30/03/2026
عدوى الالتهاب السحائي عند الأطفال…محتاجين نفهمها بس من غير خوف
◄ الالتهاب السحائي هو التهاب في الأغشية المحيطة بالمخ والحبل الشوكي. الاسم لوحده بيخض… لكن الفهم الصح يطمن جدًا.
◄أسبابه إيه؟
الالتهاب السحائي نوعين أساسيين:
1. فيروسي (الأكثر شيوعًا والأخف غالبًا)
2. بكتيري (الأقل حدوثًا لكنه الأخطر ويحتاج تدخل سريع)
◄أشهر الميكروبات المسببة عند الأطفال:
Neisseria meningitides √ (المكورات السحائية)
Streptococcus pneumonia √ (المكورات الرئوية)
Haemophilus influenzae type b √ (هيموفيلس إنفلونزا)
◄الأعراض اللي لازم ناخد بالنا منها:
√ حرارة عالية مفاجئة
√ صداع شديد
√ قيء متكرر
√ تيبس الرقبة (الطفل مش قادر يطاطي رقبته لقدّام)
√ حساسية شديدة للضوء
√ خمول أو نعاس غير طبيعي
√ تشنجات أحيانًا
√ عند الرضع: انتفاخ في اليافوخ + صراخ حاد مستمر
♦♦ ولازم ناخد بالنا: ظهور الأعراض دي = التوجه للطوارئ فورًا
♥ الوقاية الحقيقية:
الخبر المطمئن جدًا إن أغلب الأنواع الخطيرة لها تطعيمات فعّالة جدًا
◄ التطعيمات المهمة:
√ تطعيم Hib ضمن التطعيمات الإجبارية
√ تطعيم المكورات الرئوية
√ تطعيم المكورات السحائية بأنواعه
أشهر التطعيمات ضد المكورات السحائية فى مصر:
Menactra √ و Nimenrix والاتنين دول بيغطوا الأنواع (ِ(A, C, W, Y
√ Bexsero وده التطعيم الجديد واللى بيغطى النوع B.
ولازم ناخد بالنا ان Menactra و Nimenrix بيغطوا نفس الانواع فمش هيفرق ناخد ايه فيهم بس ال Bexsero مختلف ومش بيغنوا عن بعض لأن نسبة الإصابة بنوع ((B منتشرة بشكل كبير مقارنة بباقى الأنواع فى بعض الدول
> التطعيمات دي بتغطي الأنواع الأخطر والأكثر انتشارًا.
◄ليه بقى بنسمع عن ان الحالات بتكترفي أوقات معينة من السنة؟
في فترات تغير الفصول والزحام المدرسي وزيادة العدوى التنفسية… طبيعي نشوف زيادة نسبية في الحالات.
لكن ده لا يعني وجود وباء ...دي زيادة موسمية معتادة بنشوفها كل سنة.
◄نصائح إضافية للوقاية:
√الالتزام بالتطعيمات في مواعيدها
√ تقليل الزحام والاختلاط وقت العدوى
√ تهوية الأماكن المغلقة
√ تعليم الأطفال غسل اليدين
الوعي + التطعيمات = حماية كبيرة جدًا لأطفالنا
اللهم احفظ أطفالنا من كل سوء.
#السحائى
