مؤسسة دكتور جمال عبد الباسط العلمية التأهيلية

16/08/2025

كل مرة بسأل مستر محمد اشرف.. فين ابداعاتك انت والتيم .... فيبهرني بأفكار وشغل ونتائج ملموسة فوق الرائعة
Mohamed Ashraf
تابعونا في الكومنتات

16/08/2025

بصوا بقى النشاط دا واهدافه الكتير
اتجاهات وادراك مكاني
تركيز وانتباه
ذاكرة
ظرف زمان ومكان مع بعض
مع المبدع مستر محمد

30/07/2025

الي يعرفني من أولياء الأمور هيعرف اني دايما بقول دور الجلسات انه يوصلنا مع بعض الاطفال لبر الأمان وأنهم بعدها ممكن يطلعوا من عبائتنا ويروحوا حضانة ويدخلوا مدرسة ويمارسوا حياتهم بشكل طبيعي

وكمان اطفال تانية بقول يفضل نكمل في الجلسات لان الطفل محتاج جلسات حتى بعد ما يدخل الحضانة او مدرسة لتكملة برنامجه وهو في مراحل حياته

واطفال ثالثة بتشتغل جلسات بعد ما بتكون كبرت لمشاكل استجدت او كبرت وعاقت استمرارية النجاح في حياتهم .واصبحنا محتاجين تدخل ممكن يستمر شوية وممكن نشتغل فترة ونوقف برده لأننا اكملنا برنامجنا معاه

الشاهد ياجماعة الخير من الي بقوله دور الجلسات والعلاج السلوكي فعال طبعا بس احنا وسيلة وليس هدف في حد ذاته يعني ايه برده؟؟! يعني هدفنا في الجلسات والعلاج السلوكي ممارسة الحياة بشكل طبيعي واكبر انجاز لي وقت ما اقول للأم شكرا برنامجك خلص ومتجيش تاني وهو دا النجاح الي بدور عليه انا واي اخصائي فاهم الهدف من مهنته

دمتم جميعا بخير دكتور آية نبيل
مدير المركز

28/07/2025

التدريب على حوار (مش بس اجابة سؤال ويكون جملة من كلمتين وثلاثة واربعة )
كمان لازم ندرب الطفل ازاي يطرح ويصيغ سؤال بشكل مفهوم

15/07/2025

متقولش لابنك انت ذكي
قوله انت مجتهد وبتبذل مجهود رائع علشان يواصل بجد
من الاخر ذكي بس هيوقف سعي واجتهاد

11/07/2025

✨ فرصة عمل مميزة لأخصائيين التقييم النفسي والسلوكى ✨

بمؤسسة د. جمال عبد الباسط
استشارى طب مخ واعصاب الاطفال
والاضطرابات النمائية العصبية للاطفال (بالمنصورة والفروع بالمحافظات)

هل أنت أخصائي تقييم متمكن وطموح؟
هل تبحث عن بيئة عمل احترافية، دعم علمي حقيقي، والمشاركة في فرق تشخيصية متعددة التخصصات؟

نحن نبحث عن:
🧠 أخصائي تقييم نفسي وسلوكي و
✔️للعمل بدوام جزئي أو كامل داخل المنصورة،
✔️مع إمكانيات السفر للمحافظات والمشاركة في فرق التقييم بالمحافظات 😃

💼 المهام:

✔️إجراء التقييمات باستخدام مقاييس معتمدة ومقننة (, Stanford Binet, Conners, Gilliam, وغيرها).

✔️إعداد تقارير احترافية لحالات التوحد وفرط الحركة وصعوبات التعلم.

✔️المشاركة في الاجتماعات التخصصية مع فريق التقييم.

✔️المرونة في التنقل والسفر حسب الجداول المحددة.

✅ الشروط:

خبرة عملية لا تقل سنة في تطبيق الاختبارات النفسية والسلوكية والتعليمية.
ويفضل صاحب خبرة فى اعطاء الجلسات ( للتأكد من الفهم العميق لمعنى الاختبارات

القدرة على صياغة تقارير احترافية تتبع اسلوب المؤسسة

التفرغ الجزئي أو الكلي.

الجدية والالتزام المهني (مهم جدا جدا)

💰 المرتب:

مجزٍ جدًا ومناسب للكفاءة والالتزام
ويحدد حسب الخبرة

---

📍 مكان العمل:

المنصورة – داخل مركز طبي متكامل متخصص في الاضطرابات النمائية والعصبية للأطفال

🔗 للتقديم:
ارسل السيرة الذاتية على الواتساب:
01555640043
#توظيف #اطفال #تقييمات #اختبارت

26/06/2025

لما بدأنا نتعلم ادراك مفاهيم الاحجام🔸️🔶️
بدأنا الاول بمفهوم الكبير
وبعدها بدأنا نتعلم مفهوم الصغير 🔸️وهو جنب الكبير🔶️
نقتصر على كدة لا
نجيب حيوانات او أشكال
وندرب دا ايه الاول سمكة
شكلها ايه ؟؟! كبييييييير
وبعدها نميز السمكة الكبيرة عن الصغيرة
نسكت على كدة ... لا😒
اخصائيتنا الجميلة ايمان مش هتسيب دانا الا ما تتأكد بالبرهان والأدلة🤗 انها بتميز الاسم مع الصفة وسط العديد من المثيرات
تصقيف حاد بقى لمس ايمان👏

21/06/2025

تنوع الادوات افضل سبيل لنتيجة افضل 👌
كل هدف نشتغله ندور على نشاط واتنين وثلاثة وأربعة علشان نتقن الهدف ونعمم 👍👍
فنغلف كتب تنمية المهارات ونشمر كدا💪💪 ونشتغل اكتر واكتر
الباقي في الكومنتات
فكرة حلوة يا ماميز فعلوها وادعيلي

يلااا بينا
دمتم بكل الخير
دكتور آية نبيل عبد الحميد
مدير المركز

20/06/2025

بعد ما اشترينا وفعلنا تطبيق اختبار Real scale لدكتور داليا مصطفى تم الوقوف على جوانب لتنمية وتحسين الإدراك اللغوي
والحقيقة اننا بفضل الله كنا قادرين على العمل على نقاط القصور

لكن انا احتياجي لشغل اكثر تنظيم ومنهجية وأنشطة وشغل جاهز ميكونش فيه اي نسبة خطأ.. ويكون مرتب ترتيب قائم على علم وخبرة بالإضافة إلى اني استغل كامل وقت الجلسة مع الطفل في انشطة جاهزة...

وعلى الرغم من خبرتي التي ليست بالضئيلة في المجال الا اني حبيت يكون عندي مرجعية اكبر واعمق

وعليه رجعنا لمجموعة المهارات البرجماتية الاجتماعية لدكتور داليا مصطفى

ولم نكتفي بذلك بل أرسلنا مجموعة من أمهر الاخصائيين لحضور ورشة دكتور داليا الخاصة بهذا البرنامج

الحقيقة اننا أمام كنز فيه شغل رائع لشغل اكثر تنظيم ونتائج أعمق اوفضل

دمتم بخير
دكتور آية نبيل عبد الحميد
مدير المركز

19/06/2025

18/06/2025

SOooOn