Hanan Elsisi

04/05/2025

ازاي الأم ممكن تكون سبب في بعض السلوكيات الجنسية الشاذة للأطفال ..!

اللي هو إزاى 🤔⁉️

🛑الطبطبه على مؤخره الطفل ليهدأ أو ينام

🛑هز البيبي من المؤخره.... ونومه على بطنه وهزه

🛑جلوس البيبي على رجل ماما أو تيته وهزه

🛑 البيبي يلبس مقاس بامبرز اصغر منه ... او بنطلون ضيق

🛑 نغيرله الحفاض ونسيبه وقت طويل بدون هدوم .... او يقف قدام المرايا ....

🛑يشوف حد بيغير أخوه أخته .... او ماما تدخل قدامه الحمام (من سنه ونص ل فيما فوق)

🛑يلعب لوحده كتير

🛑لمس مؤخره الطفل بطريقة خاطئة ... او تدليك المنطقة الحساسة لفتره طويله او باستمرار

🛑التأخير في التدريب على الحمام .... لبس الحفاض لسن كبير

🛑وجود التهابات او هرش لدى الطفل

🛑 استكشاف الطفل لنفسه أثناء التدريب على الحمام (محتاجه بوست لوحده )

🛑استحمام امام الطفل ...أو استحمام الاطفال مع بعض

🛑الهزار مع الطفل بلمسه من المناطق الحساسه..... او الهزار والضحك علي سلوك جنسي من الطفل

🛑عدم وجود مساحة شخصية بين الأم والطفل والانفصال التدريجي
يعني إيه 🤔
يعني ماما تفضل تلمس الطفل ووشه وجسمه وحب كتير ولمس جسدى بعد السنتين بشكل مبالغ فيه

ان الطفل ينام واضع ايده جوا صدر الام وده بنشوفه مع أطفال اربع وخمس سنوات ومش بينام غير كده

وده بيدى انطباع للطفل...أن الامان بالنسبة هو القرب الجسدي وبالتالي ممكن يأثر عليه بأنه يخليه يقرب من اى حد اى كان هو مين ... وعدم فهم المساحه الشخصية

🛑عدم فصل الطفل في سرير لوحده لسن كبير

🛑قصور الادراك والتأخر اللغوى وجلوس الطفل في الفراغ لوقت طويل وعدم استغلال وقت الطفل ومهاراته

🛑التدليل الزائد والحماية الزائده والاستجابه لكل رغبات الطفل

🛑استخدام الموبايل والشاشات لوقت طويل

🛑عدم ممارسة الرياضة والهوايات

🛑عدم التوعيه بالثقافة الجنسية وحدود جسمه... او التوعيه بشكل خاطئ

🛑عدم الرقابه على الاطفال.....أو تركهم لوقت طويل بدون وجود شخص كبير امين ... وخاصه في وجود الشاشات

🛑رفض الطفل .... نقد الطفل كثيرا ....احساس الطفل بعدم الاحتواء ....احساس الطفل بالفشل أو تمييز أحد الآخرين عنه .... كبت مشاعر الطفل وعدم التعبير عن نفسه.... شعور الطفل أنه غير مسموع

04/05/2025

04/05/2025

كنت بتفرج على فيديو أجنبي بيشرح التأثير النفسي للحرمان من اللمس أو التواصل الجسدي (touch deprivation)، وحبّيت إني أشارككم شوية حاجات ..

فيه تجربة كان ليها تأثير كبير في علم النفس، ودور مهم في فهم طبيعة احتياجات الإنسان .. وإللي قام بيها هاري هارلو مع صغار القرود وإللي مشهورة بإسم (Harlow's Monkey Experiment) ..

خلّيني في البداية أحكي لكم مُلخص التجربة:

وضع هارلو صغار القرود في أقفاص تحتوي على تجسيد من خامات مختلفة لصورة (أُم وأُم كمان) ..

واحدة كانت من أسلاك معدنية، ومعاها إزازة لبن،
والتانية كان عليها قماش ناعم، ومعهاش حاجة ..

والتجربة كانت ببساطة إنه عايز يشوف في الأوضاع المختلفة، الطفل هيستريح أو هيروح لمين .. لأن الشائع كان إن الطفل بيرتبط بالأم عشان هي إللي بتأكله (هاشتاج بديهيات) .. ولكن المفاجأة كانت إن الأطفال معظم الوقت كانوا مع الأم القماشية (الناعمة والدافئة) .. ومش بيبعدوا عنها إلا عشان ياكلوا وبعدين يرجعوا تاني.

