Dr. Hiame Fathy

16/11/2024

📍اطمني انتِ مش لوحدك، هتلاقي الدعم إللي بتدوري عليه لو اتعرضتي لأي شكل من أشكال العنف أو لو تعرفي حد اتعرضله.

خدماتنا مجانية في وحدات المرأة الآمنة منها:
الكشف الطبي.
تقديم المشورة.
الدعم النفسي.
الإحالة للحصول على خدمات قانونية واجتماعية.
وبنضمن لك السرية والخصوصية.

زوري أقرب وحدة ليكي فى مواعيد العيادة الخارجية في الفترة الصباحية، أو قسم الطوارئ طوال أيام الأسبوع- 24 ساعة.
أو كلمي مكتب شكاوى المرأة على ١٥١١٥

بالتعاون مع وزارة الصحة والسكان المصرية و المجلس القومي للمرأة
وبدعم من @ Royal Norwegian Embassy in Cairo ، Agenzia Italiana per la Cooperazione allo Sviluppo - Ufficio Cairo USAID/Egypt AECID KOICA Egypt Office

#ا #اطمني انتِ مش لوحدك
#إحنا معاكى #١٥١١٥

24/10/2024

من الحاجات اللي بالاحظها في كثير من الشباب الصغيرين (وبعض الكبار) إن نظرتهم للمريض النفسي فيها تعالي؛ وكأنهم بعيييييد أوي عن المرض النفسي وكأن المرض النفسي ده حاجة بتحصل لناس تانية خالص مش احنا فباشوفهم مثلا يضحكوا ويتغامزوا على المريض بينهم وبين بعض وممكن يكونوا قرفانين منه أو من التعامل معاه بالإضافة طبعا إلى الخوف منه وكأن كل المرضى النفسيين بيضربوا أو بيؤذوا أي حد بيقابلوه. ده لاحظته مع الطلبة بتوعنا على الرغم إننا بنبذل جهد كبير مع الطلبة في إزالة الوصمة عن المرض النفسي ولكن لسه على ما أعتقد الطريق طويل. دايما باقول إن المرض النفسي كأي مرض عضوي ناتج عن خلل في مواد كيميائية بالمخ و زي ما أي حد ممكن يصاب بمرض السكر أو الضغط أو أي مرض عضوي ممكن برضه يصاب بمرض نفسي فلا يأمن أحد على نفسه أو على أي من أقاربه من المرض النفسي عافانا الله جميعا من كل داء. و مش كل مريض نفسي يخشى منه على نفسه أو على الآخرين نسبة بسيطة جدا هي اللي ممكن تؤذي أحد. عشان كده باحب نتعامل مع المرضى بلين ونشعر بيهم ونتقي الله فيهم عسى الله أن يعفو عنا وعن من نحب اللهم آمين.

25/08/2024

دعوة لكل طلاب الدراسات العليا لحضور دورة بعنوان First Aid Psychiatric Management for Children للدكتورة إيمان جابر مدير ادارة طب نفس الاطفال والمراهقين بالأمانة العامة للصحة النفسية وعلاج الإدمان
بمدرج قسم الطب النفسي في المنصورة
يوم الأربعاء ٢٨ أغسطس الساعة ١٠ صباحا

16/08/2024

للأسف بوست غير موفق تماما ويزيد الوصمة ضد المرض النفسي والأدوية النفسية. على العكس تماما فالانتظام على العلاج يجعل مريض الشيزوفرينيا يعيش حياة أقرب للطبيعية ويكون له حياة زوجية واجتماعية وكمان ممكن يشتغل وينتج مع الاعتراف بإن هناك أعراض سلبية للمرض نفسة سوف تستمر مع المريض ولكن لا تقارن بحال المريض إذا لم ينتظم على العلاج. بعض مضادات الفصام وليس كلها ممكن تؤثر على القدرة الجنسية للمريض ولكن لا تسبب العقم التام وحتى ده له علاج لو صارح المريض طبيبه بالمشكلة هيقدر يعالجها والمريض يعيش حياة زوجية طبيعية. وأخيرا كطبيبة نفسية لو هاعلق على الصورة هانصح المرضى بالالتزام على العلاج والمتابعة لأن الواضح إن المريض لما اتعرض لأزمة نفسية بفقد والدته كانت النتيجة إنه وقف العلاج فعادت له الأعراض مرة أخرى وهذا بالنسبة للعقلاء شيئ غير طبيعي بالمرة. فياريت يعدل البوست لأن أي حد هيوقف العلاج بسببه سيكون في ميزان سيئات كاتب البوست مع احترامي التام لها

واحده من اكتر النهايات الغامضه في السينما هي نهاية فيلم آسف على الازعاج ... نهاية مفهمهاش الجمهور لكنها من أدق النهايات طبياً في الأفلام
قبل مشهد النهاية بنشوف احمد حلمي لوحده مع مراته بعد وفاة ابوه وأمه وبعدين في مشهد النهاية بنشوف احمد حلمي مع مراته واولاده وابوه وامه رجعوا تاني! بعدين يختفوا في الصورة اللي بتصورها الكاميرا في عيد ميلاده وينتهي الفيلم
تفسير دا لأن ادوية علاج الشيزوفرينيا بتخليه مبيخلفش (Impotence) فعشان يخلف ويعيش حياة طبيعيه مع مراته بطل ياخدها وبالتالي رجع يشوف ابوه وأمه تاني