https://www.facebook.com/1276549522374330/

معمل الصحابة للتحاليل الطبية, سندوب, Mansoura (2026)

29/10/2024

السلام عليكم ورحمة الله وبركاته
أخيراً بفضل الله وتوفيقه تم استعادة هذه الصفحة
والحمد لله الذي بنعمته تتم الصالحات

26/08/2021

نلاحظ حالات كثيرة يقل فيها عدد الصفائح الدموية عند الحوامل فهل هناك علاقة بين قلة الصفائح والحمل؟

أيوة طبعا في علاقة مؤكدة ولكنها قيد الدراسة . الحقيقة إن دي حاجة موجودة في حوالي 10 % من الحوامل واسمها Gestational thrombocytopenia وغير معروفة السبب بشكل تام .

إلا أن الأسباب المقترحة للحالة تكمن في طريق الإنتاج من النخاع وطريق التكسير في الطحال ، وبيان ذلك :

1- نقص الفيتامينات خاصة B12 بسبب الحمل يسبب نقص إنتاج الصفائح في النخاع .

2 - فضلات الجنين تسبب تضخم في طحال الأم خلال فترة الحمل وهذا التضخم يزيد من نشاطه في تكسير وامتصاص الصفائح بالإضافة إلى تكسير كرات الدم الحمراء ..

أغلب النساء اللي بتتعرض للحالة دي بتختفي عندهم المشكلة وبيتحسن عدد الصفائح تدريجيا بعد الولادة ولا يتم تشخيصهن كحالة من حالات نقص الصفائح المرضية .

تحياتي
د محمود سعد
معمل الصحابة للتحاليل الطبية بالمنصورة

26/08/2021

معلومات ضروري تعرفها لو بتشتغل في مجال التحاليل الطبية :

لماذا يفضل السيرم على البلازما في التحاليل التي يصلح لها الاثنين ؟

بداية هناك تحاليل متنفعش غير سيرم وأشهرها الكالسيوم وده لأنه أصلا مش موجود في البلازما.
وهناك تحاليل متنفعش غير في البلازما مثل عوامل التجلط لأنها مش موجودة في السيرم لأن سيرم يعني حصل جلطة وعناصر التجلط استهلكت فيها.
لكن في الحقيقة أغلب التحاليل تنفع من الاتنبين ، التحاليل دي بقى يفضل تتعمل في السيرم مش في البلازما. وده سببه وجود جزيئات كبيرة في البلازما اللي هي عوامل التجلط ودي منها بروتينات ذات وزن جزيئي عالي.
الجزيئات دي ممكن تتدخل في تفاعلات السيرولوجي فتعطي خشونة خادعة لثقل وزنها وكبر حجمها وممكن تتداخل مع تفاعلات الكيمياء خاصة اللي بيستخدم فيها كمية كبيرة من العينة مقارنة بالرئجنت (زي تفاعلات الكينيتيك)
لذلك بشكل عام يفضل السيرم على البلازما.

ــــــــــــــــــــــــ

- الكالسيوم مش بيتعمل من البلازما المسحوبة على ايديتا او سترات لأنها عوامل تتفاعل مع الكالسيوم ، لكن ينفع من البلازما المسحوبة على هيبارين لأن الهيبارين مش بيتفاعل مع الكالسيوم.

- السكر يفضل من البلازما اللي مسحوبة على فلورايد لأن الفلورايد بيمنع استهلاك السكر مع الوقت.

- البلازما المسحوبة على فلورايد مينفعش يتعمل منها انزيمات

- صورة الدم مينفعش تتعمل من عينة مسحوبة على هيبارين لأنه مش بيحافظ على الصفائح

ــــــــــــــــــــــــــ

لو سحبت على مانع تجلط وحصل جلطة يبقى العينة مرفوضة لأن الجلطة مهما كانت ضعيفة بتستهلك جزء من البروثرومبين ومن باقي عوامل التجلط .
عشان كده عينة فيها جلطة يبقى متنفعش في تحليل البروثرومبين ولا في أي تحليل من تحاليل السيولة أو سرعة الترسيب أو ACTH أو HbA1C وغيرهم .
ممكن يبقى تأثيرها بسيط على السكر لو كانت جلطة بسيطة في عينة مسحوبة على فلورايد.