ومش بس كدا،
دا كمان لمّا كان بيخوفهم كانوا عشان يستخبّوا ويحتموا ويطّمنوا، بيجروا على الأم القماشية، مش على إللي بتأكّلهم!

ومن هنا يمكن بدأ الاهتمام بشكل أكبر بتأثير الاتصال الجسدي على الإنسان، وإدراك تأثير غيابه ..

الفيديو بقى كان بيشرح بعض النتايج إللي ممكن تترتب على الحرمان دا .. هنتكلم في ٣ نتايج منهم:

١. الشعور بالوحدة ..
غياب الأحضان، أو التربيت على الظهر، أو الإمساك باليد، أو حتى لمسة حنينة من الأحباء ممكن يخلّينا نشعر بالانفصال والوحدة، وبتبدأ المسافة بيننا وبين علاقاتنا تبعد وتوسع .. وكأننا موجودين معاهم، بس منفصلين عنهم وجدانيًا، معاهم بس حاسين إننا لوحدنا.

٢. مرآة الذات أو صورة الجسد ..
طريقة شعورنا تجاه أجسادنا مرتبطة بشدة بالتواصل الجسدي، فعندما نحصل على الكثير من الأحضان، واللمس الجيد، فـ دا بيساعدنا نحس بالرضا عن نفسنا، لكن لو لم نحصل على هذا اللمس المُحِب والحنون أثناء طفولتنا وخلال فترات النمو المختلفة، فـ ممكن نواجه صعوبة في الشعور بالراحة في أجسادنا كبالغين.

ودا ممكن يؤدي إلى مشاكل أكبر تتعلق بالطعام وصورة الجسد، والشعور بعدم الرضا عن مظهرنا، وإللي ممكن يؤدي إلى اضطرابات الأكل أو مشاكل تانية كتير.

٣. العِبء النفسي ..
بعيدًا عن الآثار الجسدية، فالحرمان من اللمس يهدم صحتنا النفسية بصمت، لأن غياب هذا الإحساس الحيوي بالاتصال، والشعور بأننا يُنظَر إلينا ومهمون، يجعلنا أكثر عُرضة للتوتر والاكتئاب .. وزيادة الشعور بالوحدة والانعزال بيخلّي الإنسان ماشي في الدنيا وهو شايل عبء تقيل على كتافه.

الاتصال الجسدي فعليًا تأثيره جوهري على حياتنا، وإحنا بنحتاجه على مدار حياتنا، وخصوصًا في فترات النمو الأساسية بتاعتنا .. وغياب دا للأسف ممكن تكون عواقبه صعبة على حياة الشخص طول حياته.

03/05/2025

نشاط أعبّر عن مشاعري … متعة وتعلّم بدون تكلفة!

هل تبحثين عن وسيلة بسيطة تساعد طفلك على التعبير عن مشاعره؟ إليك هذا النشاط المبتكر المصنوع من أدوات متوفرة في كل بيت!

الفكرة:
لوحة تفاعلية تستخدم أغطية الزجاجات المعاد تدويرها لتمثيل مشاعر مختلفة، يستطيع الطفل من خلالها أن يعبّر عمّا يشعر به بطريقة بصرية وملموسة.

المواد المطلوبة:
• كرتونة أو ورقة سميكة
• أغطية بلاستيكية (من زجاجات ماء أو عصير)
• قلم ماركر لرسم تعابير الوجه (فرح، حزن، غضب، خوف، اندهاش…)
• لاصق قوي أو شريط لاصق مزدوج
• قليل من الإبداع والكثير من الحب!

طريقة التنفيذ:
1. ارسم/ي شكلًا بسيطًا لطفل أو طفلة على الكرتونة.
2. الصق/ي غطاء في مكان الرأس ليمثل الوجه المتغير.
3. ارسم/ي عدة وجوه بتعابير مختلفة على أغطية زجاجات أخرى.
4. اجعل/ي الطفل يختار الوجه الذي يمثّل شعوره ويلصقه على الشكل.

لماذا هو مهم؟
• يساعد الطفل على فهم مشاعره وتسميتها.
• وسيلة بصرية فعالة، خاصة لأطفال التوحد أو التأخر اللغوي.
• يعزز مفهوم إعادة التدوير والإبداع.
• يمكن استخدامه كنشاط يومي في الروضة أو المنزل.

ملاحظة: يمكن تخصيص النشاط حسب عمر الطفل بإضافة تسميات للمشاعر، أو ربط كل شعور بلون معين.

