04/05/2023
عزيزي مريض طب الاسنان
دول اربع ضروس ورا بعض في فك مريض ….
الضرس الاول فوووق او اللي عليه سهم ابيض
فيه تسوس بنسبه صفر في الميه يعني خالي تماما من التسوس 👌🏻♥️
التاني بعده واللي عليه سهم اصفر فيه تسوس بنسبه ضعيفه تصل الي ١٠ ف الميه
وهكذا
وصولا الي الضرس الاخير بالسهم الاحمر 😳❌❌
واللي التسوس فيه وصل لاكثر من ٩٠ ف الميه من الضرس
تكلفة حشو كل ضرس فيهم مختلفه تماما و مش بنفس السعر ولا نفس الجوده و لا كلهم بيعيشوا زي بعض
اخر واحد ده اللي بايظ كله هيكلفك حشو عصب و دعامات و حشو تجميلي و تركيبات او طربوش و برضه مش هيعيش كتييير للاسف !!!
وممكن يكلفك بعدها زراعه ب الاف كتيييير
اول واحد السليم مش هيكلفك اساسا
والتاني اللي بعده هيكلف بس حشو عادي تجميلي ب سعر زهيد و المفاجاه 😀 هيعيش العمر كله باذن الله
الاختيار عزيزي المريض بإيد حضرتك و الايام دي ماديا مش مستحمله اي تاخير في اسنان حضرتك عشان تتكلف اكتر …. فنلحق اي ضرس مسوس لمصلحتك والله و لمصحلتنا بعدك لاننا فعلا مش حابين اسنانك توصل لاخر ضرس ضايع خالص
رغم ان ده فلوسه لينا كتييير اوي بس مش دي مهمتنا في طب الاسنان ….
الوقايه في طب الاسنان علم بيتم تدريسه في اوروبا و الدول اللي بتقدر الانسان و صحته
وحاليا ماديا و صحيا و ك ألم و وجع و عمر افتراضي ف الافضل لييييك من حيث كل دول انك فعلا تهتم بصحتك
ودي رسالتنا … فاللهم بلغت ♥️♥️
save your teeth save your smile save your life
