30/12/2023
لو عايزين نحافظ على سنان اطفالنا من اول فترة التسنين و طول فترة الرضاعة نعمل ايه ؟!🤷🏻♀️🧐
الحل بسيط اوي زي ما كلنا عارفين الوقاية خير من العلاج 🙅🏻♀️ ف لازم نحافظ على الاسنان و على نضافتها من اول ما تظهر في الفم و دا نعمله بحاجات بسيطة خالص بس مهمة :-
👶🏻 اول حاجة ان بعد كل مرة رضاعة لازم نمسح الاسنان يا اما بقطعة شاش تتحط على اصبع الام و تمسح بيها السنان و اللسان او في فرشة سيليكون مخصصة لكدة 🦷
👶🏻 تاني حاجة الام لازم تتجنب تماما الرضاعة وقت النوم لان دا اكتر سبب بيعرض اسنان الطفل للتسوس 👩🏻🍼.
👶🏻 ثالثا المفروض مع ظهور السنان في فم الطفل نتوجه على طول لطبيب الاسنان عشان يطمن على الاسنان و دا بيبقى عند سن ٦ شهور او على الاقل عند سن سنة و بعدها نزور الطبيب كل ٦ شهور عشان يطمن على الاسنان و لو في اي تسوس بدأ يظهر نلحقه علطول قبل ما يوصل للعصب 🔔.
👶🏻 وطبعا اول و أهم حاجة دايما ان الام لازم تعقم كل حاجة بتستخدمها للطفل زي الببرونة و الفرشاة السيليكون
و غيرها
