16/07/2025
"سلسلة هى سلسلة هنتكلم فيها عن مفاهيم عن الدواء تساعدك أكتر على فهم المصطلحات الدوائية.
في الجزء الأول وقبل ما نتعرف على المصطلحات الدوائية خلينا نتعرف يعني ايه دواء؟
هو مادة مخصصة للاستخدام في علاج المرض أو تخفيفه أو الوقاية منه أو تشخيصه.
طيب ايه هى مادة فعالة؟
هي المكون الرئيسي في الدواء الذي يُعطي التأثير المطلوب.
بعض الأدوية بتحتوى على مادة فعالة واحدة وبعضها بيحتوي على أكثر من مكون دوائي فعال، ولكل منها تأثير مختلف في الجسم.
ايه هي المواد غير الفعالة/ المضافة؟
بالإضافة للمادة الفعالة، ممكن يحتوي الدواء على مكونات تانية و بتتسمى ""غير الفعالة""، وبيتم إضافة المكونات دي عند تصنيع الدواء عشان:
تحديد وملأ جرعة المنتج لو كانت كمية المادة الفعالة قليلة جدًا.
بتحافظ على المادة الفعالة من التغيير، فبتحافظ على فعاليتها.
مساعدة الجسم على امتصاص المادة الفعالة بشكل أفضل.
تغيير الطعم لتسهيل تناوله أو إعطائه (مثلًا للأطفال الصغيرين).
تغليف القرص أو الكبسولة لتسهيل بلعها.
"
