د.حامد محمود رزق - استشاري طب المخ والأعصاب

24/06/2025

24/06/2025

العودة إلي أرض الوطن بعد حضور فعاليات مؤتمر الأكاديمية الاوربيه لأمراض المخ والأعصاب الحادي عشر بمدينة هلسنكي فنلندا
وإن شاء الله سيتم العودة إلي العمل بالعيادة غداً

10/03/2023

سلام عليكم جميعا ❤️❤️❤️
بخاخات الشفط الموصوفة لمرضي الحساسية والربو مش لازم نبطلها خالص الايام أو اي بخاخ مكتوب تاخده كل ١٢ أو بخاخ الأنف ساعة الجو في تقلبات كل شوية وده مهيج ومثير للحساسية سواء حساسية صدر أو انف ربنا يعافيكم جميعا ❤️❤️

10/03/2023

عايزة اقولك علي حاجة يا دكتورة نيرمين
ايه اتفضل
انا بطلت اخد البخااااا
انا 👇👇👇

21/02/2023

بلاش مضادات حيوية في دور البرد مالوش اي داعي
#طيب ده معناه اننا مش بنحتاج ناخد مضاد حيوي ؟؟؟
👇👇👇
لا بنحتاجه في ظروف وشروط معينة واللي بيحددها الطبيب وهو اللي بيختار المضاد الحيوي المناسب وبالجرعة المناسبة 👌👌
#ما فيش روشتة متكررة كل عيان له تفصيلته بالظبط وله حيثياته واللي مش بيعرف يحددها الصيدلي ولا دكتور مش متخصص 👌👌❤️❤️
#عيادة دكتورة نيرمين ابراهيم ابراهيم
شارع حسين بك بجوار مسجد حسين امتداد بنك مصر

للحجز ٠١٠٩٠٠٧٥٣٠٦

21/02/2023

21/02/2023

سلام عليكم جميعا ❤️❤️
عايزة اكمل موضوع امبارح دوار الحركةوخصوصا في الاطفال 👇👇👇
عايزة اعرفكم أنه في البنات أكثر من الاولاد مش معروف ايه الأسباب بس غالبا جينات 🤦
#اما تيجي تخرجي مع أطفالك حاولي ما ياكلوش حاجة قبل الخروج بس لو المشوار طويل وهيجوعوا اكليهم حاجات خفيفه ما يكونش فيها دهون ولا حامي ويكون قبل الخروج برده وشربيهم جنزبيل 👌👌
#خليهم يبصوا من وقت للتاني علي الطريق ويشوفوا حركة العربية ويشوفوا الاشياء والمباني وهي بتتحرك عشان يحصل توازن بين رؤية الحركة والاحساس بالحركة 👌👌
#بلاش يبصوا علي الموبايل او اي حاجة في العربية دائما يبصوا من الشباك ويكون فيه تهوية جيدة وبلاش يكون فيه روائح نفاذة أو قوية في العربية👌
#حاولوا اشغلوا العيال في العربية اتكلموا معاهم غنوا معاهم
# لو داخوا برده حطوا علي جبينهم فوطة مية باردة وخرجيهم من العربية يتمشوا أو نيميهم علي ضهرهم ويغمضوا عنيهم وياريت يناموا شوية🤦
خليهم يقروا اليفط اللي في الشارع المهم تشتتوا انتباههم طول الطرق لو بليل يناموا 🙋
وطبعا استشيروا طبيبكم في الأدوية المناسبة 👌
يارب اكون قدرت أفيدكم في الموضوع
شيروا عشان الكل يستفاد

21/02/2023

سلام عليكم جميعا ❤️❤️❤️
#زي ما وعدت استاذ احمد يونس أبرز المتابعين اني اعمل بوست عن اسباب نقص السكر في الدم لغير مرضي السكري وهو فعلا سؤال مهم جدا جدا وكمان بيحصل كتير 👌👌
#فيه اسباب شائعة وأسباب غير شائعة هنسردها كلها أن شاء بس مش في بوست واحد عشان ما اطولش عليكم
ركزوا معايا من فضلكم 👇👇👇
#عادة السكر بينزل في الدم لدرجة أن ممكن يحصل غيبوبة نقص سكر 😰😰في مرضي السكري لو اخد جرعة الأنسولين أو أدوية السكر من غير ما ياكل بعدها عشان كدة بناكد علي مريض السكر أنه لازم ياكل بعد جرعة الأنسولين وأدوية السكر 👌👌👌
طيب ايه اللي يخلي واحد طبيعي ينقص السكر عنده وهو مش مريض سكري 👇👇👇
#الأسباب المنتشرة بتكون الصيام الطويل أو ممارسة نشاط بدني مجهد من غير اكل او عمل دايت قاسي جدا او تناول أدوية لنقص السكر بالغلط أو من غير داعي 🤕🤕
اسهال وترجيع شديد أو فقدان الشهية🥹🥹
#تناول بعض الأدوية بتسبب نقص السكر في الدم
#زي الأدوية ضد الملاريا واللي بيتم استخدامها احيانا في الروماتويد زي الكلوركين
#بعض مضادات اضطراب نبضات القلب مثل السيترولين
#بعض المسكنات ومضات الالتهاب مثل اندوميثازسين
#بعض المضادات الحيوية زي جاتيفلوكساسين وده اصلا تم حظره من الأسواق عشان السبب ده غالبا👌👌
#بعض جراحات الجهاز الهضمي زي جراحات السمنة تكميم المعدة وجراحات ارتجاع المرئ
#تناول الكحوليات 🤬🤬
دي اسباب بسيطة ومجرد لما نبطلها بيحصل توازن الجلوكوز في الدم أن شاءالله 👌👌
#فيه اسباب تانية بس كلها بسبب أمراض ومعظمها امراض خطيرة أو صعبة عشان كدة نعملها في بوست لوحدها أن شاء الله
ربنا يعافيكم جميعا ❤️❤️

ياريت تشاركوا عشان اكبر عدد يستفاد وياخد باله وتكونوا شركاء في الثواب باذن الله ❤️❤️

21/02/2023

سلام عليكم جميعا ❤️❤️❤️
هنعرف النهاردة الأسباب المرضية لنقص السكر في الدم 👇👇👇
#الفشل الكلوي وده لان الكلي فقدت الكفاءة بتاعتها في تخليق الجلوكوز والتخلص من الأنسولين الزائد اللي بيفرزوا الجسم وعدم قدرة الكلي علي التخلص من الأدوية التي تسبب نقص السكر وكمان فقدان الشهية لمرضي الفشل الكلوي 😩😩
#امراض الكبد زي التهاب الكبد وتليفات الكبد وسرطان الكبد
#امراض الغدد الصماء زي الغدة الكظرية (مرض اديسون )
وأمراض الغدة النخامية زي نقص هرمون النمو عند الاطفال وأمراض الغدة الدرقية
#الورم الأنسوليني وده ورم في البنكرياس بيعمل إفراز زائد ل الأنسولين بيكون اكتر في النساء من سن ٤٠ ل ٦٠ سنة بس ده ورم مش بينتشر الحمد لله مجرد ما بيتشال بيبقي كله كويس أن شاء الله👌👌
#كل المطلوب مننا أننا لو لقينا حد بينخفض سكره من غير سبب واضح زي أنه بيصوم كتير أو بيجوع كتير وبيعمل إجهاد من غير اكل نبعته فورا للطبيب للفحص الطبي واستبعاد الأمراض اللي قلنا عليها
دمتم سالمين في رعاية الله وحفظه و امنه ❤️❤️❤️