ـــــــــــــــــــــــــــ

بالنسبة لتحليل السيولة لازم نسبة الدم والسترات تكون مضبوطة
لو كمية الدم جت كبيرة شوية مفيش مشكلة ممكن نزود نسبة من السترات تكافئ الدم الزيادة.
يعني لو نص مل زيادة من الدم نزود عليه بسرعة 50 ميكرو سترات .
أما لو الدم ناقص مفيش حل غير عينة أخرى أو تكمل العينة بسرعة لو كان المريض لسه موجود والعينة الأولى لسه مسحوبة.

د محمود سعد
معمل الصحابة للتحاليل الطبية بالمنصورة

25/08/2021

إزاي نعرف نوع الأنيميا من قراءة تحليل صورة الدم ؟

أول ما نمسك التقرير نروح مباشرة على الهيموجلوبين وعدد RBCs لو لقينا حاجة من الاتنين منخفضة عن الطبيعي يبقى نقول ان في أنيميا . لأن الأنيميا هي انخفاض قيمة الهيموجلوبين أو عدد كرات الدم الحمراء.

طيب عرفنا إن في أنيميا، إزاي بقى نحدد نوعها ؟

نروم ح على MCV ونشوف هي طبيعية ولا أقل من الطبيعي ولا أكبر من الطبيعي ؟

أولا : لو MCV أقل من الطبيعي :
ـــــــــــــــــــــــــــــــــــــــــــــــــ
تبقى كرات الدم في الحالة دي microcytic وغالبا بتبقى microcytic hypochromic .
ودي هتبقى حاجة من اتنين ، يا إما Iron Deficiency Anaemia يا إما Thalassemia .

طيب نفرق بينهم ازاي ؟
نبص على RDW اللي هو اختصار Red Cell Distribution Width وده مقياس لمعدل الاختلاف بين حجم الخلايا الحمراء لنفس الحالة. بمعنى انه لما يزيد يبقى الاختلاف في شكل وحجم الخلايا كبير، ولما يقل يبقى الخلايا متشابهة.
في حالات الـ Thalassemia تكون الخلايا متشابهة جدا أي يقل فيها RDW لأنها نفس الحجم .
بينما في حالة أنيميا نقص الحديد بتكون فيها الخلايا غير متشابهة ومختلفة الشكل والحجم anisopoikilocytosis وبالتالي يرتفع فيها RDW .

يعني م الآخر ، لما تلاقي MCV قليل تبقى microcytic hypochromic . ودي هتبقى حاجة من اتنين ، يا إما Iron Deficiency Anaemia يا إما Thalassemia . تبص على RDW : لقيته قليل تبقى Thalassemia ، لقيته عالي تبقى نقص حديد .

ولو شكينا إنها Thalassemia يبقى نعمل hemoglobin electrophoresis للتأكيد .

ـــــــــــــــــــــ

ثانيا : لو MCV أعلى من الطبيعي :
ـــــــــــــــــــــــــــــــــــــــــــــــــــ
تبقى كرات الدم في الحالة دي macrocytic .
ودي تبقى حاجة من تلاتة hemorrhagic anemia أو Megaloblastic anaemia أو Hemolytic Anemia .

طيب نفرق بينهم ازاي ؟

لو hemorrhagic هيبقى في شكوى من النزف وهيبقى في أعراض النزيف . كمان الحديد يفقد خارج الجسم لأنه بيخرج في الخلايا ، وبالتالي يبقى الحديد قليل لو هنقيسه .

طيب كده لسه عندنا احتمالين : Megaloblastic anaemia أو Hemolytic Anemia .
نعمل ايه ؟
احنا عارفين إن Reticulocytes بتبقى طبيعية في حالة Megaloblastic ، وترتفع في حالة Hemolytic .

يبقى نعمل Reticulocytes ، لو طلعت طبيعية تبقى Megaloblastic .
ولو طلعت عالية يبقى Hemolytic .

ولو عايزين نعرف هي هيموليتيك acute or chronic يبقى نعمل الصفراء لو عالية تبقى acute ولو طبيعية تبقى chronic .

ــــــــــــــــــــ

ثالثا: لو MCV طبيعي مع وجود أنيميا ( الهيموجلوبين أو العد الأحمر منخفضين) :
ــــــــــــــــــــــــــــــــــــــــــــــــــــــــــــــــــــــــــــــــــــ

تبقى كرات الدم في الحالة دي normocytic .
ودي تبقى aplastic anemia أو Hemolytic Anemia أو تحديدا هيموليتيك بسبب Hypersplenism .

