Shrouk 𝗘𝗹𝗙𝗮𝘆𝗮𝗱

25/01/2026

أحيانًا الاكتئاب ما يظهرش بصوت عالي بييجي في صورة ثقل على الصدر في صحوة متعبة في إحساس إنك عايش بنص روح تضحك قدام الناس وترجع لنفسك فاضي كأنك سيبت حتة منك في مكان ومش عارف ترجعها تبقى محتاج طمأنينة بس مش قادر تطلب محتاج تتكلم بس الكلام تقيل ومحتاج حد يصدقك من غير ما يدي نصايح الاكتئاب يخليك تشك في قيمتك وتصدق إنك عبء وتنسى إنك إنسان بيتوجع مش إنسان فاشل يخليك تحارب يومك لوحدك وتلوم نفسك على تعب ما اخترتوش بس الحقيقة إن اللي حاسس بيه ده مش ضعف ده ألم محتاج أمان محتاج حد يسمع لحد الآخر ويقولك أنا شايفك ومع إن الطريق ساعات بيبان طويل بس فيه طريق وفيه نور هادي وفيه شفا بيبتدي من أول مرة تعترف إنك تعبان ومش لوحدك

✍️ شروق الفايد

17/01/2026

الاحتراق النفسي
مش ضعف ده روح اتضغطت أكتر من طاقتها إنك تصحى تعبان من غير سبب تكره حاجات كنت بتحبها تحس إنك بتدي ومفيش حاجة راجعة ده مش كسل ده احتراق الاحتراق النفسي بييجي لما تفضل قوي طول الوقت وتسكت عن تعبك وتحمل فوق طاقتك علشان ما تزعلش حد
أخطر حاجة فيه إنك تبتدي تلوم نفسك وتقول أنا اتغيرت مع إن الحقيقة إنك اتستنزفت لو حاسس بده وقف شوية استريح من غير إحساس بالذنب اطلب مساعدة وافتكر إنك إنسان مش
ماكينة الراحة مش رفاهية الراحة علاج

✍️ شروق الفايد

06/01/2026

أول خطوة هتغير حياتك فعلًا إنك تبطل تكره نفسك
مفيش شفاء هيبدأ وصوتك الداخلي أقسى من أي حد ومفيش تغيير هيكمل وإنت واقف كل يوم تحاسب نفسك على وجعك اللي عاش كتير في القسوة بيتعلم يقسو على نفسه ويفتكر إن الجلد قوة وإن القسوة حمايةوهي في الحقيقه استنزاف بطيء للروح
مش هتعرف تبني حياة جديدة بعقل بيكسرك ولا هتعرف تحب حد أو تثق في الدنيا وإنت مش أمان لنفسك التحول الحقيقي بيبدأ لما تبص لنفسك وتقول أنا تعبت ومش غلطان لما تختار تحتوي نفسك بدل ما تحاكمها وتبقى ضدها مش ف صفها حتى وهي مش كاملة وحتى وهي موجوعة
حبك لنفسك مش رفاهية ولا أنانية ده إنقاذ
وساعتها هتكون أول مرة تقرر تعيش بجد مش بس تكمل

✍️ شروق الفايد

04/01/2026

28/12/2025

الأنانية مش إنك تحب نفسك
الأنانية إنك تبقى عارف إزاي تحل المشكلة مع الشخص
وتختار تسيبه في وجعه وصدمته
وأنت ماشي ولا كأن حاجة حصلت
في فرق كبير بين اللي بيحافظ على نفسه
واللي بيكسر غيره بإيده
اللي بيحب نفسه بجد
ما يسيبش حد معلق ولا يمشي من غير توضيح
يهرب ويسمّي ده راحة نفسية
عشان راحتك النفسية
ما تيجيش على حساب وجع غيرك
وإنك تختار تمشي صح
أهم بكتير من إنك تمشي بس
✍️ شروق الفايد

21/12/2025

مش الصح ان نفسك تهون عليك وتوجعها مرتين مره لما تتصدم فى شخص معين والمره التانيه لما تتأثر نفسيا وتصاب بإكتئاب اوعى تفتكر ان كسرتك ممكن تغير الشخص الى وجعك ويندم بالعكس هو هيكمل حياته لان متعود يعز من نفسه ويحبها وانتا هتفضل طول الوقت مش قادر تتقبل الصدمه و الوجع
دايما خلى العباره ديه قدامك( طالما انتا كويس ومخلص وجالك اى وجع او زعل من حد تأكد أنك مقصر فى حق نفسك عيد ترتيب اولوياتك مع نفسك ساعتها هتكون مبسوط وبدون خسائر )

✍️ شروق الفايد

17/12/2025

أوعى تستهين بحد جاي لك موجوع وبيحكيلك
الكلام اللي طالع من قلب متكسر مش هزار
والوجع اللي بيتحكي مرة
ممكن ما يتحملش استهزاء
اسمع كويس واحترم الوجع
لأن اللي بيحكيلك وجعه وثق فيك
وكفاية عليه شجاعة إنه اتكلم
ما تزودش عليه وجعه بكلمة في غير مكانها
مش كل اللي بيضحك بخير
ومش كل اللي سكت
قادر يستحمل أكتر
خليك رحيم

✍️ شروق الفايد

15/12/2025

تغيّر الشخصية مش دايمًا وحش
أحيانًا بيبقى نتيجة وجع
أو درس اتعلمناه غصب عنّا.
اللي اتغيّر ما بقاش قاسى
ده بس بقى فاهم أكتر

✍️ شروق الفايد

13/12/2025

مايفعله النرجسى مع ضحيته

النرجسي لا يدخل حياتك
هو يقتحمها ليهدمك
يقرأ نقاط ضعفك بدقّة ثم يضربك بها
يحبك بقدر ما يسيطر عليك
كلما صبرتَ أكثر احتقرك أكثر
يكسر ثقتك ثم يضحك على ارتباكك
يسرق نورك ويقنعك أنك المظلم.
يجرّك للهاوية
ثم يسألك: لماذا سقطت؟
البقاء معه ليس حبًا
إنه انتحار بطيء
والنجاة ليست خيانة بل شجاعه

✍️ شروق الفايد

11/12/2025

الشخصية الحساسة

أصحاب الشخصيات الحساسة بيعيشوا الحياة بعمق أكبر
بيشعروا بكل لحظة وكل كلمة وده بيخليهم أكثر قدرة على التعاطف صحيح الحساسين بيمروا بتحديات لكن حساسيتهم بتديهم قوة كبيرة خصوصًا لما يتعلموا اذاى يحموا مشاعرهم ويستفيدوا منها
الحياة مش دايمًا سهلة لما تكون حساس لكن ده بيخليك قادر على الإحساس بكل شيء بعمق حساسيتك مش ضعف، هي قوتك الحقيقي

✍️ شروق الفايد