاعو

________________________________________________________________________

💥كل التمارين دي هتتعمل مرتين في اليوم مره الصبح ومره ب الليل ما عدا التلج هيتعمل ٣ مرات في اليوم

________________________________________________________________________

💥وبس كده دي كانت الحاله ب اختصار وزي م قولتلكو هبعت صور توضح التمارين الي اتكلمت عنها فوق

$💥هتكلم عن اشهر fracture ممكن يحصل في ال wrist وهو ال colle's fracture🔴 وفي صوره اشعه تحت توضح ليكو مكان ال fracture ...$

14/08/2023

💥هتكلم عن اشهر fracture ممكن يحصل في ال wrist وهو ال colle's fracture

🔴 وفي صوره اشعه تحت توضح ليكو مكان ال fracture بالظبط

💥فهبدأ اتكلم بشكل مختصر عنو الوقتي:-

⬅️الاصابه بتكون بسبب انو الشخص وقع عل ايدو وهو في وضع ال wrist extension يعني ال trauma هتكون جايه من ال اanterior aspect فتقوم كسره العضمه ل distal fragment و proximal fragment و خلينا عارفين ودا الي بيميزو اصلا ان ال distal fragment هيبقي displacement backward وصوره رقم 1 هتوضح ليكو
اما ال proximal fragment هتكون attached ليها ال pronated Teres وال pronated quadratus وهبعت صوره رقم 2 هتوضح العضلات ف لما يحصل الكسر هيحصل pronation forearm ف عشان كده لما المريض ياجي لينا هياجي ب Dinner fork deformity وصوره رقم 3 هتوضح ليكو

________________________________________________________________________

💥مهممممم⬅️⬅️⬅️⬅️

⬅️المريض لو محركش ايدو بعد ال heeling هيحصلو stiffness

🔴وفي صوره هبعتها هتوضح ال exercise الي هنبدأ نعملها مع المريض دا 🖤

10/08/2023

هتكلم عن حالات ال Cp الي هي شلل الاطفال الدماغي :-

اول حاجه هنتكلم عن اعراض الحاله دي وأقول هي اي :-
وطبعا بتختلف من شخص ل التاني يعني ممكن تصيب الجسم كلو او جنب من الجنبين او طرف من الاطراف الاربعه
والاعراض دي بتظهر ل اما :-

1- في التطور بتاع الطفل

2-اما في الحركه

3-اما في الكلام والاكل

طب هنشوف الكلام دا 🥰

بالنسبه للحركه⬅️ احنا بنلاحظ تصلب في العضلات بيوصل لحاله spasticity وتشنج شديد جدا والجسم بيبقي متخشب زياده عن اللازم وال tone نتيجه ال spasticity الزايده بيكون زايد وممكن ال Tone يكون مرخي خالص حاله flaccid يعني الخلاص ل اما الجسم يكون مشدووود اووي ي اما مرخي اووي تمام
وبرضو ال reflexes او ردود الفعل ل انا تكون زايده اووي وعاليه ل اما قليله جدا بالاضافه برضو لتيبس وعدم تناسق في العضلات يعني مثلا لو جيت قولتلو. يعمل حركه معينه هتلاقيه بيجيب الحركه بشكل غلط وممكن اصلا ميجيبش الحركه اساسا وبرضو ممكن يحصل حركات لااراديه وبطيئه وانو بيفضل جنب من الجنبين عن الجنب التاني يعني لو عندو المشكله في الجزء اليمين هتلاقيه بيبدا يتعامل بالشمال

كل الي كنا بنتكلم فيه الوقتي بيخص الحركه
_

⬅️بالنسبه بقا ل الكلام الاكل:-

بصو الطبيعي انو الطفل لما بيبدأ بيبدا ينطق الحروف الصغيره زي مثلا حرف ال ب فهيبدأ يقول بابا ماما. وهكذا
الطفل الي عندو مشكله مش هيبقي عندو التطور دا اصلا
بالإضافة برضو لصعوبه في المضغ وسيلان للعاب ب استمرار
والطفل دا بيكون عندو تأخر في التطور الحركي بتاعو الطبيعي
_

ف اول م الام و الاب يحسو او يلاحظ عل طفلهم حاجه من الاعراض دي لازم لازم يتوجهو للدكتور مباشره
لان كل م لحقتي الطفل بسرعه كل م كان افضل

_

⬅️طب اي الأسباب :-

بيحصل بسبب تلف في خلايا المخ أو الدماغ

🛑تعالو نتكلم عن اول سبب اثناء الولاده

1- العدوه او ال infection الي بتحصل ل الام

2- الالتهابات الي بتحصل ل الام اثناء الولاده او اثناء فتره الحمل

3- السكاتات الدماغية يعني الطفل ذات نفسو حصلوا سكته دماغيه عن طريق انو موصلوش دم بشكل كويس للمخ لاي سبب من الأسباب مثلا اثناء الولاده والاطفال بيطلع اتزنق عل رقبتو بشكل معين ف الدم والأكسجين الي بيوصل للمخ موصلش بشكل كافي أو انقطع لفتره معينه ف هيبدا يعملي الموضوع دا
كدا كل دا ممكن يحصل اثناء الولاده