طيب هنحددها بالضبط ازاي ؟

هنشوف الخلايا البيضاء والصفائح :
لو طلعوا طبيعين تبقى حالة Hemolytic Anemia ، وهنتأكد كمان بإن الخلايا الشبكية تبقى عالية.

طيب لو الخلايا البيضاء والصفائح طلعوا منخفضين يعني المريض عنده panecytopenia يبقى ايه الوضع ؟

ما دام في panecytopenia يبقى سببها حاجة من اتنين : انخفاض في انتاج خلايا الدم يعني aplastic anemia أو تنتج طبيعي بس في زيادة في تكسير الخلايا بسبب الطحال يعني Hypersplenism .

طيب نفرقهم ازاي ؟

بالخلايا الشبكية :

لو aplastic anemia هيبقى مفيش خلايا شبكية خالص أو هتبقى قليلة جدا
لو Hypersplenism هتبقى الخلايا الشبكية عالية لأن دي أصلا نوع من الهيموليتيك أنيميا .

ـــــــــــــــــ
انتهى مختصرا قدر الإمكان
د. محمود سعد
معمل الصحابة للتحاليل الطبية بالمنصورة

24/08/2021

موقف بيتكرر كتير ولازم يحصل في كل معمل ولو مش فاهم هتتعرض لإحراج وربما للطعن في دقة نتايجك:
لما نتيجة تحليل INR لشخص ما تطلع مختلفة المرة دي عن المرة اللي قبلها مع إنه بياخد نفس جرعة الماريفان

نتيجة التحليل تتأثر بمؤثرات كتيرة ، المؤثر الأشهر هو فيتامين K في الوجبة . لأن الماريفان بيشتغل أساسا على فيتامين ك، الماريفان بيزود السيولة لأنه بيقلل فيتامين ك في الدم .

فتخيلوا واحد بياخد الماريفان بنفس الجرعة يوميا ومش مثبت كمية فيتامين ك في الوجبة ، طبعا ده هيلخبط في النتيجة لو عمل كل يوم ومفيش دكتور يقدر يظبطله جرعة بالماريفان إلا لما يظبط أكله.

طيب، فيتامين ك موجود في ايه ؟
في كل الخضروات

تخيلوا اللي بياخد ماريفان ومنطلق في أكل الخس أو الجرجير أو الملوخية ولا المحشي ولا ولا ولا .

معلومة بسيطة بس تفرق معاك كتير لو اتعرضت للموقف ده مع أي مريض

24/08/2021

افهم أحسن ما تحفظ : طريقة حساب الـ LDL عن طريق معادلة فرايد والد المشهورة.

أهم حاجة تعرف أن VLDL = TG / 5

نيجي بقى للمعادلة :
Ch = HDL + LDL + VLDL
LDL = Ch - ( HDL + VLDL )
VLDL = TG / 5
so
LDL = Ch - ( HDL + TG/5 )

بس المعادلة دي لا تعطي نتيجة صحيحة في بعض الحالات وهي:
مع تناول الكحول لمرضى الكبد
لو التراي أكبر من 400

د محمود سعد
معمل الصحابة للتحاليل الطبية بالمنصورة

23/08/2021

في فرق بين جهاز مصمم كجهاز POCT وجهاز معمل واخد رخصة POCT عشان يقدر يتوزع على العيادات ومراكز الرعاية

يعني مثلا أي جهاز معمل من الأجهزة الكبيرة بتاعت الهرمونات اللي بتشتغل محاليل وبتعمل كيرفات ممكن تلاقيه واخد رخصة بوكت عشان يزود الفئة المستهدفة في المبيعات بدل ما تبقى معامل فقط تبقى معامل ومراكز الرعاية. خاصة لو كان الجهاز ده بيشتغل تست بتست.

أجهزة هرمونات الصيني كلها تقريبا بتاخد تصريح POCT . عندك مثلا ميندراي ومجلومي وأي فلاش وغيرهم واخدين ترخيص بوكت مع إنها أجهزة محاليل كبيرة ومنها أجهزة بتتوزع عالميا بقوة ولها اسمها ومكانتها.

22/08/2021

كلمتين لازم نبقى عارفينهم كويس : specific - sensitive لما نقولهم على الحاجة اللي بنقيسها في تحليلنا.