نصيحة للمربين: لا تسأل فقط “ما شعورك؟” بل اربط الشعور بالموقف:
هل أنت حزين لأن اللعبة انكسرت؟ هل أنت سعيد لأننا خرجنا معًا؟

التعبير عن المشاعر هو الخطوة الأولى نحو الصحة النفسية… فلنبدأها بأغطية زجاجات!

03/05/2025

❤️التربية الجنسية للأطفال👩‍👧‍👦
🌱من سنتين إلى ٦ سنوات🌱
١- تدريب الطفل وخاصة البنات على أن جسمك ملكك ولا يسمح لاحد أن يلمس جسمك.
٢- عدم الهروب من أسئلة الطفل حول الأعضاء التناسلية والاجابة عنها بحقيقة وذكاء
٣- العورة لا تدلع... العورة عورة تنطق بأنها عورة وليس مسمى تانى لا حمامة ولا عصفرة.
٤- نقول للطفل الشيطان بيحب العرى ( إذا العورة تغطى ).
٥- ممنوع لعب الطفل مع الأولاد فى سن المراهقة بتكون عندهم الشهوة متحكمة مع غياب العقل والتربية الدينية.
٦- غرفة النوم تكون مغلقة طوال اليوم مش مغلقة فقط أثناء العلاقة الحميمية بتجذب انتباه الاولاد لما تغلق فى بعض الأوقات وبيسألوا . .
٧- نعلمه تغيير ملابسه بنفسه وعدم الخروج من الحمام عاريا
٨- تعويد الأطفال لبس الملابس الداخلية لعدم كشف العورة.
٩- ننمى فى الأولاد المراقبة الذاتية.
١١- الفصل بين الأولاد فى الفراش عند البلوغ .
١٢- نعلم الأولاد الاستئذان وخاصة عند الدخول على الأب والأم.
١٣- نعلمهم احترام الخصوصية ونحترم الخصوصية عندهم.
١٤- نحكى لهم قصة سيدنا موسي وبنات شعيب.

29/04/2025

خوفك وقلقك تتحكم به - غالباً - منطقة صغيرة جداً في الدماغ تسمى اللوزة Amygdala .
‏ولكي تخفف نشاطها السلبي بشكل عاجل تنفس بعمق ومارس الركض أو المشي السريع . ‏

النشاط السلبي الزائد لمنطقة الخوف والقلق في الدماغ التي تسمى Amygdala قد يتسبب في اختلال عمل مقدمة الدماغ prefrontal cortex المسؤولة عن التفكير والتحليل واتخاذ القرارات، لذا فحين نخاف قد نتصرف بشكل خاطئ!
‏عود نفسك على الاسترخاء، فلن تحتاج أغلب الاحيان أن تتخذ قراراً في نفس اللحظة!

15/03/2025

📌“إزاي أطمّن لحد لدرجة إني أتجوزه؟ 🤔”

السؤال ده بيجي في دماغ ناس كتير، خاصة مع كمية العلاقات الفاشلة اللي بنسمع عنها حوالينا.

✔️ الأمان – مش بس الأمان المادي، لكن الأمان النفسي والمعنوي.. تحس إنك مرتاح معاه، مش خايف من ردود أفعاله، مش مضطر تراقب كل كلمة بتقولها.

✔️ الاحترام – إنك تلاقي حد بيحترمك في وجودك وغيابك، بيقدّرك حتى في الخلاف، مش بيدور على نقطة ضعفك عشان يكسرك بيها.

✔️ الوضوح – مش لازم تكون شايفه مثالي، بس لازم تكون شايفه واضح، مش بيخبي عنك جوانب من شخصيته، ومش بيتغير 180 درجة حسب المواقف.

✔️ طريقة التعامل في الأزمات – الحب سهل في الأوقات الحلوة، لكن وقت المشاكل والخلافات هو اللي بيكشف حقيقة أي شخص.. لو بيتعامل بعقل واحترام وقتها، فده مؤشر قوي.

✔️ هل أنتوا شبه بعض؟ – مش شرط يكون نسخة منك، لكن على الأقل يكون فيه تقارب فكري وأهداف مشتركة، لأن بعد الجواز العِشرة بتسبق أي مشاعر تانية.

الجواز قرار حياة، لازم يكون مبني على أساس متين، مش مجرد لحظة انبهار أو ضغط من اللي حوالينا. خد وقتك، فكر بعقلك وقلبك، واسأل نفسك دايمًا:
“لو اختفى الحب، هل العلاقة دي تقدر تكمل؟” 🤍

09/02/2025

كيـف تساهـم فـي اضعـاف شخصيـة طفلـك 🤔