🛑طب لو الطفل اصلا خلاص اتولد طبيعي ولكن لقدر الله حصلو كدمه في الدماغ أو اتخبط في دماغو أو وقع من دور عالي ف ممكن يحصل كده في الدماغ ممكن توصلو ل cp

ودول الأسباب الي ممكن اشوفهم

_

⬅️طب اي ال Risk factor ؟؟

🛑 اول حاجه الحاجات الي بتخص الام

1- أنها متتعرضش لاي اشعه زي اشعه X-ray

2- اي نوع من الفيروس

3- التهابات داخل الرحم

🛑طب اي العوامل أثناء الولاده؟؟

1- انو الجنين ينزل وزنو قليل جدا

2- الولاده المبكره انو يتولد قبل معاده

3- او تعدد الاطفال يعني الام تكون في بطنها اكتر من طفل

🛑 طب فيه امراض بتصيب الاطفال ذات نفسهم

1- الالتهاب السحائي ودا بيجي للاطفال ودا الي بيكون ليه تطعيم لازم ياخدو

2- التهاب في الدماغ فيروسي

3- التهاب في المخ

4- نزيف في دماغ الطفل

5- صفرا شديده متعالجتش

دا كلو ال Risk factor بشكل مختصر

_____

⬅️نيجي بقا ل اي المضاعفات الي ممكن تشوفها عل مرضي ال cp :-

1- بنلاقي contructure او شد وصل ل قصر طبيعي في العضلات
يعني الاطفال دي لو متعالجتش جسمها كلو هيبقي فيه contructure

2- سوء في التغذيه الطفل بيكون رفيع زياده عن اللازم واحنا طبعا قولنا فوق انو هيكون عندو مشكله في المضعدغ والبلع ف بالتالي. هيبقي عندو مشكله في انو ياكول كويس

3- هيعاني من مشاكل صحيه نفسيه زي الاكتأب والعزعله الاجتماعيه

4- امراض في القلب والرئه وهشاشه في العظام

يبقي كل دا مضاعفات هتحصل لو متعالجتش الطفل

_____

الحاجات الي لازم الام تحمي نفسها بيها⬅️⬅️⬅️

1- طبعا كل الحاجات الي قولت بتحصل مع الام فوق زي تعرضها ل الاشعه وكل دا لازم لازم تتجنبها

2- وأن الام تتاكد أنها اتطعمت كل التطعيمات بتاعتها زي تطعيم الحصبه الالمانيه مثلا

3- تتجنب بقا تناول الكحول والتدخين

4- تخلي بالها من الأكل في بيتها وصحتو

5- لو حست ب اي تعب لازم لازم متطنشي ولازم تروح للدكتور

_________

ال treatment بقا واخيرا :-

طبعاا علاجوو دا طويييل جدا ومش بيخلص طبعا من يوم وليله 🙂
بيحتاج مساعده من مجموعه من الدكاتره كلهم بيشتغلو مع بعض

⬅️بيدا الاول الموضوع بدكتور المخ والأعصاب بيبدا يدي ادويه لعلاج الكهربا الذياده و المشاكل الي ممكن تكون موجوده

⬅️وطبعا دكتور العظام انو لو عندو تشوهات أو اي حاجه هيبدأ يشوفها

⬅️ودكتور الاطفال الي بيكون ليه نظره في علاجات الاطفال يعني لو فيه برد أو فيه اي حاجه عشان تتناسب مع امراض المخ والأعصاب

⬅️وطبعا طبعا طبعا العلاج الطبيعي دا أيه الدووور الاكبر انو بيأهل الطفل انو يبدأ يمشي ويقعد ويعرف يتعامل عل الاقل ب ايديه
كل دا دكتور العلاج الطبيعي بيعملها

⬅️اخصائي التخاطب والي بيكون مسؤول عن الكلام

⬅️وكمان المريض دا ممكن يحتاج لجراجه العظام

وزي م قولنا بيحتاج تكاتف من مجموعه دكاتره بشكل كبير جدا كلهم بيشتغلو مع بعض لمحاوله انو الطفل يرجع ل اهلي درجات انو يبقي طبيعي .

08/08/2023

💥هنتكلم عن حالات tennis elbow وطبعا هتقابلنا كتير في مراكز العلاج الطبيعي:-

🔴ف اللي لازم ناخود فكره عنو

انو في علاقه بين ال rhomboid ms و tennis elbow

يعني الوقتي
,,
ال rhomboid بتعمل retraction فى ال scapula لو حصل فيها weakness هتبقى ال scapula مايله اكتر ناحيه ال protraction
ودة هيزود عندى ال internal rotation فى ال Shoulder ودا هيعملى pronation فى ال elbow طبعا ودا هيعمل stress اكتر على ال elbow common extensor origin اللى هو lateral epicondyle

بس مش دا طبعا الtennis elbow بس 😭
ف المفروض هنعمل examination للعيان لما يجيلنا خاصه لو جاي عندو مثلا
🛑Rounded shoulder
🛑Forward head
🛑Hyper kyphosis
🛑Lateral winging
تمام كده
________________________________________________________________________

🛑المهم بقا الوقتي احنا عندنا test هنشخص بيه الحاله دي
اسمو Mill's test

🛑ودا هقول بيتعمل ازاي
المريض بيبقي واقف او قاعد وانا واقف جنبه وبحطله ايده في Pronation و Flexion Wrist وبعدين من الوضع دا باخدله ايده Passively ويعمله Full Extension في ال Elbow ، يعني بفردله ايده

🛑لو التيست دا بقا Positive :
انا هعمل Palpation لل Lateral Epicondyle في نفس الوقت اللي المريض بيعمل فيه ال Test فا المريض هيحس بألم في ال Lateral epicondyle وكدا اتاكدنا انو فيه Tennis elbow او Lateral Epicondylitis

🛑التيست بيبقي Negative :
⬅️لو المريض قدر يعمل الوضع دا من غير اي ألم او اي مشاكل خالص

________________________________________________________________________

🛑بيجي بسبب اي ؟

⬅️بسبب اني بكرر الحركه كتير زي لاعبين التنس كده تكرار الحركه دا بقا عندهم التهاب في ال lateral epicondyle

⬅️او النجارين الي بيستخدو الشاكوش كتييير

ف زي م قولنا. لازم نعرف مهنه او طبيعه شغل المريض اييي لاااااازم

🔴 طبعا كل دا. هيسببلو الم شديد و
لما يجي يضغط عل حاجه ب ايدو هيبقي بيعملها بصعوبه مش هيقدر يضغط اوي هيحس ب الم شديد وقتها

________________________________________________________________________

🔴طب هتكلم ازاي هنعالج الحاله دي:-

⬅️ اهم اهم حاجه الراحه انك تريح ايدك دي متبقاش وجعاك من الحاجه الي بتعملها تروح تعملها تاني 🙂🙂🙂

⬅️تاني حاجه اني احط تلج مكان الالم لمده ١٥ دقيقه من ٣ ل٤ مرات في اليوم وطبعا التلج مش بيتحط مباشره عل جلد المريض وبرضو لازم ننبه عل المريض يعمل كده في البيت يعني نحطها جوا كيس ونفضل نعمل ماساج. لمده ٤ دقايق. وبعدين نمسح الميا ونرجع نعمل تاني وكذلك لحد م نكمل١٥ دقيقه
ولو الالم ذايد اوي وميحتملش يقدر ياخد مسكنات الم بقا

________________________________________________________________________

🔴وبعدين بعمل تمارين استطاله وتقويه

⬅️بصو يعني الوقتي هنخلي المريض يعمل وضعيه ال horizontal add تمام وبعدين يعمل wrist flexion واذود كدا بعمل stretch وبعملو ٣٠ ثانيه من ٣ ل٤ مرات ولو عاوزه اصعبها اكتر أخلي المريض يقفل قبضه ايدو. تمام ويعمل wrist flexion ويزود دا يعتبر تمرين الإستطاله

🔴 الوقتي هنتكلم عن تمرين التقويه

⬅️من نفس الوضعيه بالظبط الي هي horizontal add هنمسك ازازه مثلا في أيدينا. وابدأ احركها. ودا بعملو ٣ مجموعات كل مجموعه ١٠ عدات

🔴في تمرين تاني بقا. بصو

⬅️الوقتي هنجيب فوطه هتبقي في أيدينا ماسكينها من النص وبعدين هنفرد ايدينا قدامنا وهنبدا نعمل حركه العصر. اكننا بنعصر حاجه كدا ونعمل الحركه والعكسيه تمام

⬅️⬅️⬅️وجيبتلكو صوره فيها مجموعه تمارين حلوه اوي هتفهمو منها ومبسطه كمان

🔴وطبعا هنحطلو في الجلسه ultrasound وجهاز ال tense عشان يقللو الالتهاب والألم

وبس كده يارب يكون الموضوع بقا واضح ليكو♥️

Dr.Yasmin mohamed-Physiotherapist

09/09/2023

21/08/2023

15/08/2023

14/08/2023

10/08/2023

08/08/2023

Address

Telephone

Website

Alerts

Contact The Practice

Shortcuts

Share

Category