باختصار:

لما نقول التحليل ده specific لمرض معين أو إصابة معينة يبقى معناه ان التحليل ده مرتبط بالمرض ده او الاصابة دي . يعني لو طلع النتيجة ايجابي يبقى ده دليل على المرض ده او الحالة دي مش على حاجة تانية ممكن تكون هي سبب النتيجة الايجابية .
أما بقى كلمة sensitive فمعناها إن نتيجة التحليل تتناسب طرديا مع شدة المرض أو الإصابة ، يعني بيعلى التركيز لو اشتدت الحالة وبيقل التركيز لو قلت شدة الحالة.

ــــــــــــــ

أمثلة للتوضيح:

المثال الأول : تحليل A*O :
التحليل ده نقول عليه : specific / sensitive
لأنه متخصص في الكشف عن عدوى بكتيرية معينة الخاصة بالميكروب السبحي من المجموعة أ في الغالب ، تحديدا بيكشف عن الأجسام المضادة Anti-streptolysin O فقط .فبيدل على عدوى معينة .
وحساس للعدوى بحيث لما يتعمل في الوقت المناسب ( أو يتعمل مرتين متتاليتين حسب النظام التشخيصي المعروف له ) هيعطيني نتيجة تتناسب طرديا مع شدة العدوى.

ـــــــــــ

المثال الثاني : تحليل CRP :
التحليل ده نقول عليه : non-specific / sensitive
لأنه غير متخصص لمرض بعينه نقول non-specific ، ولأنه بيعلى ويقل على حسب شدة الالتهابات ويتناسب طرديا مع شدة الحالة فبنقول انه حساس sensitive . بمعنى ان التحليل ده رغم انه مش بيدل على مرض بعينه إلا انه بيعرفني شدة الحالة .

ـــــــــــ

المثال الثالث : تحليل RF :
أهو ده بقى non-sensitive / non-specific
بنقول عنه non-specific يعني مش متخصص في الكشف عن مرض بعينه لأنه بيعلى في حاجات كتير مش مرض الروماتويد بس.
كمان non-sensitive لأن تركيزه لا يتناسب مع شدة المرض يعني ممكن واحد عنده روماتويد والتحليل يطلع نيجاتيف وممكن حالة تانية يطلع تتر عالي جدا مع ان الحالة بسيطة .

ــــــــــــــــــ

الكلام عن التحليل وليس عن كيتس معينة أو طريقة شغل، لأن دي برضه بيتقال عليها نفس الكلمتين لكن يقصد بيها حساسية الكيتس او الطريقة وتخصصها.
الحساسية : إنها تقيس أقل كمية من المادة المقاسة
التخصص: انها لا تشتبه عليها مادة تشبه المادة اللي هنقيسها.

د محمود سعد
معمل الصحابة للتحاليل الطبية بالمنصورة

22/08/2021

بعض تحاليل السيرولوجي لما بنشتغلها لاتكس يظهر فيها تأثير البروزون فتعطي نتائج سلبية في أول تتر رغم أن التركيز يكون عالي .

لذلك يُنصح بعمل تخفيف في السيرولوجي وعدم الاكتفاء بالتتر الأول إن أعطى سلبي

خاصة:
CRP - RF - Brucella

ــــــــــــــــ

البروزون يعني التركيز عالي جدا على مساحة التفاعل فلضيق المسافات البينية الأنتيجين بيمسك أنتيبودي أقل من المطلوب لظهور أجلوتينشين ملحوظ . يعني بيحصل تفاعل فعلا بس مش بيظهر

20/08/2021

نبذة مختصرة عن أنواع الأنيميا وشكل كرات الدم في كل نوع :

مقدمة:
ــــــــــ

تعريف الأنيميا : هي انخفاض قيمة الهيموجلوبين أو عدد كرات الدم الحمراء.

أسباب حدوث الأنيميا : بشكل عام تحدث الأنيميا لأحد ثلاثة أسباب : خلل في انتاج كرات الدم الحمراء - سرعة تكسير كرات الدم - فقد الدم .

وسيأتي إن شاء الله خلال المنشور بعض التفصيل عن تلك الأسباب والميكانيزم التي تؤثر على شكل كرات الدم الحمراء في كل نوع ونتيجة تأثيرها على تقرير صورة الدم.

ـــــــــ

أنواع الأنيميا :

تقسم الأنيميا بأكثر من طريقة ولأنواع كثيرة، فيما يلي نبذة عن أنواع الأنيميا :

1- أنيميا الفقد الحاد للدم Acute blood loss anemia :
ـــــــــــــــــــــــــــــــــــــــــــــــــــــــــــــــــــــــــــــــــــــ
- تسمى أيضا الأنيميا النزيفية الحادة hemorrhagic anemia .
- تكون بسبب فقد الدم بسبب نزيف كما هو واضح من اسمها ، وتكون الخلايا طبيعية قبل بداية النزيف وعند حدوثه normocytic normochromic .
- يحاول الجسم أن يتعامل مع فقدان الدم الحاد عن طريق اخراج النخاع للخلايا سريعا لذلك تكون كبيرة الحجم macrocytic بينما يتسبب انخفاض الهيموجلوبين في تقليل الهيموجلوبين داخل الخلايا فتكون hypochromic
- المميز لهذا النوع هو أنا الخلايا الحمراء تكون macrocytic hypochromic ، كما أن الخلايا الشبكية تزيد عن معدلها الطبيعي.
- الحالات التي يكون فيها chronic blood loss ينتج عنها فقد للحديد خارج الجسم فينقص مستوى الحديد وتنتج أنيميا نقص الحديد .

ـــــــــــــــــــــــــــــــــــ

2 - أنيميا نقص الحديد Iron Deficiency Anaemia :
ـــــــــــــــــــــــــــــــــــــــــــــــــــــــــــــــــــــــــــــــــــــ
- سببها نقص الحديد وغالبا يكون ذلك بسبب الامتصاص أو فقد الدم .
- يتسبب نقص الحديد أمرين مؤثرين على شكل الخلايا الحمراء، وهما: نقص الهيموجلوبين وزيادة سرعة انقسام الخلايا .
- سرعة الانقسام تجعل الخلايا الحمراء microcytic
- قلة الهيموجلوبين مع زيادة عدد الخلايا بسبب كثرة الانقسام تجعل الهيموجلوبين يوزع على الخلايا بكميات أقل فتكون الخلايا hypochromic .
- لذلك فالمميز لهذا النوع هو أنا الخلايا الحمراء تكون microcytic hypochromic ، كما أن الخلايا الشبكية تكون طبيعية لأن الجسم لا يحتاج انتاجها بكثرة .
- كما سبق تتسبب أنيميا نقص الحديد في سرعة انقسام الخلايا مما يؤدي الى انهاك النخاع فتنتج حالة أخرى ثانوية من الأنيميا تسمى bone marrow depression anemia أو aplastic anemia .

ــــــــــــــــــــــــــــــــــ

3- أنيميا بسبب النخاع aplastic anemia
ـــــــــــــــــــــــــــــــــــــــــــــــــــــــــــــــــــ
- سببها اختلال عمل stem cells وعدم قدرتها على انتاج خلايا الدم .
- سببها التعرض للاشعاع والكيماويات أو بعض الفيروسات كالايدز أو بسبب العلاج الكيماوي أو غير ذلك.
- تتميز هذه الأنيميا بانخفاض مستوى كرات الدم جميعها (الحمراء والبيضاء والصفائح) وتعرف هذه الحالة باسم panecytopenia .
- تكون الخلايا الحمراء طبيعية في شكلها وتركيزها ولكن يقل عددها فقط بسبب ضعف القدرة على انتاجها . أي ان الخلايا الحمراء تكون normocytic normochromic وتكون الخلايا الشبكية قليلة جدا أو تختفي .
- تختلط هذه الحالة مع حالة تضخم الطحال إلا أن تضخم الطحال يتبع الـ hemolytic anemia ويتميز بارتفاع كبير في عدد الخلاية الشبكية .

ـــــــــــــــــــــــــــــــــ

4- أنيميا Megaloblastic anaemia :
ـــــــــــــــــــــــــــــــــــــــــــــــــــــــــــــــ
- سببها نقص الفيتامينات اللازمة لانقسام الخلايا ( ب12 و حمض الفوليك ) :
- حالة نقص فيتامين بي 12 تسمى : pernicious anemia
- يتسبب نقص هذه الفيتامينات في نقص nucleic acid اللازم لانقسام الخلايا في مرحلة الانقسام الخلوي، وبالتالي يزيد حجم الخلية وتتهيأ للانقسام ثم يتسبب نقص nucleic acid في عدم انقسام تلك الخلايا بعد أن زاد حجمها، ولذلك تكون الخلايا في هذه الحالة كبيرة الحجم Macrocytic .
- لا يتأثر الهيموجلوبين عند تعبئته في الخلية بزيادة حجمها فيكون محتوى الخلية من الهيموجلوبين طبيعي normochromic .
- المميز لهذا النوع هو أنا الخلايا الحمراء تكون macrocytic normochromic ، كما أن الخلايا الشبكية تكون طبيعية لأن الجسم لا يحتاج انتاجها بكثرة .

ـــــــــــــــــــــــــــــ

5- الانيميا التحللية Hemolytic Anemia :
ــــــــــــــــــــــــــــــــــــــــــــــــــــــــــــــــــــ
تنتج من التكسير غير الطبيعي لكرات الدم الحمراء. وهذا التكسير له ثلاثة أسباب : داخل كرات الدم ، وخارجها، واسباب مناعية.
أ - أسباب داخلية في كرات الدم Intrisic :
- من أسبابها تكوين هيموجلوبين غير طبيعي أو تكوين كرة الدم غير طبيعية ولذلك تتحلل الخلية. مثل Thalassemia - sickle cell anemia
- قد تكون بسبب خلل في الانزيمات داخل الكرية الحمراء. مثل أنيميا الفول التي ينقص فيها انزيم G6PD - ومثل الأنيميا الناتجة عن pyruvate kinase deficiency .
ب - أسباب خارج الكرة الحمراء extrinsic :
- كالسموم وبعض أنواع المضادات الحيوية والأدوية الأخري، والمعادن الثقيلة، وأنواع من العدوى البكتيرية أو الفيروسية .
- هذه الأشياء تسبب تكسر خلايا الدم.
ج - أسباب مناعية immune hemolytic anemia:
- وتنقسم هي الأخرى إلى نوعين : iso-immune hemolytic anemia ، و auto-immune hemolytic anemia .
** أولا : iso-immune hemolytic anemia :
-وتكون عبر انتقال أجسام مضادة عبر المشيمة من الأم الى الجنين . مثل Rh antibody والتي تسبب تحلل كرات دم الجنين إذا كان إيجابي Rh .
- أو تكون عبر انتقال بعض الأجسام المضادة من الأم للطفل عبر لبن السرسوب colostrum .
** ثانيا : auto-immune hemolytic anemia :
-وفيها تتسبب أجسام مضادة مناعية لشخص ما في تكسير كرات دم نفس الشخص.
- قد تكون primary أي أن الأجسام المضادة موجهة مباشرة للخلايا الحمراء.
- وقد تكون secondry أي أن الأجسام المضادة المناعية موجهة لشيء يشبه الخلايا فيكسر الخلايا عن طريق الخطأ.
ـــــــــ
بشكل عام في حالات الأنيميا الناتجة عن تكسير كرات الدم الحمراء يحدث بعض الأشياء المميزة لها، منها :
- ترتفع الصفراء خاصة إذا كان التكسير حاد كما في حالات أنيميا الفول.
- يحاول النخاع إخراج الخلايا بشكل سريع للتغلب على نقص كرات الدم الحمراء فلذلك تتميز بأن الخلايا تكون Macrocytic وتزيد نسبة الخلايا الشبكية بشكل واضح .
- يحدث تكسير الخلايا داخل الجسم وبالتالي لا يقل مستوى الحديد في الدم ، بخلاف حالات فقد الدم .
- في حالات الـ Thalassemia تكون الخلايا microcytic hypochromic ويكون اتساعها قليل بسبب الخلل في تكوينها وتكون متشابهة جدا أي يقل فيها RDW وهذا ما يفرقها عن أنيميا نقص الحديد التي يرتفع فيها RDW بسبب الاختلاف الكبير في أحجام الخلايا.
- كرات الدم يكون لها شكل مميز يشبه المنجل في مرض sickle cell anemia

انتهى مختصرا قدر الإمكان
د. محمود سعد

معمل الصحابة للتحاليل الطبية

29/10/2024

26/08/2021

26/08/2021

25/08/2021

24/08/2021

24/08/2021

23/08/2021

22/08/2021

22/08/2021

20/08/2021

Address

Telephone

Website

Alerts

Contact The Practice

Shortcuts

Share